رد: فوق هام السحب ( الشعر الشعبي) على متن القوافي
 

خصرك المهيوف طمآعي
إعتزل من عودك ومنّه

عطرك المشموم فوآعي
ترف ينبت فآح من بنّه

همسك يوقض لي اسماعي
صوتك الفتنه يلبنّه

صعب غيرك يقدر إقناعي
من يبدل جنة بجنة

.....

رد: فوق هام السحب ( الشعر الشعبي) على متن القوافي
 

رفيقي الوافي على الراس اغليه
مكانته يرقى لمثن السحايب

اشتاق له لني اعزه وباغليه
حاظر معي حتى ولو كان غايب

.....

رد: فوق هام السحب ( الشعر الشعبي) على متن القوافي
 

‏الحب شايب والفراق ابنه العاق
والوصل غايه والقصايد وسيله

اشتاق وادري منت راجع لو اشتاق
مير العوض ف الذكرياات الجميله

.....

رد: فوق هام السحب ( الشعر الشعبي) على متن القوافي
 

‏ياليت حظي على كيفي وانا اديره
ماكان شليت هم اللي يهموني

ِتمكن الياس مني يالله الخيره
من عقب ماطاحو احبابي من عيوني

.....

رد: فوق هام السحب ( الشعر الشعبي) على متن القوافي
 

يرحم الله والدينك أنت وينك
استلذوا في طعوني كل أبوهم

كانوا يغارون من عشقي لعينك
وضايقوني عقب عينك لعنبوهم

.....

رد: فوق هام السحب ( الشعر الشعبي) على متن القوافي
 

بنت الشيوخ اللي يفكون الأنشاب
خل الغلا والحب تبقى على جنب

تكتب شعر تلفت نظر تحرق أعصاب
والذنب ذنب الشعر هي مالها ذنب

.....

رد: فوق هام السحب ( الشعر الشعبي) على متن القوافي
 

‏تدري وش الي في بعادك له اشتاق
ويش افتقد لمن يطول غيابك

كل الملامح ترتسم بين الافاق
تحضن عيوني من ولها سرابك

ويفز وسط القلب شيٍٍ بالاعماق
كلما ذكرتك صاح فيني هلا بك

.....

رد: فوق هام السحب ( الشعر الشعبي) على متن القوافي
 

المحبة غالية بس المشاعر ماتثمّن
‏والتهوّر في دروب الحب يبغي له جراوة

‏ياحبيبي ودي أسأل لاتخاف أبغى أتطمّن
‏هو غلا ولا كلامك بس من باب الفضاوة

‏خايفٍ أسخي شعوري في دروب الحب ثمّن
‏يطلع الناتج من الأحداث خذلان وقساوة

.....

رد: فوق هام السحب ( الشعر الشعبي) على متن القوافي
 

‏خذتك الظروف ورحت وادري ماهو برضاك
‏وانا رحت اراجع ذكريات أجمل سنيني

‏ما يدري عن اللي بيننا غير أنا وياك
‏حفظت بغيابك ماحصل بينك وبيني

‏على كثر ما مرت ليالي على فرقاك
‏إلى الان وانت أغلى المخاليق في عيني

.....

رد: فوق هام السحب ( الشعر الشعبي) على متن القوافي
 

جاهد غيابه والطواري وضيق البال
‏واردد عسى مايكرهه خاطري خيره
‏
‏ولكن غلاه بكل حالٍ من الأحوال
‏عذاب الخفوق الصعب واجمل مقاديره
‏
‏عليه السلام وخالص الود والاجلال
‏وعليّ الهيام اخفيه ويلوح تأثيره

.....