رد: فوق هام السحب ( الشعر الشعبي) على متن القوافي
 

‏شعوري وانا ماقدر على جيته لاجيت
‏شعور اليتيم اللي كلا حاله اسكاته

‏يشوف الجفى في وجه عمه وكل البيت
‏يشوفون صمته مايشوفون لوعاته

‏بعد موت ابوه وكبر فقده وكلمت ليت
‏اكثر مايوسع ضيق صدره تنهاته

‏مابه ليلة ماجت بطيفه على التوقيت
‏ولا فيه يومٍ يذكره فيه ماماته

.....

رد: فوق هام السحب ( الشعر الشعبي) على متن القوافي
 

‏لاتحاول تستثير العواطف في القلوب
‏كيف أداويّ جرح قلبك وجرحي مابرى

‏رحّ وأنا بروح يمكن تجمعنا الدروب
‏عاد ذاك الوقت يمديك تذكر ماجرى

‏إن قدرت أسج بأسج من حبك وأتوب
‏وإن طرى لي طاري الشوق ماغيرك طرى

.....

رد: فوق هام السحب ( الشعر الشعبي) على متن القوافي
 

لك مدادي من سماي وفيك ظِلـي
‏كلما شحت على الأرض السحابة

‏كم توقى في دقاق حماك جِلي
‏وكم بحثتك فالقصيد وفالكتابة

‏كنت أجيك من أوَل الأيام كِلي
‏لين أكون أكبر سماء وأكثر رحابة

‏إن تبدى لك نحيل الدار طِلي
‏طلةٍ تجلَى عن النفس الكآبة

.....

رد: فوق هام السحب ( الشعر الشعبي) على متن القوافي
 

‏الناس بالدنيا طبايع وعادات
تصعب على الإنسان يرضي بَشَرْها

عليك في دينك وفرض العبادات
واترك بلاوي الكون واحذر خيرها

.....

رد: فوق هام السحب ( الشعر الشعبي) على متن القوافي
 

حب البداوه ياعرب يسلب الروح
كم روح مثلي منسلب في هواها

ياليتني في ديرة البدو مطروح
قرب الغزال اللي ذبحني حلاها

اللي جماله فايق الشمس والضو
حتى القمر يحلم يصل مستواها

.....

رد: فوق هام السحب ( الشعر الشعبي) على متن القوافي
 

خل صدرك على جور الليالي وسيع
‏واعرف إن كل عسرٍ مقتفيه اليسر

‏ولاتحسف على طيبك لو إنّه يضيع
‏راعي الطيب رابح لو خسر ماخسر

.....

رد: فوق هام السحب ( الشعر الشعبي) على متن القوافي
 

يرضيني إني عشت وافي ولابرت
‏وأعلنت بالهرج الصحيح إنطباعي

‏زاد النفاق الإجتماعي وأنا صرت
‏ماعاد أحب أصير شخص إجتماعي

.....

رد: فوق هام السحب ( الشعر الشعبي) على متن القوافي
 

‏اعتبرني مُلاذ تحس قربه بأمان
وأيّ كلمة تخاف تقولها قولها

اعتبرني شعور وفاقده من زمان
وجا يلبّي ندا عينك ومرسولها

.....

رد: فوق هام السحب ( الشعر الشعبي) على متن القوافي
 

‏إنتظاري طلّتك في دجى الليل العتيم
‏إنتظار الجمر للريح من تحت الرماد

‏قبل أعرفك كان قلبي من إحساسه عديم
‏من حوّر عينك عرفت البياض من السواد

‏ماتجاريك الغواني ولا حولك غريم
‏من يجاري سحر الأضداد في خطبة زياد

.....

رد: فوق هام السحب ( الشعر الشعبي) على متن القوافي
 

‏مايستحق العذر ليلة من ليال الانهيار
‏الى رفضته من حقوقي والى التمسته من غلا

‏ليتك مخليني على ضيق احتمال الانتظار
‏ولا تجي وجروحك اكبر من جروحك الاوّلى

.....