رد: اخترنا لكم
 

لا تفتّش فالصدور ولا تتبع كل عله
كل قلب وله ميول وكل عقلً واتجاهه

ولا تكلّف في قبولك والقبول اللي من الله
ما تجيبه بالفلوس و لا تجيبه بالوجاهه

.....

رد: اخترنا لكم
 

والله إن كل الهبايب والنسانيس العليلة
ماتعرف تهبّ من كل الجهات ألا جهتها

والعيون إللي ماشدّ أنظارها برق المخيلة
ماتحب من الدروب إلا الدروب إللي مشتها

.....

رد: اخترنا لكم
 

اضحك وسولف وابتسم للمخاليـق
وخـل الامـل بيـن العيـون وهـدبهـا

دنيـاك ما تسـوا يجي داخلك ضيـق
وايامـك اللـي مـاضيـه لا تحسبهــا

.....

رد: اخترنا لكم
 

يالله طلبتك من كثير الدعاء ثنتين
حياةٍ بعز وموتةٍ بعدها الجنة

آمين

رد: اخترنا لكم
 

السعة هي غاية النفس مامعها خشير
‏ماخذٍ جوي لحالي وعايشٍ في فضاي

.....

رد: اخترنا لكم
 

عزيمتي ‌مايحطمها الزمان ‌الشحوح
والشّمس ‌بكره ‌رُغم أنف ‌الدجى ‌شارقه

ما دام فيني نفس ذرى وفيني جموح
بابٍ وراه اعتزازي طارقه طارقه

.....

رد: اخترنا لكم
 

مابه ثبات ألا على انقاض الشتات
والأحلام لذتها قبل توصل لهـا

واجمل من الإحساس من بعد الصلاة
أحساسك اللي قال قبله صلها

.....

رد: اخترنا لكم
 

ياعظيمه وانتي الاشياء الجديده والقديمه
وانتي اللي لو تصد الارض ماصديت عنها

وانتي اعجوبة زمان الشاعر اللي هل ديمه
وارتوت جدب القصايد لين صح الله بدنها

.....

رد: اخترنا لكم
 

ترى غناة النفس هي أصدق غناه
وترى جمال الشي مـا قل ونــدر

وترى التغافل أكثر أوصاف الدهاه
وترى الذكي هو أغلب العالم حـذر

.....

رد: اخترنا لكم
 

‏النديم الي يعاتب ويتشره
‏لا يخاويني ولا لي معه طرقه

.....

رد: اخترنا لكم
 

تعودنا نقول بخير لا قيل كيف الحال
وحنا ظروف الوقت ما قصرت فينا

.....

رد: اخترنا لكم
 

مْن خسر له غاليٍ بأسباب زلّه
ماقدر ينساه من كبر الخسـاره

.....

رد: اخترنا لكم
 

صدوف الزمن قشرا ونص العرب عدوان
ادور علــــــى بيض النـــوايا ما الاقيها

انا كنت احسب ان العرب كلهم صدقان
عسـى الله يرحـــم هقـــوة كنت هاقيها

.....

رد: اخترنا لكم
 

لم أجد خيبةً تعادل خيبة ابن الفارض
حينما قال:

إِنْ كَانَ مَنزِلَتِي فِي الحُبِّ عِندَكُمُ
مَا قَدْ رَأَيْتُ فَقَدْ ضَيَّعْتُ أَيَّامِي

رد: اخترنا لكم
 

‏العين سـكـرها عن العـور والعـرج
والأذن عن سـمع الهـزيلات صنهـا

واليا بغيت الطيب قلل من الهـرج
ونفسك عـن الهفـوات قصر رسنها

الهـرج كـثـره ينـزلك مـنـزل حـرج
والـصـمـت نـعـمـه مايـقـدر ثمنهـا

حـذراك لاتركب على مايل الحـرج
والنـاس بـالـغــرات لاتخبروها

.....

رد: اخترنا لكم
 

ياطيـــر شلـــوى علم الي بقـــــربه
سكينة الخايف من الخـوف لا جـاه

لا سل سيف الشـــوق بعــد الأحبه
يعـــــود لا عادت جفيـــره ومخباه

مالك شبه في الناس لو قلت اشبه
ولا فــي اشباهك لقاء القلب مئواه

كــــذا تعاملـنا مـــــــع الي نحـــــبه
نتعقــــــب اثــــاره اذا ما لقيــــــناه

.....

رد: اخترنا لكم
 

أناشــــــدك بالله يا شـــــوڤ باللهون
ڤلبي فڤـد يا شـــوڤ كامـــل عزومه

على الحبيب الّلي في الروح مدفون
الغايـــب اللي في خـيالــــي رسـومه

يا شـوڤ خـذنــي وين ماكان ويكون
ودي ازور الـزين واعـــــرف عـلــومه

حـتـى و لو ڤالـــولي الناس مجنون
انا اعـرف المجـــنـــون ما حـد يلومه

.....

رد: اخترنا لكم
 

تبقى الصداقه بصمةٍ للاجاويد
‏خوة على مر الزمان اتجدد

‏خوة نشاما ماتعرف المناقيد
‏تبقى ولو بعد المسافه تمدد

.....

رد: اخترنا لكم
 

غيبي وشيبي واتركي كل ما صار
يبقى جمالك في قصيدي طرايف

خل الكواكب من سـنا نورك تغار
ولا تلحقي نفسك هموم وحسايف

.....

رد: اخترنا لكم
 

لو صاحبك فجأة عليك اتغير
فتش وش اللي ضيقه ما باله

حاول بكل الجهد له لا تخسر
يمكن ظروفه يا اخي قتالة

وان شفت وانه للصحب يتنكر
سامح طريقه واتركه في حاله

قفل ملفه واكتبه بالدفتر
لي صاحب اتغير ولاادري ماله

شف كل من يكسر بيده جبر
والمرء يفنى والبقاء لافعاله

.....

رد: اخترنا لكم
 

‏ياصاحبي ماعاد بالخاطر احلام
لا الروح مرتاحه والا القلب هادي

من كثر ماجارت بنا ظروف الايام
صرنا نــرى صدماتــنا شي عادي

.....

رد: اخترنا لكم
 

لا تـطـري الـفـرقـا ولـوكـنـت مـزاح
فــيني مـن فـراق المحبين صـدمه

.....

رد: اخترنا لكم
 

كل شي في وجـــــودك له حلآ
وكل حرف تكتبه يعني حضور

لو تغيب آلخلق تبقى يآلغلآ
طلّتك عطري وآبيآتك بخور

.....

رد: اخترنا لكم
 

مـره نعالجها ومـره بـدون إعــلاج
ومـره نسيرهـا ومـرات معتـاجـه

وليله تسلينا وليله كـدر وإحـراج
وليله ظـلام وليله انـوار وهـاجـه

.....

رد: اخترنا لكم
 

احنا كـبار القـــوم ركــز عليـــنا
الفرد منــا مـــايفلـــت رفيـــقه

من شاف حاله قد تكبر عليـــنا
يحلم يصل لا مستوانا دقــيقه

احنا الكرم والعز خاتـم يدينــــا
والذل حاشى نقترب من طـريقه

نصبر ونـــتحمل وفــينا وفــينا
اوجاع ماتوصف بلحن المسيقه

ماهي عوايــدنا الــكذب لاحكـينا
بالحق نحكي او نخط الوثيقه

.....

رد: اخترنا لكم
 

‌‏الناس ماتدري عن القلب وشفيه
حتى ضلوع الصدر تسال علامه

والقلب لاصابه وجع من يداريه
دام الوجع من شخص كان اهتمامه

....

رد: اخترنا لكم
 

منهـو مــع الله ربــي لا يخـاف
حتا ولــو ضـده عرب متحالفـه

ما همني كثر الدراهم والحراف
كلا ولا نفسي من الناس خايفه

واثق بربي فالسماني والعجاف
والنفس ماهـي للمهانه والفه

نفسي عزيزه ومحكوم المشاف
والذل طالـق بالثلاث الكـاشفه

.....

رد: اخترنا لكم
 

غلات الانسـان مـن مكنون اطباعه
ماهي من القرب ولاهي من المنظر

كـم مـبعدن صـورته بـالعين لماعه
وكـم مـن قريبن كأنه شي لا يذكر

.....

رد: اخترنا لكم
 

نتذكر الونعم ونشعــــر بالرضى
يوم المراجل تفتخر لو شافته

إنسان له تاريخ في ما قد مضى
نحو العُلا ما قط حاجة عاقته

.....

رد: اخترنا لكم
 

يا وقتنا لا جيت بانواع الاسىء
الله يعين نجتاز فــــيك المرحله

عقب الصباح تأتيك ضلمات المساء
ماحدظيــــعيش الـعمر كله ديوله

والمشكله بالـــجيد لا وضعه قسى
ما الفسل هو والف حياة البهذله

.....

رد: اخترنا لكم
 

مصيبة عزيزالنفس دايم من الكتمآن
يخفي الوجع مآيبغي النـآس تشعربه

ينوح الغريب ويشتكي غربة الاوطآن
لكن غربة المغبون هي والله الغربه

.....

رد: اخترنا لكم
 

القلوب اسرار والدنيا عبر
‏والعمر لو طال تاليه الرحيل

‏والخواطر كسـرها ماله جبر
‏لو يعيد الوقت ماضيه الجميل

.....

رد: اخترنا لكم
 

‏ماقلت لك بكرة نفارق وننسى
‏وتقول فال الله ولا فال فرقاك
‏
‏شفنا مع الأيام نكبر ونقسى
‏لين افترقنا مابقى غير ذكراك

.....

رد: اخترنا لكم
 

‏اتصّبر عقب طول الجفا حتى غديت
‏غصنٍ اومت به سموم الدهر لين انبرا

‏ليتني ماجيت ضميان ولا يوم جيت
‏ماطلبت من الهوى شرب وظلال وذرا

‏والغرام انواع والذ واقسى مالقيت
‏حبٍ تشوف العنا والهنا فيه خشرا

.....

رد: اخترنا لكم
 

‏يابنت يالي بالهواتف تسلين
‏عصر الهوا والحب يابنت ولى

‏لا تسهرين الليل والناس ممسين
‏ مع غشيمٍ بالمحبه تسلى

‏اليوم يخضعلك وزين على الزين
‏ وليا تمكن منك قام يتغلى

‏ان كان يطلب منك ماحرمه الدين
‏ واليا رفضتي راح منك وتخلى

.....

رد: اخترنا لكم
 

المجلس اللي مايقدرك راعيه
خلك عزيز النفس مالك وماله

لاصار ماحطت لجنبك مراكيه
تلقى من خيار المجالس بداله

مغنيك ربك عن قهوته وشاهيه
دام المعزب مايسرك قباله

فهد هجاج

رد: اخترنا لكم
 

‏أغليك جدًا عسى الله لا يبيّن غلاك
‏يا واحدٍ لو طلب عمري ما يغلى عليه

....

رد: اخترنا لكم
 

‏انا لك أصدق من الضحكة على وجهك
‏وأحنّ من خاطرك واقرب من ظلالك

.....

رد: اخترنا لكم
 

الله خلق حبك من الحب فيني
‏وعزفت نغمة حب على كل معزوف

‏وسكنت في روحي وقلبي وعيني
‏واغلى المشاعر جتك شعر وحروف

....

رد: اخترنا لكم
 

هلا فيك ياروح الغلا والوله منقاد
هلا فيك من نفس ٍ من البعد مكتوفه

هلا فيك تبقى للهوى والعشق وقاد
هلا والغلا في داخلي ضاعت وصوفه

ياغاية حبيب ٍ هام بك يوم ربي راد
عرفنا الغلا منك والأسباب معروفه

....