رد: فوق هام السحب ( الشعر الشعبي) على متن القوافي
 

أتحضّن القاف كل ماهاجسي هبّك
ضرير قلب وهواك مْبعثر أوراقي

تمر غيمة حنين ولا وقف صبّك
وتعكر الجو قبل تعكر أخلاقي

فرقاك حتّم علي أعيش متلبّك
بيديك طوق النجاة وسبة إغراقي

أن مايهمك ضياعي خاف من ربك
ثملٍ بليّاك ماني بحاجة الساقي

دفعت سبعة سنين بطاولة حبك
وبخششت نادل غلاك بعمري الباقي

.....

رد: فوق هام السحب ( الشعر الشعبي) على متن القوافي
 

تدور الخرايط كلها والأراضي السبع
‏يمرونك اغلبهم وشرواي مامَرك

‏من اللي يشوف بوحدته فيك عزوه ربع
‏و من يزهد بخير البشر في رجا شرك

‏تدابير بقعا تفرز الناس سبع وضبع
‏أذا ابكاك حظكَ عندي تشوف ماسرك

‏يموتون ما لاثوا صفا طيبين النبع
‏انا اللي ولو يقدر على الضّر ماضرك

‏مابين الاوادم مايعوض طبوعي طبع
‏لو ان الشكل تلقى بقاياه في صورك

.....

رد: فوق هام السحب ( الشعر الشعبي) على متن القوافي
 

ماتربينا على ترك الرفيق
وما تعودنا على سب الخوي

بالجبال السود نفتح له طريق
ونلوي ذراع الليالي له لوي

.....

رد: فوق هام السحب ( الشعر الشعبي) على متن القوافي
 

كرامة النفس أعظم من مشاعرها
من عز نفسه لقي فالناس مقداره

بقلمي

رد: فوق هام السحب ( الشعر الشعبي) على متن القوافي
 

يالخاطر اللي تجي وتروح حسب المزاج
إن رحت في داعة الله وارحب ان كنت جيت

إن رحت قلبي عليك يحس بالإنزعاج
ماكني إلا على جمرٍ توّقد وطيت

.....

رد: فوق هام السحب ( الشعر الشعبي) على متن القوافي
 

مسائك سعاده غامره ياحبيب الروح
مسائك زهور وعطور وبخور ووناسه

معاك المساء يحلا عليك العطور تفوح
بقربك يذوب احساس شاعر بإحساسه

.....

رد: فوق هام السحب ( الشعر الشعبي) على متن القوافي
 

‏تعيش وتموت ماشفت الخطا مني
أرقى عن الهون وأخلاقي بعد ترقى

لاعاد ترسل مراسيلك وتحزنّي
من يبغي القرب مايلمّح على الفرقى

.....

رد: فوق هام السحب ( الشعر الشعبي) على متن القوافي
 

‏العاشق أحيان ضيقة خاطره ماتطاق
وجوارحه عن تفاصيل الحزن ماحكت

يسهب حديثه ليا من سولفوا ع الفراق
وان سولفوا عن مواصيل الحبايب سكت

.....

رد: فوق هام السحب ( الشعر الشعبي) على متن القوافي
 

كان القمر مسؤول عن خطف الأنظار
انته ترى المسؤول عن خطف روحي

أن زان لي وصلك تحديت الاخطار
وإن شح بي وصلك تهدم صروحي

.....

رد: فوق هام السحب ( الشعر الشعبي) على متن القوافي
 

سقف الطموحات في الأحباب لاترفعه
عشان ماتنصدم في شخص يتجاهلك

خلّك لنفسك وقلبك إحذر تْضيّعه
والله مافيه أحد هالوقت يستاهلك

.....