|
رد: فوق هام السحب ( الشعر الشعبي) على متن القوافي
عن عيون الناس تسترني ثيابي
وكل حيّ ٍ غير ربي مارجيتـه يوم شفت إن الكفن ماله مخابي كل مايطري على بالي شريتـه استعنت بطاعة الله في شبابـي وماتيسّر من كتـاب الله قريتـه جعل رفّاع السما يجزل ثوابـي ويغفر ذنوبي ليا مني عصيتـه فهد المفرج |
رد: فوق هام السحب ( الشعر الشعبي) على متن القوافي
يالله يامعطي بلا عد واحساب
يارازق المحتاج من غير منه ياشاملٍ فضلك على كل من تاب يافارضن بالدين واجب وسنه كم واحدن يرجيك تفتح له ابواب ياعون من يشكي ظروفن حدنه أنت الذي دايم بك الظن ماخاب رجواك يارب المخاليق جنه سعود عايد العلوي الحربي |
رد: فوق هام السحب ( الشعر الشعبي) على متن القوافي
في هاالزمن كثر الخبول المشاهير
عصر التواصل يوم جانا شهرهم أظهر لنا روس ٍ صغارا مصاغير بانو لنا من بعد ماهو نشرهم بسناب وإلا في تويتر طوابير بثو على العالم وعمو قشرهم ولقو لهم ناس ٍ تعزف المزامير طبالة ٍ باعو وراهم اذممهم الهاب بدر |
رد: فوق هام السحب ( الشعر الشعبي) على متن القوافي
أحذر عدوك وانتبه لو ضحك لك
تراه في قلبه يكن العداوه لاتامنه لو قال مهما حلف لك لو شفت بلسانه كثير الحلاوه لو تطلبه في لازمن مالتفت لك وان جيت يمه مالقيت الحفاوه كم موقفن به خير دونه وقف لك يبغاك دايم في طريق الشقاوه سعودالعلوي الحربي |
رد: فوق هام السحب ( الشعر الشعبي) على متن القوافي
لا تتلف الروح لاجل الناس ترضيها
وهم ولا يوم سووها على شانك تسعدك ارواح يمكن .. ماتدانيها وتجيك الاحزان من ربعك وخلانك يبقى لك اللي عروق الدم تسقيها ابوك و امك و اخواتك و اخوانك حتى حبايبك .. لا تتعب تداريها بكره حبايبك بيصيرون عدوانك |
رد: فوق هام السحب ( الشعر الشعبي) على متن القوافي
الا يارفيق الدرب خلك على يمناي
ونا هقوتي بك هقوتي ماتخيبها وعاهدك في درب الردى ماتسير اخطاي ولااهين نفسي وأتهاون بواجبها والا يابنات الفكربالشعر يمي جاي لعقل ٍ يدير النادره لين يكسبها ترى الشعر في عقلي ودمي وكل اعضاي جرى بالعروق وكل الاحساس صاحبها وانا اللي حداني في شجوني وفي مسراي دروب الغرام وماجرى من مصايبها مادام الوداع وفرقة الشمل والاقفاي قريبه عسى ماعاد يومٍ يقربها الا ياوزين الروح ياغايتي ومناي على هون لين النفس تلحق مطالبها تعال انتعاهد ونتوادع ونقطع راي ترى ساعة الفرقى تحرك عقاربها ونا يوم اسوق النفس يمك بحكم ارضاي ابارك لها بالخطوه اللي تقربها وانا خايفٍ لحضة فراقك تشل اقواي واهدي ميول النفس يمك وعاتبها على اضعف من السلك الردي تنطوي رجواي ونا خايفٍ من هجر الايام يذهبها بحسناك وبفضلك لافضلي ولاحسناي توقف اخذ جمله من الشعر رتبها ترى انت الهدف في كل شعري وفي معناي بيوت الغزل لولاك والله مااكتبها تكلم ضمير الحب يندب بصوت الناي ولازلت اصدق فيه نفسي واكذبها يعيدٍ قريبٍ راح مقفي وعود جاي يلاعب جنون العقل من شان يطربها فهل يعلم انه داي والشعر فيه ادواي وهل يعلم ان بيوت شعري تخاطبها فان كان يعلم فاني اشهدك يامولاي على من تجرعت العنا من سبايبها وان كان لايعلم ولاحس في شكواي فهاذي من دروس الحياة وتجاربها الهاب بدر الوسيدي |
رد: فوق هام السحب ( الشعر الشعبي) على متن القوافي
صوت العزاوي مرخصة كل غالي
اختي عساني فالحيا ماعدمها لوتطلب عيوني وجاهي ومالي ياجعلني فدوة خطاوي قدمها هذي ستر وجهي هقاوي عيالي حقٍ علي اجلها واحترمها اللي غلاها مايفارق خيالي من عطفها ياجعلني ماحرمها |
رد: فوق هام السحب ( الشعر الشعبي) على متن القوافي
هب البراد وقرّبة طلعة اسهيل
القيض راح والأحارير زاله أتلا الأناثي طلعته تالي الليل نجمه توقّد زايدن بأشتعاله وجانا من الغربي مزون مظاليل وغشاء على روس النوايف اظلاله تضحك مقاديمه وترشق هماليل حس الرعد والبرق بمظلم اخياله تمطر جنوب وشرق وغرب وتشاميل وعلى النفود ومنخفض من سهاله والعشب نبته ظلل الأرض تظليل نوار نبته كاد يضحك جماله لونه جميل وجمّل الأرض تجميل وربّع به اللي مهزلن من حلاله والبر زان وحمّل الشيل تحميل مع رفقة اللي يدركون الجماله هذاك قدّم موتره وحزّم الشيل وهذاك يحضّر مابقي من دلاله تواعدوا دار بها ينقع السيل بين النفود وبين شامخ اجباله نبت الزبيدي والجباء بالهذاليل أما جنوبي كبد وإلا شماله تجمّعوا ربعن قصيد وتعاليل على ضياء نار رجاله شكاله والكيف طاب المتعبين المعاميل جلسة شرف ماهي بجلسة نذاله تبادلوا بالهرج ربعاً مشاكيل والسالفة تقضي ويأتي بداله سوالف تونس حضور الرجاجيل تعرض على اللي حاضره من رجاله بها نونّس هاجس ضدّه الميل ننساء هموم الوقت وننساء خماله البال به ينساء هموم وبهاذيل وينساء مشاكل كل شيء جراله وختمت قولي في صلاة وتهليل على الرسول اللي مشاء بالعداله بهلول الزميلي |
رد: فوق هام السحب ( الشعر الشعبي) على متن القوافي
ألا ياقلــب لاتشــره عليه ولي متـى غــيره؟
يغـــيب براحـــته خلـه يـروح بعــالم النسيـــان كفــاك تدور أعـذار لغيابه فضـها سيــره تمـاديت لــغلاه ومـن تمـــتادى بالغلا خـــسران أبـد مافيـه بالدنـيا بـشر يستاهلـك غــــيره؟ يغيب ولا رجـع ماكــنك إلا العاشــق الــولــهان أنـا ماقول لا ماقول ما أنـت بشــايفٍ خيـره وأنـا مـانـي بـقايــل صاحبــك وافـي ولا خــوّان يقولون القمرلاغاب يضوي له على ديــــره وأنا أقول الحبيب إن غاب يضوي له على خلان أجل شأسباب هالغيبة وأبي شأسباب تأخيره وأبـي ليـه الجفا يـاقلــب؟وأنت بغـيـبته حـــيران شهر وأكثر ولا طرش عن غيابه معاذيــره يالــيته لــو تــعذر بالــظروف ولايمــه غلطـــان تعبت ولا طرى له يتصل قل علها خـــيره وش أنت متعبٍ حالك على واحد قليل إحســـــان يجي ميت ولــه لامـن شكـــا وقتــه وتعزيـزه وإذا قفى على وجهـه حبــيبك نـاقة عريـــمان أقـــول أنـه مــوالف بــشر خلاك تــقزيــــزه؟ وأقول إنك على هامش حياته مابــقى لك شــــأن مع اللي ماله سبوق اتركه شف واحدٍِ غيره وأنا شــوري عليــك تلحّقه في سبعة الشـيطــان ذبحــك الطـيب ياقلبٍ تـعذب من مـقاديــــره يعن كنّك خفوقي خــابــرك ماتــعرف النكــــران تقاضـي لعـنبو جــد الغــلا ماتنــفع الذيــره تــرى من لاتقــاضـى ياخـفوقـي هالزمن ينهــان حبيبٍ ماصفى لك طيع شوري بّدل بغـيره وأنا شــوري عليك تلحّقه في سبعة الشيطــــان حمد السعيد الكويت |
رد: فوق هام السحب ( الشعر الشعبي) على متن القوافي
ما يصيد الجوازي كـود بخصٍ وضاري
القنص بالركـاده والتسرع جهاله ولايعرف الطرد من لايعرف الصحاري ماتعرّض سـموم ولاتعرض شـماله كـلّ دربٍ عليه من المخاليق سـاري للسـوالف رجال وللشكاله رجاله وانت عشقة حيـاتي ياغـزال البراري أتفاول بوجهك سعد من صرت فاله إنت والله حــبيبي وإنت والله داري إن نظـرة عيـونك يم غيرك جماله ماانقطع سـيل حبك بالمعاليق جـاري كـنّ قلبي خلقه الله لحبك سـباله ليلتي ياقمـرها ..غـار منها نـهاري حيث وصـل المودّه همسةٍ في لياله جعل واهج غرامك مثل وجدي وناري مير مااظـن في دنيا المحبة عـداله |
رد: فوق هام السحب ( الشعر الشعبي) على متن القوافي
يا مكرمين الهقاوي عن صغار الشفوف
ياللي على النايفات تسوق نيشانها الرمي لا صار مايلحم ويرقى الطفوف مايمدح البندقيه زين عيدانها يالصاحب اللي يجينا كل وقت معروف المرحبا والهلا مفتوح بيبانها بعض المعاني ترى ماهي علينا تطوف لكنّ ترفى الهزيله نظرة سمانها ندري عن الحاجه اللي تفرَك لها الكفوف وينلطم وجه صاحبها على شانها وندري عن اللّي تجينا في ظلام الكسوف تقَبّل جباهنا وتسِلّ نِيبَانَهَا كانوا قبل يلبسون الجوخ دايم وقوف عَلَى مَنَابر مَجالسنا وعِمدانها عَلَى السّمن والسّمان وقولة ارحب ألوف والدَّلّه اللي تقَنِّد راس خَرمانها واليوم زَانت لهم في التاليات الظروف وامسَوا عَلَى مِلّةٍ ما تعْرَف أديَانَهَا واللي يَحَسب الثّرى يمكن يطول القنوف ندخل عَلَى الله من الفكرة وشيطانها محمد بن عبدالخالق ال محفوظ الشمراني |
رد: فوق هام السحب ( الشعر الشعبي) على متن القوافي
حنا كذا صافين دايم ووافين
ماعندنا فالناس نية خباثة الطيب والمعروف والصدق والدين والجودوالاخلاق فينا وراثة واصحابنا عشرين مدري ثلاثين الصادقين اثنين مدري ثلاثه |
رد: فوق هام السحب ( الشعر الشعبي) على متن القوافي
حيا الله اللي يغيب ويسرع الرده
اللي يجيني الى منه تباطاني قلبي يوده و حالي كنها القده ودي بشوفه ودونه حوم عقباني يا صاحبي جارك الله وش ها الصده مهوب حق تولعني وتنساني ان كان عندك حكى بي خامل السده فانت المصدق وانا حقي وما جاني اهرج على ما تورى والبخت بده لا تستحي يا بعد حيي وحياني سليمان بن شريم |
رد: فوق هام السحب ( الشعر الشعبي) على متن القوافي
جعل السحاب اللي معه برق ورعود
يمطر على دار وليفي سكنها يسقي وطن منتوقة العنق ياسعود مالي وطن بالعارض الا وطنها خلف بن هذال |
رد: فوق هام السحب ( الشعر الشعبي) على متن القوافي
تمنيت أشوفك يوم نامت عيون الحي
وعذالنا نامواولآبواب مصكوكه وجو البلد هادي والآشجار تقطر مي عليها الندى وأغصانها الخضر مشبوكه وتميت يم الباب في الليل رايح جي معني لك الآقدام والروح مملوكه أنا كيف أطيق الصبر والقلب ولع ضي وعين المولع كن في حجرها شوكه ترفق بحال اللي كواه المفارق كي حبل الرجاء ممدود لاتقطع سلوكه وزرع الهوى بين المحبين مشبوكه علي القحطاني |
رد: فوق هام السحب ( الشعر الشعبي) على متن القوافي
دارت الأرض دارت بي وحدي ثلاثين دوره
والعرب مادرواعني وأناألف وادور بعد ماشفت زوله صارت الآرض كوره والهدى صارفي عين الفتى كبر عصفور نظرة العين خلتني بأقصى خطوره واعرضوني على خمسةوسبعين دكتور والحشا هدمت سوره وهدت جسوره لاني بخيرفي لحظةيخليه معمور يوم مرت علي قلت القمر في ظهوره ماتغيركلام اهل الفضاء زور في زور كنت من قبل افكر بالقمر كيف أزوره هوسبقني وجا عندي زياره ومشكور يوم مرت بوسط السوق فاحت عطوره كن صندوق عطر لوشن بالسوق مكسور بعد ماشفت خطك واعجبتني سطوره ومن جمالك قريت الخط كله على الفور كل شعرك قوي لاشك تحتاج دوره تجبر الشعر لالاالشعر بك صار مجبور انت فنان والفنان مطلوب صوره أي فنان مثلك نال شهره وجمهور علي القحطاني |
رد: فوق هام السحب ( الشعر الشعبي) على متن القوافي
قضيت العمر كله با التمني
ويا حسرة على ما فات مني ويللي طال هجرك وامتحني كويت القلب كيه فوق كيه وابطى الوقت واسهرت الليالي ابوح بونتي وابكي لحالي صفى لي من زماني ما صفالي وباقي العمرلعيونك ضحيته تذكرقبل يوم انك تبينا وتتعذرمن شانك تجينا وذا لحينه ما كنا التقينا تعبد كل واحد عن خويه حشى لله لحظة ما نسيتك ولا أرخصتك بك الغالي فديتك ولا مني بعيني شفت بيتك على الجدران رديت التحية ولا منه بدا لي نجم لامع تصورتك وهليت المدامع واذا مني دعيتك ما انت سامع يرد البيت صرخآ في عليه انا مليت من باقي حياتي خلاص الحق علي قبل المماتي ترى حبك بصونه يا جزاتي بسرعة قبل لاتجري المنية ولا لك عذر بعد اليوم تبطي حلاة الحب من ياخذ ويعطي وسامحني لواني كنت مخطي تراك اتعبتني روحه وجيه علي القحطاني |
رد: فوق هام السحب ( الشعر الشعبي) على متن القوافي
الكامل الله والخطا طبع الانسان
والدرب يفرق عن يساره ويمينه والصاحب اللي له معزه وله شان إن جاني بشينه تذكرت زينه اتحمل اخطاءه معي قدر الامكان من جانبي تبقى العلاقه متينه واللي يغلطني وانا ماني بغلطان اصابعي احطها وسط عينه مادامني مسلم وفي قلبي ايمان عمر البحر ماشال هم السفينه مرت علي انواع واشكال والوان بين العقول الناقصه والرزينه عندي قناعه ان الانسان شيطان إذا يهينك لازم انك تهينه يعني اذا حاجتك بيدين عدوان يكفيك شر المهزله والغبينه من كثر ما جاني من الناس خذلان تجرحني حتى كلمه الله يعينه صحيح لي ربع وجماعه وخلان وأضيق لكن حاجه الناس شينه الشخص دام انه بكل شيء خسران تأكد انها من عمايل يدينه من مرحله حب ومشاعر وحرمان ان ما لعنت الحب تلعنه سنينه اكتب شعر واعزف من اشواقي الحان واسلي قلوب الغرام الحزينه ولو الشعر مخلوق في هيئه انسان والله لا قول له تسلم واقبل جبينه ..... |
رد: فوق هام السحب ( الشعر الشعبي) على متن القوافي
ماكل من يضحك مع الناس مسرور
ولاكــل مـن يلبـس جـديد ابســعاده يا مكثر اللي يخفي الهـم والجـور ويجــامل العــــالم بصبـــر وجـــلاده يخشى شـماتة كل خاسي ومحقور ويخشــى ســـفيه القــوم يلقـى مـراده وانا بعــد ماني من الهــم مقفــور ولانـي بمعــزل عــن مشــاكل اعبـاده نوبً صعود ونوب تنزل بنا الغور ايـــام دنيــانــا ســــــريـــع ارتــــداده اضحك واجامل واخفي ابقلبي ابحور من هــم انا وازريت لاحصـي اعداده ألــوم حظــي دون مــالف وادور وحظـــي هــو المسئول ظمــن الافاده وليا متى ياحظ ياشـــــــين بحدور ياحـــظ ياحـظ النــدم والقـــراده انهض معي لحظات يكفيني ادبور لو مــرةً مــن دون نقــص وزيــــاده ياحـظ ماشـفي عمـارات واقصور ايضــا ولالــي طمـــعةً فــــي قيـــــاده ودي ابراحة بال لو مامتلك ثور والفقـــر أهـــون مـن حـــياة النــــكاده حيث القناعه كنــز بالنفس مبذور والعافيــه ساس الترف والســـــعاده وياشين حــظ اللي بالايام مكســور كســـر الخــواطر اصــعب من الابــاده همه تعــدا حجـم ابانات والطـور وربــع الجــزيره في خــريطة ابـــلاده وقالوا تصبر والصبر شي مخبور وراعيـه دايــم يســـــتحق الاشــــــاده هذا وانا ادري راعي الصبر منصور ويكسـب جـميل وفــوق حـقه ازيــاده مير البلا ما عــاد لي فيه مقـــدور مـــليت انـا يالايمـــي مــن جــــهاده شـــكواي للــي يظهـر الحق والنور ســـبحانـه اللـي مــا يخلــي اعبــاده محمد بن سوعان الربيع |
رد: فوق هام السحب ( الشعر الشعبي) على متن القوافي
متى مريض العين يقدر يصلـــي
يبسـط على سبـع العضاء في سجوده ياللـه ياللـي للمكـارب تحلــي تفـرج لمـن تـالـي سجـود يكـوده وعقبـه طلبتـك ناشـي مستهلـي يهـل وبلـه يـوم تـزهـم أرعــوده يسـوق برقـه يـوم وبلـه يهلـي لااسقـى الحجاز ونجـد يسقـي نفـوده سـاق اولـه واتـلاه وبـل يعلـي يـسـقـي خلـيـج بينـات حــدوده يـوم بدت شمسـه ونـوه يزلـي ويـوم غطـت شمسـه امزون ركـوده دافـق اورافـق مايضر المقلـي عطفـه ولطفــه حايــل دون كــوده لين الزهـر يطلع تقل لون زلـي ولا قمـاش فـوق مـوضـي خــدوده ياعـل ربـي قابـل طلبتـلـي اللـي يسـوقـه مـع بلـدنـا يقـــوده يسقـي بيار شفـت ماها مولـي والبـر من قـل الثـرى مـات عـــوده سبـت ذنوب الناس دقٍ وجلـي كثـر الحسـد وابليـس كثـرت جنــوده كم خيـرٍ من شـر غيره يذلـي يخشـى العقوبـه من فعـايـل امــروده أوُ ولدٍ من الوالد يضيـق او يملي وأسبـاب قولـة صـل بغضـه لعـــوده عـذره يقول امصليٍ في محلـي ولا فيـه بالمـسـجـد عـن البيـت زوده علـى الملاهـي ساهرٍ ما يملـي وان راح للمسـجـد تبـاطـى قعــوده يقـول سهري فيه فـن وتسلـي امصـلـعٍ ومفـسـرٍ عـن عضــوده وليا سمعتـه عنـد بيتـه يهلـي تـراه ملفـي واحـدٍ مـن اوفـــوده وان قلـت وشو قال لـك صـاحبلــي في حلقـة البيلـوت ياجود جـوده قلـب ماهـو مـن جيـلـنـا مستعلـي ثالـج امثلـج بين نـوم وبـروده كبـشٍ نعَـم لـه بيـن نعمـه وظـلـي ما تفرقه من كبـش ضـانٍ تقوده جعلـه ضعيـف وجعـل دينـه يحـلـي وضيـق عميله يوم حلـت اقصوده وراه مـأيـفـرق طـمـان وتـعـلـي ولا ينتبه في نقـص جيله وزوده باللـه ياللـي عـاصـي الـرب قـلـي هو أنـت من ترجي بحزات كوده اسمـع كلامي وافـتـهـم واحتمـلـي تكسب نهار ان الزروع محصـوده وبعـض العيـال الكـل خيـرٍ يـدلـي عسـاه للجـنـه بحـزة فـقـوده يقـول مـا غـي الصبـاء دايـمـلـي العمـر يمضي والليـال امعـدوده خلف زهيميل الحربي |
رد: فوق هام السحب ( الشعر الشعبي) على متن القوافي
من يوم ما لوّحت لي كف يمناك
لليوم دمعي بالخفا ما حبسته ومن يوم ماذوقتني حر فرقاك والياس زرعه في حياتي غرسته شريت لي ثوبٍ علشان لقياك والثوب راحت موضته ما لبسته وشريت عطرٍ ما زهاني بلياك أربع سنين بعلبته ما لمسته الشاعره عابره سبيل العازمي |
رد: فوق هام السحب ( الشعر الشعبي) على متن القوافي
ما أدري علام الناس تبعد عن النور
ولا قلت زيدو علمكم قيل والشيخ والشيوخ بغير المحكمة ما لهم دور ولو اصطلحنا بديننا ما نجي شيخ والعلم مفروضٍ على آناث وذكور وكل مسلم من واجبه لنفسه يشيخ ولا يوجد شيخٍ عادلٍ يقبل الزور ويرضى بغير الحق في أي تاريخ ما شيخ إلا من تقدى بمأثور ومن يشفع لأهل الظلم ظالم ما هو شيخ ما غير تقوى الله قدوة ودستور الشيخ شيخ العلم والجهل تشييخ ما بالقضاء لله ميله ولا زور إلا أن يوجد بالوطى نجم مريخ والحق ما يزعل غيورٍ وممرور لو يلحقه من جاهل الحق توبيخ ومن ظن بعلم الله محاباه مغرور وملطخٍ في وصمة الشرك تلطيخ واللي قديمه عدل تاليه ما يجور علم الشيم هي والقيم بالتواريخ ما غير عود الطيب للطيب مذخور وعند المرض ما ينتداوى بزرنيخ ولو ما خلق بالناس عايب ومثبور ما حدٍ عرف فرق الزحول المطانيخ والطيب ما هو بأهل الطيب محصور كم واحدٍ يطيب بالعلم ويشيخ ويا ما يخيب الظن في خلفة صقور ويا ما سليل رخوم ٍ نشمي وطخطيخ علي نافل الحربي |
رد: فوق هام السحب ( الشعر الشعبي) على متن القوافي
عسى راعي المعروف لـ احتاج للمعروف
يجيني بوقت.. اقدر على رد معروفه لكن المصيبه..لايجي والظروف ظرووف يبي فزعتي..وظروفي اصعب من ظروفه عبدالله بن غنام الأكلبي |
رد: فوق هام السحب ( الشعر الشعبي) على متن القوافي
ياحمامه لو دريتي بشيٍ في الضمير
ما تمّرين الضحى والعصير مروّحه جنبيني ياحمامه جزاك الله خير صادق الونات صبح وهجاد اطوّحه كن في كبدي من البعد والفرقا سعير ونار جوفي لو تنوش البريق تفوّحه زوع قلبي زوع طيرٍ يطير ويستدير مآيلد آلعين في آلملوآح وآللي لوّحه |
رد: فوق هام السحب ( الشعر الشعبي) على متن القوافي
اشوف واسمع واجحد السمع والعين
واحط نفسي في محل الغباوه وان جاتني كلمه تحلل بوجهين " ارد للي قالها بـ الهداوه " والكلمه اخذها على وجهها الزين خوف النقاش اللي يسبب عداوه واصبحت مثل مسدد الدين بالدين اثر صحيح لكل شيٍ طراوه راشد السحيمي |
رد: فوق هام السحب ( الشعر الشعبي) على متن القوافي
من معطيات التجارب واختصار الكلام
أنجح عقول الخلايق فالزمان أربعة من فضل الصمت لا زادت هروج الأنام ومن ينثر الطيب لا شاف العرب تجمعه ومن شاف زلة رفيقه في طريقه وشام ومن بـرّ فـي والـديـنـه بِـرّه بيـنـفـعـه |
رد: فوق هام السحب ( الشعر الشعبي) على متن القوافي
تخف الثقال إليا ارتكى للثقال إثقال
خوين يعدل الميل ويرجح الكفه رجال على الشده تضرب بهم الامثال تعزالرفيق وتنطح الشر وتكفه وحمول المراجل كايده والدروب طوال لمنهو يقدم شف غيره قبل شفه تهب العواصف عاتيه والجبال جبال يدور الفلك وظروف الايام ملتفه بيوت الشرف للطيب واهل الكرم مدهال سوات النهر لافاض يسقي هل الضفه رجالن لياجار الزمن للرجال ظلال تعز الرفيق ودايم تاقف بصفه |
رد: فوق هام السحب ( الشعر الشعبي) على متن القوافي
الله مـعـك ياراعي الـصـدر الـكتـوم
اللي بـصـدرك لـلـعـرب لا تـظـهره مهما حصل يلطف بك الرب الرحوم الله مـايـعـطـيـك شيء مـاتـقـدره الـنـاس لا يـدرون عـن كـل الـعـلوم مـن يـعـرفـون اقـصـاه محدٍ يستره |
رد: فوق هام السحب ( الشعر الشعبي) على متن القوافي
ترا غناة النفس هي أصدق غناه
وترى جمال الشي ما قلّ و ندّر وترا البعاد أحيان نوع من النجاة وان السكوت أحيان من باب العذر لا تكبرون إلا على ظروف الحياة ولا تحزنون إلا على غالي قـدر |
رد: فوق هام السحب ( الشعر الشعبي) على متن القوافي
يانجـد دوبه طرّف الليـل دوبـه
وضّو القمر يانجدفي وجنتك بان شرق وشمال وغرب نجد وجنوبه من وين ما اوجه لها قلب ولسـان المملكـه رمـز الفخر و العروبـه والرايه العليا على كل الأوطان |
رد: فوق هام السحب ( الشعر الشعبي) على متن القوافي
قصيدة نظمها الملك فهد
بن عبد العزيز رحمه الله قبل 58 عاماً . وقد نظم الملك فهد القصيدة في ذلك الوقت ليرسلها إلى المرحوم الأمير فهد بن سعد أثناء مرضه في أحد مستشفيات العاصمة البريطانية عام 1385هـ . وقد جاء في القصيدة: يابو سعد صارت على أخوك غارات شهرين أقاسي من شديد الغرابيل سو المرض يحمل على أخوك حملات وما في يدي حيلة ولا في يدي حيل والله فزع من فوق سبع السماوات وأنا أحمد الله يوم صارت تساهيل ما ينفع الخايف والأيام عجلات الخوف ما ينفع ولا القول والقيل حنا هل العوجا ولا به مراوات شرب المصايب مثل شرب الفناجيل لا شك أنا مشغول في كل الأوقات على الذي حنا بظلة رجاجيل ماني على نفسي كثير الحسافات لا سلم رأسه روسنا رفاع بالحيل حامي حمانا بالليالي المخيفات لو صار بالعلم كثير الزلازيل فخر العروبة بالعدل والمساواة هذاك هو فيصل ولا فيه تشكيل يشهد له اللي شاهدوا منه ليات ويشهد له التاريخ جيل بعد جيل |
رد: فوق هام السحب ( الشعر الشعبي) على متن القوافي
ابا العلا قدلي مع الدرب ناقتي
بحسناك والا ناد لي من يقودها يقولون لي عليا نشاش دقاقـه وانا اقول ريان من الغي عودها ان وقفت دق العسيلي بوركهـا وان دنقت ما رده الا نهودهـا قولو لطراد الهوى يطرد الهوى وانا كفيلك عن بلاوي حسودها أبو زيد الهلالي |
رد: فوق هام السحب ( الشعر الشعبي) على متن القوافي
دفقت على قبر الهلالـي قربتـه
وخليتها تسق الرياض المجـادب وحطيت على قبر الهلالي جوخته وخليتها تـذرا عليهـا الهبايـب وحطيت على قبر الهلالي فتخته في ما قع يشوفها كـل صاحـب وعقلت على قبر الهلالي بكرتـه وخليتها تعتب حـوالا النصايـب أبو زيد الهلالي |
رد: فوق هام السحب ( الشعر الشعبي) على متن القوافي
ثمان سنين ما هوا نجـد قطـره
ولا زلزل الرعد الرزين وزار ولاهبت الغرى ولاهبة الصبـا ولا طار من اشعاف البكار غبار حفرت فالبيـدا ثمانيـن قامـه ودورت انا الجم الغزير وغـار يانجد وان طاح الحيا فازعجيلنا وشبي لنا براس المقوزي نـار لك الله صبيان النشاما تغيـروا بنابٍ ضحوكٍ يعجـب الخطـار الأمير حسن بن سرحان |
رد: فوق هام السحب ( الشعر الشعبي) على متن القوافي
من ابداعات الشاعر الخلوق
محبوب الجميع ابو عبدالله صالح اللخمي الزهراني { الصديق } الخساير كثيرة وأكبر أنواعها فقد الصديق الصديق الذي تدعيه وتلقاه في يسر وشده ان نصيتاه تجمل وان توزيت في ظله وزيت والحقيقه ان من ذي الصفه كودٌ تجد في الميه واحد حتى بعض الأقارب ينكر القرب لا جار الزمان وأكثر الناس وقت العافيه ماعد أحلى من هروجه وان جت الزحمه كنك من المضيلف وكنه من سبيع بالله يكل عاقل ساير الناس واعرف من تصاحب ثم خذها نصيحه لا تصدق سواليف الضحوك وادرس أحوال من وده يسايرك في خطوه مديه ان لقيتاه ونعم يرفع الراس والا جنبه |
رد: فوق هام السحب ( الشعر الشعبي) على متن القوافي
اسقني من وصالك لعنبو من جفاك
رشفة من شفاتك واعتبرها غلا بينك وبين غيرك جعل غيرك فداك مثل بعد الثريا والثرى فالحلا لا تشك بوفاي ولا تشك بغلاك والله ان عادك اغلا من خلق فالملا |
رد: فوق هام السحب ( الشعر الشعبي) على متن القوافي
آه من قلبي اللي دايمٍ في ذهول
والله انه ثقيلٍ لين جوه الثقال ياقطاة العبيه ياهيام الذلول ياعيون النداوي يارقبة الغزال نور وجهك على من شاف منك القبول نور صبحٍ تبسم في رهاد الجبال كني اقرا على طُرّة جبينك تقول انا قلبي يحبك ياحبيبـي تعال كان قدمي حدٍ فالحب راح مهبول والله انه خطيرٍ لايجيني هبال المحبه جملها مرسلٍ ومعقول لنعنبو من يقول ان المحبه خبال والذي ليلة الاسراء عرج بالرسول ان حبك لحال وحب غيرك لحال سعد بن جدلان رحمه الله |
رد: فوق هام السحب ( الشعر الشعبي) على متن القوافي
أبــيــات الحكمة لنخبة من الشعراء المعاصرين والراحلين رحمهم الله ورحـم أمـوت المسلميـن
من حل دار النـاس حلـوا ديـاره لا بد مـا تسكـن بـلاده ويغبـن ومن شق ستر الناس شقوا ستـاره ومن ضحك بالثرمان يضحك بلاسن (شـالح بن هـدلان) ********************** إليا خاب ظني بلرفيق الموالي مالي مشاريه على باقي الناس ياجعل قصر مايجي له ظلالي ينهد من عالي مبانيه للسـاس (محمد الاحمد السديري) *********************** كم واحدٍ له غايةٍ مـا هرجهـا يكنها لوهـو للادنيـن محتـاج يخاف من عوجاً طوال عوجهـا هرجت قفا يركض بها كل هراج (محمد الاحمد السديري) ********************** أحد ينام وحط راسه بكمـه وأحدٍ تخم النوم عينه وتخطيه أحد يحاول بالردى بنت عمه وأدٍ يحاول ستر عذرا عوانيه (بنـدر بن سرور) *********************** يوم ولد الاش رزقه علـى أمـه رزقي على اللي ميت القشع يحييه ماني وأنـا بنـدر ببيـاع دمـه يقطعك يا بياع دمـه وشاريـه اللي يبيـع لا بسـات الأزمـه يبغى مهر بيض الرعابيب يغبيه (بنـدر بن سرور) *********************** ماني وانا بندر بهيتٍ ولد هيـت هيت مقابـل خمّـةٍ يكرهونـه من كثر ما جرّبت وأقبلت و أقفيت قولة هلا من لا يـودّك مهونـة (بنـدر بن سرور) *********************** ترى حلاة الخوي ليا طالت المـده ماهوب نوب صديق ونوب قوماني رفيقي اللي مصافيني على الشـده وإلا الرخا واجد ربعي وصدقانـي (سليمان بن شريـم) |
رد: فوق هام السحب ( الشعر الشعبي) على متن القوافي
ودنا بالطيب بس الزمن جحاد طيب
كل ما تخلص مع الناس كنك تغشها يدك لامدة وفا لا تحرى وش تجيب كان جاتك سالمه حب يدك وخشها سعـد بن جـدلان |
رد: فوق هام السحب ( الشعر الشعبي) على متن القوافي
الاجـواد ون قاربتهـم ماتملهـم
والانذال ون قاربتهم عفت مابهـا الاجواد ون قالوا حديث وفوا بـه والانذال منطوق الحكايا اكذابهـا الاجواد مثل العد من ورده ارتوى والانذال لاتسقي ولاينسقـا بهـا محمـد المهـادي القحطـانـي |
| الساعة الآن 02:27 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية