|
رد: فوق هام السحب ( الشعر الشعبي) على متن القوافي
توقعت الغياب ولا توقعته بدون أسباب
وعدتيني زمانك ما يغيّرك وتغيرتي غريب اللي لحقني منك واللي زاده استغراب على كثر الظروف اللي تعذرك ما تعذرتي نسيتي حبّنا ولّا نسيتي نظرة الإعجاب تذكرتي زمان الطيش ولّا ما تذكرتي تقولين الديار بعيد واقول القلوب إقراب يسافر لك خيالي وين ما رحتي وسافرتي انا ما اقابلك مرتاب ليه اقابلك مرتاب طريقي واضح ومبداي ثابت واعرف آخرتي اطير من الفرح ودموعي تحوّل من المرقاب واشوفك ساكته ما طاحت دموعك ولا طرتي عطيتك كثر ما شالت يدين الكادحين اتعاب وسامحتك كثر ما خنتي العشرة وقصّرتي وحبيتك كثر ما بكّت الغربه عيون أغراب واحبك فوق ما تتخيلين وما تصورتي يا كم شبّو لك الدنيا وكم شبّو معك شيّاب ويا كم قلب عنّيتي ويا كم عين سهّرتي تلدّين العيون وتسرقين القلب والالباب ياليتك يوم قالوا لك كبرتي ما تكبرتي ابطلع من حياتك بسّ دلّيني طريق الباب بعد ما جارت الدنيا علي وقطّعت كرتي ...... |
رد: فوق هام السحب ( الشعر الشعبي) على متن القوافي
لمع ضوّ القمر واثره عكس نور الضياء وطل
علي اجمل من اللي شفته بنوره ولا ادري كيف اثر جفنه على رمشه جفير وسلّته لا سل يذكرني بفتوحات وحكايا مالها توصيف عجزت ألقى لمثلي حل من عنده لمثلي حل ويفتي لي على النظرة فتاوي تقبل التحريف انا ذاك الوحيد اللي عشق له في حياته ظل وانا ذاك الوحيد اللي حلم بإنّه يعانق طيف ...... |
رد: فوق هام السحب ( الشعر الشعبي) على متن القوافي
وقفت مع نفسي كثير و تحيرت
ماعاد احس ان فيه حاجه مثيره الوقت متغير او انا تغيرت احس ماتت فيني اشيا كثيره ...... |
رد: فوق هام السحب ( الشعر الشعبي) على متن القوافي
لا تلومني لا جيت كلي من أقصاي
مافيـه غيرك لا تضايقت جيتـه جيتك ولا غيرك ذكرته بمسـراي جيتك وكل إنسان غيرك نسيتـه جيتك وأنا ماني بـ أنا تايه الـراي جيتك وأنا مدري وش اللي بغيته ...... |
رد: فوق هام السحب ( الشعر الشعبي) على متن القوافي
عن الاعترافات بـ هزيمه الحب
سعود مبارك : أنهزمت وقلت أحبك وهذا أكبر دليل ما يهزم أكابر القوم غير قلوبها جابر النشيرا : أطيح طيحة قوي ماهي بـ طيحة ضعيف طيحة شجاعٍ هزمه الحب لين أعترف سعود مهدي : معك عشت أول هزيمة بطعم الإنتصار والعيون تشوف ضحكتك ضمن حقوقها |
رد: فوق هام السحب ( الشعر الشعبي) على متن القوافي
لا تطري الحب و يضيق المكان الرحيب
ولا تسرق إعجابي بطبعك ولامواخذه ⠀ أخاف لا اعشق تفاصيلك و اشوفك حبيب و احطّ قلبي على كفّي ولا تاخذه ...... |
رد: فوق هام السحب ( الشعر الشعبي) على متن القوافي
بعض الرسائل خطها ينعش الروح
لاجات من غالي وقلبك يوده تشفي عليل النفس ان كان مجروح وتخلي اوقاته رخاء بعد شده ترى الغلا ما بين الاثنين مسموح ما احد تحكم في فؤاده بيده ...... |
رد: فوق هام السحب ( الشعر الشعبي) على متن القوافي
خاطري ماهو بـ طيب ولا مرتاح بال
و العرب معاد لي شفٍ في منطوقها ⠀ أتظاهر بـ السعاده و أقُول الحال عال والا أنا ضايقٍ و الأخلاق طايح سوقها ...... |
رد: فوق هام السحب ( الشعر الشعبي) على متن القوافي
الله على جـو الغلا والمحـبـه
لاصار صافي بين غالي وغالي تعال يا نبض الغلا وانت طـبـه لك منزل في داخل الروح عالي ...... |
رد: فوق هام السحب ( الشعر الشعبي) على متن القوافي
من حـقـها ترقص وخطوتها غـرور
ماهي بحي الله فرس مـن زيـنـهـا مهره على التصفيق تلعب للحضور تلعب غرور ولا ملى احـدً عـيـنـهـا ...... |
رد: فوق هام السحب ( الشعر الشعبي) على متن القوافي
سرى الليل وعيون المولع على الجوال
يراقب ظهوّر الصاحب اللي على باله يخاطب نجوم الليل لامن ليله طال لعل النجوم تطمن القلب عن حاله ...... |
رد: فوق هام السحب ( الشعر الشعبي) على متن القوافي
الغلا اللي تبيّن قيمته بالوجيه
هو وقود الحياه ومصدر إلهامها اشهد ان لك غلا لو اكتبه واحكيه بح صوت الحروف وجفّت أقلامها ...... |
رد: فوق هام السحب ( الشعر الشعبي) على متن القوافي
جذبتني بالحب واعجبت ذوقي
وثورت بركان المشاعر والاشواق وانا ليا حبيت صعبه افوقي قلبي واعرفه زين لا حب مافاق ...... |
رد: فوق هام السحب ( الشعر الشعبي) على متن القوافي
شيخة غلا قمّة حلا طيّبة ساس
ومعــرّبه ما بيــن عمك وخـالك بقول لك كلمه من الراس للراس نـذرٍ علي انّي احبك لـ حـالك ...... |
رد: فوق هام السحب ( الشعر الشعبي) على متن القوافي
احسدوني عليك و ضيقوا صدري
وكل ما جيت ابيك عيونهم صوبي تدري اني عشقتك و انت ما تدري صعب ذوقي و حصلتك على ذوقي ...... |
رد: فوق هام السحب ( الشعر الشعبي) على متن القوافي
ترتوي بك روح و عيون و ضلوع
كن صوتتك لأجمل اشيائي حياه ايـه مـالـي عـن دفــا حـبـك رجــوع وانتي مالك غير قلبي يا دفــاه ...... |
رد: فوق هام السحب ( الشعر الشعبي) على متن القوافي
بنت الدلع بنت الغنج بنت الدلال
عضت شفايفها وسوت حبتين اسج رجلي من يمين ومن شمال حسبي عليها ما عرفت أروح وين ...... |
رد: فوق هام السحب ( الشعر الشعبي) على متن القوافي
يا منبع الرقة و يا منبع ألزين
أنتي الأميره و البنات الجواري يا ويل حالي كل ما قلتي أنزين كني ملكت الكون بحر وصحاري ...... |
رد: فوق هام السحب ( الشعر الشعبي) على متن القوافي
سلطانة الغيد يامجنونة افكاري
ولهان لعيون تذبحني بنظرتها انتي هواي ومكانك داخل اشعاري بالحب انتي الفضيله يامروتها ...... |
رد: فوق هام السحب ( الشعر الشعبي) على متن القوافي
جالس لحالي على مركاي متمركي
أراجع اللي مضى وأبكيه وأفتكره ما غير أردد قصيدة متعب التركي توديع الأحباب مثل الموت له سكره ...... |
رد: فوق هام السحب ( الشعر الشعبي) على متن القوافي
وأنت الذي زينت يا غاية الزّين
حياتي اللي نورها من حياتك أحب فيك الحب يا جامع اثنين الزين وطبوعٍ تكمل حلاتك وأحب فيك العطف واللطف واللين وأحب فيك رضاك عقب زعلاتك ...... |
رد: فوق هام السحب ( الشعر الشعبي) على متن القوافي
ماني بناسخ ولاصق كل ما جاني
ذوقي فريد ولا كل شي يعجبني اما كلامن يحرك كل وجداني والا سكوتي بصمت الذوق يكتبني ذائقة |
رد: فوق هام السحب ( الشعر الشعبي) على متن القوافي
ماني ضعيف إيمان لكني انسان
تجرحني الكلمة ويقتلني الظن قصة مشاعر خلفها الف خذلان عاشت وكبرت مثل مايكبر السن انا ضحية صمت في ظلم الأزمان صابر واقول الجاي يارب احسن ياكثر شرهاتي علئ ماضي كان وياكبر هقواتي علئ احلام ماجن ...... |
رد: فوق هام السحب ( الشعر الشعبي) على متن القوافي
اعمارنا تجري مع خط الاقلام
تطوي بها الأيام طي الوثايق فيها الفرح مره ومرات أوهام وهذا هو الواقع بجد وحقايق ...... |
رد: فوق هام السحب ( الشعر الشعبي) على متن القوافي
ماكلّ غـايـــب عـن عـيــونـي فقدته
و ماكل شخص القاه يستاهل اغليه مـن بـعْـــد ما قلبي شقيتــه وعدته ما يسكنه غـيــــر الّـذي يعتني فيه ...... |
رد: فوق هام السحب ( الشعر الشعبي) على متن القوافي
بكره تشع إن قالها الله أمانيك
مهما غفت في ليل الأقدار شمسك لا يشغلك عن فرحة الجاي ماضيك ولا يسرقك من واقعك صوت هجسك ولا تيأس إن يبست منابت مساعيك بكره يسيل الغيم ويطول غرسك رضاك عنك عن رضاهم يكفيك ويغنيك عن حب البشر حب نفسك ...... |
رد: فوق هام السحب ( الشعر الشعبي) على متن القوافي
غرك اني في فضاء دنياك هايم
في سواك من البشر ما انا اتفكر وغرك اني ما اتسمع فيك لايم من مجاميع المؤنث والمذكر تحسب ان قلبي ملكته ملك دايم يوم شفته لا يخون ولا تنكر انتبه من سجة القلب المهايم لا نسى ينسى ولا عاد يتذكر ذائقة |
رد: فوق هام السحب ( الشعر الشعبي) على متن القوافي
لاتحسب انك تخدع الناس بالهرج
الناس تعرف كل صادق وكذّاب الكذب يلقى صاحبه موقفٍ حرج والصدق نور ومن مشى فيه ماخاب ولاخير باللي يتبع العوج والعرج من عاش بالحيلات يخسر ولا طاب ...... |
رد: فوق هام السحب ( الشعر الشعبي) على متن القوافي
ياصدري اللي على الكتمان متعوّد
ياكبر قدرك مادام الناس ما تدري خلك على واقعك بـ الصبر متجوّد لين الله يبدل الأحوال ياصدري ...... |
رد: فوق هام السحب ( الشعر الشعبي) على متن القوافي
القلب صافي والنوايا سليمه
امزح مع هذا وادردش مع ذاك عندي احترام الناس اكبر غنيمه دربي سليم ماتنزرع فيه الاشواك بقلمي |
رد: فوق هام السحب ( الشعر الشعبي) على متن القوافي
يا نفــوس العـز في دنيا الهمـوم
ما تشـوف الا المحـبة والجمـال من وفاها ماليه بقعا عـزوم صبرها يسفح على رووس الجبال راسيه لو قامت الدنيا تقوم واثـقه بــالله ولله الكمـال ...... |
رد: فوق هام السحب ( الشعر الشعبي) على متن القوافي
ما عاد باقي لي مع الوقت مصلوح
الوقت حطم لي أماني كثيره إلى متى حلمي* من الوقت مذبوح إلى متى وحروف شعري أسيره ...... |
رد: فوق هام السحب ( الشعر الشعبي) على متن القوافي
راع الغرام اللي بخل في غرامه
ماعاد من يمه علوم ومراسيل قلّت مواصيله .. وقل اهتمامه وحنا ما يرضينا قليل المواصيل اما الغلا اللي ف بيض الايام شامه والا الجفا اللي ينهي القال والقيل ...... |
رد: فوق هام السحب ( الشعر الشعبي) على متن القوافي
يموت حب الناس والجرح مامات
ويسيل دمع العين دام الغلا حي لاعاد ترجي رجعه الوقت لافات أللي مضى لا يمكن يرجعه شي ...... |
رد: فوق هام السحب ( الشعر الشعبي) على متن القوافي
ياحضره الصمت عبر كل مافيني
البوح عاجز عن التعبير له فتره صوت التناهيت يطربني ويكفيني واعاتب الواقع الملموس بالنظره ...... |
رد: فوق هام السحب ( الشعر الشعبي) على متن القوافي
خسرت وآجد في حيآتي وتألمت
وعرفت آني دآيم آبقى لـ حآلي غآبوآ عن عيوني كثير وتعلمت أن آلزمن مآيآخذ إلا آلغوآلي ...... |
رد: فوق هام السحب ( الشعر الشعبي) على متن القوافي
يسعد مساء ناس علينا عزيزين
قبل اللسان القلب ساق التحيه مكانهم عندي على الرأس والعين واحبهم في الله ومن طيب نيه بقلمي |
رد: فوق هام السحب ( الشعر الشعبي) على متن القوافي
يا قلبي أدري فيك طاهر و حسـّاس
لا بــآس و إن گانت جروحك گـثيره حزنك و ضيقك و إنعزالك عن الناس صدقني إنها بعض الأحيان خِـيـره ...... |
رد: فوق هام السحب ( الشعر الشعبي) على متن القوافي
بين الأمل والياس عايش على لو
ليت الأماني تنتهي بالتمني (حلمٍ) سكن فيني وأنا ساكنه تو عشته خيال وخيب الوقت ظني ...... |
رد: فوق هام السحب ( الشعر الشعبي) على متن القوافي
ﺣذر ﺗﺑﯾـع اللي ﯾﻋزك وﺷﺎرﯾك
في ﺫﻣﭠي ﻟو راح ﻋﻣرك ﺧﺳﺎره ﻓي هاﻟزﻣن ﻣﻧﮬو ﯾﺣﺑك وﯾﻏﻟﯾك ﺣﺎﻓظ ﻋﻟيه وﺧل ﻋﻧك ﺎﻟحقاره ...... |
| الساعة الآن 07:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية