|
رد: اخترنا لكم
والله انك داخل الخفاق ساكن
من عرفتك وانت عندي كل شي كل ما غنى ابو نوره الاماكن انت والله بس من يطري علي .... |
رد: اخترنا لكم
يا كل ظالم ترى حبلك قصير
إذا أصبح المظلوم جهـده في بكاه اذا دعاء المظلوم في الثلث الاخير وش حيلتك اذا استجاب الله دعاه .... |
رد: اخترنا لكم
يارب يامن في يدك طب الاجراح
اجبر خواطـر في الضماير نكيده وافتــح لنا بالخيــر يا خيـر فتاح فيك الامل يا الله وفيك العقيده آمين |
رد: اخترنا لكم
افتح شبابيك الامـــل واطــرد الياس
وعيش عمــرك دون غصه وضيقه مهما يضيق الوقـت وتزيد الاتعاس لابـــد يفتــــح لك إلهـــي طريقه ياخوك لاتجرح شعورك والاحساس ولا تحتمـــل من فوق مالاتطيقه خل السعاده داخلك دون مقياس وعيش عمـرك كن عمرك دقيقه .... |
رد: اخترنا لكم
بعض الغيـاب يعلمك كيـف تشتاق
وبعض الغيـاب يعلمـك مـن يودك وانا ترى قلبـــي من الشـوق خفاق والبال سارح طـول الاوقات عندك وينك حبيبـي هدنـي كثــر الافراق وكثـر البعاد وكثر هجـرك وصدك ليتك تحــس بناري اللي بالاعماق والله مــــا تبخــــــل عليـا بردك .... |
رد: اخترنا لكم
أعطوا فقير الناس مما عطاكم
باسلوب ما يجرح حدود الكرامه وان كان ما شاف الرجاء من وراكم على الاقل تصدقوا بابتسامه .... |
رد: اخترنا لكم
الـعز عـز الـروح مـاهـو بالامـــوال
والطيب طيب الذات رفعه وهامه والفقر فقر الفــكر مـع مَــر الاجيال يامن تحسب الفقر عيب ومـلامــه .... |
رد: اخترنا لكم
الخاسر اللي خاسـرٍ دنيا ودين
اللي طريق الحق معطيه اظهره والـرابـح اللي يتْبع الحـق المبين يرجي العفـو من ربنا والمغفره مهما تعيش وتاخذ شهور وسنين نهايتك مـدفـون وسـط المقبره .... |
رد: اخترنا لكم
كلام القفى فالناس ماهو رجوله
ياللي لسانك فالمجالس حصانك أن كان ماحصلت هرجٍ تقوله حاول بذكر الله ترطب لسانك .... |
رد: اخترنا لكم
على الله جميع ارزاقــنا والرجاء بالله
وعبد ٍ رجـاء بالله ما خاب له رجــوى كريم ٍ على عبــده ليامن طلبه اعطاه وهو ملتجا المخلــوق لا صابته بلوى نصلي له افروضه ونسجدله ونخشاه نبي جنتـه يالله عســـاهــا لنـا مثـوى آمين |
رد: اخترنا لكم
اللحظة اللي تحس إنك غريق
والموج غاشيك من كل إتجاه ازبن على اللي يفـرج كل ضيق اللي جميع الخــلايق في رجاه قـــادر يوريك في الغبة طريق يلهمك دعوة ويكتب لك نجاه .... |
رد: اخترنا لكم
طبـعنا نشفق لذكـرى الحيـاه الماضيه
ولحظـة الذكـرى تجدد جروح الغافلين التّوجــد بعــض الأحيان ضربـه قاضـيه بس بعض أحيان للنفس مثل الأكسجين .... |
رد: اخترنا لكم
عافني يارب واغفر ماتعدّا
وإجعل النجده تجيني من ذراعي يوم ضاقت ما حداً غيرك مبدّا كل ما ضاقت علي اجيك داعي .... |
رد: اخترنا لكم
ياقلب لاساقك زمانك على الهم
غاير جروحك لا تبيًح خفاها مصيرها مع الايام تلتم والا تموت ويحسن الله عزاها .... |
رد: اخترنا لكم
لا ياخذك غيري وانا خاطري فيك
شطر وقف بين الرجاء والقناعه .... |
رد: اخترنا لكم
أصد عن بعض الخطا والتفاهات
اللي تضيع وقت من خاض فيها ودك ترتب قائمة للعلاقات وتحط مجموعة ما يشره عليها .... |
رد: اخترنا لكم
ارسـم خيالـك واعتنـي بـه واحاكيـه
واقـص لـه فـي كـل لـحظـه حكايـه واقطف ورود الود والشوق واعطيه وابنـي لـه قصـورالفرح في سمايه .... |
رد: اخترنا لكم
مساك عود ازرق على جمرة الشوق
كل ما احترق كنه ينادي بوصلك ياللي غلاتك فوق ومحبتك ذوق انت الحياه ودونك الروح تهلك .... |
رد: اخترنا لكم
ليتك كنت لي مثل الغريب
اللي صدم كتفي بكتفه واعتذر .... |
رد: اخترنا لكم
أنت طيب والمساء اللي يجيبك طيّب
جعل تفداك الليال السُود ليلة ليلة .... |
رد: اخترنا لكم
ياماحلا لاصار بالجو براق
برقه حقوق ٍ والرعد مردف له يضوي ونور البرق للعين سراق ياسعد منهو خايله في محله مرواح خير ٍ بارقه يرهق ارهاق يالله عسى بالخير وبله يهله يروي ديار سدير والسيل ينساق بامر الولي الواحد اللي نجله محمد بن محارب |
رد: اخترنا لكم
سليت قلبي ياسلا القلب والروح
للمه كلامك يجعل القلب سالي حتا ولو جيتك معذب ومجروح بضحكتك انـسا تعب من ليالي واش با تردي لو لك القلب مفتوح ولو عرفت انك على القلب غالي هل باتقل. قلبي لعيناك مسموح او باتزيد من الغلا والتــــعالي ياذي رياحك مثلما العطر بتفوح واجمل من انوار القمر والهلالي خط الامل ما بيننا سار مفتوح والبال في ذكرك يزيد انشغالي على الوفا والعهدما يوم باروح يامن حلاتك فايقه كل حالي .... |
رد: اخترنا لكم
احبك يا اريش العينين واعشق جوك العاطر
ونفسي في هواك العذب والجذاب مسحوره احبك ف الزمان اللي مضا واهواك ف الحاضر واودك يا دواء قلبي من الآمه ودكتوره انا في حبك المفتون انا المجنون انا الشاعر انا روح الموده والجسد والصوت والصوره انا في عشقك المخفي انا في حبك الضاهر انا في ملعبك يا خلي الهداف والكوره انا باشواقي المسجون وانت القفل والداير حبست القلب باشواقك ونفسي فيك مأسوره شعوري والمشاعر يكتسحها طيفك العابر برغم ان الطرق للوصل بك للان محضوره .... |
رد: اخترنا لكم
قال قهوتكم ذقتها حيل مرّه
وفنجالها ماهو بمثل الفناجيل قلت الفخر في طعمها والمسره وما عابها مرارة البن والهيل .... |
رد: اخترنا لكم
الله يـمـسـيـكم علـــى ماتحبـون
والله يـقويكم لطـاعـته ورضـاه ياجعل من عسرت مطاليبه تهون وياجعل من له منوةٍ يلحـق مناه آمين |
رد: اخترنا لكم
هذا زعيم العرب رمز العدل والصلاح
فخر العروبة وقايدها وناموسها على شداده ملوك الأرض تبغى السماح ماعاد تقدر تجيب الراي من روسها يامر بنزع السلاح وينزعون السلاح ويامر بضبط النفوس وتضبط نفوسها مشاري محمد |
رد: اخترنا لكم
مشينـا على طيـب النوايــا ولا ندري
عسى الله يجازينـا على طيبـة النيــه ..... |
رد: اخترنا لكم
أنا لا ارد بباب قلبي عابرًا
أو كيف لو وقفوا به أحبابُ محمد السعدي |
رد: اخترنا لكم
ياعظيم الشان جملني وعني
لاتخلي النفس في حاله غليبه اقرب الاصحاب في ضيقي تركني يوم وضعي شان وضروفي صعيبه مادروا بن الوفاء نبعي ومني وعادتي مافلت الصاحب واسيبه من بذل بي طيب جاه الطيب مثني ومن غدر بي قلت له ربي حسيبه والشدايد خضتها من صغر سني مانكسر قلبي وماجاء النفس خيبه ابو حسين الوايلي |
رد: اخترنا لكم
سلامي على الي ماتغير مع لوضاع
سنافي على كل المواجب ونفاعي ويبقى الكفو كفون ولو الزمن خداع يمينه بفعل الجود عاطي ومتراعي رجال الوفاء تعطي وعاد الزمن بصاع تطول الجمايل في رغدها ولوجاعي ..... |
رد: اخترنا لكم
قد دعينا ولبينا بداعي الصحايب
يارعى الله صاحب لادعى الصوت جاه الرفاقه لها مقدار عالي المراقب من يوفي المواجب وفق الله خطاه والرجال الوفيه تعتلي في المراتب تعشق العز والناموس في كل جاه ان مشينا مشينا كل منهاج طايب منهج الطيب ذا يمشيه يلقى النجاه مانفكر في المقفي ولا له نعاتب مانطارد وراء المقفي وقالب قفاه ااه ياذا الزمن جرحه على القلب ثاقب حطم الجيد واستصعب عليه الدواه ارتهينا على مجرى الشدايد تجارب واكتسبنا بمر الوقت راعي الوفاه ماتبين المحبه غير وقت الصعايب يكتشف لك قروم القوم واهل الرداه يوم راحوا على درب الجفى والمجادب قلت يالله جنبنا الردى والجفاه النوايا مطايا في الصدر وانت حاسب ونافخ الكير من قارب بنفخه عداه .... |
رد: اخترنا لكم
الا يالله بفرحه فقير ذبحه الدين
ولا عاد يوثق فيه من كثره ديونه اذا جا المحطه من دبور الزمان الشين ينادي بعض عمالها ما يحاكونه ولا عاد يدري ينطلق للحياه منين يبي ينتقم من فقره ويبرد غبونه شرا له بعير و وانيت وفله دورين وجيب تجيب الكبر من مسكه دركسونه عبدالله المقحم |
رد: اخترنا لكم
ياداير الظــهــر ياعيــــباه درت الـقــفى
وانا اعرفك رجل وافي ماتدور قــفاك سفهنتني بالتجافي يوم ســقت الوفـى ونسيت منهو معك يوفا بكامل خطاك اصفى المخوه عطيتك بالعلن والخفــى وبنيت لك قصر عالي عن جميع اخوياك ..... |
رد: اخترنا لكم
إذا اختفى وجهي من أوقاتك شوي
لا تدور الصوت في صدر الرساله بعض الكلام أحيانا إن قيل يضوي وبعضه سكوت أصدق من ألف مقاله يمكن تلاقيني وقلبي معي حي لكن وجودي في الزوايا حاله وإن شفتني ما بين حرفين مطوي اقرا الغياب بنص سطر ابتهاله ما كل دربٍ له معي فيه نواي ولا كل ظلٍ فالشمس ظلاله خلّ الهبوب تمر ما بيني وِبَي ريحٍ تمر وتاخذ أسرار حاله ..... |
رد: اخترنا لكم
طعنة الرجال من كف الصحيـب
فالوقوع اشد مـن طعنـة عـدو واشجع الطعنات في وجه الحريب واجبن الطعنات طعنـات القفـو وانت ياللي صرت فالهقوه قريب هقوتي مشـوار وقرًيـب بـدو! لو ملكت الشعر ولسان الخطيـب وشانت الاخـلاق ماقالـو كفـو ما تفيد الارض ياسيـل الجذيـب لو ثمان ايـام تحشوهـا حشـو! عارفيـن الليـل مبـداه المغيـب وعارفين الصبح جـلاًي الغشـو مايعدل الكيف فنجـال السريـب ولايمده راعي اسلـوم وغـزو! وان غطسنا في تجاويف القليـب يفـرق الاوزان قانـون الطفـو! ظلم ابوعداي واطمـاع الصليـب اودعت صدام في وسـط القبـو مير تب قدام يجرفـك الشعيـب واطلب التوبه ويشملـك العفـو! عابد صقر |
رد: اخترنا لكم
دنياك مثل الشمس قرّب غيابه
مثل النهار اللي بقى بس تاليه الخليوي الخديّر |
رد: اخترنا لكم
ماهي بسيطة عزتي عند ذاتي
وماعدّ نفسي شي دون الكرامه رح علّـم اللي قلّلوا مـن غلاتي من باعني برخيص درب السلامه د. ماجد عبدالله |
رد: اخترنا لكم
مغنيني الله عن زكاة المشاعر
والحمدلله ما على حالي قصور أملك شموخ ملوك وأحساس شاعر وسويت لي من عزة النفس دستور ..... |
رد: اخترنا لكم
مع الأسف يامشيدين الدواوين
ماعاد للمجلاس لزمه وعازه نشرب لنا فنجال ونقول سارين مادام كل منشغل في جهازه للأسف حالنا في هالايام |
رد: اخترنا لكم
لاتـخـتبر صـبري على جـور فـرقاك
ولا تـخـتبر صـمتي على كـتم سـرك انا الـذي قـدم لك العـمر لـرضـاك وانا الـذي صــابر عـلى حـر جـمرك ..... |
| الساعة الآن 08:23 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية