رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » عطش قلبي

أرفض .. المسافة
والسور .. والباب والحارس ..
آه أنا الجالس ورى ظهر النهار ..
ينفض أغبار .. ذكرى
أرفض .. يكون الإنتظار .. بكرا
أبسقي ..عطش قلبي اليابس..
على اشفاهي ..
بقول أحبك ..
أرفض إني أموت في قلبك
مادرى بموتي أحد .. حتى أنا
أرفض الصورة .. على الرف البعيد
وجهك المحبوس في ورق وحديد
أرفض احساس الحبر
وجرح سكين السطر ..
أرفض الليل ..الحصار
حبنا خلف الجدار
آه أنا الجالس ورى ظهر النهار ..
أنفض أغبار ذكرى
أرفض يكون الإنتظار .. بكرا
مثل البكا .. حبيبتي تحتاجني ..تحت الظلام ..
ومثل الفرح .. حبيبتي أحتاجها .. وسط الزحام
الحب علمها السكوت ..
والحب علمني الكلام ..
أرفض الصمت .. الحوار
بيننا .. خلف الجدار..
أبسقي عطش قلبي اليابس ..
على شفاهي .. بقول أحبك ..
أرفض إني أموت .. أموت في قلبك
مادري بموتي أحد .. حتى أنا

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ظامي هوى


ما أقول أنا لبيه .. وما أقول سمّى
ياعيونه اللي ما صفت لي وتكدّرت
يا صاحبي بكفيك مدحي وذمّي
كان الجفا تقصير يا زين قصرت
يا من نثر برماح الأهداب دمي
لو للجروح ضماد وصلٍ تصبّرت
لا شك ما انته يا دعج العين يمّي
لا والذي اطغاك زين وَتكَبّرت
ظامي هوى وشربت من فيض همّي
ويوم ارتوت روحي من الدمع صدرت

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » صياح الباب

صياح الباب يكفي لا ظهرت وبكتم صياحي
لك الله لو تبيني اصرخ حبيبي لا تهج الباب
تكلم واحرق بنار العتب طيني والواحي
عيوني لك مرايا لو تبي وافتح ضلوعي كتاب
وان مات الحكي ما عاد ينفع ضحكي ونواحي
يقولون الذي كاره يلاقي للفراق اسباب
حبيبي والوداع نعاس نجم والجفن صاحي
واحلام الرماد ولفتة تملي الدروب غياب
امانة لو عشقت في يوم غيري تذكر جراحي
ولا تترك حبيبك ما بقى للعاشقين عتاب
مفارق والذي يخليك لحظة بطفي مصباحي
تعرى الدمع ساعدني البسه الظلام ثياب

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » عظم وغضاريف


في دربكم يا راحلينٍ ٍ مناكيف
تالي ليالي القيظ وأول خريفه
ردّوا سلام أهل القلوب المواليف
على الوليف اللي نشد عن وليفه
ردّوه لعذوق النخيل المهانيف
وعلى القصور اللي بوادي حنيفه
دارٍٍ لها بالقلب عشق وتكاليف
ياعل عينٍٍ ماهوتها كفيفه
طبنا وشبنا وأتعبتنا المشاريف
والمرقب العالي هبوبه عنيفه
يا واردين العد .. كفّوا المغاريف
اللي بقى دمعٍ هماجٍٍ ذريفه
والله لو دمّي يغيث الملاهيف
قطعت عرقي لين يصفى نزيفه
ويا حظ من لا عرف منهو ولا شيف
إن طاب ..يحمد وإن تردّى .. بكيفه
وحنا ورثنا العز عظم وغضاريف
لا ما ورثنا العز تاج وقطيفة

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » عبرة الحبر


أبا اتنفس دام لي بالنفس حق
ياللي قصيدي فيك من حر الأنفاس
والله يالولا عبرة الحبر الأزرق
دمعٍ نثرته من عذابي بقرطاس
لاأقول أحبك .. لين بدموعي اشرق
وقبل الصديق يحس بي نايد الناس
إلى متى .. وصلك من العمر يسرق
دونك ودون الوصل .. بابٍ وحراس
أنا فـ جبيني الشمس تظمى .. وتعرق
وانته بشوب القيظ .. ريٍ ونسناس

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » عيونك والعتيم

إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه
إنتى عيونك سالفه .. سمعتها ليلة سفر
واثنين مروا بعاصفه .. وضيعوا نجمة وقمر
ومن يومها كثر الظلام .. وراح السحاب وبارقه
إنتي عيونك هالمدى .. بحر وطيور مهاجرة
تركت في شطه صدى .. صوتٍ تجرح آخره
ليتك سمعتي صرختي .. بالحيل كانت صادقه
إنتى عيونك نجمتين .. ضي ٍ ورا ضي ٍ يعود
ويادوب غابوا ليلتين .. خلو شموس الكون سود
رحتي ولا ظنك تجين
وين الوعد يامفارقه
إنتى عيونك والعتيم .. سبحان رب خالقه
قصيدة لشاعر قديم .. عاشق وماحد صدقه
ومن كثر ما غبتي عليه .. جمع قصيدة وشققه

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ضي عيني

ضي عيني ..
يا ضي عيني انت ..
زدني هوى لا هنت ..
وزدني وله لا هنت ..
يا شيب عيني من غيابك..
اسأل علي ..
يا ليتني سورك وبابك..
وتدخل علي
وافرح بعد..
لو كنت.. ضي عيني
يا ضي عيني انت..
البارحه.. جو من سفرغياب
وما خانهم ليل و قمر و احباب
غابوا سنه..
وما كنهم غابوا حبيبي
وانا لي انا..
ينساني وانا جنبه حبيبي ..
يا شيب عيني من غيابك ..
اسال علي ..
يا ليتني سورك وبابك ..
وتدخل علي ..
وافرح بعد..
او كنت ضي عيني
يا ضي عيني انت ..
عاشق ولو قلبك صخر واهواك
ومحتاج مع عمري عمر وانساك
لو هو بيدي..
خذتك ولو تزعل حبيبي..
غصب على الدنيا وعلى الناس..
وحبيبي ..
يا شيب عيني من غيابك..
اسال علي ..
يا ليتني سورك وبابك ..
وتدخل علي ..
وافرح بعد ..
لو كنت ضي عيني ..
يا ضي عيني انت ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » العطش

آه ..يا العطش
جفت اشفاهي
وصوتي الواهي ارتعش
لو حبيبي ما .. ما سقاني الما
لو شربت أظما لحبيبي .. وللعطش
يا سموم القيظ ..جفت عروقي
تحتي الرمضا..واللهب فوقي
والعطش شوقي .. وشوقي للعطش
اسقني عيونكحبيبي .. أو أموت
ما ابي رمشك نعش
يا وسامي الحب ..امطري في القلب
الزهر والعشب ..قلبي يا مطر
الظما .. والجوع .. بعدك .. والدهر
لو حبيبي ما .. ما سقاني الما
لو شربت أظما لحبيبي .. وللعطش

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » الضي النحيل

دايم يذكرني النخيل .. غير الطفولة والرياض ..
وصوت السواقي والهديل .. مواجع الضي النحيل ..
على وجنتك ..
كان الظلام .. والله كثير ..
وما ادري وش اللي وهقه ..
واختار خدك فـ الأخير .. وشعاع خدك شققه
دايم يذكرني النخيل .. غير الطفولة والرياض ..
وصوت السواقي والهديل .. مواجع الضي النحيل ..
على وجنتك ..
نجدية الضي والعتم .. ما بين راسك والقدم ..
لي مجد .. لي مي .. ورطب .. وسنابل الياس والغضب ..
ولي مواعيد النخيل .. اللي مضت ..
وحكاية الضي النحيل مع وجنتك ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » طريقنا واحد

طريقنا واحد ..
امشيه .. معي ..
أحباب .. كانك تبين ..
أصحاب .. اللي تبين ..
يكفي متى .. ما توصلين
تتذكرين ..
إنك حزينه .. وانا حزين
كافي كلام ..
مابي .. وعد ..
أو التزام ..
طريقنا يمحي الظلام
نمشي مسافات الرجوع
ودرب الهوى كله خضوع
ارمي الجرايد والهموم
لا تجبري عيونك تنوم
لا واسمعي همس النجوم
وهم الوداع .. وكثر الحنين
وكافي كلام .. مابي وعد
أو .. التزام

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » عز الكلام

عز الكلام ..
عز البكا والإبتسام ..
عز العتاب ويا العذاب ..
حتى الندم ذاب والأمل أصبح عدم ..
لما خلت كل الدروب ..
لما إنطوت .. شمس الغروب ..
وضيع معاه قصة هوى ..
وعز الهوى حتى على أهل الهوى
عزت على عينه الدموع .. عند الوداع
سلم يإيده للهوى .. سلم وضاع ..
تحت الليالي ضاع وانتهيت .. يا حب غالي ..
وضيع معاه قصة هوى ..
وعز الهوى حتى على أهل الهوى ..
ياما إبتسامه عاشت زمان ..
في عيون حبيبي .. ذبلت في يوم ..
وياما الملامه .. قست حنان ..
في قلب خايف .. جرحه يهون
وياما الهوى عذب كثير ..
لكن بقي فرحه كبير
إلا حبيبي .. عزت عليه ..
دمعة وداع تملا عينيه ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » صرخة بلا فم


قالت قصيدك ليل .. سودٍ معانيه
رويانةٍ بالدمع ... وامدادها دم
الى متى يا شاعر الهم تخفيه
والى متى .. تحنى ضلوعك على هم
قلت البكا .. صعبٍ عليه وأنا بيه
لا واهني اللي بكى وما تندم
لي عبرةٍ يلعب بها الحزن والتيه
ولي صرخةٍ .. واتعبت ابلقى لها فم
لا ما كتبت الشعر .. لحدٍ بسليه
ولانيب مداحٍ .. ولا باترنم
احساس لابيعه ولانيب شاريه
مرٍ يجي شهدٍ ومرات علقم
الى لمحتي دم جوفي .. افـ خليه
علىالورق .. لا صار روحك تالم
قلت الشعر يوم إن لي .. راحةٍ فيه
وحزين أنا .. إلى متى .. الله يعلم

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » صرخة بلا فم

بدر بن عبد المحسن » العين مشتاقه

عدد الابيات : 4 طباعة
يا عاذلي .. ما تشوف العين مشتاقة
لولا الحيا جاوبتك بدمعها الصافي
عطني جلد .. كان تنخاني على فراقه
ودي الي من تركته ما أشبح خلافي
لاح الجبين .. وجذبني نوض براقه
حيثه ربيعي .. وورد الخد مصيافي
والغصن لولا المطر ما أخضرت أوراقه
يا كيف عشب الوسم يترك وينعافي

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » عقد وسوار


لا شاري عقدِ ولا مهدي سوار
لا تلحقي نفسك هموم وحسايف
تريثيي يا قرة العين مقدار
ما تشرب عروق القصيد الوصايف
لا من قدحت الشعر وشبيت لك نار
نارِ على روس الهضاب النوايف
يطرب لها الساري ويسري بها الطار
وتزهر بها عقب المحول الشفايف
باهديك أنا عمر ولاكل الأعمار
يفنى القلم قبله وتفنى الصحايف
قصيدة تولد ورى باب وجدار
سر الضلوع المرهفات النحايف
وإلى أصبحت طارت على متن الأسفار
وغنت بها قبل النفود الصحايف
غيبي وشيبي وإتركي كل ما صار
يبقى جمالك في قصيدي طرايف
وخلي الكواكب من سنا نورك تغار
ولا تلحقي نفسك هموم وحسايف

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » الصاحب


يا صاحبي .. والليالي سود
يا صاحبي .. والزمن صافي
اللي إلى احتجت له موجود
واللي إلى من وعد يافي
ما هو على المرجلة محدود
تقول مكتوف بكتافي
ما جور ياللي رقيت إسنود
عرض الجبل .. وانيٍ حافي
يوم الردى مسكنه فـ .. لحود
مسكنك في راس مشرافي
والله لوفي التحرص زود
كان العمر ما نقص .. وافي
وليت الرخا لا اجتمع والجود
تقاسمه شهم .. وسنافي

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » عيون الليل

عيونك لاتوريها .. لغيري لاتوريها ..
عيونك لي .. ولو أقدر ..
عيونك عنك أداريها ..
أنا لو بعت نظراتك.. ابيع العمر واشريها
عيون الليل .. انا بالحيل
أحب أسهر لياليها ..
وأحب أبكي .. وهي تبكي ..
وأفرح للفرح فيها ..
حبيبي لو ضمنت اليوم ..
أعيش الشك في باكر ..
يجي مستقبل الايام ..
يغير في هوى الحاضر ..
يغيرك الزمن بعدي .. تعلم طبعه الغادر ..
أخاف عيون مايدرون ..
وش اللي يجرح الخاطر ..
وعيونك آه .. لو يدرون ..
حياتي فيها للآخر ..
عيونك لاتوريها لغيري ..لاتوريها ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » صداقة بالنظر

علمتني .. أعقد صداقة بالنظر
مع ساعتي .. قبل اللقا ...
وكيف الثواني ما تمر ..
والشمس .. ما تنوي المغيب ..
علمتني .. إن الحبيب .. دايم حبيب
مهما هجر ..
سيل الظلام ..
يملى الشوارع ليل ..
ولا جيت أنام ..
أرخي الستاير .. عن شعاع ..
عن صوت .. وأقفل بابنا ..
يدخل قمر أحبابنا .. مدري أنا من وين
ساكن قمر أحبابنا .. بين الهدب والعين ..
أرجع أناظر ساعتي .. واللي مضالي من السهر ..
علمتني .. إن الحبيب .. دايم حبيب ..
مهما هجر ..
ياللي عيوني مرايتك ..
وفي كتاب دمعي حكايتك..
ما اظن تنساني أنا ..
وجهي تركته في ساعتك
لا .. تخون وداعتك
تذكرني في ليل .. وفـ سهر .. وفـ حلم
تذكرني في بيت من شعر .. أو اسم ..
علمتني .. إن الحبيب .. دايم حبيب ..
مهما هجر ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » الظما عشق

كل ما حث الخطى .. ينبت
الطلح في عيوني
تبني الرمال رمال
كل ما حث الخطى .. يولد
من رحم السراب جبال
أثر الظما عشق
وردت يا بير السما
الشمس دلوي والشعاع حبال
أثر الظما عشق
يا ربعي الخالي
وأثر الأماني جمال
ترعى عشب بالي
والشمس ترس نحاس
وأثر الشعاع نصال
وراعي الهوى خيال
يفكها من الياس
واحث الخطى .. ينبت
الطلح في عيوني
تبني الرمال رمال
يكبر الطلح في عيوني
ويغيب ..
يسيل من تحت القدم
رغم الجفاف .. شعيب
اقطع تجاعيد السهال
بسيف الظلال ..
ويشرق سواد بيوتكم
في ( مرو ) التلال
وغيم الخريف
البرق له وميض .. ورفيف
يشرب الطلح في عيوني
وتسقي الرمال رمال

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » العشره الحلوه

العشره الحلوه .. على الراس والعين ..
أحلى الليالي .. اللي مضت .. لكن مضت ..
ويش رايك في هالحين ..
دايم .. تذكرني .. اللي فات ..
كل الحياة ماضي بعيد ..
باكر تراه .. يومٍ جديد ..
أحلى الليالي .. اللي مضت .. لكن مضت ..
ويش رايك في هالحين ..
بالله .. لا تخلي الوفا .. يصبح صبر ..
لا تختصر .. كل العمر ..
وتعيش امل .. عطني عمر ..
أحلى الليالي .. اللي مضت .. لكن مضت ..
ويش رايك في هالحين ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ظل وطباشير

اشاره .. تعقد الحاجب
نوقف طوابير
الليل في الشارع ..
ظل .. وطباشير ..
ووجيهنا لوح
اشاره .. نعقد الحاجب
توقف نوافير .. النور ..
وتجري نوافير ..
ويدور .. الشريط يدور
وسيارةٍ قبل الأخير
اتعيد نفس الأغنية ..
نفس الأغنية ..
ويمر الوقت ثقيل .. ثقيل ..
على القليل .. من الجلد ..
اعد حبات العرق .. في جبهتي ..
وفي مرايتي .. يصرخ ولد
وينعس كبير ..
وسيارةٍ قبل الأخير ..
اتعيد نفس الأغنية ..
نفس الأغنية ..
يصرخ نفير ..
اشارة تطلق الحاجب
وحبلٍ يلين ..
اطلق يدي .. من الشعور ..
اني سجين ..
اشارةٍ تطلق الحاجب
وتركض نوافير .. النور
آه .. السؤال ..
دربي شمال .. والا يمين ..
شمال .. يمين
انا وين اروح .. وين اروح ..
ظل .. وطباشير ..
ووجيهنا لوح ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » العمر أحبك


لليل احبك مابقى في السما نور
والى ضواني الليل .. للصبح أحبك
واللحظة اللي كلها عند وغرور
أشوف قبري بين عينك .. وقلبك
في صدري سراجٍٍ حزينٍٍ .. ومكسور
رغم المطر والريح .. شلته في دربك
والله مابه غير لوعاتي قصور
وخوفي عليك الله ربي وربك
ما بي جهد ابني على صمتك جسور
لا حيرتني أسباب سلمك وحربك
العمر أحبك .. مابقى فيني شعور
والى جفاني العمر .. وشلون أحبك

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » طيف


نامت الشمس .. واستيقظ عناي
حال دون الكرى طيفٍ ضوى
ساعة أقبل نطحته من عماي
وصحت يا سيدي .. طال النوى
أحسب إنك معي ليتك معاي
يوم ضميت بيديني الهوى
يا بعيدٍ عليه انزف دماي
لاقضى الصبر .. ولا الشوق ارتوى
نبتة الدم .. تورق في حشاي
من سببها ترى حالي ذوى
وين أنادي ومين يسمع نداي
صرختي فيك .. وسكوتي سوى

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ضيعت الدليل

كل ما أقفيت . . ناداني تعال
وكل ما أقبلت عزّم بالرحيل
وكل ما أجنبت واعدني شمال
يا أهل الحب ضيعت الدليل
الحقيقة غدت مثل الخيال
هو عدوّي . . وهو أغلى خليل
شفت أنا الظلم من بعض الدلال
يجرح القلب لو كانه جميل
أشهد إن الهوى ما به عدال
هو خلي . . وأنا قلبي عليل
وكل ما قلت له يا ابن الحلال
المحبة عطا . . وانت بخيل
التفت لي وهو عجل وقال
لذة الحب في الشي القليل

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ضيعت الدليل


كل ما أقفيت . . ناداني تعال
وكل ما أقبلت عزّم بالرحيل
وكل ما أجنبت واعدني شمال
يا أهل الحب ضيعت الدليل
الحقيقة غدت مثل الخيال
هو عدوّي . . وهو أغلى خليل
شفت أنا الظلم من بعض الدلال
يجرح القلب لو كانه جميل
أشهد إن الهوى ما به عدال
هو خلي . . وأنا قلبي عليل
وكل ما قلت له يا ابن الحلال
المحبة عطا . . وانت بخيل
التفت لي وهو عجل وقال
لذة الحب في الشي القليل

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » على النوى


على النوى علمي .. بهم هجعة الليل
نجل العيون من البكا كحلها سال
واليوم غير الياس.. قل المراسيل
يا من يطمّني عسى ليلهم طال
الله على اللي ما صفط لي غرابيل
لاشك شرع الحب همٍ وغربال
قفّى ولي في حجر عينه تعاليل
تقول يا ذا البعد نجزيك بوصال
وتعلقت روح الليالي المقابيل
و يا عنك ما يامن من الوقت رجّال
لا ما علي لو دمع عيني هماليل
الموت دمع القلب لا صار همّال

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ظماي انت

ظماي انت .. ومن يعشق ضماه غيري
جروحي انت .. ومن يكره دواه
اسقني لو ما ارتويت .. داوني لو ما شكيت
ماهقيت اني اعطش .. في حياتي لغيرك انت
مادريت ان مابه أغلى منك ..الا انت
ما تصور ان عيني مره تغفى وما اشوفك
ما تصور لو يطول الصمت ما اسمع حروفك
تدري احساسي بخوفي هو أماني
لما تسأل عني ليله عن مكاني
ما تصور كيف تحرقني الثواني
شمعه في ليل انتظارك..!
ياللي يسبقني زماني .. من عطش .. ليلي ونهاري
عطني موعد .. وانسى موعد
بس لا... تهجر وتبعد
يا ظما قلبي لقلبي .. وغربة اعيوني عن عيوني
وينك انت
ياترى الليله في صدري
لا ..
في جفني
لا ..
في الشعور اللي خطفني
اه ... لو تدري بشوقي
آه ... .يا ظما الدنيا بعروقي

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » قادر الله

قادر الله .. قادر الله ..
يالغضي ..قادر الله
نلتقي فـ وسط الطريق ..
خطوة مني ..وخطوه منك
شارع الفرقه .. يضيق
قادر الله ..
والمحبه .. هي من الله
حطها وسط القلوب ..
قلب يتهنى بشبابه ..
وقلب يتعذب يذوب ..
قادر الله .. قادر الله ..
لا .. ولا ياابو سن ضاحك ..
منك ما شفنا عبوس ..
ما تعودنا نشوفك ..
إلا بهجه للنفوس ..
قادر الله .. قادر الله ..
ليتني وانت في جزيرة ..
ما يجيها غيرنا ...
حولنا بحورٍ غزيره ..
نقضي فيها عمرنا ..
قادر الله .. قادر الله..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » لاتنساني

خريف ..
اوراقك الصفرا .. خريف ..
والضحكة الصفرا .. خريف ..
ملت .. مواعيد الوله ..
قلبك دله ..
وقف .. النزيف ..
وش عاد .. لو تكذب علي ..
إكذب علي ..
ما عاد .. فرحني غزل ..
ما عاد .. عذبني امل ..
ياحب ناداك الرحيل .. رد الندا ..
إخترت عن عيني بديل .. وكان المدى ..
أعطيك .. وش عندي قليل ..
صرخة .. وصدى ..
اللي بيدي إني اذوب ..
واشتاق لك .. طيف وصور
ولو هو بيدي .. امحي الدروب ..
والغي المواني والسفر ..
وآه من السنين .. يا حبيبي ..
من اللي ما ينسى مين ..
واللي يعيش ينسى ..
ومر الزمن ليلة ..
ليله .. بعد ليله ..
اسهر .. وانادي له ..
وأحيا على .. باقي عطر..
فـ أطراف منديله ...
ويلاه ... يا ويلاه ..
قلبي أنا ويلاه .. أسهر أنادي له ..
وامر شباكه عسى .. تضوي قناديله
يا حبي اللي ذاب ...
ما للزمن أصحاب ..
صدقني ما أدري لمتى ..
إنت وانا أحباب ..
وآه من السنين
لا تنساني .. هذا الكلام اللي بقول ..
لجل المطر .. لجل الفصول ..
لا تنساني ....

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ليل البعاد

ما أطولك ليل ...
ليل البعاد .. والإنتظار ..
ما اطولك ليل ...
سارق من عيون النهار ...
ناسي زمانك ...
زمانك .. يا شجوني ...
عارف مكانك ..
مكانك.. في عيوني ...
يا ليل .. يا ليل ..
يا ليل أنا ربعي هناك ...
وداري ورا الدمعه .. وراك ...
الله على شمس الأصيل ..
من ضيها مثل الذهب ..
الله على سمرا تقول ..
الى متى الفرقا .. تطول ..
في صوتها .. شوق وعتب ..
ما أطولك ليل .. ما اطولك ..
طال .. طال بي وجد ..
قلبي يا هواي ..
يا دفا نجد ..
في عيون الصبايا ..
ليتني نسمه .. على عالي عسير ..
أو على جده .. على الشط الحرير ..
ليتني نفحة أريج .. عطرت ريح الشمال ..
يا ليتني موجة خليج .. ترتمي فوق الرمال ..
ما أطولك ليل ... ما اطولك ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » فم الجروح

فم الجروح ..
نوافذ البوح ..
هذي الثقوب في الصارخ الحي ..
نوافير من ضي ..
وجدار ..
املاها بحديث النار ..
واكسرها على اقدام الاماني ..
مره أغاني ..
ومرها .. كلامٍٍ جارح ..
وهذا القصيد ..اللي كتبت البارح ..
اليوم .. انفاس الصباح ..
تلفح جروحي ..
آه .. ياصبحٍٍ لمحت في عتمته روحي ..
طفلةٍ تصدح على خشب المسارح ..
ياصوتها الغاضب المقطوع ..
بعض السواد .. شموع ..
ومحدٍ درى وش قلتي ..
خانتني الجوارح ..
مثل القصيد اللي كتبت البارح ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » كل ما دعاني الشوق

كل ما دعاني الشوق للقلب الأول
القى مكان القلب في الصدر تنهيد
وطيوف ذكرى في الحنايا تجول
تجمع صور وأوراق من باقي العيد
مدري سبقني الوقت والا تحول
أخلف ربيعي وادهرن المواعيد
أو هو الصبا .. نجمٍ رقى ثم حول
غاب وسما وجهي مشيب وتجاعيد
أحبابنا ليت الذي راح طول
وليت الذي باقي لما فات تجديد
انتم مثل قلبٍ عرفته امنول
وأصبح مكان القلب في الصدر تنهيد

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » لاوالذي سواك


لا والذي سواك ما اريد سلواك
ما أخبر به نفسٍ تمنت قدرها
وكان التفرق يا ادعج العين عناك
أنا الذي روحي عذابه صهرها
والله لو ما اعي .. نفسي برجواك
واجزم وَكاد إنه يهمك خبرها
لأطفي شعاع العمر .. لا غيّب ضياك
عميت عيونٍ ما يطولك نظرها
أغلي حياتي .. من ثواني بها ألقاك
لولاك ما تسوى حياتي كدرها
ودنيا خلت من صافي الود وياك
يا عل تكسف شمسها مع قمر

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » لا تناظرين بعيد


تعبت اناظر فوق ..
واتعلق بشوفي ..
تحتي الثرى مشقوق ..
وهمك على كتوفي ..
ولاتناظرين بعيد ..
وبلادي في عيونك
توي قطعت البيد ..
لرضاك .. وبدونك ..
ماعاد فيني اعروق ..
ودمي على سيوفي ..
لاتمطريني ورد ..
مشقوقه كفوفي ..
مثل الثرى .. والقلب ..
قمح ونخل محروق ..
وجدراني حروفي ..
تعبت اناظر فوق ..
تحتي الثرى مشقوق ..
قمح ونخل محروق ..
ماعاد فيني عروق ..
ماتنزلي لخوفي ..؟

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » لحظة وداع

عيني عن النوم جزاعه
وكثر الهواجيس قزّني
وأشبح متى عقرب الساعة
يطوي ظلام الكدر عني
قلبي زوال الرجا راعه
ما ارتاح يوم ابعدوا مني
وقفت انا لحظة وداعه
أبكي .. وأنا ضاحك سني
مسكين من صاحبه باعه
وعيّن لياليه يشرني

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ليلكم شمس

ليلكم شمس .. اتصلنا ..
اتصلنا امس ..
ما لقينا صوتكم ..
اشتكينا اسكوتكم ..
لسكوتكم
ولمَّا ملينا الكلام .. كانت الساعه ظلام ..
قلنا .. بنحاول ننام ..
ونتصل باكر
ليلكم شمس ..اتصلنا
اتصلنا اليوم
جاوبتنا داركم
اشتكينا اعذاركم ..
لا عذاركم ..
ولمَّا ملينا العتب .. كانت الساعه تعب
قلنا لو ننسى الغضب ..
ونتصل باكر ..
ان لقيناكم عسى .. وان هجرتونا عسى ..
بنغسل اجروح المسا..
بالمسا..
حنا ملينا الصبر .. كانت الساعه عمر
اقبلو منا العذر ..
لكل شي آخر
لكل شي آخر

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ليلة القمر الشحيح

يوم أصيح .. كنت أهزك ..
يا نخيل الوادي ..
غصب اهزك .. مثل ريح ..
والوي أعناق الجريد ..
للقصيد .. ولبحّة الشادي ..
كانت أسراب الحمام .. تنشر فـ صوتي جناح ..
ولا بدى وجه الظلام .. تضوي فـ صمتي هديل ..
كنت أهزك .. يا نخيل ..
يا نخيل الوادي
وليلة القمر الشحيح ..
ما طاح في الساقي ..
طير على حبري رذاذ
وابتلت أوراقي ..
كانت حروف القصيده
حب .. في نخله وحيده ..
وما درت بي ..
أصيح .. أصيح ..
وانا صدري .. روض شوك ..
وخاطري طيرٍ جريح ...
وما دريتي بي ..
أقضبي لجام مهرة الشعر ..
با ترجل .. قبل اطيح .

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » ليتي معك دايم

ليتي معك دايم .. روحي فـ هواك هايم
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
ومالي فـ هواك لايم .. ليتي معك دايم
ليتي معك خطوة .. تمشي لهواك دروب
ونسمة هوى حلوه .. تحيّي الأمل فـ قلوب
ليتي معك وارتاح .. وانسى الضنى اللي راح
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..
آه .. من الهوى والليل .. فـ عيونك السودا
غربه ومالي دليل .. والخطوه معدودة
والله الزمان غلاب .. والبسمه محسوده
ونور الأمل كذاب .. والراحه مفقوده
واخفيك مع روحي .. آمالي وجروحي
وانت السهر والليل .. وانت القمر وسهيل
وانت سبب نوحي ..

رد: ديوان شعراء السعودية في العصر الحديث (متجدد)☘️☘️
 

» بدر بن عبد المحسن » لا

لا .. لا ..
هالكلمة المرة ..
لا .. لا ..
إسمعها مره ..
جرب هالقلب القاسي ..
حبك عذب إحساسي ..
وتسأل باشوفك بكره ..
لا ما هو هالمره ..
ارجع .. واترك لي ليلي..
تجرح قلبي .. وتشكي لي ..
نادم هذا منديلي .. وابكي .. بالمره
وتسأل باشوفك بكره ..
لا .. ما هو هالمره ..
كيف بدا القمر الباكي ..
عمري .. وردي واشواكي ..
حبك .. أرضي وافلاكي ..
وليتك تفهمني مره ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » الليالي

سب لي الليالي .. وامشي بعيد
سبني في حالي .. اسهر وحيد
ابعد هناك .. انت وهناك ..
حتى السعاده .. خذها معاك ..
وسبني في حالي .. سب لي الليالي ..
سبني فـ حياتي ..
اطوي حياتك ..
خليني افرق .. ذاتي وذاتك
امشي طريقي .. واطفي حريقي
والحق في عمري .. اللي فاتك
ابعد هناك .. انت وهناك ..
حتى السعاده .. خذها معاك ..
وسبني في حالي .. سب لي الليالي ..
صبري عليك .. ظلمك ليَّ ..
نسى حنان الدنيا علي َّ..
نسى ظنوني .. قسى عيوني ..
خلاها تضحك .. للأسيه ..
ندمي عليك .. ندمي عليه ..
ندمي .. وانا حبي الضحيه
طفى شموعي .. خلّف دموعي
وشمعة حياتي .. ما هي شويَّ
ابعد هناك .. انت وهناك ..
حتى السعاده خذها معاك ..
وسبني في حالي .. سب لي الليالي ..

رد: ديوان شعراء السعودية في العصر الحديث (متجدد)☘️☘️
 

بدر بن عبد المحسن » اللوعة


ياللي نسيت الزمن وقلوبنا تعده
كم ليلةٍ غبت والهاجوس يلعب بي
لا انت مع القلب يالغالي ولا ضده
كله سوى راحتي والا تعب قلبي
يسيل قلبي على الخدين .. وارده
خبرت قلبٍ من اللوعات ينحبي
وان قلت لا بد يبرد زادت الشده
شقيت انا منك والشكوى على ربي
يا من يغيب القمر لا من ظهر خده
الزين زينك وانا كثر الوله ذنبي
من عانق السيف لازم يجرحه خده
ومن يعشق الجمر فيه النار تشتبي