|
رد: اخترنا لكم
ماني بحاجة كلام يفك صدر الوعود
انا بحاجة فعل يسد حلق الكلام ..... |
رد: اخترنا لكم
وأهجر قصور الذل لو هي من ذهب
وأسكن بيوت العز لو كانت من تراب ..... |
رد: اخترنا لكم
يكثر ماني اعتذرلك فالظروف وبالسفر
وانا ادري ان ماكل مره خيرها في غيرها جعل السنين فداك من سفر ليا غره سفر وفداك حامل مسكها وفداك نافخ كيرها .... |
رد: اخترنا لكم
انا على حطت يدك والله ماعندي جديد
اعاند ايامي بعد ماجاتني بعنادها تبقى الرسايل الاوله اغلى واعز من الوريد رسايلٍ من قبل روحك يختلف ميعادها ..... |
رد: اخترنا لكم
من لايوردها مواريد الأبطال
يشرب من كفوف اليالي غبينه ..... |
رد: اخترنا لكم
إن بغيت المواصل وإن بغيت الفراق
انا قد الأولى وأكبر من الثانية ..... |
رد: اخترنا لكم
لا تحبّ الحياة أكثر من المفترض
ولا تخاف الفراق وكلّنا راحلين .... |
رد: اخترنا لكم
حاولت ابيّض نيّتي واقابل الظُلم بسماح
والله يَعلَمُ خَائِنَة الْأَعْيُنِ ومَا تُخْفِي الصُّدُور أزريت اصلّح غلطةٍ راحت واثاري العمر راح كل ما اعتذرت يردّد الماضي ترا ما انت مْعذور خلاص ابرخي قبضتي واترك شراعي للرياح سلّمت اموري لـ اللي بأمره تساهيل الأمور .... |
رد: اخترنا لكم
بعض العرب حبّه يوردك الجنون
ولا يوصّف له غلاه حكاك له ما يقنعه وصف الغلا لو وش يكون لو كل حرفٍ بالحرير يحاك له الموت جاك و هو تقلبه الظنون ولا لك إلا الصبر وش وداك له إن قلت ضايق قال هونها تهون ما يدري إن ضيقتك له وبكاك له محمد بن فطيس |
رد: اخترنا لكم
بعض العرب روحه مثل دلة الكيف
فنجالها يشفي القلوب العليلة .... |
رد: اخترنا لكم
لو اقول ان البحر مثل الهوى ماهوب قدي
ماقدرت اقول قلبي تاب واعرض عن دروبه ولو اتوب من الذنوب اللي جنت الايام ضدي ما قدرت اتوب عن ذنبٍ يعن القلب صوبه كيف اتوبك يا اجمل ذنوبي وأوقف عند حدي وانت ذنبٍ لا غفره الله ولا لي عنه توبه .... |
رد: اخترنا لكم
عرفت إن القدر فرصه سعيده والحياه أعراف
لو إن الشوق من كثر البعاد المُرّ يصلينا ㅤ أزورك حلم من خلف الحقيقه والشعور لحاف ما دام إن الوله واقف على سكة هقاوينا .... |
رد: اخترنا لكم
سمح خاطري واستثقل الصبر والمقعاد
لو انك الوحيد الفارع وصفوة الصفوه ㅤ مراحي جهاد ورجعتي لك عنا وجهاد بدا غافل الايام يصحى من الغفوه ㅤ برود المشاعر شاخ بين القلوب وساد ماعاد اعرفك بالشكل والاسم والحفوه .... |
رد: اخترنا لكم
من علق أحلامه على المحبوب ماعاش بسرور
في يدينه يحد الخفوق لموتته ويقبّره ثابت وتانيب الضمير يلف بالراس ويدور و الليل لا حاوّل يلامس خاطري ماعبّره ضحكت بوداعك ولا ادري من جهل ولا غرور بس ادري ان نفّسي لـ لحظات الجفى متكبّره .... |
رد: اخترنا لكم
يا مساء الورد والعود المسقا
ياسبب نوحي وشوقي وأحتراقي ودي أبدع في المعاني وأتنقا لين ما يبقى من الجزلات باقي .... |
رد: اخترنا لكم
البغل مايسبق خيول ٍ أصليه
حتى ولو إنه يدرب بميدان والنذل مايسعى لفعل الجميله ولوكان يلقاها رخيصة بالاثمان لأجله خبيث ولايحب الفضيله في صورته إنسان والروح شيطان أجل تبون الطيب يا أهل الرذيله تبطون لين الثوم ينتج بريحان .... |
رد: اخترنا لكم
ياليت ما عندي مشاعر ولا احساس
ولا قلب يتأثر بكسر الخواطر من شان لاجتني مواجع من الناس اصبر وعديها على طيب خاطر لاكن خلق لي ربنا قلب حساس فيه الوفا والطيب باطن وظاهر ولكن فعول الناس صابته بالياس والناس ما ترحم رقيق المشاعر .... |
رد: اخترنا لكم
خسرت واجد في حياتي وتالمت
وعرفت اني دايم ابقى لحالي غابو عن عيوني كثير وتعلمت ان الزمن ماياخذ الاغوالي .... |
رد: اخترنا لكم
لا تساومني وأنا أدري وأنت تدري
أني أعاف الجفى لكن ما أخافه خابرٍ قدرك بصدري بس صدري ما تعوّد يلحق المقفي حسافة ..... |
رد: اخترنا لكم
الارزاق عند الله ولاهيب عند الناس
توكل على الله واطلب الرزق من عنده وعلى ميلة الايام خلك قوي الباس ترا قيمة الرجال في ماكسب زنده .... |
رد: اخترنا لكم
لاتعتذر لي باب الاعذار مقفول
لو ان مفتاحه معي مافتحته ماكل مره عذر الاحباب مقبول انا استخرت الله ورقمك مسحته لكن قبل لاترحل اسمح لي اقول والله مانسى جرحك اللي جرحته ياساتر |
رد: اخترنا لكم
مساحة الليل ما كانت تكفينا
كنّا نسولف ثواني و الفجر يطلع و الحين عقب المفارق صار يمدينا نشبع هواجيس من وحده الين أربع .... |
رد: اخترنا لكم
فرقا عزاز ولا مهانة مواصيل
وغيبة حشيم ولا ملاقا مهونه نجي رياجيل ونقفي رياجيل حنّا كذا وانتوا على اللي تبونه .... |
رد: اخترنا لكم
اغتنم وقت الفرح وإنس المواجع
الزمن يبغى له مداحم وقوّه وفي سبيل إسعاد نفسك لا اتراجع اي شيٍ ودك تسويه سوّه .... |
رد: اخترنا لكم
يالله ثبتنا على دين الاسلام
يوم البشر هالوقت زلّت خطاها ثم اكفنا شر الليالي والايام واكتب لنا خير الحياة ورخاها .... |
رد: اخترنا لكم
دام راسي حي ياسمح المحيّا
لا تضايقك الظروف ولا تهمك ارك همك بالمعاليق وتفيّا وسوّد الله وجهي إن ماشلت همك .... |
رد: اخترنا لكم
ياهلي ياليتني دالهٍ سالي
ليت قلبي ماتولع بمضنونه لا ولد عمي ولا هو ولد خالي ويش اسوي يوم ربي بلاني به ..... |
رد: اخترنا لكم
اضحك مع العالم ولو قلبي حزين
اكذب على نفسي مثل ما يكذبون لو كل حزن يكدر الخاطر يبين ما عمرنا شفنا اليتاما يضحكون .... |
رد: اخترنا لكم
من عاش في صحة وطيب ومستور
لاعــاد يرجي غيــر هذي طماعه دنيــا نـهايتهـا حسابـات وقبور وأعمــارنـــا فيهـا سوات الوداعه .... |
رد: اخترنا لكم
افتح جھازك انا محتاج تسمعنـي
عطني دقايق وكيفك بعدھا سكر ترى غيابك بدون اسباب موجعني وأنا مزاجي على فرقاك متعكر ..... |
رد: اخترنا لكم
اعمارنا مثل الحطب في طرف نار
شي احترق واللي بقىظ° جايه الدور وارزاقنا مثل السحايب والامطار اللي ماهو مقسوم ماهو بممطور ..... |
رد: اخترنا لكم
أزعـل ولكـن الغلا مثل مـا هـو
لان الزعـل ماله دخـل بالـمحبه ماني من اللي كل ليله وله جـو يمدح وليفه وإن زعل منه سبه .... |
رد: اخترنا لكم
لاتلتفت صوب الحسود اليا هرج
ولا تقــرب للمنــافق والحقـــــود اصبر وكافــح ماعلى الباقي حرج ترى الصـبر حالي ولو دربه شـديد والي تشـوفه من حياتك قد خرج اتجاوزه وخل قلبك من حـديـد ..... |
رد: اخترنا لكم
ياهـلا وازكى تحيات السلام
للوليف اللي سكن قلبي غلاه ومن حدود الشوق لي حد الغرام يسعد الله خاطره ويسعد مساه ..... |
رد: اخترنا لكم
اليا عشقنا نعطي العشق مدبول
ولا نهيـن الحب ولا نـذله واليا انجرحنا ما زعلنا على طول واليا زعلنـا نزعل العمر كله ..... |
رد: اخترنا لكم
البارحه عيت عيوني عن النوم
أبيه مير النوم عيا يجيني ماني بخايف دام باقي معي يوم في دبرة اللي يحيي الميتيني لكن تواردني هواجيس وهموم متشوق ٍ لبنية ٍ تحتريني عبدالله بن زويبن |
رد: اخترنا لكم
تعال ضـم الشـوق في قـلـب ناداك
صبح علـى قلـبٍ تحـرى حضـورك قُل له صباح الخـير والخـير لقـياك الصبح ما ينـطــاق إن غـاب نـورك .... |
رد: اخترنا لكم
بعض العرب وصله ينسيك دنياك
ويسج بك عن كل هماً تشيله .... |
رد: اخترنا لكم
عيش الحياة بكل وضع و قناعه
وخل التواضع يملى قلبك وفكره واسجد لربك كل وتر وشفاعه ما ينفعك في هالزمن غير شكره .... |
رد: اخترنا لكم
غلطتي إني على النيّه مشيت
ما حسبت حساب دورات الزمان كنت لاهي ما تصورت وهقيت إن بعض الناس مافيها أمان .... |
| الساعة الآن 04:20 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية