رد: فوق هام السحب ( الشعر الشعبي) على متن القوافي
 

قامت الدنيا تمادى وتعطينا عروض
يالله توفيقك وعفوك وسترك والنجاه

ندري ان العمر محدود والدنيا حظوظ
واثمرتها السيره المستقيمه والصلاه

.....

رد: فوق هام السحب ( الشعر الشعبي) على متن القوافي
 

عرفت كيف اليوم يفرق عن الامس
‏وخذيت عن بعد المحبين فكره

‏ياليت غيبتهم مثل غيبت الشمس
‏اللي تغيب اليوم وتبين بكره

.....

رد: فوق هام السحب ( الشعر الشعبي) على متن القوافي
 

غرد على كيفك وذوقك ومشهاك
وان كنت طيب طاب مثلك كلامك

خذ هالنصيحه وخلها دوم وياك
كل ما احترمت الناس زاد ‎احترامك

.....

رد: فوق هام السحب ( الشعر الشعبي) على متن القوافي
 

ياحروفي وإن حصل مني خطأ
خبّري المحبوب مو قصدي سهيت

ياحروفي والله أتعبني البطى
كلّ ماطالعت لشباهه بكيت

.....

رد: فوق هام السحب ( الشعر الشعبي) على متن القوافي
 

مثل العسل اسمك إذا قمت أناديك
ومثل البدر رسمك بعتم الليالي

أعشق عذاب العشق وأموت أنا فيك
وأهوى أجازف في بحورك لحالِي

.....

رد: فوق هام السحب ( الشعر الشعبي) على متن القوافي
 

في غيابك من قصيده لاقصيده
ودّي أنسى والقصايد تنتبه لك

كل مافتح بالخفا صفحه جديده
يرتسم وجهك عليها واتّجه لك

.....

رد: فوق هام السحب ( الشعر الشعبي) على متن القوافي
 

صوتـك تمرجح بين امر ولبيه
‏وحتى عيوني في وصالك تحاكت

‏لاجيت لك مشتاق خل المشاريه
‏ولا قلت احبك ضمني وانت ساكت

.....

رد: فوق هام السحب ( الشعر الشعبي) على متن القوافي
 

طيبك مع الطيب يزيده نقاوة
مثل الذهب ينفعك دامك حشمته

وطيبك مع الخايب يزيده غباوه
من ضعف عقله يحسبك مافهمته

.....

رد: فوق هام السحب ( الشعر الشعبي) على متن القوافي
 

حسبت قلبي ياهوى البال سالي
‏لا واللذي اعطاك في داخلي حب

‏اطردك من قلبي واشوفك في بالي
‏واطردك من بالي والاقيك بالقلب

.....

رد: فوق هام السحب ( الشعر الشعبي) على متن القوافي
 

النفس طابت والحياه اجبرتني
اساير أيامي على قدر المكان

والوقت قاسي والظروف اتعبتني
والحظ مايل عن مسارة ولا زان

.....