|
رد: فوق هام السحب ( الشعر الشعبي) على متن القوافي
مبطي احـبـك بس مـا ني معـلم
أخاف لو علمت في حبك احرجك أمـر مـن حـولك وبالقلـب اسـلم وانا بكل الحـب مع روحي ادرجك ما غـير في حبك اهوجس واحـلم دخلت في قلبي ولا ني بمخـرجك .... |
رد: فوق هام السحب ( الشعر الشعبي) على متن القوافي
ترى الشــاعـر الي ما يحلّق مع الأفاق
قصيده يموت وينتـهي لا دخل قبره كلامـه على ميـزان جـزل الكـلام رقاق لوّ انـه يقــدم فـ المنـابر ولـه خبره .... |
رد: فوق هام السحب ( الشعر الشعبي) على متن القوافي
ياطيب القصيد الي تلافت له الاعناق
عن الفكرة المستهلكه طايلً شبره ترى نظرة المبدع مثل بنـدق التفاق نهار التـحدي وقعها يلقـط الابره .... |
رد: فوق هام السحب ( الشعر الشعبي) على متن القوافي
ان كان فعلك طاب من طيب ذاتك
ماهو بـ شـرط توافقك كل الأذواق تدري متى بـ تكون خاسر حياتك لا صرت معدوم المبادي و الاخلاق .... |
رد: فوق هام السحب ( الشعر الشعبي) على متن القوافي
رغم صكات الزمن ماني بـ نادم
زودتني عزم واصرار وجساره والله إني ماخسرت من الاوادم غير من كانت معرفتهم خساره بقلمي |
رد: فوق هام السحب ( الشعر الشعبي) على متن القوافي
ولا أنت يا أبو العيون الناعسات الوساع
سلهامها يأخذ العشاق لـ أبعد مدى ⠀ سهوم نظرتك ما يقدم عليها شجاع حتى لو أنه من اللي ينطحون العدى ⠀ لعيونك معرضٍ عمري لدرب الضياع واللي بقى منه واللي راح جعله فدى ⠀ أحنّك من الوداع و من جروح الوداع مثل ما أحن الرفيق الطيّب من الردى .... |
رد: فوق هام السحب ( الشعر الشعبي) على متن القوافي
العز هيبة والشرف يرفع الراس
والكذب سلعة مالها أي قيمة والبيت مايبنى على غير مقياس لابد توضع له قواعد سليمة خذلك من الدنيا تجارب مع الناس واسلك دروب أهل العقول الحكيمة واعلم بأن الناس آلاف الاجناس والعيب يجلب لك عواقب وخيمة .... |
رد: فوق هام السحب ( الشعر الشعبي) على متن القوافي
ما تعوّدت أحني الرّاس من بين الصّفوف
ولا تعوّدت أتذرّى و أدوّر ليّ ذرى إن وردت آرد على العدّ و العالم تشوف وإن وقفت آقف على العزّ و العالم ترى ذائقة |
رد: فوق هام السحب ( الشعر الشعبي) على متن القوافي
يالله استرني بـ لطفك دام سترك ثوبي
واغفر لـ عبد ٍكساه الذنب واصفح عنّه مذنب ولا جيت اقارن رحمتك بذنوبي اذكر ان ذنبي عظيم وعفوك اعظم منّه بقلمي |
رد: فوق هام السحب ( الشعر الشعبي) على متن القوافي
مايهتني بالنوم قلب النداوي
تومي به الدنيا على كل مرقاب لو هو على الاقراب عدٍ رهاوي ما يامن الايام من قرصة الداب ولاهو على الدنيا كثير الهقاوي ان ما حدَاه القوم حدوه الاقراب .... |
رد: فوق هام السحب ( الشعر الشعبي) على متن القوافي
ﺍﻟﺼﺒﺢ ﻣﺎﻳﺤﺘﺎﺝ ﻏـﻴﺮ ﺇﺑﺘﺴﺎﻣـه
ﻣﺎﻫﻲ ﺑﺼﻌﺒـه ﻟﻮ ﺗﺒﺴّﻤﺖ ﻟﻠﻨﺎﺱ ﺧﻞّ ﺇﺑﺘﺴﺎﻣﺘﻚ ﺍﻟﺠﻤﻴﻠـه ﻋﻼﻣه ﺑﺈﻥّ ﺍﻟﺼﺒﺎﺡ ﺇﺣﺴﺎﺱ ﻣﺎ ﻣﺜﻠـه ﺇﺣﺴﺎﺱ بقلمي |
رد: فوق هام السحب ( الشعر الشعبي) على متن القوافي
طوينا صفحت الماضي وتبنا
خذينـا اللي كفـانا وانتـهينا وعن قولة نبي نصبر تعبنا وعن اللي مايراعينا سلينا بقلمي |
رد: فوق هام السحب ( الشعر الشعبي) على متن القوافي
وتدور الأيام و أحلامي هي أحلامي
عزيمتي ثابتة و الوقت متغيّر عديت خوفي ما دام الحلم قدامي مسيّرٍ بالخفا و بالظاهر مخيّر و عيونك السود كانت مصدر إلهامي في ليلها كنت أشوف وصولي النيّر وأنا صغيّر أراقب سرعة أيامي واليوم ليت الزمن خلاني صغيّر .... |
رد: فوق هام السحب ( الشعر الشعبي) على متن القوافي
علينا سلام ورفع قبعه وسبع انعام
قبائل اصيله ترفـع الـراس وتجمّل نسـوق الجـمايل في دواويننا قدام حملنا خطايا ناس مـاهي بتتحمل ذائقة |
رد: فوق هام السحب ( الشعر الشعبي) على متن القوافي
عليها جمالٍ مابعد مرّ بالاجيال
جمالٍ على بيض الغنادير مطغيها فرس حاكمٍ لا ميلت بشقرً ميال قبل ماتميل كل قلبً يباريها ترفع من الجهال وتضييع العقال يروحون في سياتها من حسانيها تقدم لها الارواح وتقدم الاموال تهز الدول من شامها الى يمانيها .... |
رد: فوق هام السحب ( الشعر الشعبي) على متن القوافي
في صباحك تاقف الكلمات دور
وأختصرها وأسمع القول الاخير لاعتبرتك في صباحي كل نور اعتبرني في صباحك كل خير .... |
رد: فوق هام السحب ( الشعر الشعبي) على متن القوافي
يالله يالي فزعتك تكشف الضيق
في بحر عفوك ماتضيق المراسي انا في وجهك من قليل التوافيق ومن موقفن مايرتفع فيه راسي بقلمي |
رد: فوق هام السحب ( الشعر الشعبي) على متن القوافي
مشكور يا بايع مشاعرك مشكور
العام ذنب وهالسنة ذنْب ثاني وش عاد أقول ولا بقى شيّ مستور ما طعتني يوم إبتسم لي زماني لا تعتذر لو خاطري منك مكسور لا تفتكرني دام قلبك نساني .... |
رد: فوق هام السحب ( الشعر الشعبي) على متن القوافي
مالقينا في الجفا حاجه تسليّ
وما حصدنا من وراه إلا الحسافه ما لوّى يد الهوى غير التغليّ وما كسر ضلع الغلا غير المسافه .... |
رد: فوق هام السحب ( الشعر الشعبي) على متن القوافي
يالله بحظٍ يرتفع للسـماء فوق
يزين وضعـه بعد ماكـان مايل ياواحـدٍ تعلم خفى كل مخلوق بأمرك وتدبيرك تهون الثقايل يارب تحفظنا من الشـر والعوق وتزيل همٍ داخـل الصـدر هايل وشيٍ نبيه ايصير جاهـز وملحوق والحلم يصبـح واقعٍ بالدلايل .... |
رد: فوق هام السحب ( الشعر الشعبي) على متن القوافي
لاعاد تنشد عـن علاقات الاصحاب
ماتوا ولا باقي سوى أهل المصالح اذا بغـوا حاجاتهم صاروا أحباب وإذا قضت حاجاتهم ما انت صالح .... |
رد: فوق هام السحب ( الشعر الشعبي) على متن القوافي
تبختري بين التواضع والغرور
وأخذي من أبيات الغزل ماتشتهين ومري على قصايديومثل البخور لين اتنفس شعر مهوب اكسجين الحب إذا ماكان لك ماهو شعور والشعر إذا ماكان لك ماهوب زين وكل الكلام اللي على بالي يدور يضيع في ضحكة وفي غمازتين .... |
رد: فوق هام السحب ( الشعر الشعبي) على متن القوافي
اللي ماهو قاسمه ربي لا يمكن يصير
الله كفيل العباد وكافل ارزاقها نفسك لا تُسجن وتصبح لـ الاماني أسير واذا اغربت دنيتك ابحث عن اشراقها مدام نبض الكرامه في ضلوعك حصير اصبر وتاقف لك الدنيا على ساقها .... |
رد: فوق هام السحب ( الشعر الشعبي) على متن القوافي
يرحـم الله والدينك أنـت وينك
استلذوا فـي طعونـي كـل أبوهم كانوا يغارون من عشقي لعينك وضايقوني عقب عينك لعنبوهم .... |
رد: فوق هام السحب ( الشعر الشعبي) على متن القوافي
هنوفٍ عيوفٍ من تولع بها مسموح
كساها الحلا من الراس لاحد مقدمها غنوجٍ عنوجٍ بهرجها للعرب سحوح فتونٍ يضيع كلمته من يكلمها بها من مهاة الريم غره وفيها لموح تذوب القلوب بنارها ماتقاومها .... |
رد: فوق هام السحب ( الشعر الشعبي) على متن القوافي
لالقيت المعترض في الحلوق وفي الدروب
ان تعديته قدا وإن توطيته قدا مايفكك من عفون البشر حسن السلوب الردى حزات ماله علاج الا الردى .... |
رد: فوق هام السحب ( الشعر الشعبي) على متن القوافي
راسي وراه من المشاريه قافي
وقلبي تصبّح بالهموم وتبيّت لا عاد تنشد وين مرواس قافي انا دفنت السر في قبر ميّت والنيّه اللي تتضح لك عوافي بس البلا فـ النيه اللي تبيّت نفسي تمشّيني على الشوك حافي كم مرةٍ حاولت فيها وعيّت فـ لا قدرت ارمي الحسايف خلافي ولا اغتنمت الفرصه اللي تهيّت .... |
رد: فوق هام السحب ( الشعر الشعبي) على متن القوافي
يا ابن آدم من بغى شيٍ وصل له
بالعمل والجهد ماهو بالتمني تحسب ان دنياي دايم مسفهله وتحسب اني مستريح وتحسب اني والفضل للي مظللنا بظله يقدر الواحد من الضيقه يغني فكّر بـ مستقبلك دقه وجله وانتبه له واصرف التفكير عني ما انت حاسدني على ما اعطاني الله لو عرفت اللي خذاه الله مني بقلمي |
رد: فوق هام السحب ( الشعر الشعبي) على متن القوافي
صامت على الدنيا مثل صمت القبور
و واقف لها مثل وقوف المأذنه احب كل الصادقين بلا شعور الا الشعور اللي احبه ادفنه انا معي قلب قديم و مايبور والناس مدري وش بلاها تحزنه نصيبه من الحب نصيب الطيور اللي تهاجر من سنه الى سنه .... |
رد: فوق هام السحب ( الشعر الشعبي) على متن القوافي
ترى الأماني في نفوس الشقيين
مثل الأوادم يوم تولد وتقبر الموت ماهو رجعة الطين للطين الموت لا من قيل للصابر أصبر وليا إنحنت لله روس المصلين ماعاد للأصوات غير الله أكبر لا أقبل زمانك صارو الناس زينين لكن تعال ودوّر الناس لا أدبر ذائقة |
رد: فوق هام السحب ( الشعر الشعبي) على متن القوافي
يالله ياللي بأمرك الرزق مقسوم
منك العفو ومنك الرجا والثباتي إنك تشيل الهم عن كل مهموم وإنك تزين ما بقى من حياتي .... |
رد: فوق هام السحب ( الشعر الشعبي) على متن القوافي
مديت لك يمنى تحب المواجيب
وخليتك اللي في زماني مبدا واعطيتني درسٍ حفظته ترا غيب درسٍ لا مر الذاكره ماتعدى اثر الردي مهما تسوي له الطيب يرجع لساسه بالردى ويتردى .... |
رد: فوق هام السحب ( الشعر الشعبي) على متن القوافي
الساكت الممتلي بـ الياس
يبكي على الغدّ من أمسه دايم قليل الخطا فـ الناس أكثر خطاياه في نفسه أيمن الرويلي |
رد: فوق هام السحب ( الشعر الشعبي) على متن القوافي
خبروه إني على وصله حييت
و إن تفارقنا ترى موتي دنا لي حبيب يوم روّح ما سليت يعلم الله تو ما ذقت العنا عبرتي هليتها حزن وبكيت يا ردى عمر الحسوفه ما جنا ذقت من دنيا حبيبي وما إرتويت جنة الدنيا حبيبي والمنا عشت بأحلام الهوى ليـل وبنيت كل أمالي تداركها الفنا في حياتي ما ذكــرت إني شكيت في هوانا ضحكت الدنيا لنا لا حياة ً عقب محبوبي رأيت والممات أرحم ولا فرقا السنا هو سنا شمسي وغيره ماهقيت يفرح بوصلي ولو موته دنا .... |
رد: فوق هام السحب ( الشعر الشعبي) على متن القوافي
يالقهوجي شايك ولو جونا حر
كيفٍ يعدل راس منهو يعاني عجل لي وعند الله النفع والضر ومافيه حميه كان مالله حماني جب لي من الحالى ولاتجيب لى مر في المر ماقصر لك الله زماني .... |
رد: فوق هام السحب ( الشعر الشعبي) على متن القوافي
كل ما وطيت راسك توطوك الرجال
الرجال اللي عليهم تنص اللايحه ياكريم الوجه ترزقني الرزق الحلال لاتطيح حظي مع الحظوظ الطايحه القناعة والكرامة غناة وراس مال من ملكها مانشد وين بقعا رايحه .... |
رد: فوق هام السحب ( الشعر الشعبي) على متن القوافي
المــرجلة ماهـــي بعلـم وشهـادة
والعلم يابن الناس له فضل معلوم المرجلــة لو صـــرت راعـــي ارادة والله عطـــاك ايمان واخلاق وعزوم والصـــدق والهمــة مـلاك القيـادة ان ما وصلت اليـــوم توصل بها يوم للنـــاس في كل المجــالات عـــادة واحــد جزاه الطيب واخــر له القوم واحــد يهــدم في المـواقف عنــاده وواحد عنـاده يجعل القــاعد يقــوم دنيـــاك يابــن ادم عــزوم وركـــادة ولا تقضيهــا ســواليـــف وهمـــوم .... |
رد: فوق هام السحب ( الشعر الشعبي) على متن القوافي
كم لي وانا ادوّر على قارب نجاه
تقول في صدري من الضيقه حجر ولا لقيت الراحة ألا فـ الصلاه والركعتين اللي قبل فرض الفجر .... |
رد: فوق هام السحب ( الشعر الشعبي) على متن القوافي
والهوى معروف شيٍ لا إرادي
والنتيجه مؤسفه ما احدٍ حمدها يتسرب مع حلاه من المبادي سم حيّه والفراق أَمَر وادهى لو صبر راع الهوى صبر المهادي الجروح تبين لو انه جحدها .... |
رد: فوق هام السحب ( الشعر الشعبي) على متن القوافي
لا تنشدوني عن علومي والعلوم
ماهيب تفرح لا رفيّق ولا عدو من كثر مايقلط على صدري هموم راسي ثلاث ايام ما ذاق الهدوّ في داخله من زحمة الافكار كوم متشابكه تشابك خيوط السدو يا حظ تكفى قم وقومني واقوم صبري نفذ واحلامي قريّب بدو .... |
| الساعة الآن 04:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية