|
رد: فوق هام السحب ( الشعر الشعبي) على متن القوافي
مع العزله احس بقناعة رضى وشعور
لو اني من الايام فيني وما فيني وادور على كسَب الجمايل بدون قصور ولا اعطيت ما ادور من الناس تعطيني واسامح واعذر الناس لو مَاني بمعذور وعسى الله عن الناس وعطا الناس يغنيني عسى راسي بطيب الوفا والنبا مذكور وعسَاها على الماجوب ما تقصر يديني .... |
رد: فوق هام السحب ( الشعر الشعبي) على متن القوافي
الصبر زين وعزت النفس تغنيك
عن منة العربان قاصي وداني أن ماعطاك الله فلا احدً بمعطيك أقنع بمقسومك ترى العمر فاني .... |
رد: فوق هام السحب ( الشعر الشعبي) على متن القوافي
لاتامن جميع اصحابك الله يبارك فيك
من اسباب فقـدان الامن يـوم تامنها ترى احيان يطلع راعي اقدرك واغليك هـو اشر عدوانك على الارض والعنها ورفـيق ٍمهوب يناصحك كنه معاديك لو تعيش معه افضل لياليك واحسنها مامثل الرفيق اللي مثل لمبة التشييك لياشاف عندك مشكله حـذرك منها سليمان النصيف |
رد: فوق هام السحب ( الشعر الشعبي) على متن القوافي
يالله عسى فالامر خيره ومقسوم
عن ماتعاف النفس واللي تحبه ارزاقنا تاتي على غير معلوم العبد يسعى والعطا عند ربه .... |
رد: فوق هام السحب ( الشعر الشعبي) على متن القوافي
دام راسي بخير ونجدتي من ذراعي
شرهتي بالضمير وصدتي عن قناعه من يخوض المعارك لازم يكون واعي الهزيمه سريعه والنصر صبر ساعه والخزى والله اني عنه طاوٍ شراعي ودي اني بسوقه ماتجي لي بضاعه ماحتمل شرهة الطيب حميد المساعي لاسمع مني اللي مايسره سماعه خالد ماطر |
رد: فوق هام السحب ( الشعر الشعبي) على متن القوافي
لا بد من عقب المطاريش معــواد
ولا بد من عقب المواجع عوافـي ولا بد من عقب السهر لذة رقــاد ولا بدمن عقب الكدر جو صافي .... |
رد: فوق هام السحب ( الشعر الشعبي) على متن القوافي
كل ما شانت وجيه الناس وسّع صدرك
لا تحسب إن في يدين الناس نار وجنّه القريّب لا تكدّر خاطره وإستدرك سامحه وإن جيته بزلّه تسامح منه ولا تعلّق خافقك باللي ما يحفظ قدرك كثر ما تقدر توخّر عنْه وخّر عنّه .... |
رد: فوق هام السحب ( الشعر الشعبي) على متن القوافي
النعم مايطلق على كل رجال
ولا كل من يبغى المديحه وجدها ولا كل رجلن للثقيلات شيال ولا كل من يزرع زروعن حصدها النعم للي لـ الصعيبات حلّال ولا شانت القالات حلل عقدها لا جا مجال الطيب يضربه امثال على اسمه الخفره تسمي ولدها ماهوب ملقوفن على الربع شيّال معطيه ربه نعمةٍ ما حمدها .... |
رد: فوق هام السحب ( الشعر الشعبي) على متن القوافي
ما يجحد حقوق الرياجيل رجال
ولا يحقر سلوم الصداقه سنافي لا خابت الهقوات في بعض الاشكال ماخابت الهقوات في كل وافي .... |
رد: فوق هام السحب ( الشعر الشعبي) على متن القوافي
ماتكنّ القلوب وماتشيل المخابي
بوحها يلحق الرجّال شكه وريبه بين هرجة عذول وبين شخصً حكابي العرب صدقوا وانا دفعت الضريبه لو نواياي تستر ما انكشف من ثيابي المجامل ب من لايستحقه مصيبه محمد مريبد |
رد: فوق هام السحب ( الشعر الشعبي) على متن القوافي
جعلنا في حاجة الي نخانا قادرين
إن ذكر معروفنا وإن جحد معروفنا نجتهد وندور الطيب لأنا طيبين ماهو بوالله عشان الرجال تشوفنا خالد ماطر |
رد: فوق هام السحب ( الشعر الشعبي) على متن القوافي
اليتم يتم الأدب والموت موت الضمير
والحب حب المعالي ... باختلافاتها ، والجرح جرح المشاعر من لسان الحقير والصوم صوم الجوارح عن شهواتها ، والبخل بخل الغني والجود جود الفقير والبعد بعد النظر ماهي مسافاتها راجح المغيري |
رد: فوق هام السحب ( الشعر الشعبي) على متن القوافي
اليتم يتم الأدب والموت موت الضمير
والحب حب المعالي باختلافاتها والجرح جرح المشاعر من لسان الحقير والصوم صوم الجوارح عن شهواتها والبخل بخل الغني والجود جود الفقير والبعد بعد النظر ماهي مسافاتها راجح المغيري |
رد: فوق هام السحب ( الشعر الشعبي) على متن القوافي
بعض البشر يعجبك حتى آحترآمه
وتحب فيه آجمل صفآته و ترتآح آن غآب تشفق في لقآه وسلآمه واليا حضر همك من القلب انزاح .... |
رد: فوق هام السحب ( الشعر الشعبي) على متن القوافي
ترحب بغيري وانا واقفه هناك
امسح بقايا الدمع بأطراف كمي يعني نسيت ايامنا والغلا ذاك يعني رضيت الجرح ياكبر همي وشلون بقوى غيبتك واتناساك ياحرقه اعصابي وياحرق دمي بعد الفراق انا يا وين بلقاك لا انت بولد خالي ولا ولد عمي .... |
رد: فوق هام السحب ( الشعر الشعبي) على متن القوافي
ما باقي معاي أعصاب يا بالي المشدود
أنا بس مره ودي أحس بك داله مايلحق غيابي لا ملامه ولا منقود إذا فـ الحضور القلب بـ إحساسه لحاله بقت عزلتي غايه لو أن العمر معدود أهديّه يوم أكتب من الشعر وأقرا له حبيبة سنيني لو أباعد أنا موجود أنا وحشتك والليل والباب وأقفاله لا طوّلت بغيابي، مردي معك موعود نسيم الصبا حملتّه لـ قلبك رساله حبيبك مسافاته حنينه لا زاد يعود فؤاده يشوفك أم وعيونك عياله .... |
رد: فوق هام السحب ( الشعر الشعبي) على متن القوافي
مدري ملى صدري البارح حنين وهيام
ولا برى قلبي المهوم طول البطا تخاصموا عقلي وقلبي أشد الخصام ضميري الحي بكى جرحي اللي سطا ياحظ من ينجرح جرحٍ يقص العظام الموت جرحٍ عليه الروح ستر وغطا تغانم أيام عمرك والهمام الهمام قبل يروح العمر منك مراح القطا مجاهد النفس خصلة من خصال الكرام ومن يذكر الطيب ماهو ضاريٍ بالعطا ومن يتبع النفس لو زكى وصلى وصام يابعده من الصواب وقربه من الخطا .... |
رد: فوق هام السحب ( الشعر الشعبي) على متن القوافي
انت مزهدني من الناس مافيها جديد
وناس واجد من يدي قد قطعت آمالها ماخذٍ قلبي وقلبي من النوع الفريد وودي اصارحك بعلومه اللي قالها كل بنتٍ قابليه ومنسبها جويد ودها تفخر بك وفي حماك لحالها خل عاد اللي ثنتها على حبل الوريد وخلت شماغك يسلم على سلسالها .... |
رد: فوق هام السحب ( الشعر الشعبي) على متن القوافي
البارحه يوم سرتني طيوفك سريت
أحاول أسهى بذكر عيونك الساهيه ينتابني خوف في ليلٍ شعوره مُميت الليل دايم عتيم وطلتك باهيه عطيتك اللي تبي من حب ولا خذيت الا غيابٍ بعدْه أعذارك الواهيه أنا توقعت بـ أني داهيه مادريت أني تولعت فيك ورحت في داهيه .... |
رد: فوق هام السحب ( الشعر الشعبي) على متن القوافي
لا توصيني على اللي فات يالعمر المولّي
السنين تدور والأحداث ماهي مستمره أتداعى لا هدأ روعي ولا عيّنت خلي وأفهق شماغي وأجرّ الصوت وأفك الأزره ماتنسيني وجيه العابرين الغايب اللي باقيٍ في عيني طيوفه وفي قلبي مقره وش عليه أن غره المحبوب وأغراه التغلي ذاخرٍ له من سنيني عقد ومن الأرض دره لي على الأطلال وقفة خاطر ولحظة تجلي وشرهةٍ كم ضيعتّها الفاتنه في كل مره أتطوى بين طيّات الغلا وأضيع كلي وأتجرع سكرة العشاق لين أموت حرَّه للجديل اللي يحجب الشمس ترحالي وحلي سرمديٍ كل مافلّ المساء لله دره لا تزعلك الليال السود يالريم المفلّي أضحك أنت، وتضحك الأيام وتعود المسره أن فقدتك في مشاوير السنين البرق من لي وأن ذكرتك ماعليّ من الزمن خيره وشرّه .... |
رد: فوق هام السحب ( الشعر الشعبي) على متن القوافي
حلّيت ليل وعشت متبعثر شعور
ماجيتني عادي ولا رحت عادي تيْه الدروب أمرها ستة شهور وأوجست بي غربة وطن في بلادي ماعاد تاسعني من الضيقه صْدور لو كنت أجر خْطاي في كل وادي حبيبي الغايب سنا كل ديجور في غيبتك دلّ الوهم جوف غادي .... |
رد: فوق هام السحب ( الشعر الشعبي) على متن القوافي
أنا أدري أن الدمع من محجرك هلّ
لكن كذا الإنسان لا إنهد حيله إليا ضماك الوقت من مشربي عِلّ وأن كان ماعَلّ الضما عزتي له قبلك عرفت أن الهواوي ليا مَلّ دوّر على وجنتين وجديله حبيت لكن خَطب الأحباب لا جَلّ ماعاشه الا من رضى بـ القليله قمرًا، تهدْي بنورها القلب لا ضَلّ ومابيني وبين السنا غير شيله قلت إسمحي لي دامنا في كنف ظلّ أنتي بعد ذنب والليالي فضيله من شفت رمشك قلت يارمشها صلّ أنا يا لولا الرمش ما أذنبت ليله ومن خطوتك من لام متني ليا كَلّ كنها تخطرا فوق جمر المليله لكن مادام العمر معنا على مَلّ وأنا سليل أحرار وأنتي سليله تدرين وأدري عن عنى القلب لا ذَلّ وش عاد لا غِلل بيشفي غليله مايبدع الشاعر وهو مافقد خلّ قفّي وأنا إبن الشعر وأنا خليله ضمن الحلول الواجده مابقى حَلّ حظ الحظيظ اللي يشوفك حليله بينك وبين الشعر يا ليت يا علّ أنتي جميله والقصايد جميله .... |
رد: فوق هام السحب ( الشعر الشعبي) على متن القوافي
من غلاك آطى على شوكك وجمرك
ما عليّ من السؤال ولا الاجابه بين ايدينك عند عينك تحت أمرك خدمتك واجب ورغباتك مُجابه وعن جميع جروحك وصدمات عمرك اعتبرني كلمة آسف بالنيابه .... |
رد: فوق هام السحب ( الشعر الشعبي) على متن القوافي
يشفع له الماضي وتشهد له افعال
واللي حصل مدفون بينه وبيني ماننكر العشرة ولا نسمع اقوال بس البلا لاصار شوف عيني يبقى العزيز اللي عرفته ولا زال الوافي اللي بالمواقف يعيني تبدلت الأوضاع واتغير الحال واشياء كثيره واسئله تحتريني عهد علي ما يلحقه قيلٍ وقال واحفظ حقوق الود طول السنيني .... |
رد: فوق هام السحب ( الشعر الشعبي) على متن القوافي
هذا الفجر حزنه يشابه لطعم الغياب
اللي بكت به عيوني شوق يوم اذكرك هذي سنه ماخذه عمري بدون انسياب والعذر اصعب من اني اختنق واعذرك وحشتني قد ما كحلي عرَف الانسكاب و من الغبا ارفضه و من الغلا انطرك اتجاهلك قد ما اقدر واحسبك للذهاب والقاك خطوهْ توافيقي لو استحقرك الجرح من طيبة احساسي تعلّم وطاب ولا حان وقت الفجر اتنفسك وانهرك الله ياخذني لـ دربك بـ رحلة اياب القاك فيها القديم من اولك لاخرك .... |
رد: فوق هام السحب ( الشعر الشعبي) على متن القوافي
سولف على النوار والنود والريف
همسك رشاش وضحكتك برق غيمه تمطر على البيداء من السيف للسيف أربع ليال وخالف السيل ديمه منها العروق تصير خضر ومواريف عقب ماكانت يباس وهشيمه .... |
رد: فوق هام السحب ( الشعر الشعبي) على متن القوافي
حاولت اعديها مع الصدر الوسيع
وارسم على وجه الزعل وجه الرضا لكن بعض الاحيان قلبي مايطيع بعض الخطا يضيق به وسع الفضا .... |
رد: فوق هام السحب ( الشعر الشعبي) على متن القوافي
صدّت تبي يعني تغلى يابلفيت
قصايدي فيها علي كبرّتها والله ماعاد تذوق مني ولا بيت إلا رثاها لاسكنّت مقبرتها مبارك المطرباني |
رد: فوق هام السحب ( الشعر الشعبي) على متن القوافي
اتركوني في متاهات الحياة اشوالي
وابتسامات المجامل والحقيقة مرّه جالس مع الناس لكن عالمي بلحالي غربتي بيني وبيني والبشر منغرّه يطربون ان جيت اغنّي بالشعر موّالي ويسحر الاذان صوتي يوم اقوم آجرّه وابتسم لكنّ في صدري لهيبٍ صالي المشاعر تايهه والكبد فيها حرّه ما اهتويت الحزن من فضوه ودمعي سالي امتلا صدري حزن من كبر ذنب اقرّه يا اله الكون يارحمن تصلح حالي واقبل التوبة وانا ذنبي ما عاد آكرّه وعلّق القلب المعنّى فيك يا متعالي واقبل التوبة وانا ماعيدها بالمرّه .... |
رد: فوق هام السحب ( الشعر الشعبي) على متن القوافي
يانجد سميّتك على الغالية نجد
اسمك كبير وكبرتّه العذيـة ديرة هل العوجا تهجد العدو هجد اهل السيوف المرهفات القويّة اللي بنوها مجد من مجد في مجد من المؤسس لين ساعتك ذيّه .... |
رد: فوق هام السحب ( الشعر الشعبي) على متن القوافي
أسمٍ بقى رغم المسافات مآثور
كلّ ما طرأ لي عاود البال طيشه وأنا طيورٍ فوق شبّاكك تدور باعت مسافات الخضار بـ دريشة ما زال وجهك غربة سنين وشهور أحتاج أحبه مرّة أخرى وأعيشه .... |
رد: فوق هام السحب ( الشعر الشعبي) على متن القوافي
خذتني الذكريات وجيت لك سيراً على الاحلام
لو اني ما اذكر اني قلت لك بمشي وقلتي وين يا فرصة عمر كيف افرح بها واعيشها مادام بغمضة عين جات وسافرت عني بغمضة عين ذكرتك وابتسمت وبانت الدمعه ولا تنلام ذكرت احلى الليالي من شهر سته لشهر اثنين محمد المسعري |
رد: فوق هام السحب ( الشعر الشعبي) على متن القوافي
مذهبٍ حالي بطاريك يامال الذهاب
مابقى بالقلب من سبتك عرقٍ ندي أن نسيتك فـ أعرف أني موارى فـ التراب وأن تذكرتك عسى الله يسامح ويهدي .... |
رد: فوق هام السحب ( الشعر الشعبي) على متن القوافي
تعبت من الجفا لاني ابيه بخيره و شره
ولكن عزتي ضدي تشوف افعاله بمجهر رضيت استسلم لعقلي وقلبي مارضخ مره يقول ان فازت العزه ترى الفرقا بعد تقهر احس اني من الحيره صغيرٍ ماسكٍ جمره اباكابر و لكني لقيت ان حرقتي اكبر .... |
رد: فوق هام السحب ( الشعر الشعبي) على متن القوافي
عز الله ان الشدايد عندي اكبــر فضيله
عرفت فيها جميع الناس هــين وغـالي عرفت فيها النشاما والنفــوس الـذليله كسبت منها رجال الجــود وهل المعالي ياعاشق المال كسب المال ماهو وسيله انا الشرف والمروه والكرم راس مـــالي .... |
رد: فوق هام السحب ( الشعر الشعبي) على متن القوافي
برآفو على الزمن يكشف الناس
ويظهر لك نفوسٍ قديم مرضها تظن رفقتهم مكاسب ونوماس ويامسرع ماتقفي ليا آخذت غرضها .... |
رد: فوق هام السحب ( الشعر الشعبي) على متن القوافي
ماكل بنت سوت احساب تبغاك
يالي على الخاص لاحق طرفها اقولها واشهر بها واتحداك بنت الاصل منت بلاحق شرفها .... |
رد: فوق هام السحب ( الشعر الشعبي) على متن القوافي
حب البـشر والـكره ماهــوب مقياس
بعض البشر لأنك كفو يكرهونك ومافيه أحد يقدر يحقق رضا الناس حتى أنت ماكــل البشر يعجبونك .... |
رد: فوق هام السحب ( الشعر الشعبي) على متن القوافي
حسن الله بالوقار ولا اختلف مذهبنا
من تغير مذهبه جعله فدا رجلينا واللي اقفانا بهرج الزور وبيعذربنا بيشيب رمش عينه مابحث خافينا يكفي اللي سوات المنقله لاغبنا يعتدل وضعه سوات المسطره لاجينا ... |
رد: فوق هام السحب ( الشعر الشعبي) على متن القوافي
مالي غناةٍ عنك يامال الغناه
أنت الحياه اللي أهيم بحبها طيفك يحاصرني مع كل اتجاه يا اجمل مواضيع القصيد ولبّها شُفهم لا قالوا إنت تحب الحياه أتخيّلك واقول اي والله احبها .... |
| الساعة الآن 05:08 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية