|
رد: فوق هام السحب ( الشعر الشعبي) على متن القوافي
مجالسٍ تنصى لحاجات الاجواد
ومجالسٍ ماغير قهوه وشاهي ولو القضيه بس دله وبرّاد تكفي عن بيوت الرجال المقاهي .... |
رد: فوق هام السحب ( الشعر الشعبي) على متن القوافي
خــايف يـطول الـبعـد وتسج مـني
وياخذ مكانك شخص ماهو بيسواك وش عاد اسوي يومك اقفيت عني لا انا اتبع المقفي ولا احب فرقاك .... |
رد: فوق هام السحب ( الشعر الشعبي) على متن القوافي
مايدوم الحب لاصار به قل أهتمام
يـا تزيده بـ المواصـيــل ولا فكني لاتقول أني أحبك ترا سهل الكلام حبني مـــن قلب ولاّ لاعاد تحبني .... |
رد: فوق هام السحب ( الشعر الشعبي) على متن القوافي
سبحان من يعطي قبول المخاليق
وسبحان من يفرق عطا عبد عن عبد بعض الاوادم شوفها يجلي الضيق وبعض الاوادم شوفها يدبل الكبد .... |
رد: فوق هام السحب ( الشعر الشعبي) على متن القوافي
ليت ذعذاع الهوى الغربي يجنب دربي
في بعض الاحيان ولا بعضها ياطيبه يامخاشرني معي في زادي وفي شربي لا تعودني على بعدك وانا مالي به كل ماسجيت من حبك غلاك افجَر بي اه من حبٍ جميع الذكريات تجيبه .... |
رد: فوق هام السحب ( الشعر الشعبي) على متن القوافي
لو خاب ضني بالزمن والمخاليق
ما خاب ضني في جزيل العطيه نصبرعلى الدنياء ونصبرعلى الظيق وعـزومنـا مـن فـظـل ربي قـويـه .... |
رد: فوق هام السحب ( الشعر الشعبي) على متن القوافي
لو المراجل بـ الذهب نشتريـها
يدفـع ثمنها كارهـين الرخامـه والنـاس مربـاها على والديـها أما تـربـى صـقـر ولا حمـامـه .... |
رد: فوق هام السحب ( الشعر الشعبي) على متن القوافي
تضيق بـ امر الله و بـ امر الله تزين
ما فيه مدخالٍ على غير مخراج لا اعطاك من له حاجةٍ فيك بعدين سبحان من يعطي ولا هو بـ محتاج .... |
رد: فوق هام السحب ( الشعر الشعبي) على متن القوافي
عسى لي اثر طيب ومواقف وذكرى خير
ونـفـسٍ تنول اللي تمناه ياربي ولا تبتليـني بالسعي في نصيب الغير ولا تـضيّـع سـنيـني وانا ادور لطـبي وهـب لي بصيره ما توردني التقصير تميز قلوب النـاس في كرهي وحـبي ونورني اشوف الحقيقه مثل ما تصيـر انا اشوف الاشياء مثل ما يشتهي قلبي .... |
رد: فوق هام السحب ( الشعر الشعبي) على متن القوافي
ربتني الدنيا على الحمد لله
عندي يقين و عنده الامر كله على الطريق اللي عيوبه مزاياه ماكنت اعقد الحبل عشان احله ياما رميت الحزن لـلا مبالاه و ياما صنعت الضحكة المسفهله دليلي ان الحظ لا ضاع ابلقاه احساس و الاحساس سيد الادله .... |
رد: فوق هام السحب ( الشعر الشعبي) على متن القوافي
اتوقى عن لهيب الليالي بالصلاة
مالي بدونك يا ربي حلول ولا مفر التعلق فيك مكسب ورضوان وغناة يا كريمٍ ينحمد فالمسره والضرر عنك لا تخفى سريره ولا تكتم وصاه كل قوه غير قوتك ياهي تندمر اقسم لحظي توافيقٍ تهز السراه ينطلق وجهي بعدها واسولف للقمر .... |
رد: فوق هام السحب ( الشعر الشعبي) على متن القوافي
ﻃﺒﻌﻲ آﻣﺪ آﻟﻄﻴﺐ ﻭآﺟﻨﺐ آﻟﻌﻴﺐ
ﻭآﺭقـى ﺑـ فعـلي ﻋـﺎﻟﻴﺎﺕ آﻟﻨﻮآﻳﻒ ﻭﻻ ﻗﺪ ﺗﺤﺴﻔﻨﺎ ﻋﻠﻰ ﻣﺪﺕ آﻟﻄﻴﺐ ما ﺗﻀﻮﻱ بـ َﻋﻴﻦ آﻟﻜﺮﻳﻢ آﻟﺤﺴﺎﻳﻒ .... |
رد: فوق هام السحب ( الشعر الشعبي) على متن القوافي
من شاف نفسه فوقنا ماحسبناه
حنا عِـزاز نعزّ من يحترمنا واللي يقدّرنا نسوي سواياه ونموت من دونه ليامن زهمنا .... |
رد: فوق هام السحب ( الشعر الشعبي) على متن القوافي
احفظ لسانك عن البهتان والغيبه
وأغنم حياة السعد والعز من بدري من ينشغل في عيوب الناس عن عيبه زادت عيوبه وهو مشغول مايدري .... |
رد: فوق هام السحب ( الشعر الشعبي) على متن القوافي
يانفس لا ضقتي من افراق غاليك
تجبري بالله عسى الله يعينك اللي يبيـك بصدق بيروح ويجيك واللي رحل ماهو يهمه ونينك .... |
رد: فوق هام السحب ( الشعر الشعبي) على متن القوافي
بعض العرب بالهرج والفعل قمه
ودك تحطه في عيونك ولا تسد وبعض العرب بالهرج والفعل رمه ودك تسوقه بـ المخمس على الخد .... |
رد: فوق هام السحب ( الشعر الشعبي) على متن القوافي
قدّام تكتبني الأماني كتبتك
على جبين الجاي من دون سبّه بكرة ليا منّي كبرت ولبستك بـ اكون لابستك مع اللي أحبّه .... |
رد: فوق هام السحب ( الشعر الشعبي) على متن القوافي
ماكان عندي شي أغلى من الروح
ولاكنت أحب أحد كثر روحي وعرفت أن الروح ترخص لاجل روح روحن غلاها زاد عن حب روحي .... |
رد: فوق هام السحب ( الشعر الشعبي) على متن القوافي
والهوى معروف شيٍ لا إرادي
والنتيجه مؤسفه ما احدٍ حمدها يتسرب مع حلاه من المبادي سم حيّه والفراق أَمَر وادهى لو صبر راع الهوى صبر المهادي الجروح تبين لو انه جحدها .... |
رد: فوق هام السحب ( الشعر الشعبي) على متن القوافي
ودي امسي فـي مساڪم مساء الخـير
وارسل لڪـم مــع زود شوقــي تـحايا وانثـــر علـى وجـــه الـرفاقــة نـواويـر مـــن روض بستـــان المحبــة هـــدايـا بقلمي |
رد: فوق هام السحب ( الشعر الشعبي) على متن القوافي
احبها صح بس احبها باحترام
حتى من النفس صاينها ما ضريتها كتبت فيها البيوت اللي بعضها حرام وانا علي الحرام اني ما مسيّتها اطهر من الغيث لا وطاه بطن الغمام وانقى من انقى هناديبي لا غنيتها .... |
رد: فوق هام السحب ( الشعر الشعبي) على متن القوافي
لاعاد تنشـدني عـن العمـر ياعيد
الـشكـل مايعطيـك تقـريـر عنـي خلتني ظروف الزمن والتجاعيد اكبـر من الـسـن الحقيقي لـسني .... |
رد: فوق هام السحب ( الشعر الشعبي) على متن القوافي
رحت منه لا سلام ولا كلام
خايفه نفسه و نفسي خايفه و راح مني في عتيم و في ظلام روحَة اللي راح ماني شايفه ليله ما هي على صدري وسام ليلةٍ ما هي بـ ليلةٍ كايفه افترقنا عاد في عينه غرام و الغرام اللي لـ غيره عايفه .... |
رد: فوق هام السحب ( الشعر الشعبي) على متن القوافي
إتركيني بين الأحلام أنا أحب الخيال
الخيال أحلا من الواقع الواقع مرير جيت أقاتل و إنقتلت أوّل أيام القتال دايم أوّل ثوره تثور فـ الراس الكبير .... |
رد: فوق هام السحب ( الشعر الشعبي) على متن القوافي
الله يمسي صادق القلب بالخير
صدره نظيف وكل حكيه صراحه اهل النفوس الصافيه قربهم غير متبادلين الطيب في كل راحه بقلمي |
رد: فوق هام السحب ( الشعر الشعبي) على متن القوافي
رفّ الهدب وإنحنى راس القصيد وطمن
وجتني حَوَرها مدار ووجنتيها سنا بنتٍ تزيد القلايد في نحرها ثمن وشلون ترخص ملامح وجهها للعنا كانت بعيد أمنياتي لين قالت تمن وتقرّب الحلم من كفّ السنين ودنا قلت أصبري لين أخلّد طلّتك بالزمن وجهك خِلق للقصايد ماخِلق للفنا .... |
رد: فوق هام السحب ( الشعر الشعبي) على متن القوافي
ماقلت لك عمر سيف العشق مايقتلك
ماتشوفني حي قدامك وانا اموت فيك اشتقت لك قبل اجيك وجيت واشتقتلك البارحه طول ليلي بين هذي وذيك مليت جمر انتظارك واستحيت اسالك وحسبتني مابعد جيتك وفكرت اجيك اثرك بقلبي من البارح وانا استعجلك واثري نسيتك من الفرحه وقمت احتريك .... |
رد: فوق هام السحب ( الشعر الشعبي) على متن القوافي
مثل ماترقّب راعي الطير شوف سهيل
ترقّبت شوف سهيل قلبي ومرباعه يقولون لاجاء سهيل لاتامنون السيل وانا روض قلبي مبطي السيل من قاعه .... |
رد: فوق هام السحب ( الشعر الشعبي) على متن القوافي
الرسوم الناعمه والجمره المعسوله
والرموش الفارسيه والعيون الخدّر والخدود اللي من ألوان الغسق مغسوله والجبين اللي مثل ضي البدر لا بدّر من بيوت المشيخه والرايه المحموله والأصايل ما تحب إلا الحرار الندّر .... |
رد: فوق هام السحب ( الشعر الشعبي) على متن القوافي
اصـبـر عـلى اصحـابك ولابـد الايـام
تكشف لك الطيب ومتظاهر الطيب موعـدك ويـاهـم عـلى الدرب قدام لاتسبق الاحـداث مـاتـعـلم الغيب اليا حصـلك فـالـزمـن شــدة حـزام تكشف لك الشده جميع العذاريب وقـت الرخى ماهـو مجـال للأحكام سـواد لـيـلٍ ظـلـمتـه تستر العيب ذائقة |
رد: فوق هام السحب ( الشعر الشعبي) على متن القوافي
يـالله يـا جالي صدى حـزن يعـقـوب
عـقـب التـوجـد والـرجـاء والتماني جاه القميص وشم بـه ريح محبـوب وعـاد البصـر من يوم جته التهاني يـا فـارج الشـدات عن عبـدك أيـوب أطـلب نـجـوحي كـان صار أمتحاني في ساعـة يلفح على الوجه لاهـوب يـوم الحشر به واهج الشمس داني .... |
رد: فوق هام السحب ( الشعر الشعبي) على متن القوافي
يالله فرّج ضيق صدري إذا ضاق
واجعل مطاريق الحزن لاتجيني والخير دايم في دروبي والارزاق يااارب واغفر زلتي واقض ديني .... |
رد: فوق هام السحب ( الشعر الشعبي) على متن القوافي
والله ماأنسى صاحب مانساني
لو طالت الغيبه وضاعت نواحيه يبقى معي مابين قلبي وعيني والنفس من بد المخاليق تغليه وأنشد عن أحواله بعاصف سنيني وأرتاح لازانت وطابت لياليه .... |
رد: فوق هام السحب ( الشعر الشعبي) على متن القوافي
اللي تبينه على خشمي وجعله فداك
والطعنة اللي تجيني من يدك جايزة إن كان هذا تغلي مايغرك غلاك وإن كان هذا تحدي فـ أنتي الفايزة .... |
رد: فوق هام السحب ( الشعر الشعبي) على متن القوافي
البنت هذي هناي وجنتي فـ الغرام
لو حولي الحور قلبي ما يبي غيرها مياسةٍ في جسدها لـ الحلي أنسجام من كعبها لي قلايدها لـ أساويرها الفتح ماهو جلوسي في رصافة هشام الفتح هو فتح أصابعها لـ ازاريرها .... |
رد: فوق هام السحب ( الشعر الشعبي) على متن القوافي
سوْ ما ودّك حبيبي لا يهمّك
من يشوفك حلم ما ودّه يفيقك ما حسدت إلاّ عيون أبيك وأمّك والتراب اللي وطيته في طريقك ألثمك من واهج اللهفة وأشمّك أنت ما أحلى من شهدْكْ إلاّ رحيقك الدفى ما يجهله صدر يضمّك و الظماء ما يعرفه من ذاق ريقك .... |
رد: فوق هام السحب ( الشعر الشعبي) على متن القوافي
يا الله يامن رحمتك مثل وصفك
يامستجيب لكل داعــي دعاويه حقق لنا كل الامانـــي بعطفك وجودك اللي مالجودك يجاريه يارب كل انسان طامـع بلطفك وكل من له حلم نفسه تساويه يامن امانـي كل واحـــد بكفك يارب حقق مـن دعا لك امانيه .... |
رد: فوق هام السحب ( الشعر الشعبي) على متن القوافي
نعتذر بـالصمت من كبر الجروح
ونبتسم للحزن لو متنا ألم وش يفيد البوح لو نبغى نبوح دام بعض البوح يوصل للندم .... |
رد: فوق هام السحب ( الشعر الشعبي) على متن القوافي
دروس الأيام خذنا قسمنا منها
وأسرار الأيام ما نعرف خوافيها اللّي حفر حفرةٍ لاخيه يدفنها يمكن يدور الزمان و يندفن فيها .... |
رد: فوق هام السحب ( الشعر الشعبي) على متن القوافي
رزه طويلة عنق وعيونها وساع
متسيده بالزين سيد المفاريع ياكن ممشاها على جرهد القاع خطوا غزالٍ ذيروها البواتيع غروٍ يتل القلب من بين الاضلاع تل الحرار الصارمات الطواليع .... |
| الساعة الآن 07:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية