رد: فوق هام السحب ( الشعر الشعبي) على متن القوافي
 

العذر في بعض الأحيان مايلقى القبول
‏في وسع صدرٍ تحمل زعل لين امتلا
‏
‏مشكلة غلطتك ماتقبل انصاف الحلول
‏والمصيبه لك معزه وتقدير وغلا
‏
‏قلت سامحني وأنا الصدق مدري وشقول
‏خايف أسامحك مره وتاخذها حلا

.....

رد: فوق هام السحب ( الشعر الشعبي) على متن القوافي
 

لاتهادت ظلمة الليل والعالم هجاع
‏كن متمثني ضلوعي حرابٍ فاريه

‏أتنهّت والهقاوي ضياعٍ في ضياع
‏والمقدّر ماعنه والليالي جاريه

‏الزمان يسل سيفه على قلب الشجاع
‏مايحنّه والمخاليق ماهي داريه

‏والله إنه مايحدّك تكب الإجتماع
‏غير ضيقٍ ما يخفى وذكرى طاريه

.....

رد: فوق هام السحب ( الشعر الشعبي) على متن القوافي
 

أدنى مايأثر بنا وأدنى مايملا الصدور
‏تقول الأيام تطلب من حدانا قضاء

‏أحياناً الصمت للتعبير منفذ عبور
‏ لاهو علامة زعل ولا علامة رضا

‏خلّو يتيم المشاعر يستفيض الشعور
‏ضلوع صدره على مشهاب جمر الغضا

‏تقول زحل وعطارد فوق صدره تدور
‏لامن صدره فضاء عوّد مجرّة فضاء

.....

رد: فوق هام السحب ( الشعر الشعبي) على متن القوافي
 

قلوبنا من طيبها تحفظ الطيب
‏واللي يجينا من ردىٰ الناس ننساه

‏حنا بشر نخطي مع الوقت ونصيب
‏وان بان في ثوب الخوي شق رقعناه

.....

رد: فوق هام السحب ( الشعر الشعبي) على متن القوافي
 

قد سمحت وطابت جروحي وعيّنت خير
‏متكل باقي حياتي على صدق النوى

‏والله ان قلبي من العام كنه عش طير
‏رغم ضعف بنايته مايطيح من الهوى

.....

رد: فوق هام السحب ( الشعر الشعبي) على متن القوافي
 

الذكريات بكل الأحوال تشقيك
‏مافيه روح من الحنين استراحت

‏تحزن على ذكرى حزينه تبكيك
‏وتضيق من ذكرى جميلة وراحت

.....

رد: فوق هام السحب ( الشعر الشعبي) على متن القوافي
 

يسعد ‎مساء الناس الراقيه
اللي لهم بالقلب قدر ومقام

اللي على طهر النوايا باقيه
وترقا صداقتهم معزه وإحترام
‎
بقلمي

رد: فوق هام السحب ( الشعر الشعبي) على متن القوافي
 

كنه يقول العشق فيكم وفيني
مع أنه الساكت وأنا ماتكلمت

أنت تبي الصمت بينك وبيني
طيب أحبك كيف تنقال بالصمت

.....

رد: فوق هام السحب ( الشعر الشعبي) على متن القوافي
 

كل الصباحات ماتكمل بلا شوفك
اصحي وخل الصباح بشوفتك يكمل

صباح قلبك شعورك ضحكتك خوفك
صباح لمسه يديك ووجهك الاجمل

.....

رد: فوق هام السحب ( الشعر الشعبي) على متن القوافي
 

‏يوم طاوعت كبريائي وقسوتي وعنادي
صديت عنه والمحبه قدرها متواجد

يالنسيّم اللي تمر دياره وترتادي
بلغه شرهه خفوقي والسلام الواجد

.....