|
رد: فوق هام السحب ( الشعر الشعبي) على متن القوافي
لا تلومني لا جيت كلي من أقصاي
مافيـه غيرك لا تضايقت جيتـه جيتك ولا غيرك ذكرته بمسـراي جيتك وكل إنسان غيرك نسيتـه جيتك وأنا ماني بـ أنا تايه الـراي جيتك وأنا مدري وش اللي بغيته .... |
رد: فوق هام السحب ( الشعر الشعبي) على متن القوافي
بعض الرسائل خطها ينعش الروح
لاجات من غالي وقلبك يوده تشفي عليل النفس ان كان مجروح وتخلي اوقاته رخاء بعد شده ترى الغلا ما بين الاثنين مسموح ما احد تحكم في فؤاده بيده .... |
رد: فوق هام السحب ( الشعر الشعبي) على متن القوافي
عذرا من اصحابي الي خارج اللابه
انتم ونعم الحزام ان زاد بي همي لكن ليا سولفو بالطيب واصحابه تقول مافوق الارض الا بني عمي .... |
رد: فوق هام السحب ( الشعر الشعبي) على متن القوافي
والقلب لو يحكي حروفه بنبضات
نبرت وريـد القلـب جـاتك تنـاديك ويــن التفت عنك ياضـو المجرات غطيتني بالنـــور وشـلون اجازيك .... |
رد: فوق هام السحب ( الشعر الشعبي) على متن القوافي
خاويت بالدنيا خلايق وفارقت
انا الوحيد اللي لنفسي بقالي ماني بمحتاج البشر لاتضايقت اقدر اكمل نص عمري لحالي .... |
رد: فوق هام السحب ( الشعر الشعبي) على متن القوافي
اومن برب العيون الناعسات الوساع
سلهامها ياخذ العشاق لـ ابعد مدا سهوم نظرتك ما يقدم عليها شجاع حتى لو انه من اللي ينطحون العدا لعيونك معرضٍ عمري لـ درب الضياع واللي بقى منه واللي راح جعله فدا احنك من الوداع ومن جروح الوداع مثل ما احن الرفيق الطيب من الردى .... |
رد: فوق هام السحب ( الشعر الشعبي) على متن القوافي
ندري إن الوقت دوّار و اللي فيه فيه
و المواقف درس و السبت قافيه الأحد إن صفت الايام فـ ابرك و هذا اللي نبيه و كانها عيّت فـ الايام ما تصفي لحد .... |
رد: فوق هام السحب ( الشعر الشعبي) على متن القوافي
ان طعتني لاعاد تشره على الناس
مـن جاك رحب بـه ومـن راح خله لا تجرح الغالي ولا تقطع الياس واضحك ولـو بالقلب ستين عله لا تنقل الهرجه ولا تصير بـلّاس حتى ولـو تملك عليها الأدله واحذر تصير انسان ضايق وحساس وتـبـالـش الـعـالـم عـلـى كـل زلـه .... |
رد: فوق هام السحب ( الشعر الشعبي) على متن القوافي
مهما فعلت الطيب في واحد وراح
الطيب مع هالوقت كيف ايتوافق الناس بالغيبه لها هرج وصياح وكلن على شكله ونوعه يرافق حتى الكفو ما عاد خلوه يرتاح لا طاب قالو والله انّه منافق عبدالله بن هندي |
رد: فوق هام السحب ( الشعر الشعبي) على متن القوافي
كنت الامان بـ وجه حزنك وخوفك
وكل دربٍ يودّي لـ فرحك ادلّه لو انّي ما احبّك واقدّر ظروفك ماكان سامحتك على كل زلّه .... |
رد: فوق هام السحب ( الشعر الشعبي) على متن القوافي
و تدور الأيام و أحلامي هي أحلامي
عزيمتي ثابتة و الوقت متغيّر عديت خوفي ما دام الحلم قدامي مسيّرٍ بالخفا و بالظاهر مخيّر و عيونك السود كانت مصدر إلهامي في ليلها كنت أشوف وصولي النيّر وأنا صغيّر أراقب سرعة أيامي واليوم ليت الزمن خلاني صغيّر .... |
رد: فوق هام السحب ( الشعر الشعبي) على متن القوافي
من صان حق الناس بالغيب صانوه
محفوظ لو هو كان غـايب مقامـه ومـن هـان خلـق الله تعثر وهـانـوه* لـو كـان شـيخ ومن سلايل زعامه .... |
رد: فوق هام السحب ( الشعر الشعبي) على متن القوافي
يالله يالي فزعتك تكشف الضيق
في بحر عفوك ماتضيق المراسي انا في وجهك من قليل التوافيق ومن موقفن مايرتفع فيه راسي .... |
رد: فوق هام السحب ( الشعر الشعبي) على متن القوافي
نكسب من الدنيا المخوه مع الجيد
والجيد مثلك له مكانة وعزة أنت الخوي الي كما شامخ الحيد ثابت مكانة ما العواصف تهزة .... |
رد: فوق هام السحب ( الشعر الشعبي) على متن القوافي
كل غالي بقلبي موقعه ما تغير
بالاخاء والمروه والوفاء كالذخيرة ذكركم في فؤادي كل لحظة واكثر فيكم أغلى الاخوة والقلوب المنيرة .... |
رد: فوق هام السحب ( الشعر الشعبي) على متن القوافي
الحال ما نشكيه عند المخاليق
و همومنا تكثر وهي داخليه واليا خسرنا نطلب الله توافيق ما ندور التعويض ولا العطيه .... |
رد: فوق هام السحب ( الشعر الشعبي) على متن القوافي
ترآ طبـوع الناس آنـواع وآشكال
عمر آلاصابع ماتساوت فآلآيدين آحدن طبوعه تبري القلب وآلبآل وحدن طبوعه فعلها تبكي آلعين .... |
رد: فوق هام السحب ( الشعر الشعبي) على متن القوافي
يا وليف الروح يا حلو الوصايف
يا بعد من شافت عيوني عيونه ايه احبك غير عن كـل الولايف حب صعب ان الاوادم يفهمونه الغلا لك والمحبه وانت شايـف كيف عذال الهوى منك مغبونه وانا قبلك من دروب الحب عايف لين شفتك واخلف الخاطر ظنونه .... |
رد: فوق هام السحب ( الشعر الشعبي) على متن القوافي
مايرخص إلا اللي تربى على الرخص
وأهل الفضيله يعشقون الفضيلـه أحيان سبة شخص تترك كذا شخص وأحيان سبّة شخْص تغلي قبيلـه .... |
رد: فوق هام السحب ( الشعر الشعبي) على متن القوافي
فتحت لك دربٍ عن الناس مسدود
عازلك عنهم بالحنايا لحالك اما تجيني حب ما بعده صدود والا تروح وجمل الله حالـك .... |
رد: فوق هام السحب ( الشعر الشعبي) على متن القوافي
من عاش فالدنياء بنعمه وسالي
ينام ماحـد يزعجه من رفاقه ومن عاش فالدنياء همومه ثقالي يسهر ويكتب قصته عالصداقه ومن عاش فالدنياء مفارق لغالي يبكي ويشكي والالم من فراقه .... |
رد: فوق هام السحب ( الشعر الشعبي) على متن القوافي
الصاحب اللي معدنه مثل الذهب
ما يقتلب لونه ولا عمره يميل لاتصحب الاّ شخص مرفوع الرتب صادق محنك بالصداقه مايكيل الصاحب اللي لادعاه صاحب وجب يوفي بحمله لو حمل حملاً ثقيل صداقته ثروه غزيره لا تهب تكون له صاحب مع رد الجميل صداقة الاخيار يا نعم الصحب هي مثلماالاطياب واثمار النخيل من يصحب الوافي ويبقى مستحب يتذكروه الناس جيلا بعدجيل وانا عليا العار ماا خون الصحب ولا اخون العهد في صاحب أصيل .... |
رد: فوق هام السحب ( الشعر الشعبي) على متن القوافي
قلوبنا ما تعرف الحقد والصد
ونطيب فـاللي ما يطيبون فينا ونحبّ لكن فـالمحبه لنا حد لا وصلت لحد الكرامة مشينا وان ضاقت الأيام نوقف لها ند نضحك لها من قبل تضحك علينا .... |
رد: فوق هام السحب ( الشعر الشعبي) على متن القوافي
لا شفت أحد طاح لا ترمي سكاكينك
الوقت دوّار لا تشمت ولا تضحك بكرة إذا طحت والدمعة ملت عينك بتشوف منهو يجي يضحك على جرحك .... |
رد: فوق هام السحب ( الشعر الشعبي) على متن القوافي
دايم اقول الحب عنوان الانسان
ماهو بقصدي حب نظرة وعلاقه الحب نصح وعطف وفاء واحسان هو تضحيه واجمل مثال للصداقة |
رد: فوق هام السحب ( الشعر الشعبي) على متن القوافي
شفتك وأنا عن جرح الأقدار مسؤول
كبير وجروحي على حجم قدري خفت اسـألك تذكر وخفت إنك تقول أنا أذكر إني شايفك وين مدري .... |
رد: فوق هام السحب ( الشعر الشعبي) على متن القوافي
يسألوني اعله حـالـي شبيك مـابيك
اشـو وجــهك كئيب ولــونـه شاحب وجــــــاوبـهـم وأگـــول الــحـمد لله بـس عـيـنـي عكـس شفتي تجـاوب واجاريهـم أحــاول مــــا يـحـســون ادري عـــيـــون شـــمــاتــي تـراقب واضـحـك شـفــتـي گــدام اليسألون وأنـه بصدري حـزن يلطــم مــواكب يـگــلولي ضحكتك بــارده هــــــواي وشو للصفنـــه دومك حيل راغـب گبل چانت ضحكتك مالـــيه البيت ولـسانـك حــرك كـلـش مشاغـب شـجـاك شغيرك وشصـــايــــر ويــاك تـوزع هموم وبيدك چــن محاسب شعر عراقي |
رد: فوق هام السحب ( الشعر الشعبي) على متن القوافي
يا وش بقى بأعطيك مني ولاجاك
ماباقي إلا روحي أحيا بها لك يالغايب الحاضر بقلبي ولا القاك اقرب من عروقي وصعب منالك شالك زماني عن عيوني ووداك لا شك وثق في ضلوعي حبالك يا حاجب شمسي وراه ليل جفواك ما بالعهد بك قاصي ٍفي وصالك ولا انتفض قلبي من الحب لولاك ولولاك ما يبدي عليك ما بدالك .... |
رد: فوق هام السحب ( الشعر الشعبي) على متن القوافي
رقمن تحفظه ولا يحتاج تخزينه
ورقمن لو أنه مخزن راح من بالك ورقمن اليا دق في شاشتك يازينه ماهو مميز ولكن غصب يحلا لك .... |
رد: فوق هام السحب ( الشعر الشعبي) على متن القوافي
تبغي تعرف اللي مع الوقت مايروح
اهل الوفا مع اهل الوفا دوم يوفون وتبغي تعرف اللي مع الوقت مفضوح اهل المصالح لا قضوها يروحون .... |
رد: فوق هام السحب ( الشعر الشعبي) على متن القوافي
انا صديقك لا قسى الوقت واكفيك
ولاني من اللي وقت المصالح يجونك اعزك يا صاحبي بكل مافيك ومن كثر مااعزك صرت اعز اللي يعزونك افتخر لاقالوا اني مخاويك منبع الطيب قلبك والصفا في عيونك .... |
رد: فوق هام السحب ( الشعر الشعبي) على متن القوافي
نـاس تردد كـل بـيـت اكتـبـه فــيــك
والناس ماتدري خفا بعض الاشعار انا اكتبه من شوق والبيـت يعنــيـك والـناس تاخـذ من قصيدي وتختـار .... |
رد: فوق هام السحب ( الشعر الشعبي) على متن القوافي
في ذمة العشق والعشرة وفي ذمّتي
انك خدين الظلوع و كبدي الضاميه ادخل على الله من الفرقا و يا يمّتي من جور ليل الجفا وجروحه الداميه .... |
رد: فوق هام السحب ( الشعر الشعبي) على متن القوافي
يغري جمال الكون والـورد يـغري
وموج البحر مع طلعة الشمس جذاب والفـكـر يـسـرح كـيــف وشـلــون مـــدري واللـي يقـول أقـدر علـى القـلـب كــذاب والشعـر يشـرح بعـض الاحيـان صـدري ومن أعذبه لو كان قلبـي صخـر ذاب .... |
رد: فوق هام السحب ( الشعر الشعبي) على متن القوافي
دكتور زاد الشوق في داخل اعضاي
ابغــا عـــلاج الشوق وابغـا أدله هل تمتلك ياسيدي طب شكواي و لا نصحت القلب يوقـف محله حب الزمن هـذا تفاصيل بلواي اخذ الحبيب الزين قلبي وشله ماكنت متوقع من الشوق إغواي وإلا عـذاب الحب يأتــي بعله لاكن وقعنا زادني الحب إغراي حتى تمكـن واسكن القلـب كله .... |
رد: فوق هام السحب ( الشعر الشعبي) على متن القوافي
عزاز نفس وبالمقادير راضين
ونفوسنا من فضل ربي رضيّة وإن جرّحتنا بالظروف السكاكين نشكي مواجعنا لرب البريـّة ما عندنا بالأرض خصم ومعادين ولا نقابل بالأذيّه أذيـّة حنّا تربينا على اللطف واللّين وصدورنا لصدور الأحباب فَيّة .... |
رد: فوق هام السحب ( الشعر الشعبي) على متن القوافي
احزنت من فرقاه لكن البقا
في راسي اللي لا يبور ولا يلين هقيت وماني بـ اول انسان يهقا وتخيب هقواته على مر السنين كنا اصدقا وصرنا ماحنا بـ اصدقا ولا بقا في الخاطر الا كلمتين جعل الرفيق اللي على وضح النقا بعد رفيقٍ يوم زين و يوم شين .... |
رد: فوق هام السحب ( الشعر الشعبي) على متن القوافي
انا كبريائي ماتجيبـه لحون الناي
لو إن اللحون اللي تغنّى على الفطره ِ أحب اتأنّى في كلامي وفي ممشاي وأفاخر بفعل وسيرة جدودي العطره ِ ماحب أطرد المقفي ولا أقول عود جاي لو إن كبدي من الشوق والحزن منفطره .... |
رد: فوق هام السحب ( الشعر الشعبي) على متن القوافي
درب المراجل صعب ياهل التماثيل
وما كل من حــاول يطــوله يطـوله ما طــاله الا من زحول الرجاجيل اللــي تشــرف بالشــدايد فعــوله .... |
رد: فوق هام السحب ( الشعر الشعبي) على متن القوافي
ترانا نعرف ونفهم السالفه ونشوف
لكـن الضعوف أنطوفها ونتجاهلها ْماهو كبر لا واللي خلقني ولاهو خوف لكن الأوادم عوجها من يعدلها .... |
| الساعة الآن 09:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية