رد: فوق هام السحب ( الشعر الشعبي) على متن القوافي
 

‏قمة الاخـلاق والذوق الرفيع
لاتركت الكـبر وأرخيت الجناب

وأعتبرت الخلق في عينك جميع
كلهم لادم وادم من تراب

....

رد: فوق هام السحب ( الشعر الشعبي) على متن القوافي
 

الحال مادامت لحرمه ورجال
وايامنا مابين بسمه وحزينه

لكن املنا بالذي يعلم الحال
والنفس ماكسبت تكون الرهينه

....

رد: فوق هام السحب ( الشعر الشعبي) على متن القوافي
 

‏ياما فقدنا تحت عوج النصايب
واللي فقدناهم على القلب غالين

من بعد فرقاهم تهون المصايب
لوكثرت الاحزان ما تدمع العين

وان ادري ان الحزن ما رد غابب
لاكن على ما قدّر الله راضين

....

رد: فوق هام السحب ( الشعر الشعبي) على متن القوافي
 

‏يآ كثر من خانوآ المحبه ومآ خنت
‏و يآ كثر من عالجتهم و إطعنوني
‏
‏من كثر خذلاني تمنّيت مآ كنت
‏طيّب مـع أشخاص ما قدّروني

....

رد: فوق هام السحب ( الشعر الشعبي) على متن القوافي
 

‏عليك الغلا مردود يالغايب الموجود
‏سوالفك غابت غير طواريك ما غابت

‏غيابك حضور له بصدر البيوت شهود
‏ وش اللي يغيب ضحكتك و الغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

....

رد: فوق هام السحب ( الشعر الشعبي) على متن القوافي
 

‏هل تسأل الليل وانجوم السماء ساعي
اسأل عليك كل نجمه في السماء وينك

شبيته النار ياغايب في أضلاعي
وأنهيته الود ما بيني وما بينك

يرقى بدايت شعري وأ خر أبداعي
ماودي أذكر لحد زينك ولا شينك

الله معك روح ماشي للعتب داعي
يدي لك ألله من قدك ومن طينك

....

رد: فوق هام السحب ( الشعر الشعبي) على متن القوافي
 

‏إنس الهموم وبدل الحزن بـ افراح
إضحك و ثقل الهم بـ الصبر تقـواه

هلل و كبر واذكر الله يا صاح
محدن فـ هالدنيا نصيبه تعداه

....

رد: فوق هام السحب ( الشعر الشعبي) على متن القوافي
 

‏ياليل كان الشوق موْصاً به وصاة
‏طمّن حبيب الروح لو كان خافي

‏علّم قرير العين لا يطلب اثبات
‏دام الغلا مفضوح نبض وقوافي

....

رد: فوق هام السحب ( الشعر الشعبي) على متن القوافي
 

‏ظنيت فيك المحبّه واختلف ظني
‏وصيتك تصون حبي لك وضيعته

‏حبيتك ولا هقيت ان الخطأ مني
‏عصيت عقلي وقلبي معك طاوعته

‏كنت أحسب اني سعيد الحظ يوم اني
‏فتحت لك بابي المُغلق وشرّعته

....

رد: فوق هام السحب ( الشعر الشعبي) على متن القوافي
 

ياطير يلي على غصن الشجر غـرد
قل الحبيب المغيب ليه يجفاني

كم يارسـاله عطيته مابعث لي رد
في غيبته يعلم الله زادت اشجاني

يازين وين المحبه وين ذاك الود
ارفق بحالي فديتك لا تـناساني

شفت الحلاء في عيونك رمشها ممتد
تشبه سراياء عساكر وسط ميداني

ماقلت غير الحقيقه ربنا يـشهد
مامثلك الله خلق في الأنس والجاني

يازين خـذني معـك وانا معك باسعد
مانفترق ياحبيبي طول لأزماني

بعدك علي نار يحرق جمرها الكبد
شبت لضاه على قلبي وشرياني

حبك ذبحني ونار الشوق تتوقد
والله مانساك كون الموت ينساني

فاالعين تالي زماني عافت المرقـد
مشغول بالي ونوم العيـن ماجاني

اعـد ليام والسـاعات لجلك عــد
ماتدري ان العمر ياصاحبي فاني

متى التقي فيك قلي ياجميل الخـد
ليتك تحدد مكانك وين تـلقاني

في غيبتك ياالقمر ليلي ضلام اسود
غبـتي وغـاب البـدر يانـور لعـياني

....

رد: فوق هام السحب ( الشعر الشعبي) على متن القوافي
 

يا شبيه الورد في صافي الخدود
تسحر عيوني وتجذبني بحلاك

مال روحي غير زولك في الوجود
‏ومال عيني في الصبايا الا هواك

....

رد: فوق هام السحب ( الشعر الشعبي) على متن القوافي
 

‏لا تطلق السر من سجنه وتطلب كفيل
دمار بعض القلوب البيض من طيبها

غير انتبه لا يجي سرك كرامة بخيل
ما ينبسط لين كل الناس تدريبها


عشق بن مسفر

رد: فوق هام السحب ( الشعر الشعبي) على متن القوافي
 

تَعَبت من كثر المجــامل ومليت
ومن المثالية تضـايقت بالحــيل

من كثر ما اعدي واعدي ومشيت
قامت تهاون بي ضعوف الرجاجيل


ثامر السهلي

رد: فوق هام السحب ( الشعر الشعبي) على متن القوافي
 

الصمت في بعض المواضيع مطلوب
والناس قبلـــي قالوا الصمت حكمة

بعض الســوالف تِلحق إبن آدم ذنوب
و يآثم و هـــو من قـــبل هرجه بنعمة

ترى النــبأ الطيب مع الـناس محبوب
و العيب يبقى عيب واضـح من اسمه


ثامر السهلي

رد: فوق هام السحب ( الشعر الشعبي) على متن القوافي
 

الحرار تموت ما تاكل لحوم الحرار
والثعل عند الرعيّة يدور مطمعه

عيش ياراسي على العز والدنيا مدار
ما تضيق صدورنا و الدروب موسعه


ذائقه

رد: فوق هام السحب ( الشعر الشعبي) على متن القوافي
 

أداريه و أضحك له و أضحّك عليه بدود
و أضحك عليه اللي يموتون ضحكٍ له

كذا عـشت في دنياي ما لي مدا و قيود
صديق الـصديق و للعدو علقم و عله

فمادام الفجوج وساع والمزن ماه يجود
و ما دام الـنجوم نجوم ما هيب اهله

أبتبع هوى بالـي و أسير و اجي للذود
و إلا ضقت جيت اللي من يجيه ما مله


....

رد: فوق هام السحب ( الشعر الشعبي) على متن القوافي
 

أشوف العرب تالي الزمن تشتكي وتصيح
من اصحـــابها تبغـــى المـــواقيف بالقوه

وإذا المرجله باللـــوم والســـب والتجريح
فــلا عـــادت الـــرفقه ولا دامـــت الخـوه

وانا فزعة أصحـــابي تسـابق هبوب الريح
يدور الزمن و الصـــاحب الكفـــو هو هوه


ردة الطلحي

رد: فوق هام السحب ( الشعر الشعبي) على متن القوافي
 

ما ضرنا قل نسـعى في مناكبها
انقدم الطيب واليا جحد نعتاضي

نصـح القلوب المـوده لا تغاربها
ونات شايب بناته تحت الانقاضي

قررت مازعل على العالم واعاتبها
ما دام ربي عليــنا سـاتـر وراضـي

عيب القلوب المصده لو تشربها
من دم قلبك تمجـه راح بالفاضي


عبدالعزيز قالط

رد: فوق هام السحب ( الشعر الشعبي) على متن القوافي
 

يازين طبعك قبل لا يمتلي جيبك
ويابرد وجهك عقب ماكثرة فلوسك

وشلون غير نباك وحلو أساليبك
لا يضيٌع المال من سمتك وناموسك

وتفقد عزاز النفوس اللي تهليبك
لا ضايقتك الهموم وكثرت هجوسك


عبدالله الصبيحي

رد: فوق هام السحب ( الشعر الشعبي) على متن القوافي
 

خلوه يزعل لين ترضيه الايام
وعقبني الفنجال لارحت اراضيه

اللي زعل باوهام ترضيه الاوهام
خله على الصده ولاني براجيه


تركي العريدي

رد: فوق هام السحب ( الشعر الشعبي) على متن القوافي
 

واهني الي من الهم مرتاح الضمير
ما قست سود الليالي عليه ضروفها

ما بعد جرب تنهاتت الضيقه عصير
ولا بعد ضحكت عليه السنين اصدوفها

لي حوالي خمسة شهور والخاطر كسير
والعيون من السهر قام يخطي شوفها

دورة الايام مثل الرحى الي يستدير
مثلي من الناس قد حيّل دون شفوفها


....

رد: فوق هام السحب ( الشعر الشعبي) على متن القوافي
 

لو هي على كثـر التـمنـي والامـال
بـ قـول شـيٍ في ضـلـوعي تـخفى

كل يوم نفقد من هل الطيب رجال
يـوم الـردي بـظل الرجـال يـتعفى

نزعل ليــا غابـوا حشيمين ورجال
ولا الردي بطيـح الرجـال يـتشفى

عمر الرجل ودك على قد الافعال
من طاب عـاش ومن تردى تـوفى


صلاح مطرف

رد: فوق هام السحب ( الشعر الشعبي) على متن القوافي
 

الكريم يذاع صيته والبخيل يهمّل
والمواقف مرّة فرضً ومرً سنّه

من تجمل ساعة فيها الكلام يكمّل
ما يرد المدح لي جات المدايح منّه

ومن تردا فالرجال وفعل ابيه يجمّل
جعل وجهه فالتراب وجعل ابيه الجنّه


مهدي اليامي

رد: فوق هام السحب ( الشعر الشعبي) على متن القوافي
 

انا لي رفيق دق صدره و تالي حاص
يشين الوعود الي تجي عـقبها الحوصه

رجال ما يحمي كلمته نعتبـره هلاص
ولوهـو من رجـال بالامجاد مخـصـوصه

خدعنا لـميع الـبدي واثرالبلاء بالـشاص
ولافا دناقـوله نضيـفه و مفحوصه

وتراء المشكله ماهوب ديـن بلا مخلاص
لكن البلاء في دقه الصدروالحوصه


عايض ملهي

رد: فوق هام السحب ( الشعر الشعبي) على متن القوافي
 

ترى المال والمنصب عقوبه على راعيه
احد يرتفع به فـوق والثانـي يحـدر

عسى الله يطول عمر ابو ويش تامر فيه
وعسى الله يقصر عمر ابو صعبه ومقدر


هاضل ابو ليل

رد: فوق هام السحب ( الشعر الشعبي) على متن القوافي
 

كثر الله خير سود الليالي والظروف
سوت لبعض المخاليق عندي فلتره

لاتحط ببارد الجوف والخبل امعروف
كل ماسويت به طيب لقاك ظهره


هاضل ابو ليل

رد: فوق هام السحب ( الشعر الشعبي) على متن القوافي
 

عـسى بارد الجنّه وحوض النبي والحور
جـزا واحـدن مـوجـعني اليـوم فقدانه

وعسى مجلسه في جنة الخلد منبر نور
يـجـاور بـهـا رب الـسـمـوات سـبـحانه

رحـيـل الأبـو يـتـرك فؤاد الولد مكسور
بعد كان لا ضاقت لقى الأمن بأحضانه


عبدالله بن رشيد الجش

رد: فوق هام السحب ( الشعر الشعبي) على متن القوافي
 

والله اني يوم أسج القدم* وأبعد*خطاي
لجل مافقد كامل الصبر*ويضيع*جهدي

قلو الأصحاب من حولي وكثرو*عداي
والسبب يوم أمدح الكفو وأسب الردي

الظروف أحيان ماتشفع لبعض أخوياي
حاجةً مايحتملها*البساط الأحمدي

ولوتزيد صدوف الأيام* ماجابت مداي
متكل باللي على يديه حزني*وسعدي


جري بن عبيد

رد: فوق هام السحب ( الشعر الشعبي) على متن القوافي
 

مزحنا معك والحين بالله وش المطلوب
مادام النوايا سود والضن ذا لونه

نوايا الرجال الطيب والمنطق المحسوب
لو امزوحها في بعض الاحيان مدفونه
ً
عرفنا خفاك وقدر الله وذا مكتوب
وهالحين شف لك حل فالحبل ابو غونه
ً
نعاف الوطى ونجنب المشرب المشروب
ونارد قراح الماء لو الموت من دونهً


....

رد: فوق هام السحب ( الشعر الشعبي) على متن القوافي
 

مدحناك ياراس المغفل وجبت العيد
حـــلالاه لــوانــا سـلـمـنـا مـدايـحـنـا

نظـر عينك قريّب وحـنـا نظـرنـا بعيد
اشر راحتك وانس المعرفه وريحنا


عبدالرحمن بن بديع

رد: فوق هام السحب ( الشعر الشعبي) على متن القوافي
 

تدور الليالي بس تبقى الرجال رجال
تغيب الاسامي والمواقف تعرفها

تشيل الحمول ولا تشوف الحمول ثقال
وطيب الرجال وفعلها اللي يشرفها

تجيني بيوت الشعر في مدحهم تختال
ثمينه مثل نقد الفلـوس بمصارفها


....

رد: فوق هام السحب ( الشعر الشعبي) على متن القوافي
 

الوداع اللي يقولونه وداع الميت
لاحضنته قبل قبْره يحْرمك من شوفه
ِ
الفراق فراق من عنه المنيه عيّت
خل فرقا واحدٍ عيّت عليه ظروفه


....

رد: فوق هام السحب ( الشعر الشعبي) على متن القوافي
 

الرفيق اللي نهار الضيق مامنه مسّـره
في الرخا جعله مهف مقيط مالي فيه حاجه

اتشـره ليـه لاجلـه لاحـرام مااتشّـره
التشره في رديين العرب نقص وسماجـه

....

رد: فوق هام السحب ( الشعر الشعبي) على متن القوافي
 

يامعلم الناس علم نفسك وفدها
عاين عيوبك وخل عيوب خلق الله

من قبل ماتلتفت للناس تنقدها
حاول تنزّه من العذروب والخله


محسن تركي

رد: فوق هام السحب ( الشعر الشعبي) على متن القوافي
 

المعاريف الكبيره لاحطت بالضعوف
أصبحت فعيون أهلها عذاب ومظلّمه

مايعومس كل طيّب وصنّاع أمعروف
غير لا حط المعاريف في بطن أرخمـه


خالد الشلاحي

رد: فوق هام السحب ( الشعر الشعبي) على متن القوافي
 

تدري وش اللي يصدم النفس ويحز
واللي بخيبــات الهــقـــاوي يخــمك

اذا احتــزمت لـمـوقف الطيب والعز
ولـقـيــت عـــدوانــك بـه اولاد عــمك


غازي الشمراني

رد: فوق هام السحب ( الشعر الشعبي) على متن القوافي
 

‏في حاجتك لابد من صرف الفلوس
في راحتك لابد من صرف الــنـظـر

إدارة اموالك تعـــلــمك الــدروس
إدارة افعالك تعــــلـمك الـصبر


فريد السحيمي

رد: فوق هام السحب ( الشعر الشعبي) على متن القوافي
 

الله خلق والله فـرق بين هالناس
والله جعل فيهم سمات ومواري

فلا تنزعج لاشفت لك ناسٍ أنجاس
لولا الردى مـا بـان للطيب طـاري

....

رد: فوق هام السحب ( الشعر الشعبي) على متن القوافي
 

ماعلمك طول الغياب إني كبير
وإني على كثر إشتياقي ماأتبعك
َ
ماقلت لك قبل التمادي استخير
خل العناد اللي غدابك ينفعك

....

رد: فوق هام السحب ( الشعر الشعبي) على متن القوافي
 

يامعشر اللي عمركم بالثلاثين
عن مجريات ايامكم طمنونا

هل عمرنا فـ اول شبابه وبادين
والا خلاص المجتمع ما يبونا

....