|
رد: اخترنا لكم
حي الله اللي غلاها بوسط شرياني
يجري مع الدم والقلب وشرايينه تبقى على البال مامعها بشر ثاني والحب الاول لها من ماضي سنينه .... |
رد: اخترنا لكم
أخذت فنجال الزمان وشربته
قال أنت قد اللي تسويه قلت أيه ما جيت أدوّر غير حقي وجبته تبيني أخلّيه والله ما أخلّيه عبدالرحمن بن جزا |
رد: اخترنا لكم
قهو المشاعر لاجاتك وانت راعي مكان
ورحب بها كل ما مرت على فالها قولة هلا منك تسوى الهيل والزعفران وصفراً يداوي عماس الراس فنجالها .... |
رد: اخترنا لكم
أنتي عن الذل والحقران مرفوعه
والناس في خدمتك ورضاك طماعه سمي وقولي ترى كلمتك مسموعه واليا سكتي نقول السمع والطاعه اهم شي التعب والضيق واللوعه لا يرتدي وجهك الوضاح وشعاعه أنتي بوجه العتيبي وايسر ضلوعه سمي على قلبه ونامي على ذراعه مطلق العتيبي |
رد: اخترنا لكم
لاعسعس الليل زادت وحشتي وينك
الصوت ما يوصلك والشوق ما جابك شكراً بحجم الغـلا اللي بيني وبينك والّا بحجم الجروح اللي من أسبابك .... |
رد: اخترنا لكم
وأنا بصدق كلامك واعتنز بالله
بقول للناس مايعنيك يعنيني .... |
رد: اخترنا لكم
الكبد مجروحه والأحساس ملهود
والصدر ضايق والعذاب متواصل والقلب يبغى شي ماهوب موجود والعين تبغي شي ماهوب حاصل .... |
رد: اخترنا لكم
يارب يسرها على كل ضايق
ورفع ستار الهم عن كل محزون لو كان في درب السعادة عوائق تهون مع رحمتك يا خالق الكون آمين |
رد: اخترنا لكم
يآ ليتنا نجـرح مثل باقـي الناس
ونكسر خواطر من كسرنا ونقسى لكننا مــن كثر ما نملك احساس نجبـر خواطر مــن كسرنا وننسى .... |
رد: اخترنا لكم
لاتحاول تكسب إعجابي بحلو اسلوبك
المجامل شي وارد والصراحه علّه ولا تطالع في عيوب الغير شوف عيوبك الستر من فضل ربي والقبول من الله .... |
رد: اخترنا لكم
أمانة لا رحلتي ودّعي قلبي شوي شوي
تراني منكسر من سيرة الفرقا وطاريها تراني من هذاك اليوم لاميّت ولاني حيّ ولا أدري عن جميع الناس قاصيها ودانيها أمانة وش معي والّا وش اللي من غيابك لي يا كود الوّنة اللي ما تعدّت صدر راعيها مشعان البراق |
رد: اخترنا لكم
الكرم فنجال والدلة معزة
من بغى فنجالها يقدع رطبها الردي بالضيق فنجاله يهزه والشجاع إن جاته الدلة شربها .... |
رد: اخترنا لكم
جيتك أصبح يامنى الروح بالنور
وأقول ياخلي هلا وكيف حالك يالله عساك بخيرطيب ومسرور ويالله عساني مانحرم من وصالك ياملهم حروفي ترى القلب معذور ويالله يسعدك وين ما تكون دارك .... |
رد: اخترنا لكم
كل هالدنيا مواعيد ومشيتك
في طريق الذكريات اللي طوتني أبتديتك حب لكن ما أنتهيتك الدروب وساع لكن ما خذتني .... |
رد: اخترنا لكم
حبه بصدري سالفة سر في بير
وكن الفواد يقول هذا زبيني يا كثرهم غيرهم ولكن خبر خير ما غير شوفه في الوجود يهنيني محمد بن فطيس |
رد: اخترنا لكم
ياصاحبي لو تسـمع هـروج عني
من ناس قالوا كلمة ما لها ساس حاول تعــاملني بما شفت مني ما هو تعـاملني بما قالـوا الناس .... |
رد: اخترنا لكم
مالا يسرك تسمعه لا تقـولـه
ومالا رضيت بفعلته لا تسويه .... |
رد: اخترنا لكم
مايعكر خاطر السمح من عقب المغيب
كود نسناس الهبايب بذگرى مبطيه .... |
رد: اخترنا لكم
عقب الغلا ومزارق الطيب بالطيب
صار الغلا والطيب ذكرى قديمه الله يعين اللي جروحه معاطيب وباقي على مبدأ وشيمه وقيمه .... |
رد: اخترنا لكم
غير حُب الإبل وحب الطيبين
خل قلبك لا يقاد ولا يساق .... |
رد: اخترنا لكم
البارحـه عينـي جفـا النـوم موقهـا
تسبـر سنـا بـرق رفيفـه يشوقـهـا جعلـه مـن المنشـى ينثـر مخائـلـه مـن مزنـه غـرا تكاشـف بروقـهـا لامرهـا العسـاس مـن غـب سيلهـا عيـن خباريـهـا ووكــد حقوقـهـا مدهـال ذود ماتقـرع مــن الطـنـف لاقرعـت بعـض الرياجـيـل نوقـهـا البـل تبـي رجـل عـزومـه قـويـه ولانتـوت عـن دربـهـا مايعوقـهـا لايسمـع العـاذل ولايسـمـع الــردي رعايـه الربلـه ليبـسـت عروقـهـا يـامـا رعيـنـا مشـبـر مارعـوبـه اهــل الغنـيـم تـدقـق اربـوقـهـا مافيـه ياكـود الشـقـاري وخلطـهـا وفيه الخزامـي اللـي طـوال عنوقهـا ترعابـه العـري ويبـنـي شحهـمـا عقـب الدهـر خطـر تزايـد فتوقـهـا يازينهـا ليـاجـت عـقـب المعـشـا والنـار تشعـم والمعامـيـل فوقـهـا اليـا لفـت عقـب العتيـم وتفاهـقـت وغسلـت شمايلهـا ورفيـت شقوقهـا هـذي تغـرز مـن غـلاهـا وقـدرهـا وهـذي يـقـدم للنشـامـا غبوقـهـا واليا اصبحت تسرح علي الر وض الادني اليا اشرقـت الشمـس بـاول شروقهـا لهبـك النسـنـاس تشفـيـك خنـتـه ويكفيك عـن ريـح الخزامـي نشوقهـا وراعي الوظيفه يرتخص عـن وظيفتـه يرعابهـا القافـر ويتـبـع طروقـهـا كلـه لعينـا الشايـب اللـي يحبـهـا عـودا يقـلـط للنشـامـي حقوقـهـا لايجـرح العانـي ولايزعـل الـخـوي وعوق الخصوم اللـي وساعـا حلوقهـا اللـي يحـب الطيـب يلـقـاه عـنـده واللـي يــدور للـمـراره يذوقـهـا ومن لايحـوش المرجلـه فـي شبابـه واليا انتحـت صعـب وعسـر لحوقهـا وختامهـا منـي صـلاه علـي النبـي عـداد ماتنـشـي وتـبـرق بروقـهـا سلطان الهاجري |
رد: اخترنا لكم
سلام وشلونك عسى حالك بخير
اشتقت يا ملح الحياة القديمة في غيبتك للناس قيمه وتقدير وان جيت ما يبقى لهم اي قيمة .... |
رد: اخترنا لكم
تزوم روحي مثل مازام خيال
بينه وبين حـصان روحــه محبه ورثـت مـن جـدي ثمانيـن فنجال وشربتها مابين شتم ومســبه ماقد لعبت بقلب ولا صرت محتال ومن طيب قلبي كل شخص لعب به فيني سمو الطيش نظرة وترحال وقلبي صخر ماينثني لكل هبه فينا المكابر بالهوى دوم يختال وجمر الصدر قدح المشاعر تشبه وبالحب قلبي ماهو بقلب رجال قلب الصغير اللي انفطم للمحبه رذاذ الحبر |
رد: اخترنا لكم
سجل قصيد الغـلا بإسمك وسجلني
أول متابـــع لأحاسيسك ولمسـاتك لو تكـسر البيـت كمــــل لا تكلمنـــي يكفيني اسمك مسجــل باخر أبياتك .... |
رد: اخترنا لكم
البال ضايق يافهد خاطري عمس
ودي اسج الرجل وبعد عن الناس احس قلبي ينحمس داخلي حمس كما يحمسون الهراري بمحماس حضر زهابك قبل لاتطلع الشمس ودون مع الطرقه شعورك بقرطاس وركب على سيت احمر اللون جي امس يطوى جراهيد الخلا يمرس امراس الفين كيلو بعدها مالنا رمس ويستريح البال في بعد الارماس .... |
رد: اخترنا لكم
مالك مِن أيامك إلا صالح أعمالك
ولا أنت جثه وأعز الناسَ يدفنها .... |
رد: اخترنا لكم
أَضنى الفُؤادَ فَمَن يُريحُهُ
وَحَمى الرُقادَ فَمَن يُبيحُه وَنَضا مِنَ الأَجفانِ سَيفًا قَلَّ ما يَبقى جَريحُه أَمُعَذِّبي بِالهَجرِ هَل لي فيكَ يَومٌ أَستَريحُه .... |
رد: اخترنا لكم
ما للسـعادة زمـــان ولا مكـــانٍ أمــين
والأشقياء من غباهـــم يعبدون الصنم أحيان صاحب معالي طول عمره حزين وأحيـــان تلقى السعادة عند راعي غنم .... |
رد: اخترنا لكم
عليك الأمان أظهر تراني من التفكير
تعبت أكتب الأبيات وتروح دون أسمي أنا فاقدك بالحيل واتعبني التغيير من حسابي الوهمي إلى حسابي الرسمي .... |
رد: اخترنا لكم
يالله في عشر ذي الحجة
جـــودك وفضلك وغفرانك وتجعل لــنا فالحشــر حجه في ســـاعةٍ نرجي احســانك آمين |
رد: اخترنا لكم
تغانموا فعل الجمايل مع الناس
الناس صعبات الظروف اجرحتها فعل الوفاء والخير فالناس نوماس الطيب فوق الأرض ماهو تحتها .... |
رد: اخترنا لكم
نسبة نجاحك على الدنيا وتوفيقك
على حسب قربك من الله وطاعاته الله هو اللــي يفرج همّك وضيقك ابذل جهودك لاجل حبه ومرضاته .... |
رد: اخترنا لكم
حُب غيرك ماخذيتهَ بعين الاعتبار
شف صروحك من بعضها دسمها مغبّره وأنت وصلك لا بغيته رضيت بالانتحار مع طريقٍ قبل ما أجزم عليه اسبّره ما سكنة الا بعضو معاليقهَ يسار والظروف اللي تردّه هي اللي تصبّره ما بدا حُبك وحبّه بالأسم المستعار وما تعثّر في أي شيٍ ماهوب يدبّره .... |
رد: اخترنا لكم
الصدق راعيه عند الناس وجهه طليق
والكذب راعيه فعله فاضحه فاضحه أللي تشوفه عدو واللي تشوفه صديق فالضيق بتشوفهم بالصوره الواضحه .... |
رد: اخترنا لكم
صيتنا من قديم الوقت سيلٍ نحاوي
سيرة الطيب واضحه ومحدٍ جهلها بين عز الشموخ وبين طيب العزاوي ما تليق المكارم غير والله بأهلها .... |
رد: اخترنا لكم
شاور حكيمٍ بالزمن له تجارب
اللي بكل إخلاص يعطيك شوره وابعد عن اللي في كلامه تضارب يعطيك قول ولا صدق في شعوره احدن برايه للحقيقه إيقارب واحدن بعيد الراي ماشيف دوره ولا هو صحيح ان الاقارب عقارب كم واحدن طيب إيشرف حضوره .... |
رد: اخترنا لكم
محتاج لك يارب في كل خطوه
ومحتاج للتوبه قبل قطع الأنفاس خوفي من ذنوبي على حين هفوه ومن زله لساني على درب الإفلاس يارب |
رد: اخترنا لكم
سمحنا وعفنا وانثنينا عقب الاقبال
وذي عادة لايمكن ان حن نخليها ㅤ إذا ما لقينا من هل الدار طيبة فال نشوم ونخليها لمن هو سكن فيها .... |
رد: اخترنا لكم
قالوا يدور الزمن وابطا الزمن ماستدار
والضحكة اللي خذاها الوقت ماجابها .... |
رد: اخترنا لكم
مابقى لك في مشاويري مسافه
اعتقد حنا وصلنا للأخير الندم والعذر ودموع الحسافه مالها قيمه بعد موت الضمير البحر هادي وتغرينا ضفافه بس لا هاج البحر موجه غزير خايف من البُعد لا لاتخافه لا تخاف البُعد وأحبابك كثير اشكر احساسك على قل الكلافه يا كبيرٍ طحت من عيني صغير .... |
| الساعة الآن 07:37 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية