رد: فوق هام السحب ( الشعر الشعبي) على متن القوافي
 

‏والله اني ما احملك الخطا يازماني
‏ان قدرت ابلغ المقصود وان ماقدرته

‏الله اللي حرمني والله اللي عطاني
‏ان حرمني حمدته وان عطاني شكرته

.....

رد: فوق هام السحب ( الشعر الشعبي) على متن القوافي
 

يموت العذر ويموت العتب دام الغلط مرجوع
‏ويبقى الحب مرسول السلام اللي يواسيني

‏تطمّن ياحبيبي لاتقول وصالنا ممنوع
‏وانا في كل يوم القاك بين دعاي وآميني

‏تمادى فالطعون الخضر مادام العتب مرفوع
‏ترى قلبي ملاذك لانويت تطيح من عيني

.....

رد: فوق هام السحب ( الشعر الشعبي) على متن القوافي
 

صباح الطالب اللي قام فيه نْعاس
‏وسرح بدري يبي يلحق على الطابور

‏صباح الحصه الأولى وصوت الناس
‏وريح الخبز لادخّن مع التنور

.....

رد: فوق هام السحب ( الشعر الشعبي) على متن القوافي
 

‏رشة مطر والجو غيم وبرادي
‏جو ٍ يعالج كل نفس ٍ عليلة

‏والخير مقبل للحضر والبوادي
‏والنفس زانت كل لحن ٍ تشيله

.....

رد: فوق هام السحب ( الشعر الشعبي) على متن القوافي
 

الناس فيها الطيْب والحقد والغيض
‏مغشـوشةٍ مثل العسل وازرق العود

‏تلقى وجيهٍ سود وقلوبهم بيض
‏وتلقى وجيهٍ بيض وقلوبهم سود

.....

رد: فوق هام السحب ( الشعر الشعبي) على متن القوافي
 

لاترتجي من زمانك يكشف أسراره
‏خلّك شجاعٍ يمارا به ويوعد به

‏إنطح سبايب زعْلك وثوٌر غباره
‏رمحٍ يخمّك ولا رمحٍ تهدد به

.....

رد: فوق هام السحب ( الشعر الشعبي) على متن القوافي
 

مافيه احد يبقى معك طول الطريق
‏حتى ظلالك يتركك بعد العصر

‏احرص على دينك وهو نعم الصديق
‏ينفعك في يوم القيامه والحشر

.....

رد: فوق هام السحب ( الشعر الشعبي) على متن القوافي
 

‏الي تبينه على خشمي وجعله فداك
‏والطعنه الي تجيني من يدك جايزه

‏ان كان هذا تغلي مايغرك غلاك
‏وان كان هذا تحدي فانتي الفايزه

.....

رد: فوق هام السحب ( الشعر الشعبي) على متن القوافي
 

‏وش تبين من المطر والغيم ياضحكات خلي
‏من يشوفك شاف نوض البرق في عرض المخيله

‏زابن الصوت الرقيق وزابن الوجه المهلي
‏ماتسيّل وادي مانيب في حاجة مسيله

‏وامسك ايدي لين اجي كلي معك واروح كلي
‏اعتبرني تايه خلاك في الدرب الدليله

.....

رد: فوق هام السحب ( الشعر الشعبي) على متن القوافي
 

عودتني ماتمر ان جيت عابر سبيل
‏الليله اشعر برود احساسك وشايفه

‏واشم ريح الجفا خلف السكوت الطويل
‏واحس ضمتك هذي خلفها سالفه

‏وادري بأن جية الليله موادع رحيل
‏أحس وجهك غريب وضحكتك ناشفه

‏سولف ترى حادي الفرقا يحط ويشيل
‏ودروبنا بعد هذا العمر متخالفه

‏لو تمنع الطعنه اللي في ضلوعي تسيل
‏وش يمنع الدمعه اللي بالهدب واقفه

‏لاتهربك نظرتي لو كان صمتي ثقيل
‏أخاف أصد وتطيح الدمعه الطارفه

‏ماودي تشوفني ليلة فراقك هزيل
‏حتى وخضر الطعون بدمها طايفه

‏وان ذللتني وجيه الناس ماني ذليل
‏يزيد راسي شموخ ان زادت العاصفه

‏تعال قبل الطريق بذكرياتك يميل
‏عانق ضلوعي ترا من غيبتك خايفه

.....