|
رد: فوق هام السحب ( الشعر الشعبي) على متن القوافي
يامتابعين ابيات بوحي لو ابوح
شكري وتقديري لكم مايكفي ما اقدر أقول الا من الروح للروح متابعتكم تاج ع الراس والعين بقلمي |
رد: فوق هام السحب ( الشعر الشعبي) على متن القوافي
يدور الزمان وكل غالي يبي يخليك
هذا درس كنت اسمع به وشفته بعيني ㅤㅤ خذاك النصيب ورحت جعل الله يهنيك لو ان خاطري بك وانت لو خاطرك فيني .... |
رد: فوق هام السحب ( الشعر الشعبي) على متن القوافي
قلبي على شوفك من الشوق هلّا
والشوق من طاريك يا زين هزه مابيــك عن حبي تصــد وتخــلا قلب يحبك فــوق الاحبــاب عزه جيتـك غلا ما جيت لك بـ اتسلى حــبٍ عن عيــون الخـلايق تنـزّه حبــك خـذا قلبـي ولا شــي خلّا حتـى شعــوري بالغــلا يستفــزه .... |
رد: فوق هام السحب ( الشعر الشعبي) على متن القوافي
انتي اجمل من كتبته في حروفي
وانت اروع من له الهاجس تكلف وانتي احلا من تحلت به وصوفي وانتي اطيب من رحيق الورد والطف وانتي اول من دعمني في ظروفي وانتي اوفا من وفي فالناس وانصف وانتي اول من كسر شكي وخـوفـي وانتي انزه من سكن قلبي وشـــرف .... |
رد: فوق هام السحب ( الشعر الشعبي) على متن القوافي
من دروب اهل الهوى والعاشقين
جعـل مـا غيـرك غـرام ولا حبيب وعن دروب اهل الجفا والراحلين جعل عينك عـن عيوني مـا تغيب .... |
رد: فوق هام السحب ( الشعر الشعبي) على متن القوافي
اهديت لك من زهور الشوق كم باقه
ومجنونه الود ماينفع بها الراقي النفس ولهه وروح الرح مشتاقه وماينعش الزرع غير الماء مع الساقي .... |
رد: فوق هام السحب ( الشعر الشعبي) على متن القوافي
قلبي اخذته وانا والله ما اعطيتك
وشلون تاخذ خفوقي يا مشقيني والله ما جيتلك وشلون انا جيتك علمي بنفسي ترى يومك تناديني رحبت يامرحبا واثر الحشى بيتك كنك تبي عن حزن قلبي تنسيني .... |
رد: فوق هام السحب ( الشعر الشعبي) على متن القوافي
يابوي عطني موترك خلني اسوق
صبري على بعده تعدى الحدودي الغالي اللي هزني يمه الشوق وبيح خفايا خاطري والسدودي ماتشوفني يابوي متعب ومحروق والحال ناحل والتعب في خدودي .... |
رد: فوق هام السحب ( الشعر الشعبي) على متن القوافي
يالله يا رازق البايع من الشاري
يامعطي الخلق من فضلك بلا منّه إنك تبارك صباح اليوم للقاري وتكتب له الخير والتوفيق والجنه بقلمي |
رد: فوق هام السحب ( الشعر الشعبي) على متن القوافي
تمنيتك وقلت في خاطري ليته تمناني
وانا ماكل واحد شافته عيني تمنييته على كيفك تذكرني على كيفك تناساني وانا طاريك في قلبي ولا يوم تناسيته زرعتك وردة حمرا تزين كل بستاني ودفنت القلب في تربة مشاعرنا وخليته .... |
رد: فوق هام السحب ( الشعر الشعبي) على متن القوافي
عليك الغلا مردود يـ الغايب الموجود
سوالفك غابت مير طواريك ماغابت غيابك حضورٍ له بصدر البيوت شهود وش اللّي يغيب ضحكتك والغلا ثابت أحنك مثل ما أحن وجهي من المنقود وأعدك ليا عديت الأيام وش جابت .... |
رد: فوق هام السحب ( الشعر الشعبي) على متن القوافي
توب وارجع للــخطا عقب ما اتــوب
ارجـع ولـو مـازال فالنفـس شيمـــة وامشي على دربي واجنب لــي دروب درب يجــدد ذكــريــــــات الليمه على رصيفه دمعه وحــرف مكتـــوب وقلب تمكنه السهم فــي صميمة ياليتنا عشنا بلا احساس وقلـــــوب وياليتنا ننـــسى الامـــور القديمة وليت الزمن لاطال مايظهـر عيـــوب ناس لهــم فالقلب قدر وقيمــــــــة تلعب بي الدنيا على كــل مسحوب ياما ضحكت لي والعواقب وخيمـة كني بها في صوب والضحك في صوب وقسمي بها حــزن وجروح سقيمـــه مليت من قولــة مقـــدر ومكتـــــوب ومليت عطف اهل القلوب الرحيمـة انا الذي من لـــذة الوقت مســلوب وانا الذي ماعـاد يعـرف خصيـمـه ارجع على نفس الخطأ عقب ما اتوب لو انها فـــي حـــق نفسي جريمــــه .... |
رد: فوق هام السحب ( الشعر الشعبي) على متن القوافي
نمسي على حال ونصبح على حال
يوم لنا واليوم الاخر علينا يومِ سلى خاطر ويوم غثا بال طبع الزمان وحكمة الله فينا .... |
رد: فوق هام السحب ( الشعر الشعبي) على متن القوافي
رسالتي لك
لاصرت في نعمه وصحه ومرتاح والناس سالم من أذاها وحسدها اسجد سجود الشكر لخلاق الأرواح تراك في نعمــة وغيـرك فقدها |
رد: فوق هام السحب ( الشعر الشعبي) على متن القوافي
عمر الرخا مايكشف الناس للناس
مايكشف الرجال غير الشدايد ناسٍ تشوف الصعب وتقول لا باس وناسٍ تشوف السهل وتقول كايد .... |
رد: فوق هام السحب ( الشعر الشعبي) على متن القوافي
انت لو تظما من عروقى سقيتك
وانت لو تبعد يصير الجو ثاني وانت لو يقـسى زمانى ماجفيتـك كن ربى عن هـوى غيرك نهاني من يقول انساك يكذب مانسيتك كيف وانت القلب من دونك عصاني .... |
رد: فوق هام السحب ( الشعر الشعبي) على متن القوافي
حي طرقاً كل ماهزها الشوق وحكت
الهوى يطرق ثغرها ويضّحك سنها ضحكها يمزّع معاليق قلبي لاضحكت كنّها تملك مفاتيح قلبي كنّها .... |
رد: فوق هام السحب ( الشعر الشعبي) على متن القوافي
نصف الحكمة :
الصمت نصف الراحة : في عدم مراقبة الآخرين نصف الثقة بالنفس : عدم المقارنة مع أحد نصف الأدب : عدم التدخل في ما لا يعنيك لو تعلَّم نصف البشر عدم التدخل فيما لايعنيهم لعاش النصف الآخر بخير رسالتي لك.... |
رد: فوق هام السحب ( الشعر الشعبي) على متن القوافي
اعمارنا تجري مع خط الاقلام
تطوي بها الأيام طي الوثايق فيها الفرح مره ومرات أوهام وهذا هو الواقع بجد وحقايق .... |
رد: فوق هام السحب ( الشعر الشعبي) على متن القوافي
صار اللي صار وانتهينا على خير
وعيوننا عاشت وشافت ودارت مو كل شي بكيفنا لازم يصير اشياء واجد م نبيها وصارت .... |
رد: فوق هام السحب ( الشعر الشعبي) على متن القوافي
ماكلّ غايب عن عـيوني فقدته
و ماكل شخص القاه يستاهل اغليه من بعْد ما قلبي شقيته وعدته ما يسكنه غير الّـذي يعتني فيه .... |
رد: فوق هام السحب ( الشعر الشعبي) على متن القوافي
ليّت مالي من ورا الشعر محـبوبٍ ابيه
كان ماشافوا العَرب حزن عيني لا طرا والله اني كل بيتٍ كتبته كان فيه وما انتظرت ان كان يقرا او انه ما قرا .... |
رد: فوق هام السحب ( الشعر الشعبي) على متن القوافي
جاني ويسأل كيف نومك وممساك
قــلت السهر صار لحياتي مخاوي ماغير أهوجس بين صوتك وذكراك ومـــا غير أسلي خاطري بألحكاوي .... |
رد: فوق هام السحب ( الشعر الشعبي) على متن القوافي
ترا الصداقه تشبه أنواع السيوف
و ما كل سيف ياصاحبي ظنه قوي سيفٍ بريقه باللعب بين الصفوف وسيفٍ صليله بالوغى يدوي دوي .... |
رد: فوق هام السحب ( الشعر الشعبي) على متن القوافي
ياصاحبي أنت السند حزة الضيق
وأنت الذي يغني عن الناس ظله ٰ الطيب يرفع من مقام المخاليق وأنت بمقامك ترفع الطيب كله .... |
رد: فوق هام السحب ( الشعر الشعبي) على متن القوافي
تعوذ برب الناس من كل شر وباس
ولا تنشغل في خلق ربي تراقبها عسى من يحسد الناس والايضر الناس يـجـيـه العمى فـ عيونه اللي يشوفبها .... |
رد: فوق هام السحب ( الشعر الشعبي) على متن القوافي
خيره تموت احلامنا في مهَدَها
احسن ولا ينقال ماتت كبيره يا فهد لو دنياك يبطي شهَدَها مرّات بعض المّر يا خوك خيره .... |
رد: فوق هام السحب ( الشعر الشعبي) على متن القوافي
من زينها مال القصايد معاذير
ينساب حرفي من هوايل حلاها المهره اللي غير وأوصافها غير كل العذارى بالمراتب وراها .... |
رد: فوق هام السحب ( الشعر الشعبي) على متن القوافي
تخفي غرامك لـكـن الشوق فضاح
والحب ما يستر عـيـوب المحبين واللي ابتلي بالحب وشلون يرتاح لاصار عنده جرح واليوم جرحين .... |
رد: فوق هام السحب ( الشعر الشعبي) على متن القوافي
مابقالي قلب يشفع لك خطيه
ذوبته اجروح صدك والخطايا صاحبي با الله لاتعتب عليه العتب معاد تاسعه الحنايا .... |
رد: فوق هام السحب ( الشعر الشعبي) على متن القوافي
لو تموت المحبه ما تموت الطيوف
دام طبع الطيوف أوفى من أصحابها الحبايب حبايب لو تخون الظروف ما تخون الحبايب عشرة احبابها .... |
رد: فوق هام السحب ( الشعر الشعبي) على متن القوافي
لا زاد ظلم الزمـان وكثـرت أوجاعه
بـالعزم والصبـر والحكمـه نعالجها مالي ورا الناس لا مطلب ولاحاجه أرفـع يـدينـي وأقـول الله يفرجهـا .... |
رد: فوق هام السحب ( الشعر الشعبي) على متن القوافي
أسج من ضيقتي والناس متجمعه
والنفس ماتعلم العالم بحالتها والله مابه صديق أصدق من الدمعه تشارك النفس ضيقتها وفرحتها .... |
رد: فوق هام السحب ( الشعر الشعبي) على متن القوافي
ان صدوا الناس لاتحـزن على حالك
العيب ماكان في طبعك ولا أسلوبك اسمع كلامــــي وحطه زين في بالك اللي يحبك يحبـك انت وعيــــــوبك خلك نجم لو خفاك الغيـــــم ماطالك لابد ماتلتفت ارقابهــــــم صوبك .... |
رد: فوق هام السحب ( الشعر الشعبي) على متن القوافي
ً
يا جمال الصمت في عز الكلام ويا جمال الكلمه اللي في الصميم ان لزمت الصمت ما تلقى ملام وان حكيت المختصر وضعك سليم .... |
رد: فوق هام السحب ( الشعر الشعبي) على متن القوافي
لا صار طبعي يا أبيض الوجه دمّاح
لا تحسبني ميت القلب والروح بعض الخطايا موجعة كنها رماح وبعض الخطايا تاخذ شوي وتروح .... |
رد: فوق هام السحب ( الشعر الشعبي) على متن القوافي
ترى التواضع يجعل الشخص غالي
والكبر شين وعادته يقتل الحي ناسن تشوف نفوسها بالعلالي والواقع الملموس تطلع وﻻ شي .... |
رد: فوق هام السحب ( الشعر الشعبي) على متن القوافي
ستر المواجع داخل القلب راحه
لو يمتلي صدري بها ماتكلمت ما هو جديد القلب يخفي جراحه ولاهو غريب الضحك مهما تألمت .... |
رد: فوق هام السحب ( الشعر الشعبي) على متن القوافي
كامل الزين من حقّه ليا شاف حاله
وإن تغطرس على جيله من ابسط حقوقه لا مشى ما مشى الا ماخذٍ راس ماله وان قعد قعّد الحلوات والسوق سوقه من غروره يمشّيها على ما بداله كن ما الارض تحته والسماوات فوقه .... |
رد: فوق هام السحب ( الشعر الشعبي) على متن القوافي
ياكثر ماشفنا من الناس غلطات
وصدورنا من فضل ربي وسيعه نقدر الصاحب وننسى الذي فات ماهو ضعف منا ولكـن طبيعه .... |
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية