رد: اخترنا لكم
 

‏وان علمتني الفاتنه وشلون اسير بلا بصر
‏علمتها الفنجال وشلون اتحدى واشربه

‏وعلمتها إني كذا طال الزمن ولا قصر
‏وان اعذب الحبّ اصدقه وان اعذب الشعر اكذبه

.....

رد: اخترنا لكم
 

سمحت من الفراق وسطوة الذكرى على النسيان
‏واشوف الكبريا بعد التواضع موقف انساني
‏
‏حياتي فوضويه كيف اجمعها واصير انسان
‏انا هالحين نصف انسان وانتي نصفي الثاني

.....

رد: اخترنا لكم
 

‏تسولف لي وانا منك أتسقى سلوتي لاهنت
‏عليك الله تطوّل فالحكي لا تقولٍ ما أمداني

‏تمهلٍ بالسوالف شوفني عقب صوتك زنْت
‏تجمل وأردف الموضوع الأول واحدٍ ثاني

‏وش أزين من حديثك ما به أزين منه إلا أنت
‏تجمعتوا على قلبٍ خلِي وصار ملياني

.....

رد: اخترنا لكم
 

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

.....

رد: اخترنا لكم
 

لا تشتكي هـمّ الصــدر للمخاليق
السـرّ يفسـد لا خـرج عـن نطاقـه

لاضاق صدرك أطلب الرب توفيق
وأصبــر على مـا قــدّر الله وساقـه

.....

رد: اخترنا لكم
 

‏أمنتك الله لا يطول غيابك
وش تنفع الدنيا بليا وجودك

يمكن غيابي ما يسبب عذابك
لكن عذابي يا عذابي صدودك

غالي وتبقى غالي في غيابك
لكن يزيدك من غلاتك وجودك

.....

رد: اخترنا لكم
 

‏يارب ما ضاق الفضـاء وانت موجود
عنــدك حلول المشكلات الفضيعه

جيتك وقلبي من بلا الحــال مكبود
والروح من كثــر المتاعـب وجيعه

يارب مالـــي فـي رجــاء اي معبود
ولالي احد في الكــون هذا جميعه

ماغيرك انت اللي بدعواي مقصود
يامـن حياتـي فـي كفوفـك وديعه

آمين

رد: اخترنا لكم
 

‏من ناحيـة قلبي قسمتـه لك أنصاف
النصـف لك والنصـف الآخر لاهلك

اللي عطوني بنت ماشي لها اصناف
ولا شاهـدت عيني بها الكون مثلك

تحفه خلقها الله محمـود اللطاف
سبحان مـن صّـور حلاتك وشكلك

اعطاك ربي زيــــن نادر بالاوصاف
ومن اجمـل الاوصاف ربي وهبلك

.....

رد: اخترنا لكم
 

ماني بناقص عتاب احباب ومحاسب
‏حاسبت نفسي بنفسي لا تحاسبني

‏أحيان اشوف الخطا صحيح ومناسب
‏وأحيان اشوف الصحيح وما يناسبني

.....

رد: اخترنا لكم
 

هقوات الاحلام شرهتها على ظنّي
‏وسقف الطموحات يا وجدي لبانيها

‏ما عاد يشحنّي اللي كان يشحنّي
‏سمحت من قاصي شفوفي ودانيها

.....

رد: اخترنا لكم
 

‏بعض الجروح إن صابت القلب تنهيه
وبعض الجروح تزود القلب قوه

‏الله كتب والسهم في كف راميه
واللي تشوفه يا أبيض الوجه سوه

.....

رد: اخترنا لكم
 

يا اجمل اقدار المحبه وياعز اختيار
اصطفاك الله حبيبه على حظ اجنبي

اقربي ويسولف الليل ويصد النهار
لين ماتروا المشاعر وناخذ مانبي

لا تلوميني ليا عشت ذنبك بختصار
انتي فتنه ما تضاها وانا ماني نبي

.....

رد: اخترنا لكم
 

‏عجزت ادور قصيدن وافي وراقي
ياكثر شعر الخشاش وياغلا سوقه

ضميان عذب القصيد بحاره الساقي
مادام قربة جزيل الشعر مشقوقه

.....

رد: اخترنا لكم
 

‏أبتـسم رغـم المواجـع والظــروف
‏من سحـاب الكـون ماضاقت سما

‏لـو تشــوف العـين ولا مـا تشـوف
‏مــا تنـــول الا ســواليف وعـــما

‏القناعــه كــنز مـا بــــين الكــفوف
‏والضـباب مـزون ما يــروي ضـما

.....

رد: اخترنا لكم
 

‏نشرب فعول الـطيب مع فكة الريـق
والـعز والناموس يـطرب مذاقه

نـصـبـح على فـعـل المـواجـيـب ونفـيـق
ونمـسي على فـعـل الوفا والـطلاقـه

.....

رد: اخترنا لكم
 

‏ياالله طلبتك ياكريم ويارحيـم وياعظيم
‏ياواحَّـدنً بيديـنه أرزاق الخلايـَّق كُـلـها

‏يارب ترحمنا وتهدينا الصَّراط المستقيم
‏وتكـتب لنـا الجنه وننعم ياكريـم بظلها

آمين

رد: اخترنا لكم
 

يالله ياللي صبحك اشرق على الكون
‏نسألك خــير اليــوم واللي ورا اليوم

‏ونعوذ بك من شــر ما كــان ويكون
‏ونطلبك فضلك والعفو دايم الدوم

آمين

رد: اخترنا لكم
 

الحـب ذا يبداء ويكبر علا الصـح
يـخـلـي ألانـسـان عـايـش بـراحـه

سامح علا ألزّلات مـن بعـد تنصح
وأتـرك لـخلـك في حياته مـساحة

وإن عـاد نادم بعـدما زّلّ فأصفـح
تموت ألاخطا حين تأتي الصراحه

.....

رد: اخترنا لكم
 

‏ضاعت حروفي بين صمتي وبوحي
لا الصمت يكفيني ولا البوح يكفي

غامرت باحساسي علشان روحي
يا ليتني خليت الاحساس مخفي

.....

رد: اخترنا لكم
 

يا زين الاحباب قلي كم حدود الغياب
غادرتني يا خليلي رغـم كـل الوعـود

ليتك ترا الفقد فيني والوجع والعذاب
وكيف حالي بدونك والليـالي شـهود

اشتاق نبرة حديثك والحنـق والعتاب
ودفء روح التواصل وانسجام الردود

ماحد يغطي فراغك باالشعور المصاب
مهما تعاطيت وقـته للبقاء والوجـود

.....

رد: اخترنا لكم
 

نسهــــر ۈتسهــــرنآ مقآدير آلأعـۈآم
ۈدرۈبنـــــــآ متفــــــرقه ۈمعــــــزۈله

آلعمــــــر ۈلى ۈآلبخت طـــآح مآقآم
آلحـــــظ ۈقف ۈآلليآلي عجـــــــۈۈله

نصبح على هم ۈنمسي على أۈهآم
ضيم آلدهر في آلدرب نۈخ ذلــــــۈله

بأحــــلآم عشنآ ۈآفترقنآ بآلأحـــــــلآم
نحــلم ۈنحـــلم من زمـــــآن آلطفــۈله

.....

رد: اخترنا لكم
 

مساء الغلا والشـوق لعيـون مخـلوق
‏أخذني عن العالم بحاسيس روحه

‏مسائي معه رايق وله منزلاً مرموق
‏احاسيسنا وحده وبوحي على بوحه

.....

رد: اخترنا لكم
 

احب قربك وعيني تلتفت صوبك
ولا ضاقت عليك الدنيا أقدر اظروفك

والله يسـامح غلاك ويغفر ذنوبك
اللي جبرني احبك قبل ماشوفك

.....

رد: اخترنا لكم
 

لك حروفي قصيـد ولك قصيـدي شـعـــور
ولك شعــــوري خفـوق نبضـه الحَيّ إنت

ولك غلا في صَميم الروح حَاضر حضور
واشهـــد انــك بقلبي وْلا عـن العين غبت

.....

رد: اخترنا لكم
 

ﺍﺭﺳﻞ ﻋﻠﻰ ﻛﻴﻔﻚ ﻭﺫﻭﻗﻚ ﻭﻣﺸﻬﺎﻙ
ﻭﺇﻥ ﻛﻨﺖ ﻃﻴّﺐ ﻃﺎﺏ ﻣﺜﻠﻚ ﻛﻼﻣﻚ

ﺧﺬ ﻫﺎﻟﻨﺼﻴﺤﻪ ﻭﺧﻠﻬﺎ ﺩﻭﻡ ﻭﻳﺎﻙ
ﻛﻞ ﻣﺎ اﺣﺘﺮﻣﺖ ﺍﻟﻨﺎﺱ ﺯﺍﺩ ﺇﺣﺘﺮﺍﻣﻚ


.....

رد: اخترنا لكم
 

‏اسرفت في حبك إلى حد الافلاس
والحب تأثيره على النفس عكسي

من كثر ماحبيتك بصدق وإحساس
حرمت نفسي حب نفسي لنفسي

.....

رد: اخترنا لكم
 

‏اعطيتك التقديــر والحــب والشــوق
وخليتنــي فـي ليــل همــي مســافــــر

تاخذ حقوق الحب ولا تعطي احقــوق
مسلــم وفعــلك بــالمحبيــن كــافــــر

.....

رد: اخترنا لكم
 

‏أصحى والاقي صباح الخير مرسولة
‏وافرح وصورتك ياروحي تصحيني

‏ترسل عواطفك عالأشواق محمولة
‏وأجمل ملامحك تستسلم لها عيني

.....

رد: اخترنا لكم
 

شوقي لأقـدس مشاعر نار تتوهـج
ياسعد من زار بيت الله مع الحجاج

لبيك يامن عليك العـون والمخـرج
لبيـك يارب ماغيـث المطـر ثجـاج

يارب تحفـظ بـلاد الاوس والخـزرج
ارض الحرم واهلها يارازق المحتاج

.....

رد: اخترنا لكم
 

‏وشلون ما أحبك وأداريك وأشتاق
غلاك عندي مستحيل يْتقارن

انت بسما صدري تملّكت الأعماق
نجمك لمع ونجوم غيرك توارن

.....

رد: اخترنا لكم
 

‏غمّض عيونك على صدر المحبّه ونام
خل الأحاسيس ترقد داخل أعماقنا

لا تربك الحب وتزيد العتب والملام
وقلوبنا تحترق من لهفـة أشواقنا

.....

رد: اخترنا لكم
 

قالت ترى عيني سكــــن فيها غــلاك
قلت إسكني في وسط عيني ياغلاي

قالت مكــاني وسط قلبك في حشاك
قلت أصلاً أنتي قلبي اللي في حشاي

.....

رد: اخترنا لكم
 

‏يا مساء الخير والأشواق والتقدير كله
يا مساء الحب للي ساكنن بالقلب وحده

يا مساء الورد والريحان مع فنجاله دله
سايقه ومقدمه للي شبيه البدر خده

.....

رد: اخترنا لكم
 

لو شفت حالي كيف عايش بلياك
تبكي على حالي وتكره غيابـــــــــك

سولف لي عن غيبتك وشلون دنياك
عساك تضحك والحزن مادرابـــــــــك

لامــــر طيفك قلت اقلط وحيــاك
وسط الفؤاد اللي هواك وشقى بك

.....

رد: اخترنا لكم
 

حنّا تعودنا على مد الجميل
‏كثر ما نسمع كثر الله خيرنا
‏
‏من كثر مانعطي وبعطيك الدليل
‏حتى حبايبنا خذوهم غيرنا

.....

رد: اخترنا لكم
 

‏وش حيلة المشتاق لا اخفى اشتياقه
في قلبه الهايم تعابير وشعور

لاطايق صبره ولا البعد طاقه
قسى عليه الوقت ويظل مجبور

.....

رد: اخترنا لكم
 

جرقلبي من وسط جاشي بكرا

بنت شيخ أطلق مناعير القبايل

لاهويته مستحيل الحب يبرأ

بل الجمال الراقيه ماله مثايل

طر جيبي في هوا الترفات طرا

.....

رد: اخترنا لكم
 

‏أنا أدري ما على قلبي من صدوف الفراق خلاف
‏لو إن نوبات حزن الذكريات تضيّق ضلوعي

‏و مثلك ما تردّيه الليالي و منه ما ينّخاف
‏لو إنك كاشف أسراري وعارف وش هي طبوعي

‏لكن ليه الحياة الجايرة ما تعرف الإنصاف
‏ياكيف أحلى الليالي معْك تَسقى بمالح دموعي

.....

رد: اخترنا لكم
 

صاحبي صاحبك لا قلبه كفيف ولا دليله
‏شفني أجهل من غدا عمري معاه ومن بقى لي

‏كنت احبك يوم احبك كانت بعيني قليلة
‏قبل أشوفك زين وأستكثر على دروبك وصالي

‏لو مقادير الزمان تقدر الطيّـب وجميله
‏ما إنكسر بالصّدر ضلع ولا رخص بالعين غالي

.....

رد: اخترنا لكم
 

شيخة وقمة في الجمال ورحومه
وفيها الصفات الطيبة كلبوها

بنت أمها في زينها والنعومة
وفي أطباعها اللي باقيه بنت أبوها

.....