رد: فوق هام السحب ( الشعر الشعبي) على متن القوافي
 

الله يطول عمرها قولوا آمين
اللي ليا من شفتها إنزاح همي

هي دنيتي هي جنتي قرة العين
وان قيل منهي قلت ماغيرها امي

.....

رد: فوق هام السحب ( الشعر الشعبي) على متن القوافي
 

اي والله إن الزمن غيّر عناويني
ماعدت انا الاولي ياوقتي التالي

اول ليا رحت ادوّر من يخاويني
واليوم ما ادوّر الا السجة الحالي

.....

رد: فوق هام السحب ( الشعر الشعبي) على متن القوافي
 

ياسايق الفنجال يامدرج الكيف
ياللي لذيذ البن الأشقر تسوقه

صبه لمنهو يحتزم فالمواقيف
اللي علوم الطيب دايم تشوقه

.....

رد: فوق هام السحب ( الشعر الشعبي) على متن القوافي
 

أشتقت والي حط في قلبي الشوق
ما فيه ليل يْمرني ليل هادي

في داخلي غصّة وفي صدري فْتوق
ولا رحت أدوّر عند غيرك ضمادي

فرقت في عيني ولا فيه مخلوق
ينافسك والي ينافسكْ غادي

ياليتك العادي ولا تملك فروق
واستسهلك ويْكون فرقاك عادي

.....

رد: فوق هام السحب ( الشعر الشعبي) على متن القوافي
 

‏لا النوم نافع ولا التفكير نافعني
‏أنام وأصحى على باقي وصوفك
‏
‏بالله قلي شعوري هذا وش يعني
‏طمني الله يطمن همك وخوفك

.....

رد: فوق هام السحب ( الشعر الشعبي) على متن القوافي
 

‏أغليك والدنيا حظوظ وتوافيق
يالي غلاك بخافقي انفرض فرض

ودعتك الله عن عيون المخاليق
لأنك ملاك يعيش في كوكب الارض

.....

رد: فوق هام السحب ( الشعر الشعبي) على متن القوافي
 

‏اثر البيوت بدون اهلها ولاشي
يجلب محبتها غلا من سكنها

في مامضى نشفق على البيت والحي
واليوم لا مريت صديت عنها

.....

رد: فوق هام السحب ( الشعر الشعبي) على متن القوافي
 

فـي نسيمك أجمل انواع العطور
وفي وجودك نور من كل الجهات

الحياه احساس والهام و شعور
وانت اجمل من ملذات الحياة

.....

رد: فوق هام السحب ( الشعر الشعبي) على متن القوافي
 

‏ما كان عندي وجودك باب وأتسكَّر
يامطول الليل يوم يمر من دونك

تحسّسّ الصوت هذا زين وأتذكَّر
كم داعب أذنك قصيد ونوَّم عيونك

.....

رد: فوق هام السحب ( الشعر الشعبي) على متن القوافي
 

‏ياخاطري لا يزعجك من يقفون
طرد المقفي للنشاما ملامه

من جاء نرحبه من القلب مليون
ومن راح قلنا رافقتك السلامه

.....