رد: فوق هام السحب ( الشعر الشعبي) على متن القوافي
 

ما قطع كف الوفا غير الشكوك
وما جبر كسر القلوب الا الوفا

وما رفع للناس لاصف الملوك
غير جود الكف وانسان عفـا

يوم تنجح ياكثر من يحسدوك
ويوم تفشل ياكثر من قد جفا

ويوم لوشافـوك تعلو جاملوك
وان تطيح بيوم خلوها احتفا

.....

رد: فوق هام السحب ( الشعر الشعبي) على متن القوافي
 

‏أنسى هموم البارحه واضحك اليوم
واضحك على نفسي إذا قلت مرتاح

هو القدر والخير والشر مقسوم
آمنت باللي في يده كل مفتاح

.....

رد: فوق هام السحب ( الشعر الشعبي) على متن القوافي
 

‏لا تساومني وأنا أدري وأنت تدري
إني أعاف الجفا لكن ما أخافه

خابرٍ قدرك بصدري بس صدري
ما تعوّد يلحق المقفي حسافه

.....

رد: فوق هام السحب ( الشعر الشعبي) على متن القوافي
 

مهما يضيق الحال لابده يزين
واللي يغيب يعود بعد البعادي

ومـن يقدرنا على الرأس والعين
حنا معه بالطيب وصدق المبادي

.....

رد: فوق هام السحب ( الشعر الشعبي) على متن القوافي
 

‏وجهك اجمل وجه واجهته وصوتك هادي
‏كيف اصد من الحلا هذا وكيف اخونه

‏لجل وجهك بايعٍ عمري وجاي مفادي
‏والله ان مالي حياةٍ فالحياه بدونه

.....

رد: فوق هام السحب ( الشعر الشعبي) على متن القوافي
 

‏الناس والدنيا منازل بلا ساس
رحيلها وان طولت مقتفيها

هذي هي الدنيا وهذي هي الناس
خسران من علق هقاويه فيها

.....

رد: فوق هام السحب ( الشعر الشعبي) على متن القوافي
 

إعفني من لمحة الحزن فالوجه الوسيم
‏وإعفني من لمعة الدمع فالسود الوساع

‏ولا تخاف أنساك مانساك يالضيف المقيم
‏انت كنزٍ ما يضيّع وسرٍ ما يذاع

.....

رد: فوق هام السحب ( الشعر الشعبي) على متن القوافي
 

‏اوجعتني وانت ماتدري لو انها مزوح
‏وفهمت وش مقصدك منها وقاسيتها

‏اسكت الحزن فيني وتنطق العين بوح
‏حسبي على دمعتن لرضـاك هليتها

.....

رد: فوق هام السحب ( الشعر الشعبي) على متن القوافي
 

اغار من شوقي اذا جاك مشتاق
وشلون يسبق شوف عيني لعينك

لك الغلا من داخل الروح ينساق
اسقي ثواني لهفتي من سنينك

.....

رد: فوق هام السحب ( الشعر الشعبي) على متن القوافي
 

‏لا خان غالي غيره الفين غالي
واليا جحد واحد ميه يذكرونك

ما راحوا الطيبين واذْكر مقالي
الطيب واجد لو تدقّق عيونك

لا تعامل الناس بغرور وتعالي
عامل مثل ما ودّك يعاملونك

.....