|
رد: فوق هام السحب ( الشعر الشعبي) على متن القوافي
جعل القلوب اللي لها القلب يشتاق
تصبح وتمسي بالهناء والسعاده وجعـل النفوس اللي تحلّت بالأخلاق تصبح وتمسي ماتشوف النكاده بقلمي |
رد: فوق هام السحب ( الشعر الشعبي) على متن القوافي
في حنانك يا بعد عمري وفاء
فيك معنى الحب ياروحي يطيب صادق شوقك وشوقي لك صفا لو تروح بعيد من قلبي قريب في غرامك هام قلبي واكتفاء في غيابك مشتعل مثل اللهيب .... |
رد: فوق هام السحب ( الشعر الشعبي) على متن القوافي
حبك على عيني وقدرك على الراس
ما اغليت غيرك فالبشر ياعيوني بنيت حبك في ضميري على ساس ما لوم عيوني لو عليك اسهروني .... |
رد: فوق هام السحب ( الشعر الشعبي) على متن القوافي
صباح الورد يافال السعد مني صباح الخير
صباح النور ياوجه الصباح ونور تسبيحه صباح الفل والكادي صباح النبت والتزهير صباح المسك والعنبر صباحه لانتثر ريحه .... |
رد: فوق هام السحب ( الشعر الشعبي) على متن القوافي
ماضرنا بعد السماء وان عـلت
ما دمت يارب السماء قريب أتضرنا أبواب خلـق أغلقت والله نطرق بابه فيجيب .... |
رد: فوق هام السحب ( الشعر الشعبي) على متن القوافي
الإنسان حساس مع من يحب
قال الشاعر .. أطراف قلبي من جهتكم رقاقة لا مرها النسناس يثر عليها |
رد: فوق هام السحب ( الشعر الشعبي) على متن القوافي
لا ترمي المزحه على كل جالس
ترا نفوس الناس ماهي سويّه احفظ لسانك لادخلت المجالس ماكل من قابلت تصبح خويّه .... |
رد: فوق هام السحب ( الشعر الشعبي) على متن القوافي
ياكثر ماتطري على البال واطريك
في ضيقت الايام لا ضاق صدري واللي يخليني اليا ضقت اناديك اني معك عارف غلاتي وقدري وانك بوقت الضيق ما رخصت غاليك ماهي خساره معك لا راح عمري .... |
رد: فوق هام السحب ( الشعر الشعبي) على متن القوافي
ماعاد تكْفي خرمة الراس فنجال
زيدوا مع الفنجال فنجال ثاني من دلةٍ في بطنها خمسة اشكال يطغى عليها لونها الزعفراني .... |
رد: فوق هام السحب ( الشعر الشعبي) على متن القوافي
إسعى ورى حلمك التايه وخلّك جزوم
لا تحسب حساب من ساعد ولا من جحد مسافة السعي خلف الحلم ماهيب يوم مسافة العمر ما بين المهد واللحد وان وقّفوا ضدّك اللي يحبطون العزوم وقّف لهم وقفة اللي ما عليه مْن أحد .... |
رد: فوق هام السحب ( الشعر الشعبي) على متن القوافي
ودي بقربك و احلم اني احاكيك
ويشدني لك شوق صمته ذبحني دايم بـ عيني وين ما رحت ألاقيك حبك ترى عن حب غيرك سرقني .... |
رد: فوق هام السحب ( الشعر الشعبي) على متن القوافي
لولا التغاضي بيننا والتسامح
ماشفت بين الناس ود ومحبه والقدر يبقى للكريم المسامح ومن يحترم الناس كلن يحبه بقلمي |
رد: فوق هام السحب ( الشعر الشعبي) على متن القوافي
ان كان عندك كلام بخاطرك خله
ما فيه داعي انا مجروح من دونه بـ عيونك اشوف تلويح وفمان الله انا أعرف اللي يبي الفرقى من عيونه ذائقة |
رد: فوق هام السحب ( الشعر الشعبي) على متن القوافي
ياغريبه ويش أسوي وانا شاعر حزين
يوم شافك قال قلبه لـ قلبك ياهلاا والله انه مايزين قصيد المبدعين غير وجه ياخذ العقل وينقط حلا .... |
رد: فوق هام السحب ( الشعر الشعبي) على متن القوافي
كل شي منك مقبول كود انك تقول
انسني وان قلتها قلت لك لا لا بدى كيف بنسى من على شانك ارخص كل زول لا بغت تضعف علاقاتك جدد وابتدى جعل شطّت خاطري عقب بعدك ما تطول احسب ان عندي مدى واثر ما عندي مدى .... |
رد: فوق هام السحب ( الشعر الشعبي) على متن القوافي
ياقلبي لا تشره على كل مخلوق
كلن يشوف الناس في عين طبعه قلبي واعرفه ابيض اللون موثوق لا يجرح اصحابه ولا يخون ربعه .... |
رد: فوق هام السحب ( الشعر الشعبي) على متن القوافي
صباح الرضا و ان كان ودك صباح الخير
اشوف الصباح بدون وجهك حكي فاضي ㅤㅤ انا و النسيم و طلة الشمس حتى الطير من البارحه نرقب سنا وجهك الراضي .... |
رد: فوق هام السحب ( الشعر الشعبي) على متن القوافي
رهيف شعور ويداري شعور الخاطر المكسور
رغم كل الشدايد ما تنازل عن طموحاته بنا مستقبل احلامه من أفكار وصور وشعور إذا الواقع قسى يرحل ويسكن في خيالاته .... |
رد: فوق هام السحب ( الشعر الشعبي) على متن القوافي
يارب وسع خاطر العبد لا ضاق
ماغيرك اللي عالمٍ ما خفينا ياربي أجرنا على حسن الأخلاق وعند الخطا يارب تستر علينا بقلمي |
رد: فوق هام السحب ( الشعر الشعبي) على متن القوافي
ياطير وسّع خاطرك فوق الاشجار
واصدح بزينات اللحون الجميله لو بالخواطر ضيق واحزان واسرار الصبر غايات النفوس النبيله ذائقة |
رد: فوق هام السحب ( الشعر الشعبي) على متن القوافي
لي نفس تتغاضى ولي خاطرٍ سمـح
عن البشر قفلت انا بـاب العتاب لولا التغاضي مابقى بـ أرضنا رمح ولادامت الرفقة ولاباقي اصحاب بقلمي |
رد: فوق هام السحب ( الشعر الشعبي) على متن القوافي
يا احلا صباح يمرني واجمل ايامي
ياللي خذيت الغلا كله وحليته لاصرت اشوفك بعين الحب قدامي في كل صباح على طلتك غنيته .... |
رد: فوق هام السحب ( الشعر الشعبي) على متن القوافي
ظروفنإ شاءت أنھإ ما تخلينإ
والوقت كاتب لنا ليله ودآعيه لحظه قبل نبعد و تذبل أمآنينا نأخذ مع أشيآئنإ صوره جماعيه .... |
رد: فوق هام السحب ( الشعر الشعبي) على متن القوافي
كرهت الغرام اللي يخلي القلوب هشاش
مرده وداع وهرجةٍ بيني وبيني وكرهت الهوا اللي فيه ضيقه وونة جاش لكم دينكم ياهل المحبه ولي ديني .... |
رد: فوق هام السحب ( الشعر الشعبي) على متن القوافي
صديت عن بعض المخاليق بالعمد
لاهو كبر مني ولاهي حماقه لكن بعض الناس يالله لك الحمد مافيه امل معهم تدوم العلاقه بقلمي |
رد: فوق هام السحب ( الشعر الشعبي) على متن القوافي
لاضاق صدر اللي يعبدون الغرام
اكنّها ماضاق صدري ونسمي امّا اني معزّز ولي قدر ومقام ولا وطيت شعوري بطرف قدمي .... |
رد: فوق هام السحب ( الشعر الشعبي) على متن القوافي
تباهي وغني واضحكي ولايهمك شيء
لامالت ظروفك فيه لك من يعدلها بتلقين لك في جوف قلبي براد وفّي هنا منزلك والناس تعرف منازلها .... |
رد: فوق هام السحب ( الشعر الشعبي) على متن القوافي
يهبّ الهوى ويحرك الشوق والأغصان
على العاشق اللي وده يعانّق النسمه ترا أوّل علامات المحبه على الأنسان يخف الكلام شوي وتطوّل البسمه .... |
رد: فوق هام السحب ( الشعر الشعبي) على متن القوافي
الزين ياسعود مشغولن تلفونه
والظاهر انه بعد ياسعود عطلاني أدق عشرين مره مايشيلونه ياسعود ماكنّ وسط البيت عرباني رحت اتنشد عنه ناسن يعرفونه قالـوا عشيرك لقى له واحدٍ.ثاني قلت الله أكبر ما صدّق ما تقولونه ماهو بـ حقّن لطيف الروح ينساني .... |
رد: فوق هام السحب ( الشعر الشعبي) على متن القوافي
الناس تملكهم بالأخــلاق والطــيب
وحسن التعامل من صفات السعاده وحفظ الصداقه من سمات المواجيب والجود يبقى عـند الأجــواد عــاده .... |
رد: فوق هام السحب ( الشعر الشعبي) على متن القوافي
في قوانين الهَوى بين الأحبّه
من تمادى بالجفا عنده بديـل الاكتفاء أبرز علامات المـحبّه والتجاهل من علامات الرحيل .... |
رد: فوق هام السحب ( الشعر الشعبي) على متن القوافي
أهم شي بهـ الحياة الاحترام
افرض على الكل احترامك ياذكي احيان تاخذ نقص من زود الكلام واحيان تاخذ زود من قّل الحكي .... |
رد: فوق هام السحب ( الشعر الشعبي) على متن القوافي
أخطيت يا خلّي و أنا مثلك أخطيت
و ما فادني صبري ولا فاد صبرك لا تحسب اني كارهك يوم صـدّيت قلبي على حطّت يدينك وخبرك سويت كل حاجة تجيبك ولا جيت وش بـاقي اسوي سواة الله ابرك .... |
رد: فوق هام السحب ( الشعر الشعبي) على متن القوافي
قل للزمن لآضاق صدري عوافي
بكره تزين وينشرح خاطر الوجد كان الآلم في محجر العين غافي ترآ الآمل ماله وسط خافقي حد .... |
رد: فوق هام السحب ( الشعر الشعبي) على متن القوافي
أحبّه لو إن القلب من غيبته مرتاب
وقربه سعادة خاطر ومقصد وغايه يقول الليالي طبعها تبعد الأحباب وانا ادري ماهو طبع الليالي هذا رايه .... |
رد: فوق هام السحب ( الشعر الشعبي) على متن القوافي
لا تذيّر وانت يا الريم المذيّر
فوق سحر عيونك الكف المحنّا خصلتك مع كل ذعذاع اتغيّر والخصر معى النسانيس ايتثنّا والله ان وصلك هو الشيك المجيّر و بعدك يبعّد لذيذ النوم عنّا كل ما جيت لهواجيسي مسيّر أومي المسباح منّا وانت منّا ماني مخيّر معاك ولا مسيّر ولا حَزن شعري عليك ولا تهنّا .... |
رد: فوق هام السحب ( الشعر الشعبي) على متن القوافي
خطيت فيك اشعـار ماقالهـا انسان
وكتبت فيك ابيات ماحد كتبها ورسمت لك لوحه بها كل الالوان من قبلي الشُعار ماحد رسمها ياحب قلبي فيك ذايب وولهان والروح ياروحي غرامك نهبها وعشقك تملك داخلي كل شريان حتى العظام اللي بجسمي سكنها .... |
رد: فوق هام السحب ( الشعر الشعبي) على متن القوافي
لا لمحت الكبر في منطق رفاقي
قلت يا نفسي ولا نصبر دقيقه الكرامه دونها لو ما نلاقي من نصاحب كل واحد في طريقه من تغير واختلف ماعاد باقي في وجوده اي داعي فالحقيقه من يريد البعد ويدور فراقي لا يدور عن سبب ولا طريقه يبتعد ما دام ما ناسب مذاقي لا يجيني في تصرف ما اطيقه .... |
رد: فوق هام السحب ( الشعر الشعبي) على متن القوافي
نصيحتي لا تظلمون وتضرّون
وصدّوا عن عيوب البشر واستروها ولغيركم حبّوا مثل ما تحبون ونفوسكم بالناس لا تشغلوها رسالتي لك.... بقلمي |
رد: فوق هام السحب ( الشعر الشعبي) على متن القوافي
راحت معاوشنا على خفْ وجناح
نوبٍ على هذي ونوبٍ على ذي وأيامنا صارت مشافيح وشحاح والعذر مايرضابه اللي يبي شي والرزق مكتوبٍ على صمّ الالواح والموت لابدّه يسيّر على الحيّ نفرح ليامنا سمعنا المطر طاح وننسى طلوع الشمس يلحق على الفي لاحق العضياني |
| الساعة الآن 03:46 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية