رد: اخترنا لكم
 

القبول الي من الله فالوجيه السمّحه
‏صبّه الله فيَ محيا الجادل المملُوحه

.....

رد: اخترنا لكم
 

‏ودي بحـظٍ يجـمـع الروح بالروح
ودي بقربـك والغـلا لـك يبـوحـي

ماكل ودٍ تكسر النفــس بالبـــوح
حبٍ على وضح النقا ذا طموحي

.....

رد: اخترنا لكم
 

تلطف بفعلك وابتسم في وجيه الناس
ترى الناس ما تبغى حلالك ولا مالك

.....

رد: اخترنا لكم
 

‏لا تضيق ان طاح من عينك بشر
منٌ رحِل من خاطرهُ الله معِاه

لو ھداك العمر واھديته عشر
الفراقِ اصلا ترى سنة حياه

.....

رد: اخترنا لكم
 

‏مامسحت محادثتنا كل يوم اقراها
‏وكل يوم يطيح دمعي لا قريت حروفك
‏َ
‏يا سقى الله ليلةٍ نسهر على قمراها
‏يوم أقول الشعر من جوفي ويدخل جوفك
‏َ
‏عشت أنا وياك بأغلا ايامنا وأحلاها
‏يوم كنت تزورني ما تعتذر ب ظروفك
‏َ
‏كيف رحت مع الجفيّا وأنت ما تقواها
‏كيف ترقد عينك الحلوه أنا ما اشوفك

.....

رد: اخترنا لكم
 

‏في يديني قيد حزن ومن خلافي ظلم ظالم
‏وانتي السان السجين اللي يرد العلم عنه

‏ياحمامه من خذت الايام منه حلم حالم
‏مايشابه من عطته وماخذت الايام منه

.....

رد: اخترنا لكم
 

سليل الغيم مياس الخواصر ناعم الأطراف
‏أنا ضامي وروحي ذابله والنار في جوفي

‏عطاك الله وجهٍ قد سعى فيه القصيد وطاف
‏يا قربه من هدب عيني ويا بعده عن كفوفي

‏لو أن اللي يدور بمهجة صدور البشر ينشاف
‏لقوك الناس في صمتي وفي سمعي وفي شوفي

.....

رد: اخترنا لكم
 

‏اهديتني شوقٍ على هيئة عطور
‏والعطر يكفي بس هالشوق كافر
‏
‏واهديت لك قلبٍ اغلفه بالنور
‏قلبٍ فضحني لكن الضلع ساتر

.....

رد: اخترنا لكم
 

على سكّـه الغاليـن رجـل الغـرام تسيـر
‏وتمسي علـى رجـم العنـا تـاره وتـاره

‏حبيبي بعد نضـرات عينـك وحالـي غيـر
‏أسج القـدم والنفـس بالسـوء أمّـاره

.....

رد: اخترنا لكم
 

‏دخيلك لا تحاصرني بين شمس وظلّ
‏أنا مثل القدر مثل المطر مثل الشعر حالة

‏أنا مثل البحر قالت له أمواجه تكلم قل
‏ولا قال البحر كل الكلام اللي على باله

‏أنا اللي ألف نجم اهتدا بي وألف نجم ٍضل
‏سرى من شرفة الغيم البعيدة ينفض ظلاله

.....

رد: اخترنا لكم
 

‏سوّى بي الوقت مثل اسواة من لا يروف
‏ومن كثر ماخوفوني منه ماصرت اخاف

‏اشوف واسمع وإذا همّلت ما اسمع واشوف
‏واحب مالا تحب اهل العقول الصخاف

‏تطربني الشام والدبكات والاوف اووف
‏وتعجبني البدو في قولة عسى ماخلاف

‏يامطوّف العلم عِلّمِك عندنا ما يطوف
‏غلطان سبع العجايب غير سبع العجاف

.....

رد: اخترنا لكم
 

حنا نعاف اللقمة اللي ناشبه في كل زور
‏ومن المعزّة دمعنا مَا هو بعادي ينذرف

‏وإليا ظلمنا الحظ مرّة مَا نلفّ ولا ندوّر
‏هذي تبي من يمتهن دور الذليل ويحترف

.....

رد: اخترنا لكم
 

‏غيرك من الناس يمشي على الكبد العيوف
‏وانت لو تاطى على قاعها ما توجعه

‏السنين اللي عرفتك ولا يوم مْحذوف
‏كل شي يمر في البال ياخذ موقعه

.....

رد: اخترنا لكم
 

‏في نظام الذكريات العقل يحتال بذريعه
‏من يبى يمحيه يمسح صورته واشكال لونه

‏والوفا ماضاع مقسم له على طاعه وبيعه
‏فالضمير الحي تظهر قيمته لاجا زبونه

‏مانسيت ايام عمري لو شتاه اخلف ربيعه
‏لو نسيت الفكره اللي جابت القاف ولحونه

.....

رد: اخترنا لكم
 

‏لا تنقدونـــــي لــو عليكــم تأخرت
يا احبابـي الغاليـــن ماهو بقصدي

نفسيتــي صعبــــه ومنهــا تأثرت
والحظ الاقشر حال بالياس ضدي

ياما من اتعاب الزمـن قد تصبرت
وشلت فيـه احمال ماهــي بقدي

والان عذري لو تباعــدت وادبرت
فتــــره عساها يا رفاقـــي تعدي

.....

رد: اخترنا لكم
 

كلامك شعور وعندي ان الشعور أفعال
‏اشوف الكلام الحلو بس انت ما شفتك

‏أجي والكلام اللي معي يجرح التمثال
‏واشوفك واقول اني من القلب سامحتك

.....

رد: اخترنا لكم
 

عليك مْن الرضا ما لاعب الغربي غصون الطلح
‏وما هلّ المطر وأبتلّت القيعان واخضرت

‏وش أحلى من ملامك غير وجهك وأنت كلّك ملح
‏لك جْباه الصعايب تحت رمشك ساجده خرّت

‏ليالٍ وجيهها بدون ضحكاتك وجيهٍ كلح
‏ومرّت و أنا لهالحين مدري كيف هي مرّت

.....

رد: اخترنا لكم
 

‏اعلن مراسيم الوداع ان كنت للفرقى شغوف
‏شد الرّحال ومالك الا الي يلقيك القفى

‏ماطاح دمعي وانكسرلي قلب وعيونك تشوف
‏وشلون ابفتح باب لعتابك عشان اقول افا

‏الي يجي حسب الظروف اودّعه حسب ظروف
‏قلبي مع الي بايع العشره مثل صم الصفى

.....

رد: اخترنا لكم
 

‏لاتسأل الشـــوق عنـي وانت أدرابي
نفسي تمنـاك وانـت أغلـى حبايبها

أغلى من عيوني الثنتيـن وأصحابي
وأغلى من الناس حاضـرها وغايبها

ياراعي الحـب حبك ذوب اعصابي
والهجـــر والبُعـــد ذابلها وذايبها

والروح تشكي غلايا جــور الاغيابي
بالله عليـــك يا غــلايا ليـه سايبها

.....

رد: اخترنا لكم
 

‏المواقف تكشف الطيبين من الرخوم
وكل طير سـود الايام تكشف برقـعه

.....

رد: اخترنا لكم
 

‏لا تكبّر هقوتك فالناس وتعوّد فشيله
‏القناعه راس مال اللي ما يلقى راس ماله

‏عامل العالم بطيبك واصمت وسو الجميله
‏السكوت اليوم بالحاله عن العالم جماله

.....

رد: اخترنا لكم
 

خل هامات القصايد تنحني لعيون غاده
‏عيطموس ٍ تذبح العشاق بسهوم المودّه

‏ان تمادى صمتها وان سولفت سكر زياده
‏مستعده تغرق الدنيا حلاوه مستعدّه

‏والقصيد اللي ماصار لجيدها مثل القلاده
‏ويش ابي به لا رحم جد القصيد وجد جدّه

.....

رد: اخترنا لكم
 

‏الكنز كنز القناعه والغنى بالنفوس
والحـر عبد المطامع فـي ملذاتهـا

وفقر العقول البلا ماهو بفقر الفلوس
وغنى النفوس الكفاف وكبح رغباتها

.....

رد: اخترنا لكم
 

‏بدا يعيش الخوف في قلب الشجاع
‏وبديت امل مّن الحياة الفانيه

‏والمشكله مدري متى يوم الوداع
‏ومدري متى يوم القطوف الدانيه

‏لكن على طاري ضياع وما ضياع
‏انا بديت اضيع مره ثانييه

.....

رد: اخترنا لكم
 

وأبعد عن مخالط مبيحة السدود
‏واللي على نقل الحكي متجمعه

سعد بن جدلان رحمه الله

رد: اخترنا لكم
 

التغاضي والقناعه والرضى بانواعه
‏لا نقص وحده بنفس الادمي كدرها

‏طـع مباديك وروض نفسـك الطماعه
‏وقلل الهقوات فـالعالم و لا تحقرها

‏والزمن لازين ظروفك لمدة ساعه
‏عش مع الساعه ليالي كامله تذكرها

.....

رد: اخترنا لكم
 

قلبٍ يعرف الصعب ويطول الاصعاب
‏ماينكسر لو لاهب الوقت مسه

‏أنا كبرت اكثر على كلمة عتاب
‏وعن رفع شيٍ بالأراضي مدسه

‏روحوا ولكن لاتقولون لي خاب
‏ما يخيب اللي يعرف قدر نفسه

.....

رد: اخترنا لكم
 

‏ينتابني ضيقٍ من أوجاع وآلام
‏وينتابني ضيقٍ على غير سبّه

‏رجعني التفكير عامٍ ورا عام
‏في غرفةٍ ما زارها إلا الأطبّة

‏وعرفت وش تعني تفاهات الأيام
‏وتصاغرت نفسي شعور المحبّة

‏الي عليه أعلق آمال وأحلام
‏وراعيه يجرحني ولا خاف ربه

‏الله يجيب العافية والتبسام
‏وتقبل علينا أوضاعنا المستتبّه

.....

رد: اخترنا لكم
 

بين الضياع وبين كثرة شتاتي
محتاج انا لي برّ يا كثر امانه

يا كثر ما حاولت بمحاولاتي
ووقتي بدى يكثر عليّ اللعانه

مليت من روتيني وأغنياتي
ومليت من قلبٍ تزايد حنانه

اطلع وانا والله ماعرفّ جهاتي
وارجع وانا مدري وش ارجع عشانه

خايف يروح العمر دون امنياتي
واخاف حلمي ما يجي في مكانه

واخاف ما أخشع وازل بصلاتي
واخاف قلبي لا يخل اتزانه

واخاف اموت ولا احصل نجاتي
واخاف اضيع بلحظة الاستهانه

يارب وحدك عارفٍ في مماتي
ووحدك تعين الي طلب استعانه

تجعلني ابقى في ثباتي ثباتي
واعوذ بك من ذل وقت وهوانه

وتغفر جميع ذنوبي وسيئاتي
ويارب تجعلني اصون الامانه

.....

رد: اخترنا لكم
 

‏ياوسيع البال ضيّقت الصدور
‏رحت ماعلّمتني وين أنت ساري

‏في غيابك مال خلق الله حضور
‏وفي حضورك مالهم بالبال طاري

‏صاحبى محتاج لك شعر وشعور
‏وإحتياجى شي ماكان إختياري

‏من متى والغصن يختار الطيور
‏من متى والبال يختار الطواري

.....

رد: اخترنا لكم
 

‏يوم الأيام السعيده علي متتاليه
‏حيّها مزين ظماها ومزين جوعها

‏راحت أيامٍ ومرّت علينا غاليه
‏عاد حنا في رجاها يعود رجوعها

‏تايهٍ في مجتمع ذا السنين التاليه
‏عالمٍ متغيرٍ سلمها وطبوعها

.....

رد: اخترنا لكم
 

اذكرك ياقلبي قبل عده سنين
‏تعشق تفاصيل الحياة وصخبها

‏عايش بدون قيود وبدون روتين
‏تمشي ورا احلامك وتنسى تعبها

‏هاذا وتوك ما وصلت الثلاثين
‏موتت شغفك الغامضه وش سببها

.....

رد: اخترنا لكم
 

وجودي على اللي لا ذكرته جلست ابکيه
‏خذاه الذي يجعل جدا الناس في العبره
‏
يوم ان راسه حي هم الدهر ما اشكيه
‏يا طيبه على زلة خطايه ويا صبره

اشوف الحياه امان في ضحكة حجاجيه
واشوفه سند المجتمع كله بكبره
‏
لا جات الامور الكايده وقف ويكفيه
‏ويدرا على غاليه حتى من الابره
‏
ضغوط الحياه القاسيه عودتني اجيه
‏اسلم عليه واشكي همومي على قبره

.....

رد: اخترنا لكم
 

‏اتركوني من النشده وبحث الخوافي
‏وابعدوني من الديره لدارً فسيحه

‏جعل مامر صدري مايمر السنافي
‏عفت شوف الحضور ومطرويً القريحه

‏ضايقً من فراق وضايقً من تجافي
‏اتقوى وانا حالي دنى من مطيحه

‏يكذب اللي يقول ان المفارق عوافي
‏لا يحس بشعور ولا يعرف النصيحه

.....

رد: اخترنا لكم
 

‏يفز الحنين من آخر الصمت والفقدان
‏وتهيج الجروح اللي عن الشِعر حابسها

‏فقدتك وفقدانك على وجه عمري بان
‏وانا اخترتك بمعشب سنيني ويابسها

‏عيون ٍ روَت وجهك عمر ماملاها انسان
‏يغني لها الملح وترفرف نوارسها

‏ياكثرك بذاكرتي تمر وتسيل أشجان
‏وتفاصيلك بكل الوجيه اتلمسها

‏تمر الحياه وليت الاقدار بالامكان
‏واعرف الليالي وش تخفي بواهسها

‏يا كيف اتجاوز ما مضى واقدر النسيان
‏ولك ضحكة ٍ في تربة البال غارسها

.....

رد: اخترنا لكم
 

‏تحاذف على راسي من البارحه لليوم
‏همومً مع هوج المراويح تومي به

‏انا من دموع العين والله ماحولي نوم
‏ماغير اسكب دموعي من الفجر للغيبه

‏يا دمعي عداك اللوم والله ما حولك لوم
‏تصبر على موته وماجت به تجيبه

صديقي خذاه الموت والموعد المحتوم
وحزني على كبدي تراكت مشاهيبه

قبرته وصدري من خبر موته مزحوم
هذي والله الغيبه ليا قالو الغيبه

لو ان البكاء بيفيد ببكيه لين يقوم
خذته الليالي من يدي كيف بتجيبه

ياوجدي وياويلي وكبدي ومال القوم
على اللي خذاه الله وانا عاد ودي به

.....

رد: اخترنا لكم
 

‏البارحة مابين ذكرى وتذكار
‏عيا يطب النوم سود الجفوني

‏ياغايبي والشوق مخلوق من نار
‏ماهنت لو غيرك عليا يهوني

‏وشلون تتركني على عتبة الدار
‏وانت الوحيد اللي بكت له عيوني

‏اسألك في وجه الولي رب الابرار
‏رازق ضعيف الطير فوق الغصوني

‏ان كان باقي لي معزة ومقدار
‏عوود ترا شوفتك تشفي طعوني

.....

رد: اخترنا لكم
 

افا ياصدري ضقت من جاير الوقت
‏خابرك ياصدري تشيل الثقايل

‏وش فيك علمني لك ايام ما رقت
‏ضايق وفيك الهم صايل وجايل

‏خابرك ما عمرك للأحزان رافقت
‏واليوم كنك شايل جبال حايل

.....

رد: اخترنا لكم
 

‏مشغلني التفكير في بعض الأمور
‏تجمعت في وقت واحد كلهّا

‏محتاج لي مخرج ومنفذ للعبور
‏للشجره اللي تحتويني ظلها

‏صبرت فالدنيا وانا مّاني صبور
‏شيّبت من كثر الهموم و حملها

من كثر مااعشق ملذات الشعور
اهم لذه ماعرفت اسعى لها

‏أحلام في عقلي و في راسي تدور
‏بس النهايه ما قدرت اوصل لها

.....

رد: اخترنا لكم
 

‏وين أتوجه والليالي ماتطاق
‏وأنت الوحيد اللي دموعي تألفه

‏ما عاد لي عقبك اصحاب ولا رفاق
‏لا ولا لقى قلبي قلوب موالفه

‏ملّ الجفن يذرف دموعي الرقاق
‏خذني بصدرك ما بقى وجـه آلفه

‏وعلم شعوري لانزف جرحي وفاق
‏ إن الندوب اللي بصدري تـالفه

.....