|
رد: فوق هام السحب ( الشعر الشعبي) على متن القوافي
عـدوّك البيّن ابرك لك من الخافـي
اللي يعاديك ويِسمّك على الصامت الوجه وجه الصديق المخلص الوافي والقلب قلب العدوّ الحاقد الشامت ابن دلامه |
رد: فوق هام السحب ( الشعر الشعبي) على متن القوافي
تخاوا بخيل المرجله مع بخيل المال
هـذا منطلق مـفهوم ماتنفـع الخـوه هذا مايقول اقلـط وذا مايسوق ريال وذا مانفـع ربعه وذا ماشـعم ضـوه محمد القضيع |
رد: فوق هام السحب ( الشعر الشعبي) على متن القوافي
اتركوني عايشٍ في محتوى تفكيري
عن ضجيج العالم اللي مالله بـ هاديها َ عزلتي من واقع ايامي ومن تقديري راحةٍ فيها الحياه اللي محد لاقيها .... |
رد: فوق هام السحب ( الشعر الشعبي) على متن القوافي
الله خلق والله فـرق بين هالناس
والله جعل فيهم سمات ومواري فلا تنزعج لاشفت لك ناسٍ أنجاس لولا الردى مـا بـان للطيب طـاري .... |
رد: فوق هام السحب ( الشعر الشعبي) على متن القوافي
أبلغ المحبه محبة الحميّا ومما قالو فيها :
إن كان ما جتني عليك الحميّا ماعاد لي في باقي العمر ملزوم -مساعد الشريدي كيف ما أسمع منك وأستعذب هماجك وأنا تاخذني على جدك حميّا -عبدالله السبيعي كل ماعز الطلب عندي وقالت لي عشاني قلت من هذي قبل هذي وجابتني حميّا -فهد عافت |
رد: فوق هام السحب ( الشعر الشعبي) على متن القوافي
ناح ورق الشوق والعين راجت بالدموع
والاماني مال صلف الهوى بـ عذوقها اقنعنتي سود الايام لو ماني قنوع وحرمتني دلة الوصل قبل اذوقها يجتلد ذيب الطواري ورى عوج الضلوع والهموم آتدك ذود الشقى وتسوقها اتقوى والهوى شر والفرقا تروع وذكريات الفقد غنت على طاروقها واقف لي عام بين التقدم والرجوع في رجاء سحًب التواصل تلوح بروقها ياعشيري عادني لـ الوعود اضما واجوع وانت ماضني وثاق العهود تبوقها ليه تقطعني وانا خابرك منت بـ قطوع وليه ماتعطي كبار الحقوق حقوقها لو تقول الصبر نوره مثل نور الشموع الامل لـ الحين شمسه ماشفت شروقها لا توضح وانت قلبك على الصده جزوع العذر ورد الهقاوي مابل حلوقها بين مضمار التخطي ومضمار الوقوع رحلة الاقناع عيت تبين فروقها ليت لي عين ماتبكي وقلب مايزوع وليت لو ان ليت ماعاد يمشي سوقها المحبه خلّت اللي يفضون الجموع تفرك كفوف الندامه وتشكي عوقها .... |
رد: فوق هام السحب ( الشعر الشعبي) على متن القوافي
في وداعك ليلة السبت تشكي للربوع
موعد فيه المواصل طموح ومطمعه لو كسر صوم المشاريه تذريف الدموع أنهمر مزن من الموق محد يمنعه غبت وأوقدت المحاني وطفيت الشموع وأجترعت بـ فقدتك سم محد يجرعه وإستحل الحزن ما بين حدبان الضلوع صرت أشوف الحزن مال الجهات الاربعه والحـزن بـ القلب ليته بـ تذريف الدموع إشهد أن الحزن بـ القلب حاجة موجعه .... |
رد: فوق هام السحب ( الشعر الشعبي) على متن القوافي
ليت الخيارات في الدنيا خياراتي
وليت الهقاوي تفرّح ظن هاقيها يزعجني الجد وتضحكني سخافاتي أضحّك النفس ومن داخل أواسيها مروّعني الوقت لو ياخذ طموحاتي وتروّعني الناس في صدمة مباديها .... |
رد: فوق هام السحب ( الشعر الشعبي) على متن القوافي
احيان عن معــنى المحبه لي ابيات
واحيان عن شوقي ولهـفــة ســروري احيان اكتب عن مدا الضيق حالات واحيان همـي ينقطع به حـظــوري .... |
رد: فوق هام السحب ( الشعر الشعبي) على متن القوافي
قالت تحدَّثْ عن ودادكَ يافتى
صِفْ لي غرامكَ والجوى ياشاعري قلتُ اسمعي منِّي فإنيَ عاشقٌ أسكنتُ حُبكِ والغرام بخاطري قالت أتدري كم أحبك لو ترى ماطاب لي عيشٌ بدونك ساحري قلتُ الهوى والحبُّ أنتِ والمنى يامن لكِ عِشقي وكل مشاعري أقسمتُ أنِّي قد جعلتكِ وجهتي من حبَّ مثلكِ ليس ليس بخاسرِ .... |
رد: فوق هام السحب ( الشعر الشعبي) على متن القوافي
وفجرك هوى يمُرني و ما إشتميته
اثر طعنتك زنجّر و الخناجر بيض عَكس گلبك وياي الما صِفت نيته أنا دمعة غريب بكل سهولة تطيح جدمي لذكرياتك ليش وَديته فراغك و الگبر يتشابهن بالعِين منو المِنهن يعيش بروحي وصيته بظهر كل مَن يمُرني تسافر الدمعَات بس إنت عليك العُمر بدّيته إذا تمشي بخِيالي تعثرك اللحظات البيهن جدمك ويَ غيري مشيته شعر عراقي |
رد: فوق هام السحب ( الشعر الشعبي) على متن القوافي
ياهاتفي وصل من الشعر ما طاب
وأسمى شعور الود مع نفحة الطيب باسم الوفاء خاطب عزيزين واحباب واحمل مضامين الغلاء والمواجيب بقلمي |
رد: فوق هام السحب ( الشعر الشعبي) على متن القوافي
شف مكانك في مكانن عن العالم دفين
في مكانن من وراء مثل عيدان الجريد مكرمن حبك وله ف الحشا سمن وسمين يقدع من الحال واصبله بن الوريد افتضحت من الهواجيس بك فالمسلمين كل من سولف علي قلت له وش قلت عيد .... |
رد: فوق هام السحب ( الشعر الشعبي) على متن القوافي
أحبك غير عن كل الغرام الي يجي بالك
غرامٍ مامشى غيرك خطاه وصرت مكتوبة وأشوفك غير عن كل الوجيه الي تهيا لك وعن من حاول يشابة حلاك وماني بصوبة وأحسك غير وأنت الي على الاحساس لحالك تنافس نفسك بصدرٍ تضيق بدونك رحوبة .... |
رد: فوق هام السحب ( الشعر الشعبي) على متن القوافي
زودٍ على همي تحملت لي هم
تاخذني الاحداث واقول هيا حاولت اقول اني بها غير مهتم لكن عيا القلب والفكر عيا .... |
رد: فوق هام السحب ( الشعر الشعبي) على متن القوافي
ثنتيـن حارب دونها لذة النوم
فرض الصلاة وباب رزق انفتح لك عن غيرها لو نمت ما يلحقك لوم ما كل ما يصلح لغيرك صلح لك بقلمي |
رد: فوق هام السحب ( الشعر الشعبي) على متن القوافي
خذني على جفنٍ من الشوق غارق
ما للندم نظره ولا للعتب صوت لا بد ما نفقد بعض و انتفارق امّا من الايام ولا من الموت .... |
رد: فوق هام السحب ( الشعر الشعبي) على متن القوافي
يطري على بالي وانا قول لا باس
بعض الطواري خاتمتها سعاده هو الذهب عندي مع اللول والماس وعندي الوفا والطيب للزين عاده هو اختيار القلب من بين هالناس ماخذ مابين الغيد دوم الرياده .... |
رد: فوق هام السحب ( الشعر الشعبي) على متن القوافي
الشعر كان الطريق وكان وصلك هدف
وانا رفيق الشعر وأسلوبه ومايحتوي أنت اجمل الناس بعيوني وخير الصدف وانا لك العاشق المتألق الفوضوي .... |
رد: فوق هام السحب ( الشعر الشعبي) على متن القوافي
ذوق العــــباره والحـــلا كلـهم فيك
والقـــلب من نشــرك يـزيد انشراحه تســـلم انامل اصبــعك في اياديــك ذي تنـــظم الروعه بحرف الفصاحه فارسم أحاسيس المشاعر بما فــيك لتـســتبــيح الوجـد فـيــنا استباحه كل الأدب و الذوق يازيـن شـــاريك هـذي الحقــيقة قــلتــها بالصـــراحه من يشـبهك من ذا يدانـي معــالــيك كن بلسم الوجدان تــشــفي جـراحـه انثـــر نفيس الــدر وانــظم لآليــك بالـوعي يا أعــقـل عقـول الرجـــاحـه .... |
رد: فوق هام السحب ( الشعر الشعبي) على متن القوافي
مهجتي تهواه بالصدفه وحظ
كيف لو عاند نصيبي في الحظوظ لو اردت انساه وجداني اعترض والوله يرجع بتفكيري يخوض كم رسم له في خيالي وافترض يا قسى محبوب يعطيني الغموض لو لهيب الشوق في شعري انتفض لا تلمني انت يا بحر العروض الهوى لو صار في روحي مرض لا تداووني بغيره للنهوض منيتي ذاك المعنا والغرض جانح الفرسان في حبي يروض .... |
رد: فوق هام السحب ( الشعر الشعبي) على متن القوافي
انا من الواقع قنعت وتعلمت
محداً يدوم ولا تدوم العلاقه مهما ركضت وفي سنعهم تجملت الطيب في هالوقت مثل الحماقه .... |
رد: فوق هام السحب ( الشعر الشعبي) على متن القوافي
نخسر بشر بس مانخسر مبادينا
ودروبنا صوب فعل الطيب مندفعه ما نلتفت لـ الكلام اللي يجي فينا نفوسنا عن كلام الناس مرتفعه .... |
رد: فوق هام السحب ( الشعر الشعبي) على متن القوافي
وضعي طبيعي بين ديني ودنياي
واعرف ظروف الناس واعرف ظروفي احب فرقى اللي يحبون فرقاي وأحب شوف اللي يحبون شوفي .... |
رد: فوق هام السحب ( الشعر الشعبي) على متن القوافي
لك حق بين الخلق ولغيرك حقوق
أحفظ حقوق الناس عندك وادّها راقب ضميرك لاتغش ولاتبوق وإن جاتك الهقوات خلك قدّها أحذر تسولف غير بـ لسان الصدوق الكذب يكسر هيبتك ويهدّها كلّ الخلايق ما تحبّ إلّا الخلوق حافظ على أخلاقك وتكسب ودّها .... |
رد: فوق هام السحب ( الشعر الشعبي) على متن القوافي
الله يمسي صادق القلب بالخير
صدره نظيف ومايعرف النذاله اهل النفوس الصافيه قربهم غير متبادلين الطيب فـي كل حاله .... |
رد: فوق هام السحب ( الشعر الشعبي) على متن القوافي
بعض الكلام اللي ماتحسب له حساب
في قلب غيرك ما يمر بسهوله خلك مع العالم تعاملك من باب اللي ما ترضى تسمعه لا تقوله .... |
رد: فوق هام السحب ( الشعر الشعبي) على متن القوافي
القلوب اللي على الفطره تودك
إزرع الخيرات والمعروف فيها والقلوب اللي على الصعبه تحدك لا تخاويها ولا تشره عليها .... |
رد: فوق هام السحب ( الشعر الشعبي) على متن القوافي
لاتامن جميع اصحابك الله يبارك فيك
من اسباب فقدان الامن يوم تامنها ترى احيان يطلع راعي اقدرك واغليك هـو اشر عدوانك على الارض والعنها ورفـيق ٍمهوب يناصحك كنه معاديك لو تعيش معه افضل أيامك واحسنها مامثل الرفيق اللي مثل لمبة التشييك لياشاف عندك مشكله حذرك منها .... |
رد: فوق هام السحب ( الشعر الشعبي) على متن القوافي
مدام لك ربٍ عن الخلق يكفيك
لا تشتكي للخلق قاصي وداني اسجد وقل يارب ماخاب راجيك وابشر بتحقيق الرجاء والاماني .... |
رد: فوق هام السحب ( الشعر الشعبي) على متن القوافي
مو كل صدفة للبشر تجمع أحباب
ولا كل فرصة في حياتك سعيدة يمكن يكون أحيان إغلاق الكتاب أفضل ترى من فتح صفحة جديدة .... |
رد: فوق هام السحب ( الشعر الشعبي) على متن القوافي
لاتشتري ميزان توزن به الناس
الناس ما ميزانها إلا الشدايد عند الشدايد كل مخلوق ينقاس وترجّح الكفّات لأهل العوايد .... |
رد: فوق هام السحب ( الشعر الشعبي) على متن القوافي
⠀
ماتفعله يمناك في واجب الغير تلقاه لاضاقت عليك الوسيعه ابذل من المعروف وابذل من الخير الرازق الله والجمايل وديعه .... |
رد: فوق هام السحب ( الشعر الشعبي) على متن القوافي
عشتوا وعشنا وشفتوا مثل ماشفنا
سبحان من يسلب الطّماع توفيقه قناعتك في قليلك كنز لايفنى وحسدك لغيرك يورث داخلك ضيقة .... |
رد: فوق هام السحب ( الشعر الشعبي) على متن القوافي
ياشين طبعٍ عند بعض المخاليق
يظن فيك السوء قبل الحقيقة على كلام الناس سريع تصديق وينسى العلوم الطيبة في دقيقة .... |
رد: فوق هام السحب ( الشعر الشعبي) على متن القوافي
احترامك للبشر ماهو بخوف
بل دليل انـك أصيل ومحترم لاتغير ميزتك لجل الضروف عيش عمرك بالشهامه والكرم كم ضعوف فارقوا الدنيا ضعوف وكم نشاما ذكرهم فوق القمم .... |
رد: فوق هام السحب ( الشعر الشعبي) على متن القوافي
قصيدتي من فوق خصرك للاعيان
واللي وراه الله يغفر ذنوبي اللي علي أرضيك لو كنت زعلان وأنتي عقوبة كل غيداً لعوبي تمايلي قدام عيني على شان أميل للقاف الرهيف الطروبي والله لا لبسك أجزل الشعر لو كان أركي له من الفجر لين الغروبي .... |
رد: فوق هام السحب ( الشعر الشعبي) على متن القوافي
لجل الغلا الأوليّ وأحساسه الباقي
كل الأماكن معك تستاهل العنوه لا زلت بـ أعماق من بمحبتك شاقي ولا زال قدرك عزيز وشوفتك منوه .... |
رد: فوق هام السحب ( الشعر الشعبي) على متن القوافي
ابتسم للوقت واضحك للحياه
لا يروح الوقت .. في هم ونكد عيش يومك واحتسب للي وراه من يعد الوقت يبلش في العدد .... |
رد: فوق هام السحب ( الشعر الشعبي) على متن القوافي
الضامي اللي جف ريقه على ماك
اسقه من عدود الغرام المناضيح معطيك روحه وانته أجزل عطاياك جرحٍ مثل مضراب شلفا شليويح .... |
| الساعة الآن 09:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية