رد: اخترنا لكم
 

أستـحل القلب ملكك إستحلـه
خــذ من الخفاق ياجعلك فداه

الغـلا تستاهلــه لي يــّاك كلـه
يـا محــبٍ طـاغي بـقلبي غــلآه

.....

رد: اخترنا لكم
 

لاتنگر المعروف لو انه شوي
من قدم المعروف رد معروفه

اللي في عينه مايشوف البشر شي
ترى البشر بعيونهـا ماتشوفه

.....

رد: اخترنا لكم
 

نوســع الخــاطــر بنــزف الكتابــه
‏ونترجـم الإحساس ببيـوت وحـروف

‏‏ونأخـذ من الهاجوس بعض الرحـابه
‏وننشر مشاعرنا وهي تحرق الجوف

.....

رد: اخترنا لكم
 

‏ابتسم للضيف واضحك للمسير
‏الكرم يبدا بضحكة وابتسامة

‏اطلق حجاجك ووجهك لا يتغير
‏الحجاج المنطلق نص الكرامة

.....

رد: اخترنا لكم
 

وأخذ من أيامي لك أيام واعطيك
وان راح عمري لك فلا هو خساير

احب انا شوفك وصوتك وطاريك
دايم وفكري فيك هايم وحاير

.....

رد: اخترنا لكم
 

واللي يريـد الوصـل يـا مكثـر الطـرق
‏ لـو وقفـوا كـل العـرب فـي دروبـه

محمد بن فطيس

رد: اخترنا لكم
 

‏ياخذ الوقت حقه من وساع الصدور
‏لين تمشي بـودن ماهو ابودها

ياعظيم الرجاوي وانت رب غفور
اغفر لمن ذنوبه جاوزت حدها

.....

رد: اخترنا لكم
 

عند الكرامه تصير الأرض كبر الزرار
مانعترف فالحياه وفي قوانينها

.....

رد: اخترنا لكم
 

مافيه داعي تنشده عن مغيبه
ماغاب عنك الا وهو منك مسروق

خله يكمل غيبته وش تبي به
لا تلحقه لو كل مطرود ملحوق

ترى المحبه ماتجي بالغصيبه
لو السما تطبق على الارض من فوق

.....

رد: اخترنا لكم
 

لا تدور تري ماغير نسخه وحيده
تلقى غيري ولكن مانت لاقي بدالي

سعد علوش

رد: اخترنا لكم
 

‏قلبي الخالي الصبر احسن الله عزاك
‏خيبة الظن ما خلت لروحي شريك

‏كل مارتحت لبنادم تشوفه ملاك
‏ماتشوفه بنادم لين يخطي عليك

‏سالم حمد

رد: اخترنا لكم
 

‏لاجاحده نفسي ولاهي شاكره
‏رح بالتدرّج لا وصل ولا اجتثاث

‏العين ثم القلب ثم الذاكره
‏لاطحت من الأولى تطيح من الثلاث

سعد علوش

رد: اخترنا لكم
 

‏عاتبيني كان ما ألبستك من الود ثوب
‏وإعذريني لو تماديت في ساعة غضب

.....

رد: اخترنا لكم
 

أنــت في قلبــي رفيعٍ مســتواك
في صميم القلب ماتملك شريك

والله أنــك فارض فينــي غــلاك
خطوتي تمشي وتجبرنــي عليك

.....

رد: اخترنا لكم
 

‏بعض العرب صندوق سره من حديد
‏مـا يكـشف الأسـرار لـو تحايله

‏وبعض العرب ودك تسمّيه البريد
‏ممتـاز في سـرعة نقل رسـايله

.....

رد: اخترنا لكم
 

ياساعة الفرحة تشوقت للعيد
عيد العيون وعيد قلب الصبابة

للعين والقمرا وحسنك مواعيد
وليل الهوى شرع للاحباب بابه

.....

رد: اخترنا لكم
 

ولك في خيال الشاعر المهتوي ميعاد
ومجلسٍّ على غيمة وليله قمر نجدي

.....

رد: اخترنا لكم
 

انت العون يالله والسند
انت الموفق انت المعين

انت الواحد انت الصمد
انت القــوي انت المتين

انت ولاسواك انــت حد
انت رب الخلايق اجمعين

عبدالله عامر

رد: اخترنا لكم
 

الصبر واجب ضد ذا الوقت وقساه
اتوسل الله واطلبه وارجع اليه

الواحد المعبـــود وحده لاسواه
لاتشتكي لاحد سواه او ترتجيه

بايفرج الضيقات من عالي سماه
الامر امره والامور هي في يديه

عبدالله عامر

رد: اخترنا لكم
 

احـاول الــنسـيـان واقـول زانـت
والمشكلة جرح الهوى كيف يبراء

حاولـت اخفي ضيقتي بس بانت
فـي عيني الدمعات مع كل ذكراء

وان حان نص الليل الأوجاع حانت
وأدور.. الــراحه ويــالـيـت تــشــراء

عـشرة هـوانا بـسالك كيف هانت
ان كان عـادك للمــسجـات تــقراء

من عقبك الدنيا في العين شانت
ودي افـــراقهــا ومــليـت صبــراء

الشريف

رد: اخترنا لكم
 

صحراء هي الدنيا بغير احبتي
وإذا اجتمعنا جنتن ونعيما

فبهم تنير الأرض بكل ورودها
وتضيئ مثل كواكبن ونجوما

.....

رد: اخترنا لكم
 

يالله انا ادعـــــــيك ياجبار
الـــــنـفــــس تعلم بما فيها

ياكاشف الســــــر والاسرار
وعالم اســـــــــــرار نخفيها

ياغافر الذنــــــــــب ياغفار
تغفر ذنــــوبــــــي وتمحيها

ارجــــوك وادعيك ليل نهار
النفــــس يالله تـــــهــديهــا

وجيرني مـــــن عذاب النار
ذي ماحــــــدا بايطــــفــيها

عبدالله عامر

رد: اخترنا لكم
 

‏هالحين يالليل القصيد ابتدينا
فاق الهجوس اللي له ايام غافي

اسرج خيول الفكر هيّا سرينا
نسقي سهارى الحب عذب القوافي

.....

رد: اخترنا لكم
 

‏ماهمنـــــي يا وقــــت غــــادر وخوان
لإنـي على النيـه مـــع الناس واضح

ارمي جوارح خاطــــــري خلف الامتان
وامشي على نهج الوفـاء والتسامح

ما اطيــــق حمــل أوزار كاين ومن كان
قلبي نظيف من الحسـد والتجارح

مااحسب حساب الغدرمن اي انسان
عايــش مع كل البشـــر بالتصالح

.....

رد: اخترنا لكم
 

‏احفظ لسانك لابلوك المعاثير
‏والكلمة اللي دون ميزان خفها

‏يجوز ترمي كلمةٍ دون تفكير
‏والصبح سودان القلوب تخطفها

.....

رد: اخترنا لكم
 

بعض العرب لا ضـاق جوك يسليك
وإن جـيت له زعــلان عـــودت رايق

هذا صحيح اللي عن الناس يغليك
واحد ويكــفي عن جميع الخلائق

.....

رد: اخترنا لكم
 

خل البشر تذكرك بالخير والطيب
السمعه الزينه رصيد وغنيمه

ان جيت تلقى المسهلا والتراحيب
وان غبت تمدحك النفوس الكريمه

محبة العالم من اغلى المكاتيب
بعيونهم بتشوف معنى الحشيمه

.....

رد: اخترنا لكم
 

‏يقول وش قولك على جمر الاشواق
اللي قلــــوب الناس منهــا تلوعي

يقولوا ان الشــوق قطع بالأعماق
وانا اقـــول الشوق قطع ضلوعي

ياصاحبي شوقي ترا صعب ينطاق
كثر الوله والشــوق قد هد روعي

الله يعين الشخص لاكان مشتاق
يحرق بناره مثل حرق الشموعي

.....

رد: اخترنا لكم
 

تعيش يا قلبي معزز ومرتاح
‏ولا داخلك إحساس حقد وضغينه

‏ولا عرفت الزيف وشلون يجتاح
‏بعض القلوب الخايبه والحزينه

‏ولا خذاك المدح بلسان مدّاح
‏ولا عشقت إلا العقول الثمينه

.....

رد: اخترنا لكم
 

سرى الليل وعيون المولع على الجوال
‏يراقب ظهـــور الصاحب اللي على باله

‏يخاطب نجـــــوم الليل لامن ليله طال
‏لعل النجـــــــــوم تطمن القلب عن حاله

.....

رد: اخترنا لكم
 

‏حنا الوفي من صافي الود نسقيه
‏ومن زادنا بالطيب حنا نزيده

‏واللي طرانا ساعة الضيق نطريه
‏ونكون عونه باالظروف الشديده

.....

رد: اخترنا لكم
 

‏عن جميع اللي على قلبي وأدنى ما يمسه
‏يا كريمٍ واقف فبابك لو إني في مكاني

‏وأنت تدري بي وأنا عبدك وتعرف وش أحسّه
‏من قبل لا يرتفع كفّي وينطق لك لساني

سبحانه

رد: اخترنا لكم
 

‏ما يدوّر لاصعب الاحلام ويحققها
‏غير عزمً ما يطيح وخاطرً ما يسمح

.....

رد: اخترنا لكم
 

الغياب اغراك والاشواق ماتت
والمحبه من جفا الغالين جفت

رح وراك وفرصتك عدت وفاتت
غيبتك ياصاحبي كفت ووفت

.....

رد: اخترنا لكم
 

ماخلقنا الله ضعوف ولاهلايم
ندحم كبار الهقاوي عنجهيه

ان وقفنا طاحت كبار العمايم
وان تقدمنا عزاوينا قويـة

.....

رد: اخترنا لكم
 

حط همك فوق هم معزبك وآشلّه
كيف ما آشلّه وأبوي إللي يشل الطرقي

محمد إبن الذيب

رد: اخترنا لكم
 

حمولنا لا كادت شعيل وبرك
نشتالها ونقوم ونروح ونجي

محمد جارالله السهلي

رد: اخترنا لكم
 

انا رمتني عرضة غزيّل الضاح
تفتل حبالي فالهوى وتعقدها

مورّدة خدين وعيونها املاح
تاخذ وساع عيونها من بلدها

مثناتها يوم اقبلت مقبض سلاح
تقدر عليها تقفل اسوار يدها

من دقها وشلون نزّاع الارواح
يبا يطلّع روحها من جسدها

اخر نتاج مرويه علط الارماح
ما جابت بطون النساء من بعدها

.....

رد: اخترنا لكم
 

ناحلٍ وين ما هبّت هبوب الذواري
يتمايل قوامه ويتطاير حريره

ماخذٍ من بنات الريح زول ومواري
ومتشكل من الغيمة خصال وسريرة

لا عيونه رصاص ولا رموشه شباري
ما مثل عينه ورمشه خطير وخطيرة

من يشوفه يشوف الصبح ليلٍ غدّاري
خل من ذاق فاكهته وهام بعبيره

.....

رد: اخترنا لكم
 

ملهم عيون القصيد وناتقً صيده
مضراب عينه مرامي بندق الرامي

الوصف لو كان بالأمكان تحديده
وش عنقه الفارع ووش عوده النامي

يقرب خيالي ويرسم صورة بعيدة
والصورة أحيان تعطي مصدر ألهامي

وش ياخذ العذق من داني عناقيده
والأدمي وش خذا من ارقاب الأدامي

.....