رد: فوق هام السحب ( الشعر الشعبي) على متن القوافي
 

اضحك وسولف وابتسم للمخاليق
وخل الامل بين العيون وهدبها

دنياك ماتسوا يجي داخلك ضيق
وايامك اللي ماضيه لاتحسبها

.....

رد: فوق هام السحب ( الشعر الشعبي) على متن القوافي
 

مادريت إنك اوقدت الجحيم
ماخشيت الله ولا خفت الورا

كل غدر فيك من طبع ٍ قديم
ليت قلبي عنك ساهي مادرى

.....

رد: فوق هام السحب ( الشعر الشعبي) على متن القوافي
 

احدن على شانه تجوز المشاريه
واحدن تعدا بالخطايا حدوده

ومن لايعزك لاتعزه وتغليه
ومن لأرفع قدرك تجاهل وجوده

.....

رد: فوق هام السحب ( الشعر الشعبي) على متن القوافي
 

‏ترى الأخ مهما حصل يبقى عضيد
‏وترى عيال العم ماعنهم غناه

‏الناس دايم ماتهاب اللي وحيد
‏اللي ليا منه وقف محدٍ معاه

.....

رد: فوق هام السحب ( الشعر الشعبي) على متن القوافي
 

اللي بقلبـي يختلف عن كلامي
ماكل كيف الحال قصدي به الحال

احيان كيفك تعني القلب ضامي
واحيان وينك تعني البعد قتال

.....

رد: فوق هام السحب ( الشعر الشعبي) على متن القوافي
 

‏رغم الملام اللي بصدري جمعته
لو ترجع وتسأل من تحب قلت أنت

كل ما أرتفع صوت الأذان وسمعته
دعيت ربي يحفظك وين ماكنت

.....

رد: فوق هام السحب ( الشعر الشعبي) على متن القوافي
 

سارق النوم رد النوم لعيوني
السهر في غيابك كيف سوّابي

كان قادر تعيش العمر من دوني
أنا من الشوق ضاقت فيني ثيابي

.....

رد: فوق هام السحب ( الشعر الشعبي) على متن القوافي
 

‏مالي معك حل إلا الصمت والحيره
‏تركت درب العتب من كثر مافيني

‏طبعك تغيّر معاي وصعب تفسيره
‏تجرح شعوري جفا وتقول تغليني

.....

رد: فوق هام السحب ( الشعر الشعبي) على متن القوافي
 

‏ماكل مبدع لازم يكون مشهور
وماكل مشهور بيجي شعره ابداع

وماكل مبدع يملك القاء وحضور
يكفيه يملك شعر الى حد الامتاع

.....

رد: فوق هام السحب ( الشعر الشعبي) على متن القوافي
 

‏بيني وبين النفس حرب وطلايب
‏مرات انا الغالب ومرات مغلوب

‏تمضي حياتي بين مذنب وتايب
‏واللي يريده خالق الناس مكتوب

‏والغيب عند الرب ماهو بغايب
‏لكن عن المخلوق خافي ومحجوب

‏والنفس والشيطان ربع وحبايب
‏بآسبابهم كم واحد راح معطوب

.....