|
رد: فوق هام السحب ( الشعر الشعبي) على متن القوافي
خلك صريح و بعض الاحيان جامل
ولا تتعب العالم معك قدر الامكان و ان ما قدرت تكون انسان كامل حاول تكون بقدر الامكان انسان .... |
رد: فوق هام السحب ( الشعر الشعبي) على متن القوافي
الحب فن و ذوق و اخلاق و اسلوب
و مشاعراً تعطى ما هي بمغصوبه و انا هوى بالي من البيض رعبوب يلفح جدايلها نسايم هبوبه كامل حسين اوصاف ما فيه عذروب لا شفت وجهه ما تدور عيوبه بيديه لو يسقيني السم مشروب اذوق بلساني ل سمه عذوبه .... |
رد: فوق هام السحب ( الشعر الشعبي) على متن القوافي
استغفر الله واطلبه واترجاه
عن كل يومٍ مرني ما شكرته واستغفر الله وانكسر واطلب رضاه عن كل ليل بغير طاعه سهرته بقلمي |
رد: فوق هام السحب ( الشعر الشعبي) على متن القوافي
يا دقيـق العـنق يا شبه القمر
يا كحيل العين يا عذب الشفاه مالي الساقين مدقوق الخصر عود موز تاه في غاية رواه .... |
رد: فوق هام السحب ( الشعر الشعبي) على متن القوافي
من شالنا بالعين شلناه بالعين
وان ضاقت الدنيا لقانا رصيده ومن خصنا بالزين نكسيه بالزين غصبا على خشم الامور العنيده .... |
رد: فوق هام السحب ( الشعر الشعبي) على متن القوافي
لا بغيت اسج شفت الصور والذكريات
وابتدا حزني يراجع مع الذكرى عناي من فقد له محزمٍ في الامور المعضلات ابتلاه الحزن في سكته رايح و جاي والله اني عقب موته وانا كلي شتات انكسر عزمي وتاهت على السكه خطاي .... |
رد: فوق هام السحب ( الشعر الشعبي) على متن القوافي
ناح ورق الشوق والعين راجت بالدموع
والاماني مال صلف الهوى بـ عذوقها اقنعنتي سود الايام لو ماني قنوع وحرمتني دلة الوصل قبل اذوقها يجتلد ذيب الطواري ورى عوج الضلوع والهموم آتدك ذود الشقى وتسوقها اتقوى والهوى شر والفرقا تروع وذكريات الفقد غنت على طاروقها واقف لي عام بين التقدم والرجوع في رجاء سحًب التواصل تلوح بروقها ياعشيري عادني لـ الوعود اضما واجوع وانت ماضني وثاق العهود تبوقها ليه تقطعني وانا خابرك منت بـ قطوع وليه ماتعطي كبار الحقوق حقوقها لو تقول الصبر نوره مثل نور الشموع الامل لـ الحين شمسه ماشفت شروقها لا توضح وانت قلبك على الصده جزوع العذر ورد الهقاوي مابل حلوقها بين مضمار التخطي ومضمار الوقوع رحلة الاقناع عيت تبين فروقها ليت لي عين ماتبكي وقلب مايزوع وليت لو آن ليت ماعاد يمشي سوقها المحبه خلّت اللي يفضون الجموع تفرك كفوف الندامه وتشكي عوقها .... |
رد: فوق هام السحب ( الشعر الشعبي) على متن القوافي
في وداعك : ليلة السبت تشكي للربوع
موعد فيه المواصل طموح ومطمعه لو كسر صوم المشاريه تذريف الدموع أنهمر مزن من الموق محد يمنعه غبت وأوقدت المحاني وطفيت الشموع وأجترعت بـ فقدتك سم محد يجرعه وإستحل الحزن ما بين حدبان الضلوع صرت أشوف الحزن مال الجهات الاربعه والحـزن بـ القلب ليته بـ تذريف الدموع إشهد أن الحزن بـ القلب حاجة موجعه .... |
رد: فوق هام السحب ( الشعر الشعبي) على متن القوافي
ياقوّ قلبي يوم صديت قوّاه
عن الذي اموت ولا تركته الخاطر اليا طاب اعوذ بالله لو كان باقي لي كلامً شرحته لعلّها خيره بما اختارها الله على كثر ماكنت احبه كرهته .... |
رد: فوق هام السحب ( الشعر الشعبي) على متن القوافي
الله على جو الغلا بين الاثنين
حب ومشاعر شوق واحساس عشاق يروق جو الحب مابين قلبين مزح وضحك واللعب مابينهم راق في مرتع العشاق والحب لاهين في جلسة يحلى بها لعب الأشواق .... |
رد: فوق هام السحب ( الشعر الشعبي) على متن القوافي
ماهيـب تحتاج للمكياج والفلتر
الجادل الفارع اللي زينها كـلـي من كثر ماهي جميله يالطيف استر جايه على شكل قلب بجسمها السفلي .... |
رد: فوق هام السحب ( الشعر الشعبي) على متن القوافي
النعومة و الدلع و الهيكل المتناسق
والكحل والمسكرة والخد ابو غمازه تلعب بقلب المطوع قبل قلب الفاسق تحيي فؤاد الرجل لو هو على عكازه .... |
رد: فوق هام السحب ( الشعر الشعبي) على متن القوافي
أوفى وأصدق وأعمق ماكتبه الشعراء في وصف الحُب بمنظورهم :
يقول سعد بن جدلان : أي والله أحبك وصايبني على حبك غلو أشد من غلو إلتزام الدين بعد الهستره إما مساعد الرشيدي يقول : أحبك لو يموت الحب وتصير القلوب قبور أشوف الجرح يكبر وأنت تكبر وسط تفكيري |
رد: فوق هام السحب ( الشعر الشعبي) على متن القوافي
اهلا مساء الورد ياطيف خلي
يامرحبا والشوق دايم يناديك يشوقني شوفك وارحب وهلي ألا مساء الحب ياحي طاريك اقرب تفضل فالحشا لك محلي في مجلس الأشواق الله يحييك .... |
رد: فوق هام السحب ( الشعر الشعبي) على متن القوافي
يا ليت القلوب الباردة تنعرض للسوم
أبـ أشريك يا قلب أجوديٍّ على بالي أبـ آخذك وقت النوم لين أنّي أشبع نوم وأرجّعك حين أصحى من النوم طوالي .... |
رد: فوق هام السحب ( الشعر الشعبي) على متن القوافي
مهرةٍ من مربطٍ ما أعلن أفلاسه
لادجرت كن السماء تهوي نجومه بنت شوخٍ لأحمر الموت دواسه من تقدم في نحرهم فقد زومه للسرب في ساحة الحرب روّاسه يوم كلٍ للقاء ينفذ كمومه مع سطرهم والكرم عرف وفراسه خصمهم ينشب كلامه بحلقومه .... |
رد: فوق هام السحب ( الشعر الشعبي) على متن القوافي
لا تنشدوني عن علومي والعلوم
ماهيب تفرح لا رفيّق ولا عدو ⠀ من كثر مايقلط على صدري هموم راسي ثلاث ايام ما ذاق الهدوّ ⠀ في داخله من زحمة الافكار كوم متشابكه تشابك خيوط السدو ⠀ يا حظ تكفى قم وقومني واقوم صبري نفذ واحلامي قريّب بدو .... |
رد: فوق هام السحب ( الشعر الشعبي) على متن القوافي
معك المحبه غير وباعاند الحظ
وبمشي معك ياعلاج قلبي وطبه قلبك على الدنيا من الطول للعرض ماشفت مثله قلب في حب حبه قلبك لو انه ينزرع تحت هالارض تنبت على الدنيا سلام ومحبه .... |
رد: فوق هام السحب ( الشعر الشعبي) على متن القوافي
و ياما كسرت بخاطري كل ما جيت
أرجع و دمعي فوق خدي سكايب و الحين عنك يا هوى البال صديت حل الفراق و خاطري منك طايب .... |
رد: فوق هام السحب ( الشعر الشعبي) على متن القوافي
ماني بثوبٍ تلبسه ثم تمله
رح واعتبرني واحد اذنب وتاب حتى القمر لاغاب شفتك محله كنت القريب وكلهم كانوا أغراب ماراح تغلبني لو الحب غلاب شف دربك اللي جيت منه تدله .... |
رد: فوق هام السحب ( الشعر الشعبي) على متن القوافي
فاقدك والكون بغيابك كئيب
لا أحد قبلك ولا بعدك أحد عفت خلق الله من بعيد وقريب وأعتزلت الناس بعدك للأبد كل واحد صار بعيوني غريب مافقدتك كن فاقد لي بلد كان همي في حياتي لاتغيب الحياه بدون ضحكاتك : نكد ماني أول شخص فاقد له حبيب بسّ بـغيابك أنا أكثر من فقد .... |
رد: فوق هام السحب ( الشعر الشعبي) على متن القوافي
لابأس ياراسٍ ملته التفاكير
وعاف المنام وعاف لين الوسادة لابد من عقب المصاعب تياسير والآدمي يصبر وصبره عبادة نتعب ونقطع بالركادة مشاوير وسعي الطفاقه غير سعي الركادة ظروفنا صعبة وتبغى مناعير معها على سود الليالي جلادة بكره يبين الصبح ويغرد الطير وامشي مع العالم واوزع سعادة .... |
رد: فوق هام السحب ( الشعر الشعبي) على متن القوافي
شرعي باب المعاتب بدون مقدمات
واطلقي ماكان في صدرك اطلاق سجنا حاصريني بالتشره من الاربع جهات انتي المشروه منك مثل رد الثنا صح ماودي بهجرك لو يطول السكات بس ماودي بوصلك وانا مانيب انا .... |
رد: فوق هام السحب ( الشعر الشعبي) على متن القوافي
اضحك وسج وهون الدعوة وصدقني تهون
مافيه بابٍ ينقفل الا وربك يفتحه الحزن لامن طال لابده يودي للجنون اما يقوم ويذبحك ولا تقوم وتذبحه .... |
رد: فوق هام السحب ( الشعر الشعبي) على متن القوافي
ماكلّ غايب عن عيوني فقدته
و ماكل شخص القاه يستاهل اغليه من بعْد ما قلبي شقيته وعدته ما يسكنه غـير الّـذي يعتني فيه .... |
رد: فوق هام السحب ( الشعر الشعبي) على متن القوافي
من يزرع بدرب الرفيق العوايق
ماعاد تنفع فيه شرهه ولا عتاب ثنتين تشعل ف القلوب الحرايق غدر الرفيق وحلم الأيام لاخاب .... |
رد: فوق هام السحب ( الشعر الشعبي) على متن القوافي
خذ ماتبي مني وابي منك ثنتين
ومثلي تسّرك نفعته لا نفعته صوتك مدامنا انا وات حيّين لاتقطعه عني بعد ماسمعته واذا حصل شوفتك من حين لـ حين تعال واسق بداخلي مازرعته |
رد: فوق هام السحب ( الشعر الشعبي) على متن القوافي
ودي اغرد كل ماغرد الطير
مليت من حبس المشاعر صراحه ماني بظامنها تعدي على خير الضيق ماخلا بصدري مساحه .... |
رد: فوق هام السحب ( الشعر الشعبي) على متن القوافي
يا رب يسرها على كل ضاايق
وارفع ستار الهم عن كل محزون لو كان في درب السعاده عوايق تهون مع رحمتك يا خالق الكون .... |
رد: فوق هام السحب ( الشعر الشعبي) على متن القوافي
يازمان الصمّت وش ذنب الحروف
لا بغّت تحكي مُعاناتك شطر الوطن ديرة حنين وفيها خوف والحكي يشبه جروحك والعطر .... |
رد: فوق هام السحب ( الشعر الشعبي) على متن القوافي
يا نسمة الصُبح ياجو الصفاء العابر
يا زهرة الحب والتقدير في قلبي يا نفحة الشوق عطّر وردي الزاهر يا ريحة الفُلووالأزهار في دربي يا روعة الوجه نورك نوري الجاهر يا مجهر القلب والتشخيص في طبي يا رونق العشق والأحباب ياساحر يا سحر فاخر أسرني وإمتلك لُبي يا طيف طوّف شعوري حلّ بالخاطر حلوه جميله خلقها بالزمن ربي .... |
رد: فوق هام السحب ( الشعر الشعبي) على متن القوافي
عطيتك اللي في الهوى ماطرا لك
وخليت قلبي لك مقيضً ومرباع ٓ والا أنت مدري كيف فالحب حالك مدري غرامك صدق ولا تصناّع .... |
رد: فوق هام السحب ( الشعر الشعبي) على متن القوافي
مشاغل الوقت تاخذنا عن الطاعه
والناس ماتت ولا قضت مشاغلّها يارب لطفك بنا لا قامت الساعه في يومن النفس تبكي من عمايلها بقلمي |
رد: فوق هام السحب ( الشعر الشعبي) على متن القوافي
لا تلومني لا جيت كلي من أقصاي
مافيه غيرك لا تضايقت جيته جيتك ولا غيرك ذكرته بمسراي جيتك وكل إنسان غيرك نسيته جيتك وأنا ماني بـ أنا تايه الـراي جيتك وأنا مدري وش اللي بغيته .... |
رد: فوق هام السحب ( الشعر الشعبي) على متن القوافي
أسوق الخطاوي والخطاوي تبي مشوار
ياوين الطريق اللي نهايته ومضه نور معي قلب ثلثينه محبّه وثلث أسرار يخاف السنين تحده ويكشف المستوُر .... |
رد: فوق هام السحب ( الشعر الشعبي) على متن القوافي
من بلاغة الشعراء في ( وصف العيون )
يا فلذة كبدي المتفرّده بين الصبايا وش يقول الشاعر إللي عينك أوسع من خياله جمال بندر طرف خادرته لو أقرب منه وأقوس إتساعه لاتغارب يمكن أحلف إنّه أوسع من خيالي |
رد: فوق هام السحب ( الشعر الشعبي) على متن القوافي
عقلي الشايب ويا قلبي الشاب
المتزن مابي يضيع اتزانه لا تفضحوني عند تلعات الارقاب والناس تعرفني رزين وتكانه انا هواوي والهوى سلم الاحباب ولا خير في سلم المحبين كانه يلحقني بمنقود عكفان الاشناب ولّا يورّدني دروب المهانه .... |
رد: فوق هام السحب ( الشعر الشعبي) على متن القوافي
مابي اعترف لك بالغلا وانت غالي
خلك كذا مابين ضامن وشكاك مره تقول ان فيه غيرك فـ بالي ومره تقول ان مابه إنسان يسواك .... |
رد: فوق هام السحب ( الشعر الشعبي) على متن القوافي
ماعلمك طول الغياب إني كبير
وإني على كثر إشتياقي ما أتبعك ماقلت لك قبل التمادي استخير خل العناد اللي غدابك ينفعك .... |
رد: فوق هام السحب ( الشعر الشعبي) على متن القوافي
يهمّني همّك وأحاتي محاتاك
أنا معك في كل فرحك وهمّك لا خان وقتك وأقرب الناس خلّاك تلقاني أقرب من وريدك لدمّك .... |
| الساعة الآن 04:10 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية