رد: اخترنا لكم
 

كتمت الغلا ماودي ان العرب يدرون
رسايل غرامٍ علقت فالقطا الكدري

اي والله أحبه والمحبه بدون عيون
وليفٍ حرمني لذة النوم من بدري

انا مانيب خايف على بيحة المكنون
لكن خايف اناديه بأسمه وانا مدري

.....

رد: اخترنا لكم
 

وجهها نور بدرٍ عن ظلامه يزوح
ومبسم وسطه اللي تلمع صفوفها

النحر عن حدود الثوب مثل الصبوح
وصدرها معتلي من فوق سرجوفها

يا قوامٍ يهيض مبعدين الشبوح
الهواء لاكفخ عن مطرح ردوفها

تشبه الخيل عند الغطرسه والجموح
لاعرضت من تبخترها ومن نوفها

.....

رد: اخترنا لكم
 

اللـي سـقـط لا تحسبه غـالي علـيك
لـو كــان غـالي والله انـه ما سـقــط

يتساقطون الناس في مسكت بريك
ما يبـقـوا الا اللـي يـحبـونك فـقــط

.....

رد: اخترنا لكم
 

مناقع الماء مرايات الطيوُر الصغار
الله جعل من رحيق الغيم معكوسها

الطيب والحبّ ورذاذ المطر والوقار
أشياء ماتشتريها الناس بفلوُسها

.....

رد: اخترنا لكم
 

‏أثر الزمن هو هو والناس هي هي
‏حتى وليفي درع جنبي ومركايّ

‏إقفى عقب مافلت الريش بيديّ
‏وخلا يساري تصفق بكف يمناي

.....

رد: اخترنا لكم
 

على صورتك ماني بمستامن النظرات
‏ياكيف أتصبر نظرتي وانت سارقها

‏خذاك الغياب ومجرياته وحب الذات
‏وانا غيبتك لليوم ماني مصدقها

علي فهد الوطري

رد: اخترنا لكم
 

يسأل عليك اللي من الناس يغليك
يســــــأل ويرسل ما يبي غير ردّك

سلام والخافق من الشوق يطريك
مشتــاق لك لـيت الـرساله تـشدك

.....

رد: اخترنا لكم
 

أصعب إجابه قلتھا في حياتي
ماعاد لي خاطر وأنا خاطري فيك

وأقفيت أحمّل في ضلوعي شتاتي
عجزت من زود الغلا لا ألتفت فيك

.....

رد: اخترنا لكم
 

‏أﻧﺎ ﻟﻴﺎ ﻣﻦ ﺿﺎﻕ ﺻﺪﺭﻱ ﺗﺬﻛﺮّﺕ
‏إن الله أﻗﺮﺏ ﻣﻦ جميع ﺍﻟﺨﻼﻳـﻖ

سبحانه

رد: اخترنا لكم
 

‏الخساير لا خسرنا عساها فاربعه
‏المنافق والردي والهلامه والبخيل

.....

رد: اخترنا لكم
 

‏ملفته مثل ضحكه في هدوء المكان
‏نادره مثل طبعٍ في الاوادم قليل

‏واضحه مثل قوس تحت غيمه مطر
‏مرهفه مثل لحن في زمان الجميل

‏راكده مثل حاجه ماطلبها العزيز
‏مدهشه مثل صدفه بعد صبرٍ طويل

.....

رد: اخترنا لكم
 

جوعت طيرك ليه يا راعي الطير
إن كان ماله معك معلاف هده

فكه وخله يطلب من الله الخير
لا تربطه مافي رباطه موده

وإلا ترى مافيك نقص عن الغير
وإن طار طيرك من يدك لا تعده

دبر عشاه وسو مثل الصقاقير
تراه حر أدنات شي يسده

.....

رد: اخترنا لكم
 

‏ياطيبها لا زادت الزين بالدين
‏ثم جلست فِالصدر مثل الحكومة

‏الله فرقها عن جمميع المزايين
‏شيهانة ما بين عشرين بومة

.....

رد: اخترنا لكم
 

ربيع قلوبنا سيفٍ تحت ذكر الله المعبود
لنا مع بيرق المجد وخضاره صولة وجولة

الا يا راية التوحيد لا ملتي يفوح العود
شموخك يشبه شيوخٍ تعدّ الهرج وتطوله

دام عزك ياوطن

رد: اخترنا لكم
 

متقلب الود لا تقبل معاذيره
خله يذوق الجفا والويل والحرّة

من يضمن تسامح ذنوبه وتقصيره
يقدر يعيد الخطأ نفسه مية مرّة

.....

رد: اخترنا لكم
 

والله إن اليوم هذا ماهو يومٍ عادي
فيه عز وكبرياء وفيــــه ورد وعنبر

كل عام أباهي الدنيا وأقول بــلادي
سيدة سادات الارض وسيدة فبرايـر

دام عزك ياوطن

رد: اخترنا لكم
 

ماندخل الشوط ونعود مفلسين
الحمدلله من نجاح الى نجــــاح

حنا على اشداد الزعامة مرتكين
من خلقت الدنيا نزيــح ولا نزاح

.....

رد: اخترنا لكم
 

يـاذيب انا مثلك شمـــوخي غريـزه
اكره ردي الطبع واموت في الطيب

وعن الردى يـاذيب نفسي عزيــــزه
يمكن انا انسان فــي داخلـي ذيب

.....

رد: اخترنا لكم
 

شارك بعقلك بالقليل من الكلام
ما هوب شرط انك تجيب الكايده

تابع بصمــت وكــون رمز للاحترام
حـــاول تخلـــي من وجودك فايده

.....

رد: اخترنا لكم
 

عطانا الزمان من التجاريب مــايكفي
دروس تصحي غافل القلب من نومه

عرفنا مقابيل الرفـــاقـه مـــن المقفي
وعرفنا الصقور الصيرميه من البومه

.....

رد: اخترنا لكم
 

اعرض على بيتك وعيني تلد يسار
ابي جيتك لو كان ماهيب مقدوره

وصلنا ختام التجربه والسنين قصار
تصحي هبيل القلب وتبلد شعوره

.....

رد: اخترنا لكم
 

لا هب نسناس الهوى والجروح وساع
غدى صدري اضيّق من عيون الفلبيني

.....

رد: اخترنا لكم
 

عسى الفرح عن سمانا مايغيب
وعسى السعاده في وطنا دايمه

امين

رد: اخترنا لكم
 

‏عسى دارٍ سيّس اركانها آل سعود
‏ما تشوف الباس على مر السنين
🇸🇦

رد: اخترنا لكم
 

‏حنا هل العاداتَ وحنا اللي نفك المنيّع
‏ كم دولةٍ صالت علينا وارتكينا لهَا
🇸🇦💚

رد: اخترنا لكم
 

‏عليه السلام العذب لا مرني طاريه
اضم الهبايب من جهاته واسامرها

يفز الشعور لكل دربٍ مشينا فيه
تبسمت من بسمته يوم اتذكرها

.....

رد: اخترنا لكم
 

جاب طاري الوداع وقلت مالك لوا
كل شيٍ نطيعك فيه غير الوداع

كافر الشوق والفرقا لعينه ثوا
شف لنا حل غير البهذله والضياع

.....

رد: اخترنا لكم
 

بداية نهايه مرحبا في امان الله
محبة وفاء وختامها مسك يالغالي

انا لا سمحت اقفيت واللي وراي اجفاه
اخليه في فاله وانا اروح في فالي

ما كني عرفت اسمه ولا عشت انا وياه
هذا طبعي الاول وذا طبعي التالي

.....

رد: اخترنا لكم
 

شيّ من وحي الانوثه ومن وحي الخيال
صورةٍ سبحان مـن يبدع بتصويرها

تحفةً في الارض تمشي ولله الكمال
لـ الله الابداع فيها وفي تدبيرها

من كسب منها رضاها ومن تعطيه بال
عاش عمره في رغدها وأكل من خيرها

عن بنات آدم وحوّا حوَت كل الجمال
كـن مـا لآدم وحوّا بناتٍ غيرها

.....

رد: اخترنا لكم
 

وان قالو العذال وش فيك ما ابديت
ماني عـلى اسرار الاوادم نطوقي

امـشـي مع العالم على مـاتوريت
اعطي حقوق الناس واخذ حقوقي

.....

رد: اخترنا لكم
 

ياجمال الصمت في عز الكلام
ويا جمال الكلمه اللي في الصميم

ان لزمت الصمت ماتلقى ملام
وان حكيت المختصر وضعك سليم

.....

رد: اخترنا لكم
 

‏والله ان تقطف ثمار السعاده والنجاح
‏ كل ما أحسنت ظنك برب العالمين

.....

رد: اخترنا لكم
 

‏هدمت قصر الغرام وشلت سيسانه
وشنيت هجمه على ما قيّل مرتده

أقنعني العقل لو الروح ولهانه
بابً يجي منه رييح ان طعتني سّده

ما دام مالي معك يا صّاحبي خانه
سّلم على الحب والا حب لي خده

.....

رد: اخترنا لكم
 

‏لا تنزعج من كثر صدات الوجيه امن العباد
العيش تال الوقت بالوجه الحقيقي معجزه

.....

رد: اخترنا لكم
 

طبعي تجنب عن الناس واصد
لاشفت من لايستحق اهتمامي

صدي عن الي مايبادلني الود
شيمه لنفسي واحترام لمقامي

.....

رد: اخترنا لكم
 

مجاهد النفس أقسى من جهاد الحياه
ما بين عقلٍ ثقيل وبين قلبٍ خضر

.....

رد: اخترنا لكم
 

لا جفاك اللي تحبه فلا تلحق وراه
ما جفاك إلا وهو وده إنك تقطعه

عز نفسك عن تقفاه لا لقى قفاه
مخبل اللي كل ما أقفى وليفه يتبعه

.....

رد: اخترنا لكم
 

‏اخر رساله منك في شهر مارس
‏من عامنا الماضي رساله فريده

‏مني طلبت البعد والبرد قارس
‏ينخر عظامي والمشاعر وقيده

‏الحب جاير والوفا مثل فارس
‏خاض المعارك والليالي عنيده

‏عشنا وشفنا والتجارب مدارس
‏والنفس صارت من غرامك زهيده

.....

رد: اخترنا لكم
 

لا يستثيرك غيابي يالمهاه الجفول
قيسي مسافة ليال الشوق واقيسها

انا بدويٍ لي آهوايه وعندي ميول
وفيافي البيد تعرفني تضاريسها

ان رحت حطي لبيبان التراضي قفول
وان جيت شرهت رضى ليلى على قيسها

.....

رد: اخترنا لكم
 

لا صكّت أبواب البشر لا تبالي
باب الولي مفتوح في كلّ الأوقات

سبحانه