رد: فوق هام السحب ( الشعر الشعبي) على متن القوافي
 

كل ما شفت وجهك ودي اكتب قصيده
انت وجهك بحور ومفردات ومعاني

حتى بيت القصيده فيك لا قمت اعيده
والله انْ من حلاه استطعمه في لساني

.....

رد: فوق هام السحب ( الشعر الشعبي) على متن القوافي
 

تعالي وخلّي العيون بشوفتك تروى
أنتي أجمل الحُب وأنتي أعظم مغانيمه

العمر من دون وصلك شيء مايسوى
وصلك عطى كل لحظه بالعمر قيمة

.....

رد: فوق هام السحب ( الشعر الشعبي) على متن القوافي
 

لو نفترض في يوم إن الوفا خان
آموت انا والله اذا يوم لك خنت

غلاي لك يابنت ما يوم لك هان
ولا هان لك قدر ٍ معي وين ما كنت

غلاي لك ماهو رخيص ٍ على شان
يُفرض غلا غيرك من الناس يابنت

.....

رد: فوق هام السحب ( الشعر الشعبي) على متن القوافي
 

ماكان عندي وجودك باب وأتسكَّر
يامطول الليل يوم يمر من دونك

تحسّسّ الصوت هذا زين وأتذكَّر
كم داعب أذنك قصيد ونوَّم عيونك

.....

رد: فوق هام السحب ( الشعر الشعبي) على متن القوافي
 

‏خذ لك مع العفو والتقدير حبة خشم
‏وإترك نوايا الأوادم داخل اصدورها

.....

رد: فوق هام السحب ( الشعر الشعبي) على متن القوافي
 

‏والله اني للمشاكل ما سعيت
‏ولا تبعت الواردة والصادره
‏
‏من كثر ما شفت فالناس ولقيت
‏القلوب البيض عمله نادرة

.....

رد: فوق هام السحب ( الشعر الشعبي) على متن القوافي
 

الله عطاك الحسن من صغر سنك
للحوريات العين ترجع جذورك

قلبي من امطار العواصف يكنك
ونوب شعري يرشفن من زهورك

وفي مناوب مهجتي يعسلنك
وصوتك الشادي يجسد حضورك

لاتغترب لاقلت انا عاشقنك
وارسلت طيفي في غيابك يزورك

اهواك احبك واسال الليل عنك
اعشق جنونك كبريائك غرورك

ياليتني زرك وهيلك وبنك
وﻻ شرابك بعد وجبة فطورك

لاتغترب لاقلت لك عاشقنك
وصورتك عندي تجسد حضورك

....

رد: فوق هام السحب ( الشعر الشعبي) على متن القوافي
 

‏ياطيب المبدى ويا طيب الفال
‏خل الشهامه معك تأكل وتشرب
‏
وأختر جليسك وأعرف أن المثل قال
‏من خالط الاجرب على الحول يجرب

.....

رد: فوق هام السحب ( الشعر الشعبي) على متن القوافي
 

‏الرفيق اللي يسر العين وينومس رفيقه
نشتريه ونشتري عرفه وحنا الرابحينا

خوة تبنى على التقدير بحبال وثيقه
‏عارف حقي عليه وعارف حقه علينا

.....

رد: فوق هام السحب ( الشعر الشعبي) على متن القوافي
 

ياليت قلبي يستطيع الزيارة
أقلع برحله من جميع المطارات

أهجم بشوقي والمحبه بغارة
وارفض محاكم في جميع القرارات

واعمل بجلدي لك مضله ستارة
واصنع لقلبك مـن عيوني اطارات

واجعل عيوني لك تولع إنارة
واقسم ضلوعي لك شوارع وحارات

وأسمر معك كل يوم في عمارة
نفطر بلندن والعشاء بالامارات


.....