|
رد: فوق هام السحب ( الشعر الشعبي) على متن القوافي
من أول :
مشينا على كيفك نبي خاطرك ينساح ندوّر سِعة صدرك لو انها تضايقنا اما الأن : ما حنا على ضيقتك يا الاجودي دارين لا صارت بدون اسباب عساك ماترضى |
رد: فوق هام السحب ( الشعر الشعبي) على متن القوافي
الله لايسامح الاشواق وطيوفك
وياويل قلبي من الحرمان والحره ياليتها في يدي واغير ظروفـك او ليتني ماعرفت الحب بالمره .... |
رد: فوق هام السحب ( الشعر الشعبي) على متن القوافي
ماهي حكاية عتاب ولهفة مواجه
شف الثقه فـ الليالي كيف سوت بي ضحيت في كل حاجه في رجا حاجه والحاجه اللي لها ضحيت ضحت بي .... |
رد: فوق هام السحب ( الشعر الشعبي) على متن القوافي
ان خفتي ادور بدالك تحلمين
الي تعلق فالهوى يموت فيه اشوف وجهك في وجيه العابرين مع فارق التشبيه يالوجه النزيه ابيك و الدنيا تبي و انتي تبين واليا اجتمعنا صار كل الي نبيه .... |
رد: فوق هام السحب ( الشعر الشعبي) على متن القوافي
مواري غلاك تبين ف عيوني الثنتين
وانا ودي اخفيها عن الناس واكتمها ابعطيك نُبذه ممكن اتفيدك لـبعدين قبل لا يغشاها الشوق والبعد ياسمها مدامي اشوفك شي فارق عن الثانين دروس الوفا والحب حاول تعلمها بعيداً عن التغيير ياقبلة الحييّن هنا اجمل محطاتك وحقي ارممها .... |
رد: فوق هام السحب ( الشعر الشعبي) على متن القوافي
ياتل قلبي تل دلوٍ على الرقوه
جذب حبلها من جمة البير متلقوي مطحس بن حمد عيوني تقول يساقي حجورها سقوه سبب ساطياً بين السراجيف مستقوي ماجد بن عيسى يالوع قلبي لوع زرعٍ وقف سقوه صرمه العطش ولا بقا فيه متبقوي محمد بن حمد |
رد: فوق هام السحب ( الشعر الشعبي) على متن القوافي
فمان الله ياغلى من خذلني يوم انا شاريه
عجز قلبي لا ينسى الي يحبه رغم خذلانه بيذكرني لا شاف ان الليالي تحاول تبكيه بيذكرني لا حس انه غريب شتاق لوطانه انا ذاك المكان الي سكنته و ترعرع فيه تشوفه من بعيد وصعب تاصل صوب بيبانه .... |
رد: فوق هام السحب ( الشعر الشعبي) على متن القوافي
ياهنوفٍ علقت قلب شاعرها وطاح
واحفرت له في مسابل مدامعها ضريح تنقله من بورة اجراح إلى بورة جراح مثل ماينقل على متن الإسعاف الجريح .... |
رد: فوق هام السحب ( الشعر الشعبي) على متن القوافي
اتعب ورى حلمٍ عقدت الامل فيه
لو مابقى من عمرك الا شرايد وان صلفقتك اللي لها عدّة وجيه اضحك لها ضحكة وسيع البنايد ولا تقنع العالم بشيٍ تسويه قد قيل من مبطي رضا الناس كايد الناقصين يكّبرون المشاريه و الواثقين يكّبرون الوسايد .... |
رد: فوق هام السحب ( الشعر الشعبي) على متن القوافي
جيتك ورق مكشوف مافيه تمثيل
حفظت حبك مثل حفظ الأمانه مارحت أسولف فيك للقال والقيل حتى ولو بيني وبينه ميانه .... |
رد: فوق هام السحب ( الشعر الشعبي) على متن القوافي
شتان بين الواقع الي نعيشه
وأحلامنا الي مثلنا ما تجرا الحلم من صدرك لحد الدريشة والضيق من حد الدريشة وبرا .... |
رد: فوق هام السحب ( الشعر الشعبي) على متن القوافي
ياسعود ماينفع عتبنا مع اللوم
من يوم راح اللي مغطي ظهرها قصت شعرها تبي موضة اليوم حسبي عليها ليه قصت شعرها .... |
رد: فوق هام السحب ( الشعر الشعبي) على متن القوافي
أحب فيك الحب يا جامع أثنين
الزين وطبوع (ن) تكمل حلاتك خالد الفيصل |
رد: فوق هام السحب ( الشعر الشعبي) على متن القوافي
ناس غلاهم داخل القلب ما راح
يمشي معك في خافقك وين ماتروح سبحان من سخر غلا بعض الأرواح بعض البشر تفديه لو يطلب الروح .... |
رد: فوق هام السحب ( الشعر الشعبي) على متن القوافي
ما بعتك بالسحايب والبروق السمر والانسام
وساموني بتلويحة وداع وبعت بأول سوم سئمت العيش نون وصاد واللذات سين ولام بنادم والبنادم حيلته ما توجد المعدوم بعد ما الصحف جفت وانت رحت ورفعت الاقلام على حب من اول يوم وفراق من اول يوم .... |
رد: فوق هام السحب ( الشعر الشعبي) على متن القوافي
كم خطا خبّاه جهلي و كْشفته سنيني
إيه يا نفسي عليك أخطيت ماني جاحد عيبي إني شلت واجد بالغلط في عيني و عيبهم طاحوا مع الأيام واحد واحد .... |
رد: فوق هام السحب ( الشعر الشعبي) على متن القوافي
ماني صديق اللي يشيل بقلبه
انا صديق الطيّبين الندّر أشباهي اللي طيبته من قلبه يسامح المخطي قبل يتعذّر بقلمي |
رد: فوق هام السحب ( الشعر الشعبي) على متن القوافي
إلا أنت خلك معي ولا تجافيني
غيرك يروح وجعله ما يجي ثاني لا صرت قريب مني وما تخليني ماهمني من هجر قلبي وخلاني .... |
رد: فوق هام السحب ( الشعر الشعبي) على متن القوافي
سألوا حكيم فقالوا له : من القوي من الناس
قال : هو من يستطيع أن يكبت جماح نفسه فقيل له ومن الضعيف فقال : هو من تسمع صوته مدويا قيل ومن هو العاقل قال : هو من ينحني للعواصف قيل فمن هو المجنون قال : هو من يدعي العقل فقيل من هو التافه قال : هو من يتصور أنه أذكى الناس |
رد: فوق هام السحب ( الشعر الشعبي) على متن القوافي
صباح المطر والنار والدله الرسلان
صباح القبال السمح والخاطر الراضي صباح الرفيق الي لاجيته وانا زعلان تلاشت جميع اهمومي وطابت امراضي بقلمي |
رد: فوق هام السحب ( الشعر الشعبي) على متن القوافي
الشعور اللي أحسّه مَا تحسه
والغياب اللي هلكني صار عادي والخفوق اللي أحسّه مات حسّه كم ينادي و لا حياه لمن تنادي .... |
رد: فوق هام السحب ( الشعر الشعبي) على متن القوافي
تباهيّ وغني وأضحكي لايهمك شيّ
لامالت ظروفك فيك لك من يعدلها بتلقين لك في جوف قلبي براد وفي هنا منزلك والناس تعرف منازلها ماتقدر تزعلك الليالي وراسي حيّ لو تزعلك سود الليالي بزعلها .... |
رد: فوق هام السحب ( الشعر الشعبي) على متن القوافي
في مجريات الحياة العقل دربه دليل
اسرافك الزايد بطيبك بلا فايده حاول تجي معتدل ويصير مالك مثيل ما ينكب الطيّب الا الطيبه الزايده .... |
رد: فوق هام السحب ( الشعر الشعبي) على متن القوافي
وليا تعانق خجلها مع تواضعها
عانقت ليلٍ على مسراه شجّعني لو ينسري ليلها سريت بايعها بَشر ولا الله عن الزلّة مرفّعني واصبحت من عقب ماني ضدها معها ان ضاعت أضيع وان دلّت تسنعني وان شفت بالعين قلبي بين اصابعها سجدت لله ويالله لاتضيعني .... |
رد: فوق هام السحب ( الشعر الشعبي) على متن القوافي
تربعي بين الحشى والازارير
وأخذي على ترويقة البال فلّه والا أصبري بطيّر القلب تطيير وانتي تعالي واجلسي في محلّه .... |
رد: فوق هام السحب ( الشعر الشعبي) على متن القوافي
المحبّه أنت وأنت الغير عادي
من عرفتك والمشاعر مستقره يبتسم يومي ويطرب بك فؤادي راحتي برضاك حلّت كل مُره هاك قلب وهاك عين وهاك غادي دلّه لدربك وخذ خيره وشره وش أبي بوجيه خلق الله وأنادي وجهك الله خالقه طيب ومسرّه .... |
رد: فوق هام السحب ( الشعر الشعبي) على متن القوافي
ان بغيت اخلي اعصابي تلين
قمت اطالع وجهك وسماحته وانتي الله يحفظك لاتستحين خلي المشتاق ياخذ راحته .... |
رد: فوق هام السحب ( الشعر الشعبي) على متن القوافي
راعي الهوى كايدٍ رده وتغييره
لوّه بنار الهوى مطروق ومعرقا يصبر على الجفوه ويصبر على الغيره ويمسح جفونه ومحاجره غرقا ومقطعٍ شفته من كثر تفكيره واصابعه بارده واطرافها زرقا تلقاه ما يسطي انه يطلب الخيره من خوف لا تطلع الخيره هي الفرقا .... |
رد: فوق هام السحب ( الشعر الشعبي) على متن القوافي
يا فتاة الصبح سوقي من المشرق صباح
واشرقي صبحٍ تقطّع بطلته الدجا حلقي بي في فضا الطير خفّاق الجناح وابعدي بي عن صدودك وعن قطع الرجا .... |
رد: فوق هام السحب ( الشعر الشعبي) على متن القوافي
يوم اتصلت ولقيت الهاتف مسكر
دريت وشفيك ماتقرا مراسيلي في غيبتك ماشرب الشاهي مع السكر اخاف لا استطعم السكر وتطريلي .... |
رد: فوق هام السحب ( الشعر الشعبي) على متن القوافي
يالله بـ صبح ٍحافـل ٍ بالمسـرّات
تفتح به ابواب السعد والتوافيق يا مالك الدنــيا بديع السماوات احفظنا يا ربي من الهم والضيق بقلمي |
رد: فوق هام السحب ( الشعر الشعبي) على متن القوافي
الخوه الخوه الله يرحم الخوه
ويرحم قبور الرجال اللي تقدرها شيمه و فزعه و خفة نفس و مروه صعبه على الجاهل اللي ما يدبرها الحمدان.... |
رد: فوق هام السحب ( الشعر الشعبي) على متن القوافي
يالادمي دنياك رحله ومشوار
كم واحدً ماحققت له مشاهي لا تامن الايام والوقت دوار ما ينفعك* بالوقت كثر التباهي .... |
رد: فوق هام السحب ( الشعر الشعبي) على متن القوافي
وين ياوي من تركتيه لأشواقه نهيب
عينك النجلاء بلاده و حضنك مسكنه إن تسلى بين الأنسام و الروض الخصيب ما قدر يهرب من الواقع اللي محزنه راهنٍ لرضاك عمره وقلب ٍ مايشيب لو معاه أغلى من العمر والقلب ارهنه لا تقولين إن ظروف الزمن ما تستجيب من يحب يخلي المستحيله ممكنه .... |
رد: فوق هام السحب ( الشعر الشعبي) على متن القوافي
شفت الفجر مع طلعة النور ضاحك
قلت الأكيد إنه لمح بسمتك لمّح مدري صباح الخير وإلا صباحك بالحالتين الخير في وجهك السمح .... |
رد: فوق هام السحب ( الشعر الشعبي) على متن القوافي
غديت اودع المقفي ولا آحب اسمع التبرير
أشوف ان التفاصيل الكثيره ما لها داعي فـ انا يا اللي تظن اني بدونك ما احسن التدبير هجرتك واشتعل نور الحياه و زانت اوضاعي فلا شكراً على وقتك ولا اعذرني على التقصير انا من يوم فارقتك تلاشت معظم اوجاعي .... |
رد: فوق هام السحب ( الشعر الشعبي) على متن القوافي
وإن جات عنِّي مثل ما حضرتك شايف
أطمّن الليل وأنت أول معازيْمَه أطوي المدى عنك وأنا شايف وعايف وجيهٍ أضحت جفاف و وجنتك ديمَّه كيف أتخاذلّ وأنا أدري إن بابك مسايف إن جابني النود ولَّا جات بي غيمه .... |
رد: فوق هام السحب ( الشعر الشعبي) على متن القوافي
من بديت أستصغر شعور العتاب
حبل وصلك ماحرصت أجوّده أذكر إني كنت أخاف من الغياب المخيف إني بديت أتعوده .... |
رد: فوق هام السحب ( الشعر الشعبي) على متن القوافي
في قلبي مْن الحزن واسباب الفراق
نارً تواقد والهبوب تكرّها ياغايبه هجرك ترا مر المذاق ولاهو يسر النفس بس يضرّها استغفر الله عشت عقبك في نفاق اضحك وكبدي تشتوي من حرّها .... |
رد: فوق هام السحب ( الشعر الشعبي) على متن القوافي
حاولت اعديها مع الصدر الوسيع
وارسم على وجه الزعل وجه الرضا لكن بعض الاحيان قلبي ما يطيع بعض الخطا يضيق به وسع الفضا .... |
| الساعة الآن 09:16 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية