رد: اخترنا لكم
 

‏عضت شفايفها وأنا جاني الموت
تغمز بعينٍ وزادت الطين بلّه

كن الثنايا ثلج وتعض في توت
ومن خدها تقطف من الورد سله

ومعلقه في نحرها عقد ياقوت
ومن البياض العقد ضيع محله

عنقا طويلة راعية خصر منحوت
البطن ضامر والفواكة مطله

اذا أقبلت هيبة لها تقطع الصوت
واذا أدبرت من ردفها جاك عله

.....

رد: اخترنا لكم
 

يوم عرّض نابي الردف ضنيته عرج
اثر مشي ام الردايييف يجي فيه عرجه

تستحي عند العرب لابغت ترقا درج
تسحب الخطوة و تاقف على كل درجه

.....

رد: اخترنا لكم
 

ياجعل من ينسى معاريف الاجواد
ينسى الشهاده عند لحضه وفاته

ومن يرخص الوقفات الملح والزاد
يخسى ويخزى من يسوي سواته

.....

رد: اخترنا لكم
 

‏على دروب الامل سقنا خطاوينا
يالله عسى خيرة الأيـام تسعدنا

آمين

رد: اخترنا لكم
 

يخطي واروح التمس له عذر واعذره
من صوبه العين عورا والاذن صقها

جابر النشيرا

رد: اخترنا لكم
 

‏خل الحياة تسوي اللي تسويه
‏دامك على شداد الكرامه متكي
‏
عناد الشيباني

رد: اخترنا لكم
 

‏ليت رمضـــان اللي به العــام ينعاد
نــــاس غلاها وسط قلبي مقـــــره

العـــام معنى ويتحــــــرون الأعياد
وهذي السنه غـــابو عن العين مره

الله كـــــم غــــــالي فقدنــاه ماعاد
يقطعك يــــــادنيـــا ماوراها مسره

فيالله يـــــارب له الخلاق سجــــاد
من راح في الفردوس الأعلى مقره

.....

رد: اخترنا لكم
 

جميله كان للعمر فرصه ما تعاد
الليالي كيف ترحم قلوب الصّابرين

إن نشدك الوقت عني تراني فالمراد
قولي إنه ما تعدا سلّوم الأولين

ما شكى من قل مشرب ولا من قل زاد
إلا من قل المواصل ومن كثر الحنين

.....

رد: اخترنا لكم
 

ياحبيبة عيون الي عيونه فضيحه
تنطق الكلمة الي لا استحى ما نطقها

تستحقين من صافي قراح القريحه
كل ما طالت الليله ونورك فهقها

لكن الشعر لوّثه الضعيف ومديحه
صار ما يجذب اسماعك ولا يسترقها

ودي أتغافلك وأقول أحبك صريحة
حتى لو للجدار آذان آذانيه صقها

خلي الحب يهتك صمتك ويستبيحه
ويتمثنى خلايا عقلك ويخترقها

قولي أنت اللي مجمله حتى مطيحه
وسمٍ يلبس غصون المعاني ورقها

منك بالذات لو إن الشهايد جريحه
كنها البندق الي ما يكذب فشقها

كل من لامني من باب حب النصيحه
الملامه يبللها ويشرب مرقها

بدويٍ ترك صيد المهاه المليحة
وشاف وش هي عليها ملّتك واعتنقها

غلطتي يوم اجاهر فيك غلطه صحيحه
مدري شلون بس الي خلقها فرقها

صار بينه وبين الموج قومه وطيحه
لين ما غاص غبات البحور وغرقها

درةٍ ماهيب للعالم المستريحه
وش توقع شعور السارق الي سرقها

.....

رد: اخترنا لكم
 

القصيد العذب وأكواب المقاهي
والهلا لا رحبت فيني عيونك

والشعور اللي أنا احسه تجاهي
لاضحك سنك معاي وزان لونك

والسكوت اللي معه كان انتباهي
كيف يفتنّي معك حتى سكونك

كيف صار العادي بجنبك يضاهي
كل لحظة مدهشة عدت بدونك

.....

رد: اخترنا لكم
 

‏برّاقة الجيد لك سقت القصايد مهر
‏ما تطلبيني رضاك أنت ِ علي تامرين

‏لك التغلّي ولعيوني عليك السهر
‏ ازعل على كل غالي لو علي تزعلين

‏ما يغري البدر طرف ٍ من سناك انبهر
‏عليك كبدي تسيل مْن الوله والحنين

‏أنت ِ من آل الندى والاّ من آل الزهر
‏ولاّ من الفجر وأنوار السماء تنتمين

.....

رد: اخترنا لكم
 

‏لا طابت نفوسنا من شيء وأقفينا
لا عود اللي خذاه الموت عودنا

.....

رد: اخترنا لكم
 

‏مديت لك عمري على كف يمناك
وغيرك على رجوى هلا مد عمره

نزعت بيبان الثقل غايه ارضاك
وشرعت لك قلبي ويا طول صبره

ميت شعور وفز قلبي لطرياك
واعرف شعوري ما يجي غير مره

.....

رد: اخترنا لكم
 

تعال وتذرّى بين غصن الرجا والياس
تحت جذع صدري لين توقف على حيلك

بعدها تعرف إن الذهب ذاك كان نحاس
ولا فيه أحد كثري من الناس صافيٍ لـك

.....

رد: اخترنا لكم
 

‏ يعيش الغلا باسباب ولا بدون اسباب
‏ لو اقدر اتوب من الغلا ماهو بتايب

‏تقول الحنين اسبابه الفقد والغيّاب
‏انا احن لك موجود واحن لك غايب

.....

رد: اخترنا لكم
 

ماقلْ ودلْ وزبدة الهرج نيشان
‏والهرج يكفي صامله عن كثيرة
‏
‏الذم مايهفي للأجواد ميزان
‏والمدح ماطول يدينٍ قصيرة

راكان بن حثلين

رد: اخترنا لكم
 

‏بنت قلبي وام روحي واخت عيني
‏سيدة كل العلاقات الحميمه

سعد علوش

رد: اخترنا لكم
 

‏مامشيت الا وانا عايف وعندي يقين
‏القلوب ان ذاقت الغبن ماهيب لاينه

‏رحت لا مكسور خاطر ولاشكلي حزين
‏وحافظ قلبي من العابثين وصاينه

.....

رد: اخترنا لكم
 

‏مهما يدور الوقت وتدور الليال
‏لك صاحبً رغم القطاعه ناطرك

‏أن ضاقت الدنيا أنا حزامك تعال
‏والله لضيق من يضيق خاطرك

.....

رد: اخترنا لكم
 

لا ضاق صدري قلت يارب رحماك
ياللي بذكرك ينجلي ضيق صدري

استغفرك وأتوب إليك واطلب رضاك
ماغيرك احدٍ عن خفا النفس يدري

آمين

رد: اخترنا لكم
 

ارقى سنود ولايجي خاطرك شين
في ذمتي من عاق دربك نعيقه

وان عاندك مجنون حنّا مجانين
ومن لايهابك يبشر بنشف ريقه

.....

رد: اخترنا لكم
 

‏ما كل ما تلقاه عينك تمناه
بعض الاماني تنصدم بالحقايق

ولا كل شيٍ في الحياه انتحداه
الاقدار تحكمنا بحكم الوثايق

ولو كان كل اللي بغيناه نلقاه
ما شفت فالدنيا حزينٍ وضايق

.....

رد: اخترنا لكم
 

عوايد الدنيا وتصاريف الاقدار
إن مارضيت اليوم يرضيك بكره

.....

رد: اخترنا لكم
 

الا يا عين العديم الاشقر الجارح
هو اشقرن عاتقه وانتي بعد شقرا

طرحتك عيّت لا تستر رمشك الطارح
وش عاد في وجنتك وشفاهك الحمرا

نحرك شمسٍ عليها يسرح السارح
والخد يفضح ظلام الليله الغدرا

ما كنك الا السحاب اللي من البارح
يصبح على ساجر ويمسي على شقرا

.....

رد: اخترنا لكم
 

المعاريف نحفظها مثل حفظ الوجيه
والجميل اليا فعلناه ما ننشد عنه

وواحدٍ ينسى معاريف خلق الله عليه
ياعسى ماهو بمنّا ولا حنا منه

.....

رد: اخترنا لكم
 

‏وشلون ماغيّرت وجهك ظروف الزمان
‏كبرتي وعاد ذيك الساهيه ساهيه

‏لا زال وجهك على حطّة يدي من زمان
‏نيّر وثغرة بشوش وطلّته باهيه

.....

رد: اخترنا لكم
 

بداية نهايه مرحبا في امان الله
‏محبة وفاء وختامها مسك يالغالي

‏انا لا سمحت اقفيت واللي وراي اجفاه
‏اخليه في فاله وانا اروح في فالي

‏ما كني عرفت اسمه ولا عشت انا وياه
‏هذا طبعي الاول وذا طبعي التالي

عبدالله بن شايق رحمه الله

رد: اخترنا لكم
 

‏ليلة البرد مليانه مْن الذكريات
‏كل ذكرى جميله هبّ نسناسها

‏جعل من يحيي الاجساد عقب الممات
‏ميتيين المشاعر يحّيي احساسها

.....

رد: اخترنا لكم
 

شجاعٍ حذف لك بندقه والرصاص يثور
‏ ولا تذبحينه عقب ما سلّم سلاحه
‏
صالح النشيرا

رد: اخترنا لكم
 

أنهزمت من الفراق وحزن قلبي راقي
‏والشجاع ان حب توخذ بندقه من كفه

‏ناصر الحمادين

رد: اخترنا لكم
 

‏ياصاحب الابداع والطرق الحزين
‏حبي يمر البال والا مايمر

‏البعد مهما طال تاليه الحنين
‏والشوق لامن فاض تالي ينهمر

‏لو شح بك وقتك وبيحك الكنين
‏ارجع وتلقاني بدل عمرك عمر

‏هذا الهوى مايجرح الا الطيبين
‏اللي مشاعرهم على صالي الجمر

.....

رد: اخترنا لكم
 

‏مشاعرنا مثل طفلٍ يدرج خطوته ويطيح
‏تعثر والحروف بكل مره تسند ايديها

‏مشاعرنا على كف القدر والشوق والتبريح
‏تكف دموعها لين الجفا سوّد لياليها

‏مابين الشوق واللهفه نثرت احساسي مع الريح
‏ولا عاد بيديني شي مير الله يسويها

.....

رد: اخترنا لكم
 

لا تحسب إن الليالي كل أبوها ربيع
‏لابد تلوفك هبوب القيض وسمومها

.....

رد: اخترنا لكم
 

‏جل شان اللي خضوعي له وذلي وأنكساري
‏كل ما يخضع له المؤمن رفع قدره وشانه

سبحانه

رد: اخترنا لكم
 

‏جَوّد يدينك في يدين اللي تحب
‏من قبل تاتي له يدين وتجوّده

.....

رد: اخترنا لكم
 

أعوذ بالله من يومٍ بلا قهوة
‏اللي بلا ريحها ما ينعدل راسي

حمدان الديحاني

رد: اخترنا لكم
 

يــــاسلام الله على اللي يردون السلام
والـوفـــــا يجزي وفا والتحيه وافـيه

مالقيت ازين من الطيب ومزوح الكلام
والنـوايــا الطيبـــه والصـدور الصـافـيه

.....

رد: اخترنا لكم
 

احسب ايام العمر راحت عليه
‏مادريت ان أجمله في ما تبقى

‏اشكر أيامي على كبر الهديه
‏اثرها لا من بغت تعرف تنقى

.....

رد: اخترنا لكم
 

‏تكاثرت عذرك لين صار الفراق رضاي
‏وأنا انسان ما يكذب لسانه على قلبه

.....

رد: اخترنا لكم
 

لا يقودك سوء ظنك مثل قود الذلول
ما يقاد إلا البهايـــــم وعميان القلوب

من عطاء عقله لغيره مغفل ومهبـول
وظالم ٍ نفسه بفعلـــه وحملها الذنوب

الوضـــوح وكلمة الحق للباب العقول
والجبال الراسيه ما تحركها الهبـــوب

.....