|
رد: فوق هام السحب ( الشعر الشعبي) على متن القوافي
أنا مدمن حركاتك وسربوتك
وقصيدي فيك فلتة عالم الذرّة ترى خلاياي مدمّنةٍ على صوتك كلمني الصبح مرة والمساء مرّة .... |
رد: فوق هام السحب ( الشعر الشعبي) على متن القوافي
تكشفكم الايام يا اهل التلوي
بكره تبين الطيّبه والرديّه يعجبني الواضح لو إنه عدوي واكره صديقي لا تلوّن عليّه .... |
رد: فوق هام السحب ( الشعر الشعبي) على متن القوافي
بين هذاك معطى وذاك مالله عطاه
وبين عيش الكفاف وعيشة ٍ فاخره مكسب ٍمن حصل له راس مال وغناه عافيه بالحياه وعفو بالآخره سِعد من هو رصيده بالحساني ملاه في رصيف النجاه مرَسّي الباخره .... |
رد: فوق هام السحب ( الشعر الشعبي) على متن القوافي
بعض المواقف تثيرالقاف وحروفي
والشعر مبطي رسايل مدحٍ اوذمي وأنا سلامي على اللي لا وعد يوفي وإذا نخيته بضيقٍ ينجلي همي واللي تردى معي في شدة ظروفي ماني بعده لو إنه من بني عمي .... |
رد: فوق هام السحب ( الشعر الشعبي) على متن القوافي
إطلالة الصبح تعطي للنفوس إرتياح
شعور يشَعُر به اللي قام صلىَ الفجر إسأل مجرب تعوّد ماينام الصباح وانظر عصافير تلعب فوق خضر الشجر بقلمي |
رد: فوق هام السحب ( الشعر الشعبي) على متن القوافي
ياسلامي على تطبيق تابـي وتمـارا
محزم اللي تردى صاحبه في لزومه له بوقت اللوازم وقفـةٍ ما تجـارا فزعته للجميع اجناب وابناء عمومـه ومن كسب فزعته لو يختفي ويتوارا غصب عنه يسدد قسطه بنفس يومه .... |
رد: فوق هام السحب ( الشعر الشعبي) على متن القوافي
عسىَ من يمنون الجمايل بهمّ وضيق
وعسىَ مالهم فضلٍ علينا ولامنه يحسبون كسب الطيب بالصوت والتصفيق عساهم فدىَ اللي يبَذِل ويبتغي الجنه .... |
رد: فوق هام السحب ( الشعر الشعبي) على متن القوافي
أسهر وانا في حاجة النوم بالحيل
والفكرصاحي لو تغمّض عيوني اسري مع الأفكار ليلٍ وراء ليل ما صرت اميز واقعي من جنوني دنيا بها شفت العناء والغرابيل دايم تعاندني وتخلف ضنوني كم صدمةٍمرت مثل كبوت الخيل واقول بأمر الله تزين وتهوني .... |
رد: فوق هام السحب ( الشعر الشعبي) على متن القوافي
لو جاك من بعض المهابيل زلات
أرفع مقامك لا تدقق ورآهم وتجاهل الجاهل تعيش بسلامات خذها نصيحه وابتعد عن غثآهم ولا تشغل افكارك تراها سهالات بعض البشر لا تنزل لمستوآهم .... |
رد: فوق هام السحب ( الشعر الشعبي) على متن القوافي
تبي الصحيح أني بلياك مفقود
جسمي هنا والروح عندك وهايب تفداك عين تنظرك وأنت موجود ويفداك قلب يذكرك وأنت غايب .... |
رد: فوق هام السحب ( الشعر الشعبي) على متن القوافي
كتبت ف الشعر مايطرى على بالي
وعزفت اجمل حروفي لك ولمثالك والبوح بوح المشاعر والذهب غالي وانا قصيدي ذهب يابنت يهنالك .... |
رد: فوق هام السحب ( الشعر الشعبي) على متن القوافي
تعال ضم الشوق في قلب ناداك
صبح على قلبٍ تحرّى حضورك ㅤ ㅤ قل له صباح الخير والخير لقياك الصباح ما ينور اذا غاب نورك .... |
رد: فوق هام السحب ( الشعر الشعبي) على متن القوافي
الحب مثل الورد واحساسنا تراب
يسقى من الاشواق قدام عينك الحب روح وقلب وعيون واهداب وشفاه تهمس لك وله واحشينك .... |
رد: فوق هام السحب ( الشعر الشعبي) على متن القوافي
اثر القلوب تذوب من بعد الاحباب
وأثر الغياب غياب وصلك وصوتك وأقسى جروح الوقت صوتك اذا غاب وأعظم عذاب القلب لحظة سكوتك .... |
رد: فوق هام السحب ( الشعر الشعبي) على متن القوافي
من أقوى مراحل قوة الشخصية
تواسي إنسان بنفس الموضوع اللي تعاني منه ما كل ساكت ما على خاطره شيء و لا كل صرخات الحناجر لها صوت بقلمي |
رد: فوق هام السحب ( الشعر الشعبي) على متن القوافي
ابتسم للوقت واضحك للحياه
لا يروح الوقت في هم ونكد عيش يومك واحتسب للي وراه من يعد الوقت يبلش في العدد ذائقة |
رد: فوق هام السحب ( الشعر الشعبي) على متن القوافي
شيمة الانسان ميزان اعتـداله وانحرافه
تنذره لاا شافت الأوضاع ماهي مستتبه إن عجزت إنّك ترد النفس عن شيٍ تعافه ماقدرت تحطّ نفسك فالمكان اللي تحبه .... |
رد: فوق هام السحب ( الشعر الشعبي) على متن القوافي
طيفك مثل طبع الهواء وين ماكان
ألقاه حولي وين ماكنت واكون انت السماء والارض وانواع الالوان وانت القمر والشمس والغيم والكون .... |
رد: فوق هام السحب ( الشعر الشعبي) على متن القوافي
العيش بلوة و امتحان و شـهـادات
والناس في الدنيا تلامـيـذ يـقـرون منا من يـواصـل حـيـاتـه تـفـاهـات ومنا من يطبق على الغـيـر قـانـون أكره من يـحـاول يـدس الـعـبـارات لكن احب اللي لـيـا قـالـو يـسـوون كـل الحكي مـا ينحكي الا لـغـايـات والا ترى مـاكـل مـن قـال مـجـنـون وزين الحكي هومن يزيل المسافات يوصل لقلب انسان ويقول ممـنـون خلك من اول شي شوف النـهـايـات هي من تحددمن معك أومن يخون واستشعر اخطارك قبل رفـع رايـات واعرف عدوك قبل من هـم يـودون للشر كـم نسمع دروس و حـكـايـات والخيرمايسكن سوى صدر مبخون ومبادئ حقوق الـبشـر و الـروايـات صارت مثل نكتة عليها يضـحـكـون والناس ماتت قهر. واحزان وظ±هـات ومن هو يراعي كاتم الهـم مـغـبـون حتى الرفيق اللي ليا قال لـك هـات أن ماعطيته مـاعـفـا عـنـك وتـهـون وإياك من ظلم الـزمن والـمـتـاهـات إن ما حذرت تقابلك غـدر وطـعـون وياصاحبي لا تامن اهل الوشـايـات ترى كثير الشك في حبس مسجون ناس ن تغـطي وجـهـهـا بالعـبـايـات وناس ن ليامـنك تجيهم يـروحـون وحـنا على الدنيا ضيوف ورسالات واحـنا تعودنا على ربـح مـضـمـون .... |
رد: فوق هام السحب ( الشعر الشعبي) على متن القوافي
دايم على الخاطر تجي مثل الأمطار
وانا اعترف أني من الشوق ضامي أنا فرشت القلب لك ورد وازهار وأنت بغلاك أخذت كل إهتمامي .... |
رد: فوق هام السحب ( الشعر الشعبي) على متن القوافي
أفرح ولـو إني مـن الوقت عانيت
أسعى وانا راضـي بـما ينكتب لي لـو إني احيانا أردد شـطر بـــيت وجــه الزمن وش فـيه ما يبتسم لي .... |
رد: فوق هام السحب ( الشعر الشعبي) على متن القوافي
ياجعلني م افقد وجودك وانا حي
وي جعل حبً ساق قلبي يسوقك مابي بعد شوفتك من دنيتي شي لبا هدب عينك ولبا خفوقك .... |
رد: فوق هام السحب ( الشعر الشعبي) على متن القوافي
يا صاحبي وش بك علينا تغيرت
حتى الرسايل من طرفكم قليله ٰ مدري الزمن قساك ولا تكبرت ولا الزمن نساك ذكرى جميله .... |
رد: فوق هام السحب ( الشعر الشعبي) على متن القوافي
بدر عبد المحسن :
أخاف أتعود غيابك وأخاف أرتاح سعد بن جدلان : أخاف من صبرٍ على غير توفيق خالد الفيصل : أخاف يجي يوم وما عاد تلقاني نايف الحزيمي : أخاف من طاري الفرقا و أحب الوصال نايف صقر : أخاف أموت من الضما ما سقاني |
رد: فوق هام السحب ( الشعر الشعبي) على متن القوافي
لاتختبر حبي ولا تبحث اقصاه
اقصاه مثل ادناه وافي وصافي لحظه وناظر بـسمتي و إنَت تقراه وتشوف كل الحب لو كنت غافي .... |
رد: فوق هام السحب ( الشعر الشعبي) على متن القوافي
من غلاتك شفت بالعين الهوايل
واجد الحلويـن لكن فيك ميـزة لاشبيـه ولا مثيل ولا بدايل أنت بين ضلوع من حَبّك ركيـزة .... |
رد: فوق هام السحب ( الشعر الشعبي) على متن القوافي
على النقا نبقى ولو عاقنا عوق
ويبقى الوفـا منّا وفينا و إلينا ووجيهنا بيضه و هاماتنا فـوق وإن ضاقت الدنيا ما ضاقت علينا .... |
رد: فوق هام السحب ( الشعر الشعبي) على متن القوافي
رسالتي لك ....
لماذا يبتليني الله .. لأنه يحبك لكنه عذبني .. بل هذبك لكنني أتألم .. لتؤجر لكنني أحزن .. ستفرج ضاقت .. ستتسع ضعيف أنا .. قوي هو أيحبني .. يحبك أيحبني و يبكيني .. ليطهرك أيحبني و يبتليني .. ليقربك و ماذا في القرب .. نجاة لو ما أحبك .. ما ابتلاك ليقربك |
رد: فوق هام السحب ( الشعر الشعبي) على متن القوافي
يامساء الـود والـورد وشـذاه
للجمـيع بدون ما اسمـي أحـد كل شخصٍ مره الحرف وقراه ياعسى مساه تباشـير وسـعد بقلمي |
رد: فوق هام السحب ( الشعر الشعبي) على متن القوافي
تعكزي بي ترى وضعي على مايرام
حتى ولو شفتي بيمناي غصن شجرة أنا وعدتك قبل خمسة وخمسين عام مايلحقك من غرابيل الزمان اشعره .... |
رد: فوق هام السحب ( الشعر الشعبي) على متن القوافي
لوï»» الدï»»ل وشبة النار و الكيف
والعود اï»»زرق والكرم و الطناخه وكلمة هلا واقلط على العز ياضيف ما كان بيت الطيب يعرف مناخه .... |
رد: فوق هام السحب ( الشعر الشعبي) على متن القوافي
يالله برزقٍ مادرى عنه مغتاب
ولا حال كم دونه خبيث السريره يقضي لوازمنا ويفتح لنا باب على الحياة المزهره والمنيره بقلمي |
رد: فوق هام السحب ( الشعر الشعبي) على متن القوافي
يا قاضي الحب قلبي متهم مظلوم
افتح ملف القضيه واسمع اقوالي واحد ذبحني وجرحي بالحشا مكتوم مجروح والي جرحني للاسف غالي بقلمي |
رد: فوق هام السحب ( الشعر الشعبي) على متن القوافي
ماكلّ غايب عن عيوني فقدته
وماكل شخص القاه يستاهل اغليه من بعد ما قلبي شقيته وعدته ما يسكنه غـير الّذي يعتني فيه بقلمي |
رد: فوق هام السحب ( الشعر الشعبي) على متن القوافي
صار اللي صار وانتهينا على خير
وعيوننا عاشت وشافت ودارت مو كل شي بكيفنا لازم يصير اشياء واجد م نبيها وصارت .... |
رد: فوق هام السحب ( الشعر الشعبي) على متن القوافي
على مفرق بدايات الجروح ودمعة المقهوّر
عرفت ان الزمن لا شان وجهه ماتت امالي اشوف الحزن ما خلا على وجه البسيّطه نور اجر الصوت واغني على جرحي وترحّالي اوسع خاطري وادري تضيق من الهمّوم صدور وعسى الله مايطول ضيقة الخاطر على بالي .... |
رد: فوق هام السحب ( الشعر الشعبي) على متن القوافي
أحدٍ على سر الصداقه يصونك
وأحدٍ على سر الصداقه حكى فيك ربع الرخا لاضقت صعبه يجونك وربع الشدايد واحدٍ بس يكفيك .... |
رد: فوق هام السحب ( الشعر الشعبي) على متن القوافي
الى مرّ بي دربي على بيتهم ونيت
وراعي المودة ما تفيده تناهيته اميّل نظر عيني على البيت لا مريت واعدل عليه مرايتي لا تعديته .... |
رد: فوق هام السحب ( الشعر الشعبي) على متن القوافي
ما أظن فيه ٳنسان خالي من العيب
الكل منّا محتوي طيب وعيوب حنا بشر نخطي وفينا عذاريب والدايم الله ۆكل شمس لھا غروب .... |
رد: فوق هام السحب ( الشعر الشعبي) على متن القوافي
ما كل من يضحك سعيد بدنياه
وما كل من يبكي دموعه حزينه أحدن بكى والكل يدري عن بكاه واحدن مع الضحكه تحس بونينـه .... |
| الساعة الآن 09:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية