رد: فوق هام السحب ( الشعر الشعبي) على متن القوافي
 

لي وليف عشقني صدق وانا عشقته
والمحبه من الله والهوى بالتراضي

ما يهم ان سبقني بالغلا او سبقته
نتفق بالمحبه دون شاهد و قاضي

....

رد: فوق هام السحب ( الشعر الشعبي) على متن القوافي
 

‏يابو عيونٍ وسيعه كنّها عين حور
‏قلبي جهاز انقطع في غيبتك وايره

‏غديت ادور وصالك بين دور ودور
‏كنّي ادور زوايا داخل الدايره

....

رد: فوق هام السحب ( الشعر الشعبي) على متن القوافي
 

‏اما عشقنا عشق مافيه تلفيق
والا هجرنا الحب مذهب ومله

اما غرام يشرح الصدر طاريه
والا عسانا ياعرب ماعشقنا

....

رد: فوق هام السحب ( الشعر الشعبي) على متن القوافي
 

لمحت انا بين المخاليق مخلوق
من زينها بالليل طفيت ضوي

يا زينها تضوي على الخلق ببروق
ورموشها تطلق صواريخ جوي

لولا الحيا من الناس والهرج ما يلوق
سلمت له واللي يريده يسوي

....

رد: فوق هام السحب ( الشعر الشعبي) على متن القوافي
 

‏مآ يذبح الرجل الثقيل السنآفي
‏إلآ الهنوف إللي تعرف الموآجيب

بنت الرجآل إللي بهآ الزين ضآفي
‏إللي تعرف الطيب وتجنّب العيب

....

رد: فوق هام السحب ( الشعر الشعبي) على متن القوافي
 

‏البارحه طاري الهواجيس هدّام
هدّ العيون اللي هجرها منامي

دق الوتد ثم شَيّد بصدري خيام
‏فيني جها من صلف الأيام حامي

‏كنّي بقايا بيت ورڪونه حطامم
‏ماظنتي بَ يفيد جمع الحطامي

....

رد: فوق هام السحب ( الشعر الشعبي) على متن القوافي
 

‏لا تشوف اللي تحب بنظرةٍ مألوفه
‏انت عاشق و النظر جهر الشعور و سرّه
‏ㅤ
‏لا قدرت تشوف وجه اللي تحبه شوفه
‏كنّك اول مرّه تشوفه او آخر مرّه

....

رد: فوق هام السحب ( الشعر الشعبي) على متن القوافي
 

وﺩﻱ ﺃﺟﻴﺒﻚ ﻓﻲ ﺳﻤﺎ ﺍﻟﺤﺐ ﻏﻴﻤﻪ
ﺗﻤﻄﺮ ﺗﻔﺎﺻﻴﻠﻲ ﻭ ﻳﻜﺘﺒﻨﻲ ﺍﻟﺪﻳﻢ

ﻳﻤﻜﻦ ﺗﻨﺴﻴﻨﻲ ﺟﺮﻭﺡٍ ﻗﺪﻳﻤﻪ
ﻭ ﺃﻟﻘﺎﻟﻲ ﻓﻲ ﺻﺪﺭﻙ ﻭﻃﻦ ﻳﺸﺒﻪ ﺍﻟﻐﻴﻢ

....

رد: فوق هام السحب ( الشعر الشعبي) على متن القوافي
 

ناديت بإسمه ورد بشوق ي عيونه
‏ذابت عروقي ودارت دنيتي فيني

فدوه لعينه وعيون اللي يحبونه
‏واحد يساوي بهالدنيا نظرعيني

....

رد: فوق هام السحب ( الشعر الشعبي) على متن القوافي
 

تعبت من الجفا لاني ابيه بخيره و شره
ولكن عزتي ضدي تشوف افعاله بمجهر

رضيت استسلم لعقلي وقلبي مارضخ مره
يقول ان فازت العزه ترى الفرقا بعد تقهر

احس اني من الحيره صغيرٍ ماسكٍ جمره
اباكابر و لكني لقيت ان حرقتي اكبر

....

رد: فوق هام السحب ( الشعر الشعبي) على متن القوافي
 

ليتك تقول بعالي الصوت وشفيك
واقول لك يـ حي زولك فقدتتك

وتحلف بعالي الصوت والله مّ خليك
وانا اقول اني بقلبي حفظتك

....

رد: فوق هام السحب ( الشعر الشعبي) على متن القوافي
 

يلي تغيب وغيبتك توجع الراس
ماشتقت لي وماجيت لحظه فبالك

من غبت كن الكون ماعاد به ناس
عايش على صورتك طيف وخيالك

....

رد: فوق هام السحب ( الشعر الشعبي) على متن القوافي
 

اشتقت لاسلوبك ومنطوق فمك
يا أمل حياتي وين ما اوجه ألقاك

عليك أخاف أكثر من أبوك وامك
والله ما فيه مثل قلبي بغلاك

باقي معي اغلا هديه تهمك
صورتك كاتب فوقها ما اقدر انساك

....

رد: فوق هام السحب ( الشعر الشعبي) على متن القوافي
 

انتظرتك لين ‏حي على الفلاح
‏وقلبك من القسوة ‏ما ظني طهر

‏لا تجيني لا بدت ‏شمس الصبآح
‏إنتظرتك ليل ‏وأعماني السهر

....

رد: فوق هام السحب ( الشعر الشعبي) على متن القوافي
 

لبى القصيد الي تشوفه وتقراه
وش فايدة شعري اذا م اقريته

لولا عيونك يالغلا ما كتبناه
ولولا غلاتك يا غلاتي رميته

....

رد: فوق هام السحب ( الشعر الشعبي) على متن القوافي
 

جبل جبل ماهمني حذف حذاف
ولاضاق من فعل المساكين صدري

قدري مع اهل الطيب والناس الاشراف
ماجيت ادور عند الانذال قدري


مشعل الشعيفاني

رد: فوق هام السحب ( الشعر الشعبي) على متن القوافي
 

من لاملك روس الرياجيل بالطيب
لايحسب انه بالدراهم ملكها

واللي يجنب لانصته المواجيب
يبطي دروب المرجله ماسلكها


مشعل الشعيفاني

رد: فوق هام السحب ( الشعر الشعبي) على متن القوافي
 

لاترخص ولد عمك لو انه جفاك وصد
مصير الضروف تعلمه وش ورى الصده

لاضاقت به الدنيا وضده عدو الجد
اول مايجي في البال فزعة ذخر جده


دوخي بن حريش

رد: فوق هام السحب ( الشعر الشعبي) على متن القوافي
 

اخوك لامن شب نار العداوه
اهم حاجه لا تزود حطبها

النار إذا راقبتها في هداوه
تاكل حطبها ثم يطفي لهبها


عبدالله الطلحي

رد: فوق هام السحب ( الشعر الشعبي) على متن القوافي
 

بين مدّاح البهايم وشحاذ الشيوخ
راحت وجيه الرياجيل مثل ظهورها

الدراهم علموك انها تلبسك جوخ
والكرامه نسيو يعلمونك دورها


سعد المشعبي

رد: فوق هام السحب ( الشعر الشعبي) على متن القوافي
 

طموح الرجال يحطمه قل رآس المآل
اذا قل مال الرجل ضاعت طموحاته

لو الرآس قاسي والعزايم تهد جبال
تحده ظروف الوقت وتضيع هقوآته


م

رد: فوق هام السحب ( الشعر الشعبي) على متن القوافي
 

تدور الدواير بالشدايد على المرتاح
تولاه بقعا عقب ما والف الراحه

لكن السنافي لو عليه السنين شحاح
شباريه تندى والمعاميل فواحه

م

رد: فوق هام السحب ( الشعر الشعبي) على متن القوافي
 

والله إن العقل نعمه والعقول أصنافي
والعرب لا من عرف داها يهون دواها

يالله إني في حجاك وفي ذراك الظافي
من ظلايم عالمٍ ماتنحمد عقباها


ذائقه

رد: فوق هام السحب ( الشعر الشعبي) على متن القوافي
 

الايالله المعبود لطفك وحسن رضاك
يامحيي العظام البايده يوم تبعثها

اناالمذنب اللي لااظلم الليل به ناجاك
من الذنب نفسه ياكريم العطاغثها

م

رد: فوق هام السحب ( الشعر الشعبي) على متن القوافي
 

يالله صبآح العطآ والقرب والطآعه
يآ مآلك الجود يآ معطي بلا منّه

عفوك بعبدً لشوفك كثرت أطمآعه
يبغى يفوز برضآك ويدخل الجنّه

ذائقه

رد: فوق هام السحب ( الشعر الشعبي) على متن القوافي
 

عز الله اني عايف الناس ياسعود
ودي اصد وصدتي خير صده

ما عاد بي شده على كل منقود
ولالي على هرج المخاليق شده

م

رد: فوق هام السحب ( الشعر الشعبي) على متن القوافي
 

اليا اقضبوك الرجال بطيب وإلا معروف
اشقح كبار الهقاوي لا تجي دوونها

واليا نصوك الضيوف انطح عيون الضيوف
ترا عيون الضيوف اوسع من ابطونها


....

رد: فوق هام السحب ( الشعر الشعبي) على متن القوافي
 

عسـىَ من يمنون الجمايـل بهـمّ وضيق
وعسـىَ مالهـم فضلٍ علينا ولامنه

يحسبون كسب الطيب بالصوت والتصفيـق
عساهم فدىَ اللي يبَذِل ويبتغي الجنه


النجم العالي

رد: فوق هام السحب ( الشعر الشعبي) على متن القوافي
 

لاصاروا العقال مثل الجهاهيل
وشلون نلقى بالمجالس عوارف

حتى الذي ماينقص الوزن و الكيل
الي علومه مثل نقد المصارف

قامت علومه تشطح ايسار وتميل
مع مركب الجهال و السيل جارف


حمود البيضاني

رد: فوق هام السحب ( الشعر الشعبي) على متن القوافي
 

يا مالك الملك انا مالي غنى عنّك
ياما رجيتك ومن خيرك كثر خيري

ولا تعجّلت مدّات الفرج منّك
إلا على شان افرّجها على غيري

م

رد: فوق هام السحب ( الشعر الشعبي) على متن القوافي
 

لا يغرك عن صلاة الفجر نوم
ركعتين الفجر خير من الحياة

قوم لايلعب بك الشيطان قوم
لاتقول النوم خير من الصلاة


عبدالله الطلحي

رد: فوق هام السحب ( الشعر الشعبي) على متن القوافي
 

صباح آلأحترآم وخآلص آلود وآلتقدير
لكم كلكم وآللـه على آلخير يجمعنآ

عسى آلله يصحـح غلطة مآلهآ تبرير
وعسـى آلله يعدي كلمة مآلهآ معنآ

م

رد: فوق هام السحب ( الشعر الشعبي) على متن القوافي
 

أغراب والدنيا مثل صالة مطار
والناس فيها قادمة ومغادرة

وأنا مسجل في سجل الانتظار
مدري متى يبدأ صعود الطائرة


عبدالله الطلحي

رد: فوق هام السحب ( الشعر الشعبي) على متن القوافي
 

خلوه سارح مع طواريه وانسوه
يسترجع اللي فات من ذكرياته

يمكن تذكر من تفوه وخلوه
ولا تذكر ضحكة اصغر بناته

ولا يهوجس بأطيب اثنين جابوه
ولا يفكر بعمر مضى من حياته


....

رد: فوق هام السحب ( الشعر الشعبي) على متن القوافي
 

ياصاحبي ترىَ اكثر الناس تخطي
وعن الخطاء مافيه إنسان معصوم

طبع البشر ماهو من اليوم مبطي
وشرواك لو يخطي مقدر ومحشوم

ندمح له الزله وناخذ ونعطي
والا الردي مابي له علوم وسلوم

هذا العلم ويطول عمرك ويبطي
والرزق عند الله مقدر ومقسوم


النجم العالي

رد: فوق هام السحب ( الشعر الشعبي) على متن القوافي
 

عشنا على الدنيا هموم ومسرات
وعرفت من كثرالـمحن والتجارب

اردى صداقه بين كـل الصداقات
صـداقـة اللـي لـه وراها مـأرب

واقـوى خـيانه بين كـل الخيانات
خـيـانـة اللي معك ماكـل وشارب

واقسى عـداوه بين كل العداوات
لاجـا عـدوك واحـد مـن الاقارب


مهنا السعدي

رد: فوق هام السحب ( الشعر الشعبي) على متن القوافي
 

سامحوني والله اني على الرجعه شغوف
ووالله ان الشوق للشعر والساحه دبل

غبت والغيبه ماهي غيبة احساس وحروف
غيبة الي مابقى له من احلامه سبل

لي ثلاث سنين وانا تحت ضغط الظروف
ودي ارجع مثل ماكنت واحسن من قبل


....

رد: فوق هام السحب ( الشعر الشعبي) على متن القوافي
 

من عصر ابو تركي زبون المخاسير
اللي تقدّم بالعزم والاراده

قيدوم جيش روّحن حزة عصير
و خامس ليال العيد حقق عياده

وقامت من المصمك تزف التباشير
ساد اللذي سيّد على كل ساده

عبدالعزيز وحرر الفكر تحرير
وعطى الحقوق وحث على العباده


سعد الجذع

رد: فوق هام السحب ( الشعر الشعبي) على متن القوافي
 

ياالله ياللي فزعتك تكشف الضيق
في بحر عفوك ماتضيق المراسي

انا فوجهك من قـليل التوافـيق
ومـن موقف مايرتفع فـيـه راسي


....

رد: فوق هام السحب ( الشعر الشعبي) على متن القوافي
 

نمشي ولا ندري على وين ماشين
والعمـر لامـن راح محـدن يرده

يالله عفـوك يوم وضع الموازين
ويالله دخيلك مـن عناء كل شده

....