رد: فوق هام السحب ( الشعر الشعبي) على متن القوافي
 

المال يصنع لك مكان ووجاهه
لكن ما يقدر يخليك رجال

....

رد: فوق هام السحب ( الشعر الشعبي) على متن القوافي
 

لا ٺنصدم من صده ‏​‏​‏​‏​‏مالهَا اسباب
بعض البشر ماله مع الناس مبدى

....

رد: فوق هام السحب ( الشعر الشعبي) على متن القوافي
 

حبيبي مرَّني وجهك مثل حقٍ بدون جْدال
‏مثل صمتٍ على تايه مثل تايه يبي له شوَر

....

رد: فوق هام السحب ( الشعر الشعبي) على متن القوافي
 

‏ماحن لفعل الطيب نحتـاج تذكيـر
‏محفــزات الطــيب منا وفينــا

‏عند الخوي ماحن نسوق المعاذير
‏يبشـر بنـا من قبـل يزهـم علينـا

....

رد: فوق هام السحب ( الشعر الشعبي) على متن القوافي
 

تجاهلي لبعض الاوادم من الله
ماهيب شوفة نفس والا كِبر فِيّ

احب انزل كل شخص بمحله
ولا احب اجي لي في محلٍ مهو لي

....

رد: فوق هام السحب ( الشعر الشعبي) على متن القوافي
 

‏أنا على كف الزمن عايش الجو
‏لو الظروف أقسى من اللي تجينا

‏عشت الحياه وقلت ياخاطري سو
‏محد تفضل بالوناسه علينا

.....

رد: فوق هام السحب ( الشعر الشعبي) على متن القوافي
 

‏لا ذعذع الغربي زعلت من الهبوب
‏وضاقت علي من المحبه والوله

‏قلوبنا ماهيب حي الله قلوب
‏إن كان حبت مشكلتها مشكله

.....

رد: فوق هام السحب ( الشعر الشعبي) على متن القوافي
 

‏حنا الوفي من صافي الود نسقيه
‏ومن زادنا بالطيب إحنا نزيده

‏والي طرانا ساعة الضيق نطريه
‏ونكون عونه بالظروف الشديده

‏نغليه والله راعي الجود نغليه
‏ونصون قدره لو دياره بعيده

.....

رد: فوق هام السحب ( الشعر الشعبي) على متن القوافي
 

عشنا حياه الوفاء طيبه وعفويه
من يفهم الجود يفهم طبع الاجواد

.....

رد: فوق هام السحب ( الشعر الشعبي) على متن القوافي
 

ماهي بسيطة عزتي عند ذاتي
وماعدّ نفسي شي دون الكرامه

رح علّـم اللي قلّلوا مـن غلاتي
من باعني برخيص درب السلامه

.....