رد: فوق هام السحب ( الشعر الشعبي) على متن القوافي
 

لا شـفت مرسـالك تـزيـد التراحيـب
وانسى الدوا والقلـب ينسى جراحه

معـك معـك ولـو مـلا راسي الشيب
هـذي الصـراحه لابغـيت الصـراحه

أوعدك ياروحي وانا ما اعلـم الغيب
القلـب بيتــك والعيـون اسـتراحـه

.....

رد: فوق هام السحب ( الشعر الشعبي) على متن القوافي
 

شفت النجوم الي تخاوت مع الليل
اضرب عـددها في عددها وزدها

أحسب خطوط الطول والعرض بالميل
وأجمع شعوب الأرض وأدبل عددها

وأكتب رقم مليار مليار تدبيل
مليار في مليار وضاعف عددها

وأحسب عدد ماسبح العبد بالليل
ومادارت أيام السنه في بددها

شـوف النتيجه كم تطلع بتحليل
ذي قيمتك عندي وهذا عددها

.....

رد: فوق هام السحب ( الشعر الشعبي) على متن القوافي
 

‏نظرة عيونك تعالج كل مجروح
‏ونبرة كلامك كنها عطر فواح

‏ياسارق القلب لا تتركه وتروح
‏قلبي لغيرك من الناس ما باح

.....

رد: فوق هام السحب ( الشعر الشعبي) على متن القوافي
 

لاصار طب البرد ضم الحبايب
الله يعين الي حبيبه مجافيه

واللي حبيبه دوم مبعد وغايب
ما أظن حتا الشمس ممكن تدفيه

.....

رد: فوق هام السحب ( الشعر الشعبي) على متن القوافي
 

من يقول إن الغلا حده حدود
ومن يقول إن الهوى جامل أحد

جيت لك بالوعد با أحلى الوعود
جيت لك بالشوق واللهفه بعد

.....

رد: فوق هام السحب ( الشعر الشعبي) على متن القوافي
 

لعيونكم نرسل مكاتيب وحروف
ياللي ورى الشاشه سلام وتحيه

يازين ياللي حال من دونك الشوف
غلاكم يبقى دامت الروح حيه

بقلمي

رد: فوق هام السحب ( الشعر الشعبي) على متن القوافي
 

زينك مسوي للعذراء مصايب
كم نفس من زينك تزايد قهرها

لا تلومني والحب نعمه وهايب
ولا عاش منهو نعمته ماشكرها

انحمد الله يومك اغلا الحبايب
واغلا هديه جعلني ما اخسرها

.....

رد: فوق هام السحب ( الشعر الشعبي) على متن القوافي
 

من كثر ما طيبه تعلّق بالاذهان
لا شفت لي موقف يشرّف ذكرته

.....

رد: فوق هام السحب ( الشعر الشعبي) على متن القوافي
 

ياوجودي كل ماحال دون الراي راي
والظروف القاسيه ساري مفعولها

كم نويت اقول كلمه تبيّن وش بلاي
وامنعتني شيمتي واستحيت اقولها

خايف ابدي بعض الاسرار وافرّح عداي
عالم يا ليت ربي يرد عقولها

اربع وعشرين ساعه وهي تمشي وراي
كتي آخذ لقمة العيش من محصولها

منصور الحبابي

رد: فوق هام السحب ( الشعر الشعبي) على متن القوافي
 

على الهون يا جرح المفارق وضيق البال
على الهـون ياهمٍ سطابي وقدرته

المستشار تركي الميزاني