رد: اخترنا لكم
 

‏يا كثركم يا جعلكم ما تكثرون
‏ياهل الهروج اللي مامنها فايده

‏وقت العوافي تذبحون وتصلخون
‏ووقت القسى ماتنطحون الكايده

.....

رد: اخترنا لكم
 

‏اذا غبت عنّك ظنّ فـيني بظـن الطيب
‏ما ابيك الرفيق اللي من ظنونه تـحنّه

‏تنقّ الظنون اللي مثل ماتصيب تخيب
‏ترى فيه ناس تميّز الشخص من ظنّه

.....

رد: اخترنا لكم
 

‏الكلمة اللي تضايقنا نعديها
‏وإن جاتنا من سفيه العقل طنشنا

‏مادام نقدر نمشيها نمشيها
‏من خوف نبلش مع الجاهل ويبلشنا

‏لوكل عوجا تجينا نلتفت فيها
‏ماكان نمشي مع العالم ولا عشنا

.....

رد: اخترنا لكم
 

‏والله إن مانِي على كية الحب مغصوب
‏غير ما عينت مثلك على الكون الرحبّ

‏لك كلام أعذب من الماء ولك صوتٍ عذوب
‏يشهد الله كنّه العافيه عقب التعب

‏ولي خفوقٍ عن محبتك عيا لا يتوب
‏جنته وصلك وفرقاك سوء المُنقلب

.....

رد: اخترنا لكم
 

عدّيتك الكلمة اللي تجرح الخاطر
‏وأنتِ لو إنك مكاني كان قلتيها

صالح النشيرا

رد: اخترنا لكم
 

جَوّد يدينك في يدين اللي تحب
‏من قبل تاتي له يدين تجوّده

.....

رد: اخترنا لكم
 

‏أعتبرني في حياتك من الماضي الجميل
‏أن ذكرتة تبتسم وأن بغيته ما رجع

.....

رد: اخترنا لكم
 

‏ما عاد لي خاطر ولا عاد لي نفس
ولا صرت أدوّر وصل من لا يبيني

من قرّب بخطوة أقرب له بخمس
ومن هو تغيّر عمد لا يحتريني

.....

رد: اخترنا لكم
 

تواضع تغافل لاتدقق وخلك سمح
جمال الحياة إنك تساير بساطتها

.....

رد: اخترنا لكم
 

تعدّى الظروف بلين جانب وقوّة باس
وتوكّل على اللي بيده العجز والقدره

من يحطّ قـدره سلعةٍ في يدين الناس
لا يزعل لا حطّوه الاوادم تحت قـدره

.....