رد: اخترنا لكم
 

لا خاب حظك والليالي تحدتك
اصبر عليها زين والصبر لو طال

لا تنحني للوقت وتضيع هيبتك
وتموت فالحسره ولو كنت رجال

وان كان همك فالزمن بس لقمتك
الفول بريالين والخبز بريال

سعد بن جدلان رحمه الله

رد: اخترنا لكم
 

مرّت سنين العمر في لمحة بصر
‏ولا دريت إلين قمت أعدّها

‏مدري كبرت بعمري او عمري قصر
‏أثر الليالي المسرعة من جدّها

.....

رد: اخترنا لكم
 

‏بيمدحون الناس وإلا يسبّون
‏ماغيرك اطلبه الرضا والمعونه

‏أجيهم بوجهٍ مقدّر ومصيون
‏لكنّ أجيك بوجه ما يعرفونه

‏ياليتني لاصغر عطاياك ممنون
‏إنّي على رغم الجهل والرعونه

‏أظهرت منّي للبشر ما يحبّون
‏وسترت عنهم كلّ ما يكرهونه

.....

رد: اخترنا لكم
 

‏من يجي قبره يسلم عليه ازكى السلام
‏جعل قبره روضة في الجنان معلقه

‏علموه ان صرح عزه بلغ حد الغمام
‏وسمعته بين الجدي والنجوم محلقه

‏وعلموه ان البل بخير واهلها تمام
‏كون روح من وجع غيبته متغلقه

رحمه الله

رد: اخترنا لكم
 

يا كثر ما اخطي ليا من ثارت اعصابي
واثر الخطاء والتسرّع ميزة الجاهل

كم واحدٍ خابره من خيرة اصحابي
ضيّقت صدره وهو ماهو بيستاهل

.....

رد: اخترنا لكم
 

اتصنع بالسعاده وقول اني مجار
‏والسعاده في الهوى ماعرفت اذوقها

‏واتحلى بالشجاعه واقول الذل عار
‏واطلب الله بالقطاعة تنوح بروقها

‏احسب اني فزت واقول لنا رديت ثار
‏ماحسبت احساب طعناتها وافتوقها

.....

رد: اخترنا لكم
 

ياربّ خذني من بساط الدالهين الغافلين
وأجعل بنفسي لامشت درب الخطيّه تنفره

وأرزقني القدره على التقوى وبر الوالدين
أبي من الكره أخيره وأبي من الخيّر أوفره

وأجعل كتابي لاخذيته ما أخذ إلا باليمين
مع النفوس الراضيه ومع الوجيه المسفره

آمين

رد: اخترنا لكم
 

أعصابي التالفه صارت محطّة عبور
‏ان مرّها شيء عدّا ما ألتوى كاحله
‏
لفّيت وجهي أدوّر في ظلامي لنُور
‏وفتّحت بيباني اللي من سنَه قافله
‏
مدري تساوت بعيني ولّا قلبي صبور
‏عْيوني لو شافت العثرات متفائله
‏
والذكريات الكثيره من صور او عطور
‏خلّتني ما ألتفت للعالم الراحله

.....

رد: اخترنا لكم
 

هون على نفسك إذا ضقت وتهون
لا تنشغل بالشرح والجرح جرحك
ِ
الي يبي كرهك بيكرهك من دون
واللي يحبك ما هو محتاج شرحك

.....

رد: اخترنا لكم
 

‏انا ماهمني لاصار سيلي عارفٍ مجراه
‏ابفرش ضحكتي بعيون كل الي يمرّوني

.....

رد: اخترنا لكم
 

بيني وبين صويحبي وقّفتْ احوال
‏يامن يدير الصلح بينه وبيني
‏ㅤ
‏واعطيه ماتملك يميني من المال
‏واجعل مقرّه بين جفني وعيني

.....

رد: اخترنا لكم
 

ودع الليل العتيم ولا تمره
وكل ذكرى طالبك حس بوجعها

وإن تلقيت الليالي وشفت جره
صد عنها لا تفكر تتبعها

من عرفتك ماعرفت الا المضره
وقبل اعرفك اعرف الدنيا وسنعها

يا حبيبي لا تضيق ولا اتشره
وانت تدري في غلاتك ما اصطنعها

الحياه إن ضايقتنا مستمره
والحزن مافاد هالناس ونفعها

.....

رد: اخترنا لكم
 

كان الملك فيصل ينصح ابناءه
يقول لا تغضب لا تغضب لا تغضب
واذا غضبت لا ترضى

ويقول مسهوج الدوح :
اليا زعلت انتبه ترضى على ادنى كلام
من يضمن رضاك ما يحسب حساب زعلك

رد: اخترنا لكم
 

تجيبك في ربوع الذاكره يا صفوة الخطّار
‏مقاديرٍ رمت بك في طريقي وانت ما تدري

‏على ربعة خفوقٍ مرحباه يعيدها تكرار
‏لاجيت تقوم من كثر الحفاوه قال لك بدري

.....

رد: اخترنا لكم
 

جيتك مع الدرب البعيد اللي مساراته سراب
‏شرهات قلبي تذكرة و الذكريات الامتعة

‏لا تنهر الحلم الكبير اللي على متن السحاب
‏حديتني على الجفا من ضيق ما هو من سِعة

.....

رد: اخترنا لكم
 

‏ياوجودي ⁦ لا⁩⁦ أقبل⁩⁦ الليل⁩والصدر محشور
‏والبلد غيم سماها وغاب اهلالها

‏ويش اسوي في سؤالٍ على بالي يدور
‏عقدةٍ فالحبل ما حلها حلالها

‏ادري إني لو تعذرت مانيب معذور
‏هقوة الطيب على الناس تفرض حالها

.....

رد: اخترنا لكم
 

أمّا أنا فكأنني في حُبِّها
أسدٌ تُكبّل مِعصميهِ غزالُ

.....

رد: اخترنا لكم
 

الشهد تُعرف جودته من مـذاقـه
والطيب تتميز صنوفه بالاخشام

والجود بـ اصحابه يـحدد نطاقه
ويتضح معنى الحقيقه والاوهام

لا تصحب ألا من يصـون اتفـاقه
وبالمواقف عــاد لــه وجـه يلتام

وإحذر ترافق من يخون الصداقه
ولاتثق في شخص واشي ونمام

.....

رد: اخترنا لكم
 

شعر ليبي...

زمان فيه ماودك ادير حبايب
اللي بالمواجع رادين اسلافي

والدنيا عجيبه كل يوم عجايب
ايخونك الخاين وانت صاين وافي

احمد البهيجي المغربي

رد: اخترنا لكم
 

شعر ليبي...

منحاش للعرب مادرتشى صفايه
لين كل حد تعرف مدى تعبيره

هناك نوع فيهم خامته صدايه
حتى لو جليته تصيرله تغبيره

وان طال مصلحه ماايدير فيك ادمايه
مفطوم عالطمع عايش على تقطيره

وهناك نوع يسموا أجواد سمايا
كيف الذهب لا نقص لا تغييره

إدريس الشيخى

رد: اخترنا لكم
 

حتى سمح الجناب اللي ماهو ببعيد
قام يجهل شعوري ويتجاهلني

كان يحرص على صوتي صباح العيد
وصار حتى رساله ما يراسلني

.....

رد: اخترنا لكم
 

من حلاها ما توصفها الحروف الأبجدية
كيف توصف وردة يبري حالي شذاها

الورود تغار منها مزهرية مزهرية
وان تباهت عذرها معها يحق لها تباها

لا يشابهها شبيه ولا يحاليها حلية
جل ربٍ يوم صورها فرقها عن سواها

.....

رد: اخترنا لكم
 

ارفع مقامك في عيون الرياجيل
‏ووثَق مكانك فوق روس النوايف

.....

رد: اخترنا لكم
 

وإن قفّت الناس عنا ما لحقناها
ما نرخص النفس للي مَا يقدرها

.....

رد: اخترنا لكم
 

العقل والتجربه نعمه وسترة نجاه
‏والقل قل الثقه والضعف ضعف العزوم

‏سلم على اللي مايدرون العرب وش وراه
‏إلا لاجات العلوم اللي عليها العلووم

‏وابعد من اللي يحاول يلفت الانتباه
‏مثل ماتبعد من اللي مايسد اللزوم

.....

رد: اخترنا لكم
 

احبه من اعماقي وخاطري فيه
وانا وما تملك يدي فدوة ٍ له

بعيش لآخر يوم في عمري ارجيه
رجوى المريض اللي تحت رحمة الله

.....

رد: اخترنا لكم
 

الندم ماكلني چي ظليت وياك
المفروض من الأول ما أحبك

آنه الما مكرر لبسة مرتين
عجيبة تقبلت مرتين أرد لك

فشلة المثلك يبجيني بالليل
نعمة المثلي كون تبوس چفك

غشيم الخشب من روحه يصنع فاس
هدمت روحي وبنيت أنسان مثلك

شعر عراقي

رد: اخترنا لكم
 

انا باللاوعي من اطيتك الروح
وعقل ما چان عندي وهسة فزيت

ما چذب واگلك باچر انساك
عفتني وذكريات هواية خليت

اذا كل حايط البي اسمك يطيح
على هـالحالة لازم نهدم البيت

إيهاب المالكي.. العراق

رد: اخترنا لكم
 

لَا تَلمِسِ الوَردَ فَالأَشوَاك تَملَؤُه
وَأَرفِق بِكَفِّك إِنَّ الورد مَغرور

لَهُ المَعَاذِير فِي إِدمَاءِ لَامِسِه
وَالوَرد حَتَّى وَإِن أَدمَاك معذور

.....

رد: اخترنا لكم
 

جتني مشاريهك البارح وأنا البارح
أقدر على الرد لكن يومها جتني

حنيتك من الكلام الموجع الجارح
وسكت وأنا ماعاش اللي يسكتني

.....

رد: اخترنا لكم
 

بنيت فيك الهقاوي وأخلفت ظني
يستاهل اللي بنا أحلامه على أخرته

ما كنت متوقع اللي صار لكني
بتحامل المرّ شرهاته وعاقبته

كنت أنت فيني وأشوفك قطعةٍ مني
اللي على الروح والاحلام فضّلته

كنت أستصيغ القصايد فيك وأغني
وعلى عطا الجرح والاجحاف لحنته

ما كنت إنسان عشمّني ووعدني
من بعد ما أسدل جدار الصمت اسئلته

يا سهر الأيام منك ما ضحك سني
على كثر ما تضايق حيل ما أسعدته

رجع عليّ الصدر قلبي واعتبرك اني
وجهٍ ما حبيته بعمري ولا شفته

واذا سألوك البشر عن حبي وعني
قل انك أخطيت في حبي وضيعته

وانا بعد كل هذا بتركك لاني
أفارق الشخص لامني تصاغرته

.....

رد: اخترنا لكم
 

إن ضاقت الأرض كان الحُب ياسعنا
معقولة أيامنا صارت من الماضي

كل ما جلست بمكانٍ كان يجمعنا
يملاني الشوق من كرسيّه الفاضي

.....

رد: اخترنا لكم
 

‏ولا لي بالبشر غاية ولا لي بالثـرى أوتاد
‏خفوقي حر واتبع ما يعز النفس وارضيها

‏تركت أحلام واجد لأنها في ناظري أقیاد
‏وأنا ما ارضى القيود اللي تشل الروح بيديها

.....

رد: اخترنا لكم
 

مادريت أنّ القلوب العاشقه حساسه
‏لين من وثقّ قيادي حطّني في كمّه

‏شالني والحب ذعذع وأحتمى نسناسه
‏والعهد بيني وبينه ما تبور الذمّه

‏واحدٍ طوّع عنادي قبل ألين باسه
‏والجوارح كلّبوها بوصلتها يمّه

‏أتجمد فوق صمته وأحترق بأنفاسه
‏وأتبخر من هيامي وأنثره وألمّه

.....

رد: اخترنا لكم
 

والله إني جريح ووالله إني حزين
وليت حزني طبيعه كان بدلتها

مير حزني من الصده وطول الحنين
وخيبة آمالي اللي فيك أملتها

كان مرخصني الله مايرخص ثمين
كان جافي زعل تراك طولتها

عايدوك المسيحيين والمسلمين
وانا روحي على معايدك علّلتها

ياحسافه على الرفقه وحب السنين
حتى كل عام وانت بخير ماقلتها

.....

رد: اخترنا لكم
 

لوّح لك الماء ياربيع العمر وأغراك اليباس
شاخت غصونك والطيور اللي بصدرك عايفه

إنسان عالق في إطار إنسان ميّت فالأساس
لولا وجودك سولف التاريخ عنّك سالفه

هذا الكلام اللي تسمونه وأنا أسميه ياس
لو ماهو أكبر من كذا مامات وأنا خايفه

أنسى الهزيمه والهزيمه أذكر أني كنت حاس
يوم أقبل الواقع يشيل أحلام عمري تالفه!

على قياس أن التعب بصدورنا ماله قياس
شفني تعدتني سنيني كنها مو شايفه

.....

رد: اخترنا لكم
 

‏بين الغلا وعتاب قلبي وشوقه
‏احترت في دنيا جفت بين الاحباب

‏الي مثل شمس الضحى في شروقه
‏غيب علينا مثل ما النور قد غاب

‏ليه الجفاء للي الغلا في عروقه
‏وشلون ترضى بوجهنا صكت الباب

‏الصد جرحٍ ماتبين فتوقه
‏بين الضلوع يشب بالصدر شباب

‏لولاك غالي ماحسبنا حروقه
‏ولاشكينا البعد يالب الالباب

‏توقف دموعي بين جفني وموقه
‏يوم الغلا قفى بلا ذنب وأسباب

.....

رد: اخترنا لكم
 

لو تعتذر ودموع عينك من محاجرها تسيل
بستان حبَّك يا قديمي صارت ورودة سُمر

وشلون تبكي فوق نعشي وأنت مرديني قتيل
وتقرا علي سبع المثاني وأنت دامرني دمر

والله لو أبدع لك من أشعار الغزل شعرٍ جزيل
وأقطف لك النجمة وأغلف من كواكبها قمر

مانيب مستغرب لو إنك رحت ما أوفيت الجميل
من يزرع الصبار غير الشوك ما يجني ثمر

هذا أنت ما والله تغيّر تحسب الواجد قليل
قنوع إلا في عطى كفوفي لو أعطيك العمر

عاهدتني في حب غيري ما تحيد ولا تميل
وأثرك مخاشر قلبي وقلبه لياليك الحمر

أخذ أسفك ماعاد لي بال على كذبك طويل
إن كان بعدك مر قربك ياشقى قلبي أمرّ

والله لو من فوق عنقي تشهر السيف الصقيل
إن رجعتك تحرَّم عليّه مثل تحريم الخمر

.....

رد: اخترنا لكم
 

الأيام ظلما والليالي عديمة راي
مشاويرها حرمان ودروبها حره

خذت مني أغلى ماتمنيت في دنياي
وخلت لي اللي ماتعوذّت من شره

أنا بخير والله لو معي ذاكرة نسّاي
ماهي بالحنين ولوعة الوجد مضطره

تفاصيل ماترحم وقوفي ولا ممشاي
وجعها يجي ويروح ويعاود الكره

سلامي على المتحكمه بزعلْي ورضاي
وعلى الغره اللي طوقّتني على غره

ولا هان عُودٍ شوفته تطلق محيّاي
نسيم الهبوب يداعبه كل مامرّه

هذي جرته في مرتع الصدر رايح جاي
من أبسط حقوق الحر خطواته الحره

يامحبوبتي لا زال كوعي على مركاي
تحلويت صكّات الليالي وهْي مره

أنا أجر قلبي مع طريقي وأجر خطاي
وأخاف أجرحه ويسيل دمي على الجره

تغربّت حتى عن ربوعي وعن مرباي
أحس الوطن مافيه عارض ولا حره

بعدك الليالي صوتها صوت عازف ناي
يهيّض جروح القلب ويقلّب صورّه

إذا مابقى حنيةٍ تستعيد قواي
حنانيك باللي يقطع الشوق بالمره

وقوف الحياد أستنقصه من سنين صباي
أشوف أهله فالغالب أصغر من الذره

لا شان الزمان يضرني واحد من عداي
ولا غالي لا سرّ وضعي ولا ضرّه

لو الموت مرّه ماتعنيت في دنياي
أنا أشوف لي حييّن ماتوا مية مرّه

.....

رد: اخترنا لكم
 

‏ياهلي ياليتني دالهٍ سالي
‏ليت قلبي ماتولع بمضنونه

‏لا ولد عمي ولا هو ولد خالي
‏ويش اسوي يوم ربي بلاني به

.....