رد: فوق هام السحب ( الشعر الشعبي) على متن القوافي
 

‏جوارحي للغياب المر مضطره
‏والوصل مانيب فيه اليوم متجود

‏ان كانك تروح مره وتحضر مره
‏انا اقدر اروح لكن ماقدر اعود

.....

رد: فوق هام السحب ( الشعر الشعبي) على متن القوافي
 

‏اليوم يشرح خاطرك شوفة الجو
‏جوٍ اليا قالو خيالي خيالي

‏الشمس حاجب نورها زحمة النو
‏وريح المطر جت به هبوب الشمالي

بقلمي

رد: فوق هام السحب ( الشعر الشعبي) على متن القوافي
 

من عطاه الله محبة فالقلوب
أشهد أن الله معطيه الكثير

جعلني لاجيت للناس محبوب
وجعلني لاغبت مذكورٍ بخير

.....

رد: فوق هام السحب ( الشعر الشعبي) على متن القوافي
 

‏مايرد الروح وسط العروق الباليه
غير ودّان المطر والمواصل من قطوع

.....

رد: فوق هام السحب ( الشعر الشعبي) على متن القوافي
 

الخاطر اللي يلحقه في تالي الأيام جور
يحتاج له عزله عن العالم وصبرٍ يسعفه

.....

رد: فوق هام السحب ( الشعر الشعبي) على متن القوافي
 

من يحبّ المطر يشتاق شوف السحاب
وانت وصلك سحاب وشوف وجهَك مطر

.....

رد: فوق هام السحب ( الشعر الشعبي) على متن القوافي
 

‏ياللي شريت البعد ماغاب طاريك
حتى لو أن البعـد سوى سواته

ماهو بمحزني على حاجةٍ فيك
الا أن قلبي شايـفٍ بك غناته

كن الطيوف تقول وشحال مغليك
واقـول راح مابقى إلا غـلاته

وأن بغيـت ترد قلبي ما أوصيك
أحسن عزاه اللي دريت بوفاته

.....

رد: فوق هام السحب ( الشعر الشعبي) على متن القوافي
 

أدك الأرض لا منك زعلتي بالخطاوي دك
‏أسابق بالرضا دمعك قبل لا يجرح أهدابك

.....

رد: فوق هام السحب ( الشعر الشعبي) على متن القوافي
 

‏البشر فيهم هوامش ومن سقط المتاع
‏مالهم تأثير واضح على مستقبلي

....

رد: فوق هام السحب ( الشعر الشعبي) على متن القوافي
 

‏بلّغ معاذير الكلام السلامه
‏ما عاد لصدور المشاريه قاضي

.....