رد: فوق هام السحب ( الشعر الشعبي) على متن القوافي
 

جاك عقلي وفكري والنظر والفؤاد
وجاك قلبي وروحي سقتها في يديك

كل شيً أخذته صرت مثل الجماد
ما بقى الا عروقي ما تبيني تبيك

.....

رد: فوق هام السحب ( الشعر الشعبي) على متن القوافي
 

‏لا تحسف وأبذل الطيب في كل أتجاه
‏من قضى للناس حاجه قضى الله حاجته

.....

رد: فوق هام السحب ( الشعر الشعبي) على متن القوافي
 

‏اما صباح يجيب طلتك ويروح
وتبقى صباحي لين تفنى حياتي

ولا فلا لي فيك يالصبح مصلوح
خلك على صبحك وانا في مباتي

.....

رد: فوق هام السحب ( الشعر الشعبي) على متن القوافي
 

يا وليف الروح ياحلو الوصايف
‏يا بعد من شافت عيوني عيونه

‏احبك حب غير عن كل الولايف
‏حب صعب على الأوادم يفهمونه

.....

رد: فوق هام السحب ( الشعر الشعبي) على متن القوافي
 

‏من غيابه صرت كنّي شخص ثاني
‏وكن في وسط الحشا نيران حيّه

‏والله إن صدري من الضيقه يعاني
‏كثر ما عانت فلسطين الأبيّه

.....

رد: فوق هام السحب ( الشعر الشعبي) على متن القوافي
 

من عطاني قدري أعطيه احترامي
‏ومن تجاهلني تجاهلته وطفته

‏ومن يدوّر قربي أعطيه اهتمامي
‏ومن يقفي عني أهملته وعفته

‏والمكان اللي ينزّل من مقامي
‏تنكسر رجلي ليا جيته وحفته

.....

رد: فوق هام السحب ( الشعر الشعبي) على متن القوافي
 

‏الفقد مسراي وأحلامي بعيدة منال
‏كم واحدٍ أشعر بفقده من قبل لا أفقده

‏ذابت بقايا فؤادي فوق جمرة تعال
‏ماتدري إن الحنين يفتت الأفئدة

‏ما عاد لي خاطر يداري غياب ووصال
‏إن جيت يامرحبا و إن رحت فالمزهده

.....

رد: فوق هام السحب ( الشعر الشعبي) على متن القوافي
 

أكبر فخر للناس أنك من الناس
وأكبر فخر للارض ممشاك فيها

في من غلاك أحساس مايحده قياس
أغلى من الدنيا ومن هو عليهـا

.....

رد: فوق هام السحب ( الشعر الشعبي) على متن القوافي
 

السعي فالحاجات ومساعد الغير
‏هذا الرصيد الباقي اللي يسرك

‏وان كان مالله قدّرك تفعل الخير
‏على الاقل امنع عن الناس شرك

.....

رد: فوق هام السحب ( الشعر الشعبي) على متن القوافي
 

قابلت انا الدكتور ثم قال وشفيك
قلت العفو لجل المرض جيت يمك

قال انصرف واطلب من الله يشافيك
مابه مرض معروف شفته بدمك

ارجع على منهو تحبه يداويك
يبرى المرض اذا على الصدر ضمك

.....