|
رد: فوق هام السحب ( الشعر الشعبي) على متن القوافي
بعض البشر ترتاح له في ثواني
كنك تعرفه صار لك عدة سنين وبعض البشر دمه ثقيل واناني ما ينهضم لو يجلس اسنين وسنين .... |
رد: فوق هام السحب ( الشعر الشعبي) على متن القوافي
لا تكثر اقـوالك اذا مالك أفعـال
المفترض مثلك من القول خاجل سهله عليك تكون عادي ورجال لكـنها صعبه عليك المراجل .... |
رد: فوق هام السحب ( الشعر الشعبي) على متن القوافي
يسبنا جاهل من الناس مــقـرود
وينسى تواريـخ الليالي القديمه حـنـا مـقر الـطيب مـركاز للجود وقت الـمـلاقأ مـانـذب الخـريمه ياصاحبي من راح ماعنه منشود محدن يبي قرب الديار الوخيمه دور وتـلـقـانا ليـا صـرت مضهود ماهو عـلى كبر الصحن والوليمه .... |
رد: فوق هام السحب ( الشعر الشعبي) على متن القوافي
نمشي في الدنياء مع خط مرسوم
نحو الهدف مهما يكلف رسومه نرضى بما جانا مقدر ومقسسوم والراس من دون الكرامه نسومه .... |
رد: فوق هام السحب ( الشعر الشعبي) على متن القوافي
الطيب في روس النشاما علامات
واللي كسب نعمين لله دره احدن يموت وتبكي العين لا مات واحدن يموت ويكفي الناس شره .... |
رد: فوق هام السحب ( الشعر الشعبي) على متن القوافي
يا عزة النفس مــا عد باقي الا انتي
بتحفظي ماء وجهي ساعة الحاجه الله يطول بعمرك كيف ما كنتي والله يديمك ودمتي للوفي تاجه .... |
رد: فوق هام السحب ( الشعر الشعبي) على متن القوافي
من يشتكي همه على ساير الناس
ان كان ما زادوه ما ينفعونه ما يجلي هموم المخاليق والباس غير الله اللي ما تغمض عيونه .... |
رد: فوق هام السحب ( الشعر الشعبي) على متن القوافي
ليالي تكلفنا مواجيبنا كلاف
علاشان لايدفن براهينها السافي وليله علا حمر الوبر نبدي المشراف وليله نوردها علا المنهل الصافي .... |
رد: فوق هام السحب ( الشعر الشعبي) على متن القوافي
لو تجور الليالي ماتلين الجهود
عمر الاجواد ماجور الزمن هدها كل مازاد جور الوقت زدنا صمود خل الايام تمضي كيف ما ودها .... |
رد: فوق هام السحب ( الشعر الشعبي) على متن القوافي
ما عادت الأيام هي نفس الأيام
ولا عادت الناس الحبيبه حبيبه أحتار فكري قبل تحتار الأقدام الدرب موحش و المشاعر غريبة .... |
رد: فوق هام السحب ( الشعر الشعبي) على متن القوافي
خذيت قسمي من غرابيل الايام
وأخذت من بعض المخاليق عبره وعـرفت بـ أنك حلم من ضمن الاحلام تزورني بـ الليل وتغيب بكره .... |
رد: فوق هام السحب ( الشعر الشعبي) على متن القوافي
بندقي يحسب لثورتها حساب
في خباها بندقي ماهي تثور ان بغيت اقطع بها رمش الذباب وان بغيت اصد مقدي ومعذور فالكلام الهزل سجلنى غياب وفي ملاقى الروس سجلنى حضور .... |
رد: فوق هام السحب ( الشعر الشعبي) على متن القوافي
ساعة خلقنا نشقونا ببارود
قدام لانشرب حليب الرضاعه وفي صبانا علومنا علا الجود وبروسنا طيبه وعزز وقناااعه متوارثينه من مطاليق الجدود ورث من الجدان جود وشجاعه .... |
رد: فوق هام السحب ( الشعر الشعبي) على متن القوافي
ماشكينا حالنا ألا على رب العباد
الكريم اللى يعز البشر ويذلها ولاتموت عزومنا دون غايات المراد المحازم راهيه والدروب اندلها .... |
رد: فوق هام السحب ( الشعر الشعبي) على متن القوافي
خلك سما واترك هل القاع للقاع
وارفع عيونك للنجوم المطله وخلك مثل ما قيل للعزم تبّاع مافيه صعب إلا وربك يحله .... |
رد: فوق هام السحب ( الشعر الشعبي) على متن القوافي
اما تسابقنا على العز والطيب
ولا معي ياصاحبي لاتردى فلا تدور من ورانا عذاريب حنا نشوف اهل الردى وانتعدى .... |
رد: فوق هام السحب ( الشعر الشعبي) على متن القوافي
ليت النوايا مالها ستر ولباس
تظهر من صدور المخاليق جردى اللي تظنه غير عن كل هالناس بكره تشوفه مثل هالناس واردى .... |
رد: فوق هام السحب ( الشعر الشعبي) على متن القوافي
لولا ظروف الوقت ماقـيل لابـاس
ولولا الامل مايبتسم فـ الزمن حي الله خلق هـ الناس تحتاج للناس لا تبخل اليا صرت تقدر على شي .... |
رد: فوق هام السحب ( الشعر الشعبي) على متن القوافي
كان تبغي طيبك اللي بذلته مايضيع
احسن النية ترى كل قلب وما نوى من يساوي بين قدر السنافي والوضيع والله ان تعطيه الايام جرح بلا دوى لاتظن ان العداله مساوات الجميع حكمة الله في الأصابع ماخلاها سوى .... |
رد: فوق هام السحب ( الشعر الشعبي) على متن القوافي
ابشرك متعافين ولا علينا خلاف
نرد السلام وننطح الي يناطحنا يوم الضعوف تطيح في ساعه الميقاف لك الحمد ياربي وقفنا ولا طحنا .... |
رد: فوق هام السحب ( الشعر الشعبي) على متن القوافي
إن جيت قلت مرحبا الله يحييك
وإن رحت منتب اعز من راح عنا تغيب ماجبنا مجالك وطاريك وترجع و تلقانا مثل يوم كنا .... |
رد: فوق هام السحب ( الشعر الشعبي) على متن القوافي
ﻻ ﺗﺨﺎﻭﻱ ﻣﻦ ﺗﺮﺩﻯ ﺏ ﺍﻟﻔﻌﺎﻳل
ﺍﻟﺮﺩﻱ ﺍﻟﻠﻲ ﺧﻮيه ﻣﺎ ﻳﺸﻴله ﺃﻛﺴﺐ ﺍﻟﻠﻲ ﻑَ ﺍﻟﺸﺪﺍﻳﺪ ﻣﺎ ﺗﻤﺎﻳل ﻭﻗﻔته ﺗﻜﻔﻴك ﻋﻦ ﻭﻗفه ﻗﺒﻴله .... |
رد: فوق هام السحب ( الشعر الشعبي) على متن القوافي
للطيـــب بـــاب وللردى عشرة ابواب
وكـــلٍ على مــا قــيــل يخــتار بابــه راع الوفا والطيب يحسب له حساب والى الــردي بيمــووت محــدٍ درابــه .... |
رد: فوق هام السحب ( الشعر الشعبي) على متن القوافي
الطيب بين الناس حظ ومكاسيب
وما ينحمد يا كود من يفعلونه الله يبيض وجه من يفعل الطيب والله يسود وجه من يجحدونه .... |
رد: فوق هام السحب ( الشعر الشعبي) على متن القوافي
تجمّل وجامل وكـرم ولاتشاور ضيف
وخلـك على صكات الاقدار متقوي ومن لا يقدر حاجتك والزمان مريف اجل لونصيته في الدهر ويش بيسوي .... |
رد: فوق هام السحب ( الشعر الشعبي) على متن القوافي
قبل اسافر وقبل ارتب اغراضي
فيه ذكرى عجز قلبي يخليها اذكر اللي بنى نفسه على انقاضي وشب له نار شوق وذبني فيها السفر زين لكنه على الفاضي ما يزيد الجروح ولا يداويها ودي اسافر لديسمبر الماضي مدري شلون جعل الله يسويها .... |
رد: فوق هام السحب ( الشعر الشعبي) على متن القوافي
يا فريد الغيد يالقلب العنيد
كيف قلبك صار يهواه الصدود فالمحبه كيف قفلت الرصيد وانت كلك ذوق واحساسك يزود كان تبغا الراي والعلم الاكيد انت غير وغيركم ماله وجود .... |
رد: فوق هام السحب ( الشعر الشعبي) على متن القوافي
قبل كـم سنه نشعا الليالي بدون عنان
من الطيش ماندري وش وجيهنا صوبه نحسب السنيــن المقبله مالهـــا ديان واثر كل لحظات الفرح معك محسوبه علئ مزمــلك يا غايبي شــابت القيفان معك جف منكـوس المفوه ومسحوبه بيــــوت الحـــزن معاد غنو بها الركبان هل الركب ملوا شاعــر الحزن واسلوبه .... |
رد: فوق هام السحب ( الشعر الشعبي) على متن القوافي
لا تظـآهر بالـسعـآدة وتلفـت الانتبـآه
والله ان قلبك من البعد فيه مية سهم مـآ حـدٍ منـآ بسـآلي وهـو وجـهه وراه راحت العـشرة مشـآريه ومبـآدل تُـهم كل غـآلي يـشـــفع لـزلّته مـآضي غـلاه ويش عذر الغـآلي العآقل اللي مـآ فهم .... |
رد: فوق هام السحب ( الشعر الشعبي) على متن القوافي
تثّر قرارات العواطف في قرارات العقول
ما كل شاعر يطرق أفكار العرب يحتلها احدٍعطاه الله شعر واحدٍعطاه الله قبول واحد جمعها كلها وواحد خسرها كلها |
رد: فوق هام السحب ( الشعر الشعبي) على متن القوافي
الناس ما عـــادت لنا ربع وأخوان
والحب تـــالي الوقت قلت بركته المـــوت ماهو يوم يتركني انسان انـــا ملكـــت امحبته مـــا ملكته الموت لا من قلت من كثر الاحزان ياليتنـــي من قــبل يرحـــل تركته .... |
رد: فوق هام السحب ( الشعر الشعبي) على متن القوافي
اغرد لحالي و أنا داخل السرب
و اعاف سهل القاع وأحب رجمه أنا البسيط الواضح الصادق الذرب اللي كثير تْمنوا يغيب نجمه ما أشبه الا الواحد فـ جدول الضرب كل شخص اناظر له على قد حجمه .... |
رد: فوق هام السحب ( الشعر الشعبي) على متن القوافي
والله انك عزيز وغالي ومحشوم
وان قطعت الوصل ولا قطعت السلام لو يموت التواصل بين ليله ويوم ماتموت الضماير في صدور الكرام .... |
رد: فوق هام السحب ( الشعر الشعبي) على متن القوافي
ياربعنا ياللي تعدون الصحيح
ان كان قصرنا فـ ماجوب ازعلو مديِّح واحب اتجمّل فـ المديِّح مثل ماحب اشاهد الوجه الحلو رجال من جيز الرجال آقف واطيح فعلت وزحول الرياجيل افعلو ترى الغلو في مجمل انواعه قبيح ومن تالي الشرهات جا فيها غلو .... |
رد: فوق هام السحب ( الشعر الشعبي) على متن القوافي
نبع الغـلا عنـدك وعنـدي مصبّـه
ومن الولا في خافقي لك ولايات وطيفك حطب عيني وعيني مشبّـه والشوق برد ما انقطع لو للحظـات ومكانك الصدر ولـك القلـب شبّـه بين الضلوع اللـي فردهـا التنهـات ولـك بيـرق فالقلـب حبـك يهبّـه شامخ ولا هزه مـن العـذل غـارات .... |
رد: فوق هام السحب ( الشعر الشعبي) على متن القوافي
ما نملك قلـوب المخاليق في صك
واللـي ذكـرك بخير بالخيـر أذكـره اللي بقلبــه شـك مـا يـتـرك الشـك يموت بعض الأحيان من كثر شكه .... |
رد: فوق هام السحب ( الشعر الشعبي) على متن القوافي
منـي نصيـحه يا رفيقـي ودونـك
خذها وأنا اللي بالموده مصافيك أختر صحيبٍ بـ الخفا مايخونك ماهو من اللي بالخفايا يعاديك .... |
رد: فوق هام السحب ( الشعر الشعبي) على متن القوافي
ما غير اسلي خاطري بـ المشاوير
اروح وارجـع والهواجـس مقيـمه إن كان صدك ماخذك عني الغير روّح ولو إن الخـساير وخيمه فـ ان كانها عني خذتك المقادير فالعفو عند المقدره فيه شيمه يامرحـبا والحـب كله معـاذيـر تشفع لك ايام الغرام القديمه .... |
رد: فوق هام السحب ( الشعر الشعبي) على متن القوافي
لا تخاوي غير شهم فيه ذمه
لجل عينك لابدا اللازم فداوي فيه دم وفيه عزم وفيه همه تقتسم وياه همك بــ التساوي .... |
رد: فوق هام السحب ( الشعر الشعبي) على متن القوافي
تجمّل يامال العافية دام راسك حي
ترى زينة وجيه النشاما فعايلها عرفنا مفاهيم الليالي جميل وسي تموت الآوادم بس تبقى جمايلها .... |
| الساعة الآن 05:05 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية