رد: اخترنا لكم
 

ماينجب عيال الرخوم الا الرخوم
‏ولا ينجب عيال السباع الا السباع

‏ولا يـدقق فـي صغيـرات العلـوم
‏الا اللي راسه ما يعـــرف الأرتفاع

.....

رد: اخترنا لكم
 

‏يا هني اللي ما همه غيــر هم اخرته
‏بايع الدنيا بسجـــدة ليل يبغا الجنة

‏ما يخلي غير ذكـــر الدين في ذاكرته
‏لا انتهى من فرض يومه ردّها فالسنة

.....

رد: اخترنا لكم
 

‏تمعّن الجملـه من القـوس للقوس
‏لاتغــرك الأحــلام واصحــى يا نايم

‏ما تنشرى روس الرياجيل بفلوس
‏تشــري لك الأمــوال روس البهايم

.....

رد: اخترنا لكم
 

‏ياللي مساكم ورد لافاح ريحان
محلا عبير الورد ساعة مساكم

انتم حبايب قلب واصحاب خلان
يامسعد اللحظات ساعة لقاكم

.....

رد: اخترنا لكم
 

‏ياللي عن أنـظـار المضافين خافي
‏مالي على التغريد بـغـيابكم شف

‏والنـاظر المـحـزون للنـوم عــافي
‏لا تطول الغـيـبات في حـالتي رف

.....

رد: اخترنا لكم
 

‏ادري وحـشـتـك لو تـكابـر بصدك
‏وادري خــيالي مـا يـفارق خـيالك

‏وادري حنينك صوب قلبي يحدك
‏حتى في بعادي ما تـركـتك لحالك

.....

رد: اخترنا لكم
 

‏حنا اختلفنا بالمشاعر والكلام
‏الوضع باين والعقول تصوره

‏تجيني تسلم وأرد لك السلام
‏مع كلمتين وضحكتين مزوره

‏مافيه داعي للتشره والملام
‏كلٍ ضميره في الحياة ينوره

‏ان جيت عينت الغلا والإحترام
‏وان رحت قلبي ما قدرت تعوره

‏مانيب من متسولين الاهتمام
‏ان ما حصل ما جيت منك أدوره

.....

رد: اخترنا لكم
 

‏لاجيت اسولف ماجهلت السواليف
‏واسكــت ليا منه دعـاني سكـاتي

‏الصمت احبه في حضور الملاقيف
‏حفظً لماء وجهي وتقدير ذاتي

‏واللي لغلطات النشـاما ملاهيف
‏حطيـتهـم في قائـمـة مهـمـلاتي

.....

رد: اخترنا لكم
 

اكتب على صفحة أمانيك تذكار
‏واخلي اللي ما يهمك يهمك

‏وافرّغ افكارك واغذيك بافكار
‏واخلط مذاق الحب كله بدمك

.....

رد: اخترنا لكم
 

للشوق باب ما لفوه المسايير
وللحزن من بين المعاليق مرسى

يا الخاطر الملتاع مسيت بالخير
بكره مع الايام تكبر وتنسى

.....

رد: اخترنا لكم
 

‏
‏تدري متـى يلعب بك الفــين وسواس
‏و تحس كنك فاهـــم النــاس توك

‏ليا ظلمك انســان كان اقرب الناس
‏وانصفك شخص ٍ تحسب انه عدوك

.....

رد: اخترنا لكم
 

‏الخبل بالمجلس لا تجلس تواليه
‏وســـوالفه بالــذات لا تعتراضها

‏خله بحـــاله قبـــل لا تبتلش فيه
‏وآترك ســـواليفه تســري بعضها

.....

رد: اخترنا لكم
 

‏تعالي الله لا يبيّض وجه دورات السنين
‏مسليات البال من بعدك ما هيب مسلّية

‏ما همّني كثرة تراحيب اللسان ولا اليدين
‏أهم شيء إن العيون مرحّبة ومهلّية

.....

رد: اخترنا لكم
 

‏فقدتك ما دريت إني بصير الفاقد المفقود
‏اشوف اشباهك توّزع في وجهي وين ما افرّه

‏يا ذنبٍ كل ما قلت انتهى بي دربه الممدود
‏لقيت عيوني تراقب حِماه وتكسر الجرّه

.....

رد: اخترنا لكم
 

اي والله انّا نحـب الشـعر ونـغرّد
‏مع راعي الجزل والجزلات نوفيها

‏الحرف جذّاب والمضمون متفرّد
‏معنى على دقّة اِمغنّى قوافيـها

.....

رد: اخترنا لكم
 

يا جاهل الشعر ماهو مسرحية عيال
‏والساحه نصـــون مذهبها وقانونها

‏حتى لو ان مصدر الألهام فيها الخيال
‏الشاعر يشـــوف حاجه ما تشوفونها

.....

رد: اخترنا لكم
 

‏صمتي وتفكيـري وجرحي والايآم
‏تجمعـت ضــدي وأنـا كنـت غافــل

‏حفلة مواجع قسمت صدري اقسـآم
‏منها عرفـت إنــي للاوجــآع كافــل

.....

رد: اخترنا لكم
 

‏من يطلب الراحه على كف الاحلام
‏يجيه كف الواقع اللي يصحيه

‏مع إن دنيانا زخاريف واوهام
‏لكن نسايرها على اللي تجي فيه

‏ونخوضها في قولة العمر قدام
‏كن العمر مضمون في كف راعيه

.....

رد: اخترنا لكم
 

‏قل للمساء اللي على طلتك طل
‏ياخذ من الليل الجميل ابتسامه

‏دامك مساء الشعر والعطر والفل
‏هاك الخفوق اللي مسائك غرامه

.....

رد: اخترنا لكم
 

‏عدّاني العيب والتقصير وشرهات ال أفا واللوم
‏وإذا طيبي غلط عمري ألَا يازين غلطاتي

‏عدّاني الكذب والتسويف وكلمة حقها مهضوم
‏وأنا ماني ضعيفة باس تحكمني قراراتي

‏عزيزة نفس ما أرضى شموخي ينهزم في يوم
‏وسيعة بال وأفعالي تورّدها قناعاتي

.....

رد: اخترنا لكم
 

هني من عـــاش معتمد على حاله
‏ولا يبي من البشـــر شـــكر ولا منه

‏ما دور لـ صحبة التــاجر لجل ماله
‏ما يبغي الا الستـــر والعفو والجنه

‏يـنـام من كـــل هـــم مريـــح باله
‏وصلى فروضه وصلى الوتر والسنه

‏ماهوب يدعى عليه إنسان يدعى له
‏النـــاس حبـــوه والله راضـــي عنه

.....

رد: اخترنا لكم
 

‏يالله برزقٍ حـــلال ويســـتر الحاجه
‏يذهل جميع البنـــوك اللي يمر ابها

‏يعـدل الوضـع مـزريّـــه ومنـعاجه
‏وتضيق منه الوسيــعه في مـــناكبها

‏ويضيق منه العــدو ويعقّد احجاجه
‏ويموت من حر من صدره يشب ابها

.....

رد: اخترنا لكم
 

‏ازعجتنـــا بالمرجـــله والمـــواجيب
‏وراسك على اهل المرجله داخلٍ عرض

‏لا تنقـــد اهل الطيب وانته عن الطيب
‏ابعـــد من المريخ عن كـــوكب الارض

.....

رد: اخترنا لكم
 

أبعد عن اللي مصـادرهم يقولون
‏ويروجـون النـميـمة والإشــاعــة

‏حلـوقهم دايـماً مثـل الـتـلــفون
‏تحت الطلب أربع وعشرين ساعة

.....

رد: اخترنا لكم
 

‏لا ضاق صـــــدري وباغتتني دموعي
‏المصحف المصحف ولا غـيرھ علاج

‏گـــــلام ربي لا دخــل في ضلـــوعي
‏يصبح لظلمة صدري والضيقه سراج

.....

رد: اخترنا لكم
 

‏اللي مـعـك مـاهـوب فــي خط واحد
‏صـداقـته لــو طـوّلــت مـابـهــا خير

‏وش ترتجي من شخص خايب وجاحد
‏عـن صـحـبـتـه يغـنـيك وال المقادير

.....

رد: اخترنا لكم
 

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك للسكوت اللي تكلم عن متاهاتي

.....

رد: اخترنا لكم
 

‏يا ذات القوام الفارع الناحل الميّال
‏أنا أحتاج أشوفك كل ليلة عشان أفرح

‏كتبتك وغنّيت القصيدة على الأطلال
‏قبل لا أكتب أبيات القصيدة على المسرح

‏خذيني من هموم المسافة وضيق البال
‏وعن اللي بصدري لا يهدّي ولا يبرح

‏وتجرّي علي برمشك الجارح القتّال
‏وش اللي يرد رموشك السود لا تجرح

.....

رد: اخترنا لكم
 

‏يا رفيقي واجه الوقت بالرّاي الوجيه
‏المواجه بعض الاحيان نوع من الحلول

‏كل ما حدّك زمانك على اللي ما تبيه
‏الله الله فالمواقف على حسب الاصول

‏لا تسوم الوجه الابيض ولا ترضى عليه
‏ما يقلل قيمته عند ذربين الفعول

‏الحياء لا قل فالارض ولا في الوجيه
‏قل مافيها من الجاذبيه والقبول

.....

رد: اخترنا لكم
 

‏تعوّضك في خساير وقتك ارباحه
‏ياللي تقول الليالي ضيّقت صدري

‏وضع الدهر مثل وضع الشعر فالساحه
‏اللي تجمّع بها الفوقي مع الحدري

‏غامر لو الصبر ضاع وضاع مفتاحه
‏والحق على لذّه الايام من بدري

‏ترا حياة الرغـد والنـوم والراحـه
‏تأخذ من ايام عمرك وانت ما تدري

.....

رد: اخترنا لكم
 

كـل قـلـب مـنـت قـادر تـسـعـده خـلـه وروح
يمكن أنـه في حياة ألـغـيـر يـلـقـى لـه حـيـاه

.....

رد: اخترنا لكم
 

يتوق الخفوق لشاطي ٍخابره ويميل
‏على المنـظر اللي زاهي ٍبالتـلاويني

‏حمار الشفق قبل يتدلّا سواد الليل
‏وزراق البحر حوله خضار البساتيني

.....

رد: اخترنا لكم
 

من قذلتي لو تسجد بكبرك اعذار
‏ما اسامحك لو السما فوقي تْطيح

‏نثرت حبك فوق تعويذة العار
‏وعلقت لك باقي رمادك مع الريح

‏رح للشقى للخوف للموت للنار
‏مع الملامه رافقتك التباريح

‏يا مالك ابن الريب للريب مسمار
‏مضروب في بؤبؤ يقين المجاريح

‏ما كنت اظن ان المحبين زوّار
‏ما ياكلون الا عيون المصابيح

‏طفلة وغررها معك حلم واشعار
‏كانت تشوف ان المشانق مراجيح

.....

رد: اخترنا لكم
 

ان صابت الهقوات فالشك زايل
وان خابت الهقوات مانعلم الغيب

عادي لاشفت من الحياه الهوايل
الناس مختلفين بالذات فالعيب

ترى الردي يطرب لهزل الفعايل
مثل مايطرب راعي الطيب للطيب

.....

رد: اخترنا لكم
 

‌‎ابتسم للضيف واضحك للمسيّر
الكرم يبدا بضحكة وابتسامة

اطلق حجاجك ووجهك لا يتغيّر
الحجاج المنطلق نص الكرامة

والعرب لا شاف فعلك تستبشّر
ترفعك بين القبايل قامه وقامه

الردي لو يعطا كنوزٍ ما يغيّر
والكفو يكفيه طيبٍ في سنامه

.....

رد: اخترنا لكم
 

لا يزعجك كثر حرصي لانك انت الوحيد
اللي المشاعر عليه تبيّن عتابها

اهم حاجه اشوفك طول عمرك سعيد
خل الجروح بخفوقي ينقفل بابها

انا احبك محبه والاكيد الاكيد
النفس مهما حصل ما تكره احبابها

.....

رد: اخترنا لكم
 

لم تكن يوماً بكفي قوتي
قوتي بالله رب العالمين

حيلتي بالصبر والله معي
إن رب الكون لي خير معين

كم رجوت الأمر بالناس سدى
وتهادى القلب مكسوراً حزين

إن لي ربّاً كريماً منعماً
نافعاً حياً وبراً ومتين

.....

رد: اخترنا لكم
 

ضيقتي في غيابك فوق ماني جريح
كــــنها ضيقة اللي فاقد له بلد

وفرحتي في وصالك لابغيت الصحيح
مثل فرحة عقيم بشروه بولد

.....

رد: اخترنا لكم
 

رفيق المصالح مايباء غير راس المال
يدوِّر على مافي مخابيك ويدينك

ولا غلّق اللّي معك معاد عنّك سال
عساء ذلفته خيره ولا تنشده وينك

رفيقك تراه اللّي لياء صك جالٍ جال
على ماتبيه حصان ماتفقده عينك

وسيع البنايد كل ماقلت يارجّال
يقول أبشر وطبعه وسلمه على دينك

.....

رد: اخترنا لكم
 

يا نفحة الورد الذي أهفو له
ياصوت قلبي في السكون و رَدَّهُ

يا نزعة الطيش التي أبكي لها
يا لهف قلبي للغرام و حَدَّهُ

يا كل زاوية أراها في المدى
يا كل شيء في الحياة وضِدَّهُ

.....