|
رد: ديوان قصائد لشعراء المملكة العربية السعودية (متجدد)☘️☘️
قصيدة حنا من المعروف تندا يدينا
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 5,077 مشاهدة إن صار زود المال بيدين الانذال حنّا من المعروف تندا يدينا وان كانهم شرهوا على طيب الافعال حنّا وردنا جمامها وارتوينا وان فكّروا للجود يمشون رحّال حنّا قبل يمشون يّمه خطينا يا ما لبسنا للشرف كل سربال وعلى البسيطة للفضيلة مشينا في دوحة العربا لنا مجد وظلال وحنّا على در المكارم غذينا لو نجمع اللي فات منا من المال إن كان شيدنا القصور وبنينا نعطي ولا نتبع عطانا بالاقوال ونبذل ونسكت كننا ما عطينا وان باعوا الشيمة بدينار وريال حنا دخلنا سوقها واشترينا نطلع لها لو هي على روس الاقذال لو هو عسيرٍ دربها ما انثنينا بافعالنا نرسم دروبٍ للاجيال إلي نساها غيرنا ما نسينا أسود ساداتٍ تسجل للاشبال فضايلٍ شمنا لها واهتدينا بيضٍ نسجلهن جديدات وسمال حفايظٍ لاحفادنا اللاحقينا نصبر على الشّدات لو شيلنا مال لو سال دم دفوفنا ما شكينا نخاف يلقى سدنا كل ختّال . ويبني هزيلات المعاني علينا الليل يا خالد على والدك طال وهنّيت ناسٍ بالكرا نايمينا يا عز راسي شفت ما خبث البال شيٍ يهوّل شيّب الجاهلينا شيٍ من اسبابه يشيب بالاطفال فطّر خشوم مهجرعات الحنينا أدير قالاتٍ عريضات وطوال قالات خلنّ المخفىّ يبينا منهن رزين العقل بالوقت يهتال بوقتٍ عبوسٍ فطّن الغافلينا وقتٍ من اسبابه شكى كل ريبال نصبر ونسكت كننا غايبينا الناس بالأيام راحل ونّزال وتفجعهم الدنيا وهم دالهينا وحيات ربٍ نزل آيات الانفال عالم خفايا نية الحاقدينا ما اترك طريق العدل في كل الاحوال لو يرحل المريخ للفرقدينا |
رد: ديوان قصائد لشعراء المملكة العربية السعودية (متجدد)☘️☘️
قصيدة الصدر ضاق وحاير الدمع دفاق
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 1 4,030 مشاهدة الصدر ضاق وحاير والدمع دفاق من ناظرٍ من جاير الدمع مرهوق دمعٍ تكبه عين عاشقٍ ومشتاق ارعد سماها بالغضب وأمطر الموق إلى سفحٍ من فوق الوجان وانساق تسيق منه معيله مرتع النوق ماحدٍ رحمني يوم الاقدام غرراق من جور عبراتٍ تكسر بصندوق صدرٍ من الفرقا رمع فيه دقاق واوجس معاليق الحشا يشعلن فوق إلى بغيت ادله تذكرت لفراق طفلٍ على شل المعاليق مطفوق طفلٍ نفل بالزين شخصات الاعناق عز الله أنه طالني منه ملحوق فيما مضى دنياي جتلي بالأوفاق ردت عدٍ قبل ماهو مطروق جيت الحبيب داله بالكرى راق ومجوهرات مبيسمه ذقتهن ذوق يوم أنتبه لي صاحبي عقب مافق دلى يعاتبني على الغدر والبوق يقول مامثلك للأ جواد سراق ولا انتب على هذا من الناس مسبوق قلت اعذرو من زاركم ما له ارفاق وروس الافاعي بالقدم حطهن سوق ماله صديقٍ وبه يضيعن الافاق وليا جفيته مايبي كل مخلوق واسفر حجاجه وابدل الوجه باشراق وافتر عن بيض تكاشف بها بروق منهن سقاني كأس خمرٍ بترياق زود على مافات بالغدر مسروق احباب الاحباب تعاطوا بالارياق وارواح تحيا بين عاشق ومعشوق هو حط ذرعانه لي فراش وارواق وأنا لويت العضد لمعنقه طوق عليه من شقر العكاريش دلاق تزها لجسم فارع الطول ممشوق ثوبه نظيفٍ ولا وطا فيه عشاق وثوب الخنا يجوزبه كل منطوق |
رد: ديوان قصائد لشعراء المملكة العربية السعودية (متجدد)☘️☘️
قصيدة ياليت ربي ماخلق حب وفراق
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 3,872 مشاهدة يامعدي المرقاب خله لمشتاق حول وخل معذب القلب يرقا ياليت ربي ماخلق حب وفراق ولا خلق حب على غير فرقا |
رد: ديوان قصائد لشعراء المملكة العربية السعودية (متجدد)☘️☘️
قصيدة ياغزال الريم ياظبي الفلا
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 3,604 مشاهدة ياغزال الريم ياظبي الفلا ارحم اللي منك عينه ماتنام ياهلا في شوف زولك ياهلا يالطيف الروح خذ مني سلام ارحم اللي في هواكم مبتلا من ودادك نايح نوح الحمام المحبه والملاحه والهوى زاهيات فيك يابدر التمام باح صبري منك والقلب امتلا والله اني في غرامك مستهام والله اني ماهويت من الملا من جميع الناس من حام وسام كود زولك عنه قلبي ماسلا لك فوادي دش في بحر الغرام ليت من هو ثمانك ينهلا حبتك ياصاحبي برد وسلام مابتليت بحب غيرك لاولا زارني طيف سوى طيفك حرام مبسمك فيه الدوا لوذبلا ان ضحكت بليل ينجال الظلام حبتك تغني عن الما والكلا من رحبق شفاك جرعتني مدام صابغ حبك بقلبي مانجلا ياحبيبي مثل دقات الوشام امتلا قلبي بحبك والغلا من عذلني عنك ماسمع له كلام |
رد: ديوان قصائد لشعراء المملكة العربية السعودية (متجدد)☘️☘️
قصيدة الملحمة الزايدية
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 3,215 مشاهدة عفا الله عن قلب يزيد عناه وداعي غرامه للغرام دعاه ماطاع عذالٍ يعذله من الملا وان سمع عذاله يزيد عناه إلى توسع خاطره ربع ساعه على الضيق داكوك الهموم نحاه قلب براه مجادل الضيم والعنا الضيم من بين الضلوع براه دع القلب ياعذال خله بغايته هواك مايتبع طريق هواه دع القلب ياعاذل عذلك يضره يزيد ياعاذل عليه شقاه كونه الايام لين أوجعنه وعزى لمن حر الزمان كواه يكويه من هجر النيا حامي الطنا يضيق به مما دهاه حشاه يحن حنات الخلوج لجنينها والخلج مفهوم تحن ظناه ماحزنها حزنه ولاربع مابه وحياة من نشا السحاب بماه على جادلٍ ما شافت العين مثلها احيا بذكري من هويت لقاه عشيري شرابي من مناظيم مبسمه يجلا عن القلب الدريك ظماه اداريه عن شىء يحسه ويغضبه وإلى زعل يصعب على أرضاه ان دك بي من حامى البين هاجس وجرعت من حر الغرام طناه تذكرت من طلابة الجود نادر رفيع الذرا عسر الدروب مشاه مشى بدرب المجد والنفس تدفعه الى شامخ عسر الدروب سناه خالد سنام الطيلات بن فيصل حجا من لجابه والزمان وطاه ابشكي على فرز الوغى جاير الهوى شطون الشفاوي والشفاوي تاه قد تاه ببحور الغرام المظلمه دليل الخطا عن من يريد نحاه نحاه عن حي يوده من الملا وما فات من يومٍ يزيد غلاه غلاه في قلبي تجدد علايمه وتكتب على القلب الدريك اسماه اسماه وأن عرضت مع الناس صفقت محاني فوادى والحبيب رماه رماه بسهوم المحاجر وجندله قليل الفزع ظلم الحبيب دهاه دهاه بالفرقا وقلبي له انتما يتله ومن بين الظلوع لواه لواه يوم انه على الحب يلتوي ومن دينه دين الجميل اوفاه اوفيه بالروح العزيزه ولو غلت روح تبي روح تحب جزاه اجزاه لو انه رماني وجادني يمحا خطا الغالي عظيم إرضاه إرضاه يبهج خاطري عقب ضيقته ويرتاح قلب بالفؤاد فراه فراه في وسط المحاني وعذبه وان عذبه سهل عليه أدواه دواه عنده سبايب مصايبه واشفاه من كوثر نظيم شفاه ارجيه لو دونه من الناس حاسد رجاي بالله ماقطعت رجاه ارجيه لو دونه جموع تصدني وحبل الرجا يضفي على رشاه وقد قيل للعراف في ماضي مضى هذا لهذا من هذاك رواه يمنى بلا يسرى قليلٍ حصيلها ورجلٍ بلا ربع يخاف اعداه ماهبلك ياباغي من النذل فزعه رجواك من عند الجبان سفاه رفيق الرخا ينسى مودة رفيقه ليا ضاق به شين الزمان نحاه عوين الدهر مايامن الجار جانبه وليا عرض للشامتين شناه على داره السودا تبني خيامها عوين الدهر شين السواد غشاه خذ يالبيب القلب مني وصيه حميدان في ماضي الزمان لقاه إختر من الخلان حي توده تسبق على فعل الجميل يداه دليل على العليا بعيد من الخطا الطيب في دنيا الحياة مناه ماجال في قلبه من الخوف جايل وان كاد مرقا الطيلات رقاه ولا ضعف النفس العزيزه الجارته ولاهروولت للمحصنات إخطاه يفرح به العاني ليا حده القصا وللضيف معسول الكلام نباه وان جاك من يمة معاديك ريبه من قبل ماتاطا عليه وطاه صديقك صديق له وضدك يضده وعلى روس عدوانك تدير رحاه هذاك حطه لك رفيق موالى عونك ليازاد الزمان بلاه مايفصل القالات الا رجالها ولاكل من شيد بناه حماه ولا كل من ركب الجواد عدابها على حامي الهيجا وحر لظاه ولاكل من نوى لدار رحل لها يموت مالحق هواه إمناه ولاكل من رام المراجل ينولها ياعسر مقضبها على يمناه ولاكل من ركب المطايا غزابها ولاكل من رام الغريم قواه ولاكل من يبرم عهود وفابها يطغى على فعل الجميل رداه ولاكل من ودع لسر يصونه وكم واحدٍ سر الصديق أبداه ولاكل من حصل حلالٍ صخابه يبين بالوقت الشديد صخاه ولاكل من جالس هل العلم عالم وكم عالمٍ ضر العباد خطاه ولاكل من ناله جميلٍ يرده ولاكل من شاف الحريب نصاه ولاكل من سل السنان صطابه يموت وسنانه جضيع إخباه ياناشدٍ عني وانا لي قبيله لها المجد زايد بالرفاع بناه وكمل مقام المجد عامر وشيده طريق المعالي للدخيل مشاه كونٍ جرى على واضح النقا الاشراف جضت من عظيم بلاه مزنٍ تزبر فوق سلى صواعقه تشظّف من خشوم الجبال حصاه نشا من ثنايا برك ترعد مخايله من الشرق غيظ بالصدور حداه غيظ مخيف يطحن الغيظ والغضب وماطال من روس الخشوم طماه امطر على الاشراف وانهل وبله عليهم تنثر بالغزير طماه قوز الشريف اكبر علايم دلايله سيله تدفق هد كل انياه سيله عجاج الخيل والبيض والقنا وروس النشاما بالحزوم غثاه تشهد على ماقلته العامريه جضت أسبيع من عويل ابكاه تبكي على فتخان الإيمان غلمه تعشوهم اللي بالحروب اعصاه والضبعة العرجا تعشا بدربهم وكم ضيفوا ذيب يجر إعواه والطير يلقى البر من ضرب شلفهم مضاريبهم يعي الطبيب إدواه وش حل بالاشراف غالب وراجح اقفو كما صيد حدته إضراه اقفو على قب تخافق مع الوطا تنازا بطوعات الرقاب حذاه من ولب عطبين الهوايا آل زايد لهم صانع السيف الصقيل حناه حناه وارهف شذرته يوم كمله وعطاه لمن هم بالحروب عداه حيث أنهم يروون حده من العدا بأيمانهم روس الفهود عشاه إلى عدا فيهم حريب وزارهم يعدلون بحدود السيوف صغاه وجريس ماطاله من الظيم طايل اسود الشرى عمن يبيه حجاه اسود الشرا بالضيق تنجي دخيلهم ويروون من دم الرقاب ظماه فكوه ثم اغنوه يوم انه التجا وجه أبن بدران يزيد ضياه تجمل مع جريس اليماني وعزه الزايدي يوم الدخيل عداه يشهد العامر مامضى من فعايله يوم إن غالب بالجموع نصاه يبي دخيل البيت ماخاف خالقه دخيل عطبين السهوم إرماه واقفا ذليل يتبع السير بالسرا وحرب عناله بالفواد شكاه أقفا مثل ماجا وهو يشكي العمى اقفا من الذله يحر قناه عيب على مثله لياهد ينثني يبدل من عقب الهدير إرغاه وأبن صباح أذروه وبن خليفة رمح آل زايد ظلهم بافياه اخذ ثارهم من ضدهم يوم كادهم رمح من العز القديم عصاه يشهد به الهدار واللى جرابه دخيلهم ثاره عطوه إقضاه فكو حقوق للدخيل ابن وايل جميلية نالوا حقوق وجاه من ضرب من لا صددوا عن حريبهم يصكون باجباه الخصيم جباه دخيلهم باعلى السماكين منزله له بين نجم الفرقدين متاه كنه بجنات تظله غصونها والنايف الطايل يحل رباه تعلوا لعرش المجد من قو عزمهم مصابيح ظلنات تريح رجاه مراجيم عدوان مرابيع ملتجى ليا جف من وبل المزون ثراه إلى قطبت عسر السنين وجذبت ولاعاد يذكر بالرياض كماه يهوشون بوجيه تكاشف من النقا والضيف مايقصر عليه إقراه ياناشد عني وأنا لي قبيله قصر الندا زادو عليه إبناه اشادوا فعول بالفضايل وسلمهم للجار كل باللسان حكاه بني زايد ادوا جارهم من جداره ولا أحدٍ من اسباب الإله وداه لهم وادي سهل الدروب ودونه نار ينزح عن احماه سناه سناه مصقول الحديد الصافي وعزم القلوب الصاطيات لظاه عذروبهم للضيف ترخص نفوسهم والجار مضمون السلام إغطاه وجه الندا يندا كمت ماطر الحيا يبين عند الموجبات نداه تعييي على الشيمات حفاظة الشيم ووجيه الندا لازم يبش حياه قصيرهم يارد على العد قبلهم ولاشكا يوم الورود ظماه إن زادت إسنينه تجدد معزته وكلٍ خطا جاره عليه رفاه وان ذبح خير عند وجهه وكسب الفضيله بالحيلة إمناه على الطيب شبان وشيب تزاحموا والطيب يتعب للرجال مداه دواسر كنيوا على دوسر الفحل واسمٍ على فعل يبين إقداه من الهضب للافلاج مكدين ضدهم وحريبهم مر المذاق عشاه وادي العقيق مطهرينن جنابه ولا ديس بين العالمين إحماه من عصر ابن بدران هذي ديارهم والدار محدٍ للخصيم عطاه راسين مثل جبال هضب آل زايد وهم ليا شان الزمان إحماه حموه يوم إن القنا يقرع القنا ولمثلهم رب العباد بناه من الفرعة العليا إلى الخرج حدهم به الجار ما كِّدر عليه صفاه الدار ما تصلح لمن لايصونها الدار عوره والرجال إرداه دارٍ خذوها بالمراهيف عنوه وهم نورها الصاطع ينير ضياه بني عقيل أخلو مغاني ديارهم بعد دمهم بأرض العقيق سقاه من غلمة ما باعوا العز والشرف يوم الردي فعل الجميل نساه تشهد مشاريف اليمامه بفعلهم فعل تعد العالمين ثناه هرج بفعل يشبه الماس بالذهب وهرج بلافعل يقال سفاه نعد قول ماتكذب مثايله راويه أصدق من طيور قطاه نعد مجد الطيبين وفعلهم واذكار فعل الطيبين طراه فعلٍ على فعلٍ تحاكا به العرب مجدٍ يكذب من يعد ثناه من رام فعل الغانمين وشانهم السيف يروى من عداه شباه من رام فعل الغانمين وسلمهم الجار عن الخصم العظيم وقاه من رام فعل الطيبين وقدرهم يبذل لياضاق الزمان قضاه ان كف همال الحيا وامحل الوطا وشحشح عن الطفل الرضيع غذاه يكرم لياضاقت على الناس وامحوا ويصبر ليامن الزمان وطاه النذل مايقدر على طيب الثنا والليل مايشبه صدوق ضحاه يجود الفتى بالجود من زايد الحيا يخاف من العايبات قضاه قولوا لطلاب الثنا يتبع النقا ولايلحق العرض النزيه شناه ومن سار بدروب الردى زاره الخنا ويلبس من اسلاب السواد كساه ابعد عن الانذال وترك ديارهم يفكك من الوجه الخبيث نياه الاجواد آيات الندى في وجيهها والانذال شرى ما يذاق جناه الاجواد ما تنوي بك البوق والردى والانذال عيب ما يعد غياه الاجواد فعل الخير لذة نفوسهم والانذال ملزوم يشاف خناه الاجواد جنات تعاقب أنهورها والانذال صلدا من صخور صفاه الاجواد تاصف لك طريق يدلك والانذال لعسرات الدروب إقداه الاجواد مثل الورد عطر روايحه والانذال **ومٍ يطير سفاه الاجواد فيهم باب يسر ومعزه والانذال عسرٍ ما عليه شفاه الاجواد زلة جارهم يدمحونها والانذال تجزا الاقربين جناه الاجواد مثل النهر حلو شرابه والانذال صباخٍ ملاح ماه الاجواد تبذل فضلها دون عرضها والانذال دنسين العروض عراه الاجواد مثل الريف سعد سعوده والانذال قحط الزمهرير شتاه الاجواد تامن شرهم وانت عندهم والانذال شر مايطيب بلاه الاجواد مثل الصبح تمشي بنوره والانذال ليلٍ مظلمٍ ممساه الاجواد حبات الندى يبذرونها والانذال تبذر بالرخيص رياه الاجواد فعول الخير ما يجحدونها والانذال حزم مايطيب حفاه الاجواد ماتلحق عزيز مذمه والانذال تنطق بالصديق زراه الاجواد عز الجار والضيف سلمهم والانذال بعيون العزيز قذاه من طاوع النفس الذليله على الردى يرخص ويظهر للرجال خفاه من طاوع النفس الذليله على الردى نسى الجار والضيف العزيز جفاه من طاوع النفس الذليله على الردى تقصر عن العز الرفيع إخطاه يموت طلاب التماني على الشقا سراب دو والظلال غطاه يموت طلاب التماني بحسرته وكثر التماني ماتعيد صباه يموت طلاب التماني ومثله من يرجي الحنظل يزين نماه يموت طلاب التماني ومكسبه كما صايحٍ صوته يرد صداه أبا التماني لاتمنى وخلها ترى التماني والحلوم أشباه يقولها لك من هوى القلب عذبه وداعي غرامه للغرام دعاه قصيدة ملحمه عكاظ 1,574 |
رد: ديوان قصائد لشعراء المملكة العربية السعودية (متجدد)☘️☘️
قصيدة عين العنود
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 3,095 مشاهدة لي صاحب يا حسين ليتك تشوفه ليتك تشاهد صاحبي بدر الانصاف حتى تعذر اللي تزايد صدوفه وروحه من الغالي على حال ميهاف يا حسين والله عايزات وصوفه ولا شفت شيء يا ريش العين ينعاف قلبي هوا زين الوصايف يلوفه شفته على بيت الله العصر يطاف الزين في وجهه قرينا حروفه مكمل ما شفت مثله بالاوصاف عين العنود اللي تقدم خشوفه ان ذارها وسط الخلا حس واشواف يا حسين من بعده نشوف الكلوفه وعليه قلبي يا فتى الجود ميلاف ان غاب عني كن عيني تشوفه وعليه قلبي بالحشا يرجف ارجاف يا حسين يرعاني بعين المروفه وان غبت دمعه فوق الوجان ذراف يا حسين وناتي عليه مخلوفه لو قالوا تهوم لحروته كل مشراف عيني على فرقاه تقل امخطوفه ورجلي تهوم لحروته كل مشراف اللي ملك عقلي عليه الحسوفه وحياة من نزل تبارك والاحقاف |
رد: ديوان قصائد لشعراء المملكة العربية السعودية (متجدد)☘️☘️
قصيدة الله من هم بالأعماق مخفيه
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 2,927 مشاهدة الله من هم بلاعماق مخفيه خيم على مكنون قلبي وكادي لو هو بحيد ذات من حرصا ليه وخلا جلاميده هشيم رمادي يا عين هللي صافي الدمع هليه واسقى لعطشان الثرى بالريادي يا ناشد اللي زايد الغبن باريه أنبيك عن ما صار كان انت غادي للغرب قلبي ما سمع صوت داعيه وللشرق قلبي سمع صوت المنادي متذكر غال على البعد ناحيه لو حال من دونه ديار بعادي حق على الحق فوادي مشاهيه برضاي حاديني من الشوق حادي يا ناس خالد ما سلى القلب ناسيه وعيني محاربها لذيد الرقادي عنها لذيذ النوم همي يناحيه يحداه عن موق النظيرين حادي من غاب قلبي زايد البين كاويه فكري معه والقلب باسماه شادي فيما مضى ما يشده البال كاميه وصبرت صبر ما قواه المهادي اقسمت باسم اللي حبيبه يناجيه اني للحق شف قلبي مرادي أروح يم اللي بلاشك نغليه مالي على فرقاه صبر وجلادي أرجى عسى رب السموات يبريه وعسى لها من خالق الكون هادي ما خاب منهو باعظم اسماه راجيه رب الفضا محصى جميع العبادي قالو تحبه قلت بالروح نفديه الشاهد الله كل هرجي وكادي دايم يصور لي على البال طاريه غال إلى شفته يربع فوادي يفز قلبي كن عيني تراعيه وعندي على كل المخاليق بادي جيته وشفت الطيب بأنت مواريه وارتاح قلبي عقب غبن ونكادي واليوم قلبي مكننه عراويه وشيدت رايات الفرح بالمبادي بالضحك قلبي جاوبنه محانيه وغذاه من عقب اللهيب البرادي الحمد لله غالي شاف غاليه وشفنا بشير الخير والشر غادي وداعة اللي كل الإسلام ترجيه مجري غزير المي في كل وادي |
رد: ديوان قصائد لشعراء المملكة العربية السعودية (متجدد)☘️☘️
قصيدة يا عاذلين القلب
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 2,513 مشاهدة يا عاذلين القلب لا تمحنونه خلو عصى الراي يا صل مناهيه بالعذل يالعذال لا تجرحونه اخاف من نصح عن الرشد يعميه القلب ما يرضى انكم تنصحونه لا تنصحون القلب عن حب غاليه حب الموده صايبه تجهلونه ما منكم اللي ذاق مره وحاليه اللي يود القلب ما تفهمونه وجرح الموده ما بكم من يداويه جرح الموده جايرات طعونه وين الطبيب اللي يعرفه ويبريه ياليت طراد المها يذكرونه ويا سعود قواد الجوازي يحاليه عسر على طلابه اللي يبونه يعطي البياح وشرد الصيد تتليه عليه قلبي كاثرات شطونه ويلوج وسط الصدر من حركاويه قلب الخطا يا سعود يا عظم كونه يكفيه من جور الهوا ربع ما فيه الزين لو تبعد علينا ضعونه يكبر غلاه وكن عيني تراعيه عليه قلبي يابسات غصونه لا داله قلبي ولاني بناسيه يا جب على اني عن الشك اصونه وبالهرج عند الناس يا سعود ما طريه ادرا عليه من العدا يشمتونه واخاف من هرج يضره ويوذيه لا واهني اقرابه اللي يجونه وانا الى جيته عدوي حواليه عليه روحي بالفواد مغبونه وفاتن ثلاث سنين والروح ترجيه يا سعود عنى لابته يبعدونه ناس تحلف به وناس تناحيه البغض وسط قلوبهم يضمرونه وفي مقرن الحجان تظهر مواريه ويوقفون السلم دوني ودونه وعندك خبر قلب تولع بغاليه اخاف من حبل الرجا يقطعونه واشرب عذاف السم كدره وصافيه صبرت لين الصبر فاتت حتونه واليوم كظم الصبر ماني بقاويه عز الله ان الصبر غبن ومهونه وان كان ممدوح العواقب لراعيه يا سعود فعل الخير ما تفعلونه وتفزع لمن ضاعت حياته وتنجيه يا سعود مدولي حبال المعونه ترى رفيقك جاير الحب طاويه انت الذي راجيك تقضي ديونه والليل الاسود ما تعوقك ضواريه |
رد: ديوان قصائد لشعراء المملكة العربية السعودية (متجدد)☘️☘️
قصيدة الجادل اللي
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 2,267 مشاهدة تقول لي يا عمير بدر يتمنا وانا بعد يا عمير قبله تمنيت اللي كما عود الرديني تثنا ليتي لناعم عودها الغض شديت وقلبي لى لاماه يا عمير ونا ان دك به طار الهوا ما اسفهليت حر الهوا يجيه منا ومنا ومن ما جرى كنه على فاير الزيت الجادل اللي بالموده شحنا إلى ذكرته في حلا النوم فزيت يا بعد والله منزله عن وطنا انا وراصبيا وخلي وراهيت عنه الليالي يا عمير ابعدنا وهليت عبرات تبعهن تناهيت وونيت ونات لها الورق غنا ومن العنا والوجد ياسف لي الميت متى ضعنهم يتفق مع ضعنا ومتى فوادي ينتعش عقب ما اوذيت سقوا ليا من الليالي اضحكنا وهلا وانا من خافق القلب هليت هني مدلاه بنومه تهنا وانا توجد كل ما اصبحت وامسيت راع الهوا بالود قلبه معنا وجرح الهوا في ضامري لو تخفيت جرح الهوا في ضامري مستكنا وباسماه لاجل ارضاه يا عمير ناديت ان عشت جيته مسرع ما تونا لو حال من دونه سباع مصانيت حبه بمكنون الضماير تبنا الله على لاماه يا ليت يا ليت ليت الليالي ساعة يقرننا واشوف مملوح على وصله اشفيت |
رد: ديوان قصائد لشعراء المملكة العربية السعودية (متجدد)☘️☘️
قصيدة يا ناشد العراف
الشاعر: محمد الأحمد السديري محمد الأحمد السديري #العصر الحديث #المملكة العربية السعودية 0 2,239 مشاهدة عقب النداوي صار طير الزحم باز واستفرس الفيوم واستذيب النيص وقمنا نشوف الحيف بالفرد وجواز من اسفل النقره إلى وادي العيص حطولهم مع سلم الغدر منقاز والعدل ما تلقاه ناس مناقيص خلط الحلال بنية البغي ما جاز ولا ينبني مجد بعوج المخاليص يا ناشد العراف بارقام والغاز اعطيك عن بعض المخاليق تبخيص اهل الردا يسقونك الصبر بالقاز لو انت جار عندهم قدرك أرخيص الجار ياطونة على غير ما جاز وطي الحوافر يقتفيها مفاريص وإلى رخص سعرك مع الربع تمتاز وإلى على سعرك يبيعونك ارخيص عدوهم عن شرهم وسط الاحراز وعلى الصديق ابورد ون المشاقيص هبيت يا طير على الصيد ما هاز وفي حلة البحيران يلقي مقانيص |
| الساعة الآن 04:50 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية