رد: فوق هام السحب ( الشعر الشعبي) على متن القوافي
 

ماعاد يـوم الخميس وليلة الجمعه
يجتاحنـي شـوقـها قـدام مـوعـدها

ذخرت للذكريات الماضيه دمعه
ازرع بها فرحة الآيام واحصدها

.....

رد: فوق هام السحب ( الشعر الشعبي) على متن القوافي
 

الا يا هبوب اليل لا تطرقين الجوف
دخيلك ترى نار المعاذير وهّاجه

.....

رد: فوق هام السحب ( الشعر الشعبي) على متن القوافي
 

رغم امتداد التعب عيا يموت الطموح
وبابٍ وراه اعتزازي طارقه طارقه

عزيمتي ما يحطّمها الزمان الشحوح
والشمس بكره رغم انف الدجا شارقه

.....

رد: فوق هام السحب ( الشعر الشعبي) على متن القوافي
 

فترة وتلقى لك من المشكلة حلّ
‏مانت الوحيد اللي تعَب في حياته

‏اللي يضحّي فامنياته ليا ملّ
‏بكرة يضحّي فاكثر من امنياته

.....

رد: فوق هام السحب ( الشعر الشعبي) على متن القوافي
 

وشلون أبلقى عذر عشان أواصلها
وأنا أعرف أشتاق لكن ماعرف أنادي

.....

رد: فوق هام السحب ( الشعر الشعبي) على متن القوافي
 

منتظر من بيض الأيام ما يرضي الشفوف
‏دام كل إنسان يُجزى على حسب عمله

.....

رد: فوق هام السحب ( الشعر الشعبي) على متن القوافي
 

‏يا سجّان الشعور إسجن شعوري واترك التبرير
‏ أنا أكبر من تبارحيك معي في الليله القشرى

‏تناهيدك كلام وعبرتك طيحه وسدكّ بير
‏ ماهي تغريك دعوه ماجنه في ليلةٍ حمرا

.....

رد: فوق هام السحب ( الشعر الشعبي) على متن القوافي
 

‏اليا نويت الرحيل ودونك الوقت دار
‏اقرا دعاء السفر ماعاد فيها حلول

‏الحب سكه طويله والمشاعر قطار
‏لها بدايه جميله والنهايه الوصول

.....

رد: فوق هام السحب ( الشعر الشعبي) على متن القوافي
 

والله لو تسعى من الشرق للغرب
يالعبد مالك كود شيٍ كتب لك

هذي هي الدنيا بها الضيق والكرب
كم واحدٍ فيها شكى الهم قبلك

تابع طريق المصطفى وأسلك الدرب
ولا ينقطع من عروة الدين حبلك

واحذر عدوك جاهده واعلن الحرب
شيطانك اللي بالمكايد نصب لك

.....

رد: فوق هام السحب ( الشعر الشعبي) على متن القوافي
 

قفلت بيبان العتب والمشاريه
وفتحت شارع للتجاهل بكبره

وريحت راسي من عناه وطواريه
واخذت لي من بعض الاصحاب عبرة

من لا يودك لا تجـــود عراويه
لا شفت وصله صار مافيه دبره

الله خلق دنيا وســاع التهاتيه
ماضاقت الدنيا على خرم ابره

.....