رد: فوق هام السحب ( الشعر الشعبي) على متن القوافي
 

‏الصمت يغني عن كثير من الكلام
‏والحظ ياحظي من القلب جافل

‏راحت ليالي العمر احلام واوهام
‏كتاب عمري من عنا الشوق حافل

.....

رد: فوق هام السحب ( الشعر الشعبي) على متن القوافي
 

‏ما طمعنا غير في طاعة الله والصلاه
‏وخوّة اللي خوّته مايجي فيها ردى

‏الكفو نقدّر جنابه ولا ينقص غلاه
‏والجمايل بين الاجواد ماتذهب سدى

.....

رد: فوق هام السحب ( الشعر الشعبي) على متن القوافي
 

‏تمتلكني بالغياب و بالحضور
لا تشكك بالضمير المنفصل

و لا تراقبني متى أخر ظهور
دامني في نبض قلبك متصل

.....

رد: فوق هام السحب ( الشعر الشعبي) على متن القوافي
 

نمشي مع التيار ماندري لوين
تفكيرنا مركون دايم على جنب

نتبع رجال الدين اكثر من الدين
ونخاف فعل العيب اكثر من الذنب

.....

رد: فوق هام السحب ( الشعر الشعبي) على متن القوافي
 

‏ماني بحي ّ الله تحده على اقصاه
‏حتى لو اني عن مقامي تواضعت

‏انا السماء ما لي على قاعك اشباه
‏شريت نفسي بالمعزه ولا بعت

‏لولا الصبر والصمت والحِلم والجاه
‏ضاعت وجيه الناس وآنا بعد ضعت

‏من طاح من عين الرضا حقّه وجاه
‏انا عن اللي ما يناسبني ترفعت

.....

رد: فوق هام السحب ( الشعر الشعبي) على متن القوافي
 

‏سهجت مشرافه وقلبي على سيم
‏معلقٍ بين الأسف والندامه

‏حالة مريض الحب تحتاج تقييم
‏واخلاء طبي في سبيل السلامه

.....

رد: فوق هام السحب ( الشعر الشعبي) على متن القوافي
 

‏فالهوى لا يشبع الشخص رغباته
‏التّشبع في العلاقات ينهيها

‏ياحبيبي فرصة الحب فوّاته
‏والعناق اهم حاجه نسوّيها

‏ضمّتن فيها حنين وتنهّاته
‏لا تروح وعاد لي خاطرً فيها

.....

رد: فوق هام السحب ( الشعر الشعبي) على متن القوافي
 

‏أطهر ثرى وأصدق علم وأرفع مقام
‏ما يشبهك غيرك عسى خيرك يدوم
💚

رد: فوق هام السحب ( الشعر الشعبي) على متن القوافي
 

البنادم دائــم ٍطبعه يحـــب ويكره
‏يمكن اللي يكرهه له فيّه خير وخيره

‏امس واليوم انتهى ماضيه باقي بكره
‏كـــل يـــوم ينتهي ماضيه عد لغيره

.....

رد: فوق هام السحب ( الشعر الشعبي) على متن القوافي
 

‏والله ما مثل التوكل على الله
‏يملي لك الدنيا سعاده وتوفيق

‏واللي يردد دايم أستغفر الله
‏تلقاه مايدري عن الهم والضيق

.....