رد: فوق هام السحب ( الشعر الشعبي) على متن القوافي
 

سبحان من حط وصلك في عيوني حلال
‏وان شفت غيرك من الخشيه اغض البصر
‏
‏لو فرّقتنا الظـروف الظالمة والليال
‏انت الغلا طال عمر الحب ولّا قصر

.....

رد: فوق هام السحب ( الشعر الشعبي) على متن القوافي
 

ليا هانت الرفقة على قاصر الذرعان
علينا ترى رفقة هل الطيب ما هانت

نحب الوفاء ونردّ الإحسان بالإحسان
ولا شانت أنفسنا لو أيامنا شانت

.....

رد: فوق هام السحب ( الشعر الشعبي) على متن القوافي
 

من قدّم الطيب يلقى الطيب قدامه
والناس بأفعالها من قبل أساميها

.....

رد: فوق هام السحب ( الشعر الشعبي) على متن القوافي
 

تدومين يانفسي طليقة فخر وبخير
عسى ذكرك الخالد عوض عمرك الفاني

سقيتك قراح العز وااقع ماهو تصوير
حشمتك عن الرّديان من قاصي وداني

عطيتك كرامة لين عفتي خطا التقصير
وهالحين يا نفسي ترى العيب عدّاني

.....

رد: فوق هام السحب ( الشعر الشعبي) على متن القوافي
 

بين رحلة غرامك وإتخاذ القرار
‏كنت جالس معاك وداخلي معركه

‏ الليّال الأخيرة ما عليها غبار
‏عشت فيها معاك وشفت فيها بركه

‏لو تركت السنين اللي بدون إنبهار
‏قلبك اللي بهرني عشق كيف اتركه

‏من بداياتنا لين الزعل وانت مار
‏كل ضحكه هنا ماكانت مفبركه

.....

رد: فوق هام السحب ( الشعر الشعبي) على متن القوافي
 

‏عرق الردى من منبعه لا قطعته
‏ماهو بلاحقني ورى قطعته عار

‏ضرسي شلعني قبل عام وقلعته
‏لاعاد تنشدني بعد عام وش صار

.....

رد: فوق هام السحب ( الشعر الشعبي) على متن القوافي
 

أحد نحبه من طبوعه ونغليه
وأحد نعافه والسبايب طبوعه

.....

رد: فوق هام السحب ( الشعر الشعبي) على متن القوافي
 

احبك كثر ماتعانق عيوني صورتك واحتار
واحبك كثر ما اوله عليك ان جيت بالطاري

احبك كثر مارفرف حمام الدار فوق الدار
واحبك كثر ماغنى الغريب أشتقت لدياري

.....

رد: فوق هام السحب ( الشعر الشعبي) على متن القوافي
 

أواجه أحزاني بحبك ولا أخاف
وأصبح قوي لو شافوا الحال ناحل

عمري مراحل يحمل أشكال وأصناف
وحبك يعدّيني جميع المراحل

ما ابغي معي في بحر الأيام مجداف
مادمت لي طوق النجاة وسواحل

.....

رد: فوق هام السحب ( الشعر الشعبي) على متن القوافي
 

‏عشان تشوف قيمة غيبتي وتقدرّ حضوري
‏تركتك والليال السود تكفي يا أبيض الغرّه

‏بدا دور الليالي وإلا أنا معك أنتهى دوري
‏ومعك معاد تنفع شرهتي وحكاي بالمرّه

‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه

.....