رد: اخترنا لكم
 

‏السن ما يحكم عقول الأوادم
ميزان عقل الأدمي في لسانه

.....

رد: اخترنا لكم
 

ماميّز الماضين غير البساطه
ما ضيّع التالين غير التصنّع

.....

رد: اخترنا لكم
 

‌‎على كثر ما شريط الذاكرة يطوى
ما فيه وجهٍ ثبت في الذاكرة كثرك

.....

رد: اخترنا لكم
 

‏مساكم الله بالرضى والمســرات
واجمل حروف الشعر واجمل قوافي

لكل غالــــي مسكنه داخـــل الذات
ومكانته وســـط الضلـــوع الخوافي

مني ســلام الود واجمـــــل تحيات
مخصوص توصـــل كل انسان وافي

بالورد والنرجــس على شكل باقات
من قلب صافــي للقلوب الصوافي

.....

رد: اخترنا لكم
 

سلمت لك قلبي براحة يديني
واعطيتني قبلة عطيتك بدلها

ياعز واجمل ماحصل في سنيني
صدك حمولة هدّحيلي ثقلها

وانك صراحة يالغضي ما تبيني
ابا انسحب من دنيتك واعتزلها

وكأنّ ماشي صار بينك وبيني
ومن فك روحه كن ماهو قتلها

لكنّك انته يا مطفي حنيني
مكانتك عيني وساكن مقلها

سعادتي ما همني طز فيني
ماودي إلا لسعادة تصلها

وان كان ودك يالغلا تقطعيني
مانقطع الّي بالمودة وصلها

والله يصبرني عليك ياضنيني
روحي عليلة لانزيد عللها

.....

رد: اخترنا لكم
 

ماراح شي الا ولك فيه خيره
‏حتى لو انه كان في راحة يديك

‏الي خسرته تقدر تجيب غيره
‏وان كان ماتقدر ترا المشكلة فيك

.....

رد: اخترنا لكم
 

‏ماعاد إبي من دنيتي غير ثنتين
‏يوم إن للثنتين مذهب وملّه
‏
‏نذكَر بخير ان كان صرنا مقفّين
‏وماننشغل ياكود في طاعة الله

.....

رد: اخترنا لكم
 

‏ترا ماحـدن منا سلم من كلام الناس
‏مـدام إن به مـن ينقـل الهـرج ويـرده
‏
‏وسيع البنايد يبتسم من طناخة رأس
‏وضعيف الروابع تجلس بخاطره مده

.....

رد: اخترنا لكم
 

عيني على القمه ورجلي على الارض
‏والناس ماخلوا حدٍ ماحكوبه
‏
‏وان كانها تنقاس بالطول والعرض
‏عدونا من طيبنا ضاق ثوبه

.....

رد: اخترنا لكم
 

ماجيت يم السوق لجل اتشرى
‏لا والله الا ضاق صدري ومليت

‏تاخذني الضيقة من البيت برى
‏واليا طلعت أرضى على ضيقة البيت

.....

رد: اخترنا لكم
 

يا رب لا يفرح بنا كل شمات
‏ولا تحمّلنا ما لا نستطيعه

‏يا باسط الأرض وبديع السموات
‏تستر من صدوف الليال الشنيعة

‏ما نطلب ولا نرجي إلا أنت بالذات
‏ونفوسنا ماهي لغيرك مطيعة

‏وإن ضاقت الدنيا علينا سهالات
‏صدورنا من فضل ربي وسيعة

.....

رد: اخترنا لكم
 

‏‌ عام هجري جديد ١٤٤٧

‏العمر يمضي والليالي مديدة
‏عام انصرم والعام الاخر لفانا

‏وش رايكم نبدا بصفحة جديدة
‏عنـوانها نبغا نعدل خطانا

‏‌ علي الشريف ⁩

رد: اخترنا لكم
 

‏علم اللـي كل واحد مايشوف الثاني
ماتفيد العيشه اللـي ماوراها جمعه

يابنادم لـو يطـول العمر عمرك فـاني
كل عام يمر تطفي من سنينك شمعه

لو تـدورنـي بـعـد مـده ولا تـلقانـي
وش يفيدك بعد موتي لوتهل الدمعه

وان رحلنا يا عسانا نفوز بالأحساني
وياعسانا ما نخلي غير طيب السمعه

فهد الشبلي

رد: اخترنا لكم
 

‏بين عامٍ يروح وبين عامٍ يجينا
ياالله انك تجملنا بحسن الختام

يوم نرحل من الدنيا ويبكي علينا
كل غالي عزيز و كل راعي مقام

فايز المنصوري

رد: اخترنا لكم
 

‏ما عاد لي في تالي العمر حاجه
إلا صلاةٍ مع جموع المصلين

ستين عام وكننا فـي عجاجه
نركض ورا الدنيا مع الناس لاهين

راح الشباب وراح وقت ابتهاجه
والشيب لاح بعارضي والكبر شين

وبان الظهر لا قمت فيه انعواجه
وصار النظر ماهو بعيدٍ عن العين

.....

رد: اخترنا لكم
 

الله يا سرع الليالي والايـام
‏راحت سنه من عمرنا مادرينا

‏قبل امس اذكر توّنا بأول العام
‏واليوم بالعام الجديد ابتدينا

‏لا هين بالدنيا على حمر الانعام
‏نضحك على الدنيا وتضحك علينا

.....

رد: اخترنا لكم
 

‏فــي حياتي مـاكرهت إلا ثلاثه
‏الـزعـول اللي ولا شـي يتحمّل

‏والضحوك اللي ورا هرجه خباثه
‏والضعيف اللي علومه ما تجمّل

.....

رد: اخترنا لكم
 

وإن ضما قلبي من الوقت وإجحاف السنين
من مناهل وجهك السمح عيني ترتوي

.....

رد: اخترنا لكم
 

من يلوم القلب لامنّه تباها
في كبير الجاه شيّال الثقالي

ما بقى قمّة مفاخر ما نصاها
راقيٍ شمّ المراقيب الطوالي

لا أدرك الصعبة يجيب اللي وراها
ثم سنّدها على روس المعالي

كيف ما اغترّ دام أنا عيني ملاها
اللي مزوّد مع غروري دلالي

غريب العتيبي

رد: اخترنا لكم
 

هذاك أخوي اللي يميلون ما مال
في ذمتي يبطون ما يوصلونه

الله يديمه لي على كل الأحوال
ولا أعيش يوم من حياتي بدونه

ويالله عساني قبله بصفّ الآجال
ويلقوا غلاه بصفحتي ينشدونه

بشاير المقبل

رد: اخترنا لكم
 

عزّي لحالك يا عزيّز وأنا أبوك
كان الزمان اللي توطّاني توطّاك

افهم وصاتي يا عزيّز وأنا أبوك
دامك صغير وغاية العلم يقراك

تراه ما ينفعك خالك ولا أخوك
لا صار ماتقضي لزومك بيمناك

وصاة سليمان بن شريم لولده عزيز

رد: اخترنا لكم
 

لك فزعةٍ عند المواقف مُهيبة
وقدرك على كل المخاليق زايد

غيرك ليا من طاب قلنا غريبة
ولا أنت لا من طبت قلنا عوايد

.....

رد: اخترنا لكم
 

دام السماء لله ماضاقت الأرض
ماني من دروب المقادير جازع

لي موعدٍ مع ليلةٍ نجمها الحظ
أشوف فيها ما تمنيت واقع

.....

رد: اخترنا لكم
 

‏أستغفر الله من طيشي وتقصيري
الطيش بالذنب والتقصير بالطاعة

يا عالم بكل ما لا يعلمه غيري
رحمتك قبل القبر والحشر والساعة

آمين

رد: اخترنا لكم
 

أقبلت وأستغفر الله كأنها حوريّة
والشَّعر مثل الذهب يلعب على الأمتاني

إن تثنّت كأنها مأمورةٍ منهيًة
وإن تمايل عودها يا الله لا تبلاني

قلت وش هالغنج قالت لي كذا عفويّة
بنت مملوحة جميلة والجمال أطغاني

.....

رد: اخترنا لكم
 

واصاحبي ياطا على القطن وأحفاه
يامن يسوي له من الماء نعالي

ولا يسوي له على قد ماطاه
قطعة نعال من هبوب الشمالي

.....

رد: اخترنا لكم
 

‏ياما سبقنا نسمة الصبح شَفقِين
للراحة اللي في كفوفك تذرّى

ونشرّع الباب الشمالي نهارين
فيها نصفّ أحلامنا ونتحرّى

شفنا عجزنا نسكّر الباب للحين
عيّت يدينا في غيابك تجرّا

من قسوة الإحساس ومكاود البين
صرنا نخاف نسكّره وأنت برّا

جمال الشمري

رد: اخترنا لكم
 

تصد القلوب من الغلا والنفوس تمل
يهُون الجفاء لا شافت العين ماتكره

تَغَلّى بكيفك لو تصير المحبة غل
‏لكن لاتساوم من يحبّك على قدره

توريني أبواب المفارق وأنا ما أدلّ
مثل من يورونه قبل موتته قبره

تراي الفقير اللي غناته بكلمة ذل
تسامى وهو لو جاد فيها دفن فقره

.....

رد: اخترنا لكم
 

‏جعلنا في حاجة الي نخانا قادرين
‏إن ذكر معروفنا وإن جحد معروفنا

‏نجتهد وندور الطيب لأنا طيبين
‏ماهوب والله عشان الرجال تشوفنا

‏خالد ماطر

رد: اخترنا لكم
 

‏لا يهمّك ليه رحت وليه جيت ولاتبرّر
‏انت جيت ولاتدور من ورى جيّتك سبّه

‏جيب من عذب السّوالف ماتهيّالك وكرر
‏والله ان صوتك هو اكثر شي بالدنيا أحبّه

.....

رد: اخترنا لكم
 

يشبه رجوعك بعد ما غبت وأبطيت
توبة بعد ما تطلع الشمس من غرب

.....

رد: اخترنا لكم
 

ﻣﺎﺫﺍ ﺃﻗﻮﻝ ﻭﻧﺒﺾُ ﺭﻭﺣﻲَ ﻣُﻠﻬَﺐُ
ﻭﺍﻟﻘﻠﺐُ ﻋَﻦ ﻣُﺘﻊِ ﺍﻟﺤﻴﺎﺓِ ﻣُﻐﻴّﺐُ

ﻳﺎ ﻟﻴﺖَ ﻣﻦ ﺃﻫﻮﻯ ﻳُﺤِﺲُّ ﺑﺄﻥّ ﺑﻲ
ﺷﻮﻗًﺎ ﺇﻟﻴﻪِ ﻭﻟﻮﻋﺔً ﻻ ﺗﻜﺬﺏُ

ﻓﻠﻄﺎﻟﻤﺎ ﻟﻤّﺤﺖُ ﺩﻭﻥَ ﻧﺘﻴﺠﺔٍ
ﻓﺄﻟﻮﻡُ ﻧﻔﺴﻲ ﻭﺍﻟﺸﻌﻮﺭُ ﻣُﺨﻴّﺐُ

ﻣﺎ ﺍﻟﺬﻧﺐُ ﺫﻧﺒﻲ ﺣﻴﻨﻤﺎ ﺃﺩﻣﻨﺘُﻪُ
ﻓﺎﻟﺤﺐُّ ﻳﻌﺒﺚُ ﺑﺎﻟﻘﻠﻮﺏِ ﻭﻳﺬﻫﺐُ

ﻗﺪَﺭﻱ ﺑﺄﻥ ﺃﺣﻴﺎ ﺑﻘﻠﺐٍ ﺣﺎﺋﺮٍ
ﻏﺾٍ ﻋﻠﻰ ﺟﻤﺮِ ﺍﻟﻬﻮﻯ ﻳﺘﻘﻠّﺐُ

ﺻﻌﺐٌ ﻋﻠﻲّ ﺑﺄﻥ ﺃﺑﻮﺡَ ﺑﺤُﺒّﻪِ
ﻟﻜﻦّ ﻛﺘﻤﺎﻥَ ﺍﻟﻤﺸﺎﻋﺮ ﺃﺻﻌﺐُ

.....

رد: اخترنا لكم
 

‏ما يستغل نيّة الطيّب وتقصيره
‏إلا فطانة رديٍ شافها فرصه

.....

رد: اخترنا لكم
 

‏قناديلك ضوت ليل الحزين وجاز لي مسراي
‏دخيل الليل لا يبهت معه تذبل قناديلك

‏ترى كل البلاد اللي بلا وجهك مثل منفاي
‏وأنا للحين في سكرة شعوري من تفاصيلك

‏وعميق الجرح لا هبت رياحك صار قلبي ناي
‏وتراقص دمعتي قبل المطيح وغاب منديلك

.....

رد: اخترنا لكم
 

دونك الدنيا عساها ماتكون
مالها في خاطري اي اهتمام

يشهد الله مسكنك وسط العيون
وانك اول من صحى فيها ونام

لو تبي عمري مع ايامه تمون
فدوتك عمري ولا فيها كلام

.....

رد: اخترنا لكم
 

‏وصفك على وصـف المخاليق يفرق
مــدري حــواك الزيـــن ولا حويته

وطلتك في العيـــن تنـــور وتشرق
مثل القمر والشمـس نورك فديته

لي قلب متعذب وبي شوق محرق
ولك عشق طاغي بالحشا ماقويته

وفيني محبــه لك في الروح تغرق
عالم بأسره في ضلوعـــي خفيته

.....

رد: اخترنا لكم
 

‏احذر تعاتب من تعمد يجافيك.
لوم العتب بعـد التجافي مذله

لاخير في من باع عهد الوفا فيك
ولاخير في خلن جفا عهـد خـله

.....

رد: اخترنا لكم
 

يا طير يالي ترفع الصوت بغناك
هونك علا المشتاق يا طير هونك

مادام ربي خصك بريش واعطاك
جنب عن المشتاق واسجع لحونك

خذ لي مراسيل الغلا عند مسراك
واحمل ظروف الود داخل عيونك

وهدية للي خصه القلب واوصاك
ناسن يعزونك وناسن يبونك

.....

رد: اخترنا لكم
 

ماعاد يجبر خاطري فالزمن شي
‏لحظة وداعك تبرَي الحال كله

‏في ذمتي مانساك ما دامني حي
‏حتى تروح الروح في ذمة الله

.....

رد: اخترنا لكم
 

خلك مع الناس مثل كسرة العود
لا صابها حر الجمر تظهر الطيب

.....