رد: فوق هام السحب ( الشعر الشعبي) على متن القوافي
 

‏خلصنا من الأحلام يامفسرالأحلام
‏عسى الله على حمده وشكره يقدرنا

‏على كثر ماعشنا وشفنا من الأيام
‏سمحنّا من الدنيا وطابت خواطرنا

.....

رد: فوق هام السحب ( الشعر الشعبي) على متن القوافي
 

قبلك خفوقي عايش بدار مأتم
‏مابه حياه من المحبين خاوي

‏وبعدك جروح الروح تبرى وتلتم
‏وليل المحبه أصبح اليوم ضاوي

.....

رد: فوق هام السحب ( الشعر الشعبي) على متن القوافي
 

يامــن حروفك تشرح القلب والبال
‏يامرحبـــا بك في حروف القصيدة

‏غنت حروفــك داخــل القلب موال
‏أبيــات روعـــــه مــن زوايا عديدة

‏الحـــب يابــنـــت الأجــاويـد قتال
‏أذا دخـــل بالقلــب يعصــف وريدة

‏ياحظ من هـو بالهــوى طيب الفال
‏مع حبيــب القلـــب روحــة سعيدة

.....

رد: فوق هام السحب ( الشعر الشعبي) على متن القوافي
 

‏بعض المشاعـــر لوكتبنا بها ابيات
‏تعجز حروف الشعــر والقاف عنها

‌‏مهما كتبنا وابدع الحــرف هيهات
‏ينصف مشــــــاعر شاعرٍ قد رهنها

.....

رد: فوق هام السحب ( الشعر الشعبي) على متن القوافي
 

‏ضمني في كلامك دام صدرك بعيد
خل بحة حروفك للمشاعر دفا

لو تثير المشاعر زان جو القصيد
ما يعكر مزاجي كود ذكرى الجفا

.....

رد: فوق هام السحب ( الشعر الشعبي) على متن القوافي
 

‏شعر الغزل من يوم شفتك بلاني
اصبحت مبدع فيه بالحيل بالحيل

يمكن غلاك يشدني للمعاني
لو اكتب بغيرك غزل بس تمثيـل

.....

رد: فوق هام السحب ( الشعر الشعبي) على متن القوافي
 

يامن جرح قلبي وخلاني عليل
أشتقت لك تكفى لوجه الله تعال

مالي غناعنّك اذا اعلنت الرحيل
ومستحيل انسى ونسيانك مـــحال

لعيونك الثنتين اجيب المستحيل
وادفع لها ما في يميني والشمال

.....

رد: فوق هام السحب ( الشعر الشعبي) على متن القوافي
 

‏انت مطر دنياي إنت السحابه
‏إنت غلا روحي وعمري والاشواق
‏
‏انا عشقتك روح قبل الكتابه
‏حبك نما في داخلي وسط الاعماق

.....

رد: فوق هام السحب ( الشعر الشعبي) على متن القوافي
 

‏مايشبهك إلا القمر لاتمسّاك
ولايعرفك غير العطا والمهابه

اليا مشيتي يسبق الورد ماطاك
والعطر عقبك بالأماكن طغى به

.....

رد: فوق هام السحب ( الشعر الشعبي) على متن القوافي
 

‏لك من مسائي سحابة بالغلا تمطر
ولَك من حياتي دروب الورد تمشيها

يافزّة القلب وأحلا من حلا السكر
اي والله إنك عروقي ومن يغذِّيها

.....