|
رد: فوق هام السحب ( الشعر الشعبي) على متن القوافي
إقتنعت إن الليالي متاحف ذكريات
يوم تبطي سجة البال بين أسوارها اللي ظاهرها سعادة وباطنها شتات وحشةٍ ما ملّت النفس من تكرارها ما لفقدك غير نعمه وحيدة فالحياة باحت الدنيا بعدك بجميع أسرارها العيون تداري الدمع من كل الجهات مثل الأم اللي تداري شعور صغارها .... |
رد: فوق هام السحب ( الشعر الشعبي) على متن القوافي
رسالتي لك....
الأخوة في الله .. علاقة مبجلة وجنة معجلة ونعمة لاتقدر بثمن ولاتكال بوزن الأخ في الله .. مصباحك حين تظلم دنياك وسرك حين تفيض شكواك وركنك حين تنهار قواك الأخ الصالح .. في الدنيا ينفع وفي الآخرة يشفع إذا اقترب منك منح واذا ابتعد عنك مدح واذا ظلمته صفح جعلنا الله وإياكم منهم |
رد: فوق هام السحب ( الشعر الشعبي) على متن القوافي
لـيـت الامـانـي لا تمنيت تنـسـاق
يـالـيتهـا بالـحـب تـوفـي وتـبـقـى ليت الحبيب اللي له القلب يشتاق يبقى على طول الزمن دون فرقى .... |
رد: فوق هام السحب ( الشعر الشعبي) على متن القوافي
بعض البشر مثل العسل والجواهر
مهما وصفته بالحلا ماله اوصاف بعض البشر طيبه على الناس ظاهر مايختفي مثل القمر دوم ينشاف .... |
رد: فوق هام السحب ( الشعر الشعبي) على متن القوافي
أنت الهوى للروح يابلسم الروح
ياروعة ايام حاضرها وماضيها شيدت لك بالقلب بنيان وصروح هذي صروحك شف رفعة مبانيها ولغيرك من الناس ماقلت مسموح إلا أنت يا سلطان روحي وغاليها .... |
رد: فوق هام السحب ( الشعر الشعبي) على متن القوافي
عن البال ما راحت طواريْك لاجل تْعود
مثل كل ليلة طيش مرَّت على تايب طبيعي بـِ أنَّ الناس تستشعر الموجود وأنا أستشعرك موجود وأستشعرك غايب .... |
رد: فوق هام السحب ( الشعر الشعبي) على متن القوافي
وردة جميله مالها والله مثيل
متميزه بالزين مابين البنات الذوق والاخلاق والحسن الجميل هي مدرسه بالزين وفي كل الصفات .... |
رد: فوق هام السحب ( الشعر الشعبي) على متن القوافي
ودي اسولف معك وعيوني تشوف
همس الشفايف بالحروف وحالها عينك خطر ورموش عينك سيوف انت علاج الروح وانت امالها .... |
رد: فوق هام السحب ( الشعر الشعبي) على متن القوافي
المشكلة لا قلت تصبح على خير
تروح ترقد والسهر يبتليني أسهر مع الهاجوس ويا التفاكير واليا غفيت أشوف دمعي بعيني .... |
رد: فوق هام السحب ( الشعر الشعبي) على متن القوافي
لو تنكسر وتطيح من طولك
الناس لا تدري عن احوالك إفرح اذا شفت الفرح حولك واذا بتحزن احزن لحالك .... |
رد: فوق هام السحب ( الشعر الشعبي) على متن القوافي
قال المثل من صد ماعاد له رده
ودي يرد الصدق والصدق ماودي وعقب الف يوم اليوم مهموم من صده ياللي تقول كلها ايام وتعدي .... |
رد: فوق هام السحب ( الشعر الشعبي) على متن القوافي
عندك خبر بـ انّك على البال دايم
واشتاق لك حتى وانا بين أهلي مايفهم شعوري سوى شخص هايم والظاهر ان به هايمٍ منتبه لي .... |
رد: فوق هام السحب ( الشعر الشعبي) على متن القوافي
حتى الأحاسيس صارت شبه ممنوعه
ما فيه مرتاح كل الناس منجرحه احيان والشخص يضحك تنزل دموعه واحيان يبكي وهو ميتْ من الفرحه .... |
رد: فوق هام السحب ( الشعر الشعبي) على متن القوافي
ما توقف الدنيا على صد مخلوق
الحمدلله عزت النفس تاجي اللي يبينا قدره الراس من فوق واللي يعاند ما يعكر مزاجيَ .... |
رد: فوق هام السحب ( الشعر الشعبي) على متن القوافي
اسمع من العقّال حتى تستفيد
وابعد عن الجهّال قدر المستطاع يدلّك العاقل على الراي السديد ويدلّك الجاهل على درب الضياع .... |
رد: فوق هام السحب ( الشعر الشعبي) على متن القوافي
لاعاد تنشد عن علاقات الاصحاب
ماتو ولا بقي سوا أهل المصالح إذا بغو حاجتهم صارو احباب واذا خذو حاجتهم مانت صالح .... |
رد: فوق هام السحب ( الشعر الشعبي) على متن القوافي
المحبه ريح والذكرى رماد
كل ما ذعذع هواك اتذكرك ليه اعيدك جرح وادور ضماد ليه اعيدك ليل وأرجع اسهرك صرت ماضي مستحيل انه يعاد والغريب أني رجعت ادوّرك .... |
رد: فوق هام السحب ( الشعر الشعبي) على متن القوافي
اشلون انا بنساك واستقبل الغير
ووسوم حبك واضحه وسط وجهي لا تقول خيره والقدر لازم يصير الخيره الي عقب فرقاك وشهي .... |
رد: فوق هام السحب ( الشعر الشعبي) على متن القوافي
اقرا ندم فعلك على بيض الاوراق
ليتك حسبت حساب سود الليالي اقفيت يوم اني لك اقبلت مشتاق واقبلت يوم اقفيت انا عنك سالي وحدة بوحدة حق وافراق بفراق وش عاد تبغى اليوم مالك ومالي ان كان شمسك توها تشرق اشراق الوقت فاتك شمسنا بالزوالي .... |
رد: فوق هام السحب ( الشعر الشعبي) على متن القوافي
بكره إذا دارت عليك الدواير
تذكر مواقيفي وتذكر عزومي ولو تذرف عيونك كثير العباير ماتنفع الدمعة وتقضي اللزومي وإن كان في دنياك ذقت الخساير ماغير وجه الله حبيبي يدومي أرخصت لعيونك بلاد وعشاير وابعد عليك الحين من النجومي .... |
رد: فوق هام السحب ( الشعر الشعبي) على متن القوافي
ياحليف الانس يادنيا المحبه والوئام
والهوى عشقي وعشقي للقوافي عالمك اين ذاك الاهتمام والاحترام والانسجام والتلاقي والتصافي ياحبيب من علمك بعدك اضناني وهجرانك وصدك لي حرام ليش تغرب عن عيوني وتجافي توأمك .... |
رد: فوق هام السحب ( الشعر الشعبي) على متن القوافي
كتبت لي جملة على شاطيئ الشوق
وعبرت فيها عن مضامين شوقي يوم احتضنها موج الانظار عن ذوق واستلهمت احساس فكري وذوقي اهواك لو ان الهوى معمي الموق ياشمس عمري يادفاي وشروقي .... |
رد: فوق هام السحب ( الشعر الشعبي) على متن القوافي
من هوا يلوم القلب لاحن واشتاق
خلوا ملام القلب يا لايمـينه صبّرت قلبي من عنا الشوق ماطاق والشوق جمر الموق ياخابرينه اللي يقول الحـُب احلام بـ اوراق خلوه يجي ويحط عيني بعينه .... |
رد: فوق هام السحب ( الشعر الشعبي) على متن القوافي
لا تراقب ما أقوله من بعيد
وانت في كل القصايد مقصدي كان تبغىٰ مني اعطيك الجديد إقترب مني ويا الدنيا اشهدي إن حُبك صار يجري فـ الوريد من فؤادي لىٰ دماغي لىٰ يدي وانك الحُب الحقيقي الوحيد وان جُرحك لا يزال فيني نَدي أيه احبك بس يا الحظ العنيد عاشقك ماهو سفيه ولا ردي .... |
رد: فوق هام السحب ( الشعر الشعبي) على متن القوافي
عطيتك محبه صادقه مابها تشويه
وجعلتك بقلبي منفرد فيه وحداني وغيرك بغاني بالمحبه وانا مابيه دام انت عندي وش ابي بواحد ثاني .... |
رد: فوق هام السحب ( الشعر الشعبي) على متن القوافي
الله يسعد مسا الكل بـ الخير
من غربي هالكون لـ شرقي مداره انتوا مساكم خير ووجوهكم خير آللہ يسعد گل واحد بـ داره بقلمي |
رد: فوق هام السحب ( الشعر الشعبي) على متن القوافي
عليك السلام ورحمةْ الله والرضوان
ياقلبن تعب وأخفى عن العالم أوجاعه يذوق الألم ومكابد الضيق والأحزان ولا يشتكي لو تلوي الضيقه ذراعه توشح بصبر أيّوب والصمت له عنوان ولا غيّرت ضيقات الأيام بـ طباعه سفر الدغيلبي |
رد: فوق هام السحب ( الشعر الشعبي) على متن القوافي
خلك خفيف النفس راقي وجذاب
لاتصير بعيون المخاليق عله اضحك وفرفش لكن بحب وآداب اعرف حدود المزح واعرف محله .... |
رد: فوق هام السحب ( الشعر الشعبي) على متن القوافي
إحرص على درب النقا والطهاره
فالآخره لامال ينفـع ولا جاه ودايم تذكر في حياتك عباره الآدمي مكتوب له كل ماجاه .... |
رد: فوق هام السحب ( الشعر الشعبي) على متن القوافي
لا يهمك كلّ نفسٍ لـ الجفا متجهه
القلوب الحانية وقت القسى معروفة والله انّ اللي يحبّك تعرفه من وجهه نظرته فيها حنان وبسمته مألوفة .... |
رد: فوق هام السحب ( الشعر الشعبي) على متن القوافي
يمناك لو خانت مع الوقت يسراك
محدٍ يسرك غير مدت يمينك لو تنبت الدنيا ذهب تحت ماطاك ماينفعك في الآخره غير دينك .... |
رد: فوق هام السحب ( الشعر الشعبي) على متن القوافي
أحيان أحس إني لو أغيب عادي
وأحيان أحس إنك تخاف الغيابات ماتشبه الا المجتمع في بلادي مايذكرون المبدع الا اذا مات .... |
رد: فوق هام السحب ( الشعر الشعبي) على متن القوافي
شخص ٍ تفرّد في حياته تِميّز
تنافس الأخلاق مع قمة الذوق اخذ مع الراقين لـ المجد حيّز مايلتفت في كل ضايع ومطفوق .... |
رد: فوق هام السحب ( الشعر الشعبي) على متن القوافي
الا يالله اني طالبن طاعتك ورضاك
وعلم ليا ذكروا هل الخير نذكر به انا في رجا عطفك وانا ملتجي لحماك تفرج هموم القلب يافارج الكربه .... |
رد: فوق هام السحب ( الشعر الشعبي) على متن القوافي
يا عالم الغيب و النيات سبحانك
رحمتك خير من الدنيا و ما فيها آسئلك يا رب توفيقـك وغفرانك و سعادة ما تخيب قلب راجيها ذائقة |
رد: فوق هام السحب ( الشعر الشعبي) على متن القوافي
استغفر الله كـل مـاخـاطـرك ضـاق
واستـغفـره لاصـار خـاطــرك رايـق استغفر الله تـفـتـح أبــواب الأرزاق وتـزيـل عن دربـك جميـع العـوايق لايصيرحبـل الوصل مع ربك دقاق تـراك مـاتـظـمـن حـيـاتـك دقـايـق حافظ على الدين وتعامل بالأخلاق واخـلـص بماتعمل لـرب الخـلايـق عوض السلات |
رد: فوق هام السحب ( الشعر الشعبي) على متن القوافي
يامدور الغلطه على شخص غافل
لابد من يومٍ يجي منك غلطات لاتحْسب أيامك بها العز حافل ماتصفي الدنيا على طول الاوقات أخشى الكريم اللي للارزاق كافل هو الذي خلاّق سبع السموات وخلك بدينك من هل الشر جافل أبليس من بين المخاليق مامات سعود الحربي |
رد: فوق هام السحب ( الشعر الشعبي) على متن القوافي
خلك على ماقيل رهن الاشاره
اليا نصاك اللي من القِلّ محتاج اطْلِقْ له حجاجك وحشِّم وقاره ولا تبدي اسراره على كل هراج صنايع المعروف ماهي خساره صنايع المعروف للـشّر مزلاج واعرف ترا الايام تاره وتاره ويـومٍ من الايام لابـد تحتاج قاسم الصالحي |
رد: فوق هام السحب ( الشعر الشعبي) على متن القوافي
تمر الليالي مسرعه بين امان وخوف
وحياة الفتى دايم بالاخطار محفوفه مايدفع خطرها غير صنائع المعروف الياء قدمتها يدك ماهي بمكشوفه م |
رد: فوق هام السحب ( الشعر الشعبي) على متن القوافي
حتى ولو غبت وراحت بك أعوام
مكانك بـ قلبي ولا أحدٍ يطوله حب الطفوله ما تغيّره الأيام وأصدق شعور الحب حب الطفوله .... |
| الساعة الآن 10:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية