رد: اخترنا لكم
 

مادامت مسلم تعبد الله وتخشاه
باقي الأمور الي في بالك يسيره

والعافية الي لقاها بدنياه
أنشهد أنها عند غيري كبيره

والله ولا مخلوق بالكون ينساه
حتى نضام الكون عنده يديره

.....

رد: اخترنا لكم
 

قلبٍ يعرف الصعب ويطول الاصعاب
‏ما ينكسر لو لاهب الوقت مسّه

‏أنا كبرت أكثر على كلمة عتاب
‏وعن رفع شيٍ بالأراضي مدسه

‏روحوا ولكن لا تقولون لي خاب
‏ما يخيب اللي يعرف قدر نفسه

.....

رد: اخترنا لكم
 

‏القلب سلمته لواحد من الناس
‏وماالله خلقلي في الجسد قلب ثاني

‏له المحبه والمشاعر والاحساس
‏وما تكتب يديني وينطق لساني

.....

رد: اخترنا لكم
 

يارب يامن في يدك طب الاجراح
اجبر خواطـر في الضماير نكيده

وافتــح لنا بالخيــر يا خيـر فتاح
فيك الامل يا الله وفيك العقيده

.....

رد: اخترنا لكم
 

‏ليش البشـر صارو غريبيـن الاطوار
وصـارو ابو وجهيــن مخلـص وبايق

من كثرهــم مقـدرت اميز بالانظار
ولااقدرت افرق بين كاذب وصادق

حتى الصديق اللي أعـــده للاخطار
واللي أضنه للصحـب شخص لايق

يتقـــــن ويتفنــن بتمثيــل الادوار
وفي طلتي صــادق وخلفـي منافق

.....

رد: اخترنا لكم
 

‏عسى خيـــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحـــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني

.....

رد: اخترنا لكم
 

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

.....

رد: اخترنا لكم
 

‏يا حبيــب الروح لاتهـمــــل ضياعي
عاشقـــك اصبـــح في الدنيا قطيع

صرت مثل اليخـت مقطوع الشراعي
تايهـــن دربه في البحـــــر الوسيع

ليت يا المحبــوب تصغي لاستماعي
قبـــل ماعقلي مــن الفرقى يضيع

لاتعـــــذبني بهجــــــــري وانقطاعي
يكفي ان القلب من هجرك وجيع

.....

رد: اخترنا لكم
 

‏إن كنت لي مشتاق شوقي لك اضعاف
وشوقي ضعـف شوقـك بعشرين مره

ياليت كان الشـــوق بالعيـــن ينشاف
كانك عرفت بكبــــر شوقـــي وقدره

ياخل شوقي لك قسـم ماله اوصاف
من غيبتــك قلبـــي تعــــذب بقهره

راعي شعـــورك لو مــن الله بتخاف
وارحم معـذب عاش دونك بحسره

.....

رد: اخترنا لكم
 

‏الناس مـن حـولك يشوفـوك مرتاح
ويحســدوا حظـــك اذا كنــت رايق

مايـدروا ان النفـــس مليانه اجراح
والقلـب من كثــر المواجيـع زاهق

حال البشر نظراتهم عكس ياصاح
مايشعــروا باللــي خفتـه الحقايق

يقيموا وضعك على ضحك وامزاح
ولو كان قلبك داخل الصدر ضايق

.....

رد: اخترنا لكم
 

‏ياعين نامـي مابقــى لك من الليل
لا تحتريــن اللي مـن الخلق ناموا

اظن مالك من وراهــم محاصيل
ولا ظنتي حســوا بشوقك وقاموا

ياشوق والله مابقـى داخلي حيل
من السهر واصــل عيوني تعاموا

.....

رد: اخترنا لكم
 

‏غـرامـك دم يسـري في عـروقـي
وباسمـك ينبـض الخافـق معـانـي

أنـا اللـي كثــر حبـي لــك أحبـك
أنـا اللـي فيـك مجنـــون وأنـانـي

.....

رد: اخترنا لكم
 

‏عاد المساء والقلب ينبض مساء خير
عســى يــدوم الخيــر دائــم عليكــم

والمعــــذره لــو تلمســوا أي تقصيــر
منــي فـانــا منكــم وعـائـــد إليكــــم

أسعد مساكم ماسبح بالسمـاء طيــر
يا من فــؤادي بالوفــــاء يحـتـويـكــم

.....

رد: اخترنا لكم
 

في غيابك من قصيده في قصيده
ودّي أنسى والقصايد تنتبهْ لك

كل مافتح بالخفا صفحه جديده
يرتسم وجهك عليها واتّجهْ لك

.....

رد: اخترنا لكم
 

إن كتبنا ما كتبنا إلا الفرايد
وإن صمتنا صمتنا عزه وشيمه

وإن وقفنا ما لنا موقف محايد
وإن صبرنا صبرنا روح العزيمه

وإن حظرنا ما حسبنا للشدايد
وإن غبنا ما نجيب إلا الغنيمه

ما تعودنا على غير العوايد
وماعرفنا غير الأعراف الكريمه

من خلال اضرارنا نكسب فوايد
ومن غضبنا نعرف الناس الحكيمه

ما ندوّر من وراء الجودات عايد
العطاء منهاج والنيه سليمه

.....

رد: اخترنا لكم
 

‏احفظي يا بيض الايام من يرعـى الجميل
لو نسـت ســود الليــالي خبيثين العمل

عادها الا يوم رســت على الوزن الثقيـل
با تبــرك من عنــاها جمل يدحـن جمل

الله اللي بايــده الامــر ما جهـده قــليل
عــادها ياهل المــواجيب با ترعى همل

علوي الباشا

رد: اخترنا لكم
 

تشاليت لكن الحمامه من الموذين
تجدد جروحي يوم تزهم خويتها

مقبل بن حربان

رد: اخترنا لكم
 

الناس ما خلقت لجل ترضي الناس
‏من دوّر رضاها يطيح بزعلها

.....

رد: اخترنا لكم
 

ترا اختلاف الناس نعمه على الناس
لو مجتمع فالناس دم ونسابه

الله مقسّم كل الارزاق بقياس
ماتبور سلعه والسلع ما اتشابه

.....

رد: اخترنا لكم
 

‏الصدق والإحساس والبوح والذوق
‏أربع لهن في داخل الخلق تشويـق

‏هذي تميز من بغى الحـب والشوق
‏وتغنيه عن باقى العرب والمخاليق

.....

رد: اخترنا لكم
 

‏يا عزة النفسِ كوني في العُلا قمراً
فالعيش دونكِ مثل الغُصنِ إن مالا

.....

رد: اخترنا لكم
 

أحلى القلوب اللي بها خشية الله
وأحلى الكلام اللي نقوله بذكره

وأجمل شعور اللي مع الله كله
وأجمل محبة حُب ربي وشكره

.....

رد: اخترنا لكم
 

مات الشغف والجرح بالقلب مامات
تو انتظـارك واللـيالي ممله

ارقب ظهورك كلما غبت با الذات
وكل غايب له مشاعر تدله

حاولت الملم من شتاتي لك اوقات
ياخل طبعك ماترفق بخله

ياما شكيتك جرح الاهمال بـساكات
وكل مره بسمتك تستغله

كم قلت لك كل الفرص لايدك جات
قلبي يحبك لاتحاول تذله

واهملـت ودي لين ما كل شـي فات
وانهيت فينا ماضي الحب كله

مات الهوى لخصت لك مجمل ابيات
من غاب لا يرجع يدور محله

.....

رد: اخترنا لكم
 

دام الأمل موجود لاتتبع الياس
وافتح مع الآمال صفحة جديدة

والضيق ما هو للمخاليق مقياس
كم ضايقن تصبح حياته سعيدة

.....

رد: اخترنا لكم
 

للساقطه لاقط وللطايله ذيب
وللدرب قصّاصه وللسيف سلّه

وللهرج ناس وللفعايل معازيب
واللي يبي درب المراجل يدّله

.....

رد: اخترنا لكم
 

طيّب المعدن مثل عودٍ معتّق
كل مازاد الزمن يزداد طيبه

.....

رد: اخترنا لكم
 

ياذيب ماكل المغازي عوافي
ولا كل يوم يدسم الدم نابك

مره تصيد وتاخذ الحق وافي
ومره يصير الصيد حضرت جنابك

.....

رد: اخترنا لكم
 

دنياك هاذي ماتجي لك على الكيف
لابد ماتخْدَعْك لوكنت معها

كم فرقت من بين ناسٍ مواليف
ولاطاوعت من هو بحبه تبعها

دنيا المآسي والألم والتكاليف
ياقل لذتها وماكثر وجعها

يالله عسى منها سلامه وتخفيف
ياباسطٍ سبعٍ وسبعٍ رفعها

.....

رد: اخترنا لكم
 

‏لاصارمالك من وراء الناس حاجه
مالك ومـال الخلق واللي يقولون

ريح ضميرك واطلب الله ونـاجه
وخل البشر للي خلق كامل الكـون

.....

رد: اخترنا لكم
 

ترى التواضع يجعل الشخص غالي
والكبر شين وعادته يقتل الحي

ناسن تشوف نفوسها بالعلالي
والواقع الملموس تطلع وﻻ شي

.....

رد: اخترنا لكم
 

عـمـرك الفايـت تـرا مالـه عـوض
والـحيـاة ايـام و الـدنيـا تـدور

وكل ماضاقت على صدرك تـوض
الصـلاة عـلاج ضيقـات الصـدور

.....

رد: اخترنا لكم
 

‏علم اللـي كل واحد مايشوف الثاني
ماتفيد العيشه اللـي ماوراها جمعه

يابنادم لـو يطـول العمر عمرك فـاني
كل عام يمرتطفي من سنينك شمعه

لو تـدورنـي بـعـد مـده ولا تـلقانـي
وش يفيدك بعد موتي لوتهل الدمعه

وان رحلنا ياعسانا نفوز بالأحساني
وياعسانا مانخلي غيرطيب السمعه

فهد الشبلي

رد: اخترنا لكم
 

‏لا صـار حظـك مـع غـلا الروح مـايل
‏اصبر على ظرف العنــــا يوم يشتد

‏لأن الأصــــــايل مـا تخـون الأصـايل
‏يـردهـــا طبـع الوفـــــــا منبـع الجد

.....

رد: اخترنا لكم
 

فنم قريرًا ولا تجْهد بنازلةٍ
فكل شيءٍ بلوح الله مكتوبُ

.....